ଲୁକ 14
14
ୱାହୁଜାମ୍ବା ୱାରାତାୱା ରଗୁଗାଟାଞ୍ଜିକି ନେହି କିଅନି
1ରଲି ଜିସୁ ୱାହୁଜାମ୍ବା ୱାରାତାୱା ତିନ୍ବା ଉନ୍ବା କିଅନ୍ ବାଗା ପାରୁସିଙ୍ଗ୍ତି ରଃଅଞ୍ଜି ଗାମିନାଞ୍ଜିତି ଇଡ୍ଡୁତାୱା ହାଲ୍ବନେଃଏ, ଏୱାରି ତାଙ୍ଗେ ନେହେନ୍ ହୁଡ଼ାନ୍ ବାସାଆତେରି । 2ଆଟେ ହୁଡ଼ାଟୁ, ଏୱାଞ୍ଜ୍ ନକେସ୍ ରଃଅଞ୍ଜି କାଟ୍କା କାସ୍କା ପ୍ରଗାୱିଆଚ୍ଚି ରଗୁଗାଟି କୁଏଞ୍ଜି ମାଚ୍ଚେଞ୍ଜି । 3ଏମ୍ୱାଟି ଜିସୁ ହାଜୁ ପୁତି ପୁନ୍ବନ୍ତାରି ଅଟେ ପାରୁସିଙ୍ଗ୍ନିକି ୱେସ୍ତେଞ୍ଜି, “ୱାହୁଜାମ୍ବା ୱାରାତାୱା ନେହି କିଅନ୍ ହାଜୁ ମାନ୍ନେ କି ଆଃଏ ?” ମତ୍ର ଏୱାରି ଡାମ୍ନା ବାସାଆତେରି ।
4ଆଟେ ଏୱାଞ୍ଜି ଏୱାଞ୍ଜିକି ଡିଗାନ୍ ନେହି କିତେଞ୍ଜି ଅଟେ ବଲା କିତେଞ୍ଜି । 5#ମାତି ୧୨:୧୧ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ମି ତାୱାଟି ଏମ୍ୱେ ତା ମ୍ରିଃଏଞ୍ଜି କି କଡି କୁଆତାୱା ତ୍ରଙ୍ଗିତେସି ଇନ୍ନା ତାଙ୍ଗେ ୱାହୁଜାମ୍ବା ୱାରାତାୱା ଏଚିୱାଡ଼େ ୱେଚ୍ଚେଞ୍ଜି ?” 6ଆଟେ ଏୱାରି ଇନ୍ନା ୱେସ୍ପନ୍ ମୁଃଆତେରି ।
ଜିସୁ ଲୁଙ୍ଗୁର୍ କୁଲାଟି ଗ୍ରାପନି
7ଆଟେ ଆର୍ପା ପାଁଣ୍ଡାନ୍ନି ଦାଲ୍ଲା ଇନିମିଡି ବେର୍ ବେର୍ ଗର୍ରି ଆଚି କିଚ୍ଚେରି, ଇଦା ହୁଡ଼ାନ୍ ଜିସୁ ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି, 8“ଏଚ୍ଚିକିଃଆ ନିନୁ ରଃଅଞ୍ଜି କୁଏଞ୍ଜ୍ତାୱାଟି ଆର୍ପା ପାଁଣ୍ଡାନ୍ ବିବା ବୁଜିଇନ୍ଦା ହାଜ୍ଜିଞ୍ଜି, ଏଚିତୁକାତାୱା ଏଦିମ୍ୱା ଗାମିନ୍ ଗର୍ରିତାୱା କଃକ୍କାଆ, କାଲେ ନି ତାୱାଟି ଗାମିନାରିନିକି ଏୱାଞ୍ଜି ଆର୍ଚାନ୍ନେଞ୍ଜି କିନାଙ୍ଗ୍, 9ଆଟେ ନିଙ୍ଗେ ଅଟେ ତାଙ୍ଗେ ଆର୍ପନ୍ତାଞ୍ଜି ୱାନ୍ ନିଙ୍ଗେ ୱେସ୍ତାନେଞ୍ଜି, ଇୱାଞ୍ଜିକି ଗର୍ରି ହିମୁ; ଏଚିତୁକାତାୱା ନିନୁ ଲେଜ୍ଜା ଆନାହି ନେତେ କପ୍କନ୍ ବାଗା ହାଜ୍ଜି । 10ଏଦାକି ଏଚ୍ଚିକିଃଆ ନିନୁ ଆର୍ପା ପାଁଣ୍ଡାନ୍ ହାଜ୍ଜିଞ୍ଜି, ଏଚିତୁକାତାୱା ନିନୁ ହାଜ୍ଜାନାହି ନେତେନ୍ ଗର୍ରିତାୱା କକ୍ମୁ, ଇନିସ୍କି ନିଙ୍ଗେ ଆର୍ଚାଞ୍ଜାନାଞ୍ଜି ୱେସ୍ତାନେଞ୍ଜି, ଏ ତଡ଼େ ଗାମିନ୍ ଗର୍ରିଇନ୍ଦା ୱାମୁ; ଏଚିତୁକାତାୱା ନି ଡ଼ାହି ବୁଜିତାୱା କକ୍ଚ୍ଚାନ୍ନି ହାବେ ଦାଲ୍ଲା ନକେସ୍ ନି ଗଉରବ ଆନେ । 11#ମାତି ୨୩:୧୨; ଲୁକ ୧୮:୧୪ଇନାକି ଏମ୍ୱେନାଞ୍ଜି ତା ଗାଣ୍ଡି ଗାମିନାନୁ ଇଞ୍ଜାନ୍ ତସ୍ପିନ୍ନେଞ୍ଜି, ଏୱାଞ୍ଜିକି ଡଟି କିୱା ଆନେ, ଅଟେ ଏମ୍ୱେନାଞ୍ଜି ତା ଗାଣ୍ଡି ଡଟି କିନେଞ୍ଜି, ଏୱାଞ୍ଜିକି ଗାମି କିୱା ଆନେ ।”
12ଆଟେ ଜିସୁ ଏୱାରିକି ଆର୍ଚାନ୍ନାଞ୍ଜିକି ୱେସ୍ତେଞ୍ଜି, ଜଦି ନିନୁ କାର୍ରାତ୍ କି ଡାଡ଼ିଙ୍ଗ୍ ବୁଜି ହିତେସି ନି ତଡ଼େଞ୍ଜିକି କି ଆମ୍ବେସ୍ନିକି କି କୁଟ୍ଟୁମ୍ ଦାଲ୍ଲାନିକି କି ଦନିଗାଟି ହଡ଼୍ଗି ଦାଲ୍ଲାନିକି ଆଃରାଆ, ଇନାକି ଏଚ୍ଚେକ୍ ଆତେସି ଏୱାରି ୱାଡ଼େ ନିଙ୍ଗେ ୱ୍ଡେପ୍ଚ୍ଚି ଆର୍ତାନେରି ଅଟେ ନିନୁ ନି ହିଆନ୍ନାଦା ପାଁଣ୍ଡି । 13ମତ୍ର ଏଚ୍ଚିକିଃଆ ବୁଜି କିଦି ଇଚ୍ଚେସି ପାଃନାନାରିନିକି, ଚୁଟାଗାଟାରିକି, ମେଟ୍ଲାଙ୍ଗ୍ଗାଟାରିକି ଅଟେ କାଡ଼ାଙ୍ଗ୍ଗାଟାରିକି ଆର୍ମୁ; 14ଏହେଙ୍ଗ୍ ଆତେସି ନିନୁ ମେଲା ପାଁଣ୍ଡି, ଇନାକି ନିଙ୍ଗେ ୱ୍ଡେପ୍ଚ୍ଚି ହିଅନ୍ ବାଗା ଏୱାରିକି ଇନ୍ନା ହେଃଲ୍ଲ; ଆଟେ ଦାର୍ମିକଙ୍ଗ୍ ନିମ୍ୱାନ୍ନିଙ୍ଗିନ୍ ତୁକାତାୱା ନିଙ୍ଗେ ୱ୍ଡେପ୍ଚ୍ଚି ହିୱା ଆନେ ।
ବେର୍ ବୁଜିତି ତୁକାଙ୍ଗାତା
(ମାତିଉ ୨୨:୧–୧୦)
15ଏଦା ୱେଞ୍ଜାନ୍ ଜିସୁ ଡ଼ାହି ଉନ୍ବନ୍ତାୱା କକ୍ଚାଚ୍ଚି ଦାଲ୍ଲା ତାୱାଟି ରଃଅଞ୍ଜି ଏୱାଞ୍ଜିକି ୱେସ୍ତେଞ୍ଜି, “ଇମ୍ୱିନ୍ କୁଏଞ୍ଜି ମୁଲାପେନୁତି ରାଜିତାୱା ବୁଜି ତିନେଞ୍ଜି, ଏୱାଞ୍ଜି ଦନ୍ୟ ।”
16ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଲି ବେର୍ ବୁଜି ହିଅନ୍ ବାଗା ହାମ୍ୱେର୍ କିଆନ୍, ଏଗେଲ୍ ଦାଲ୍ଲାନିକି ଆର୍ତେଞ୍ଜି ।” 17ଆଟେ ଉନ୍ବନ୍ତି ତୁକା ଆଅନେଃଏ, ଏୱାଞ୍ଜି ଆର୍ଚାଚ୍ଚି ଦାଲ୍ଲାନିକି “ମିରୁ ୱାଦୁ, ଇନାକି ହାବେ ହାମ୍ୱେର୍ ଆତୁଦେ” ଇଞ୍ଜାନ୍ ୱେସ୍ପନ୍ ବାଗା ତା କାମ୍ବାରେଏଞ୍ଜିକି ୱେସାନ୍ ପାଣ୍ଡିତେଞ୍ଜି । 18ମତ୍ର ଏ ଦାଲ୍ଲା ହାବେ ରଣ୍ଡା ମନଟି ଜିଗାନ୍ ୱେସ୍ପନ୍ ମ୍ରାସ୍ତେରି, କାହେତାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନାନୁ ରଣ୍ଡା ପାଙ୍ଗା କଡ୍ଡାମାଃଇ, ଏଦା ହୁଡ଼ନ୍ ବାଗା ହାଃଇ, ଏଦାକି ନାଙ୍ଗେ ମାକ୍ସାଡ଼ି କିଆମୁ । 19ଆଟେ ରଃଅଞ୍ଜି ୱେସ୍ତେଞ୍ଜି, ନାନୁ ସେ ପୁଁଣ୍ଡା ହେରୁ କଡିଙ୍ଗ୍ କଡ୍ଡାମାଃଇ, ନାନୁ ଏୱାତିଦି ମାସ୍ପନ୍ ବାଗା ହାଜ୍ଜିମାଃଇ; ଏଦାକି ଜିଗେଞ୍ଜା, ନାଙ୍ଗେ ମାକ୍ସାଡ଼ି କିଆମୁ । 20ବିହିତାଞ୍ଜି ୱେସ୍ତେଞ୍ଜି, ନାନୁ ପୁନେସ୍ ବିବା ଆମାଃଇ, ଏଦାକି ହାଲ୍ବନ୍ ମୁପେହେଃଲ୍ଲାନୁ ।
21ଆଟେ ଏ କାମ୍ୱାରେଏଞ୍ଜି ୱାନ୍ ତା ସକାରନିକି ଏୱା ହାବେ ୱେସ୍ତେଞ୍ଜି । ଏମ୍ୱାଟି ସକାରେଏଞ୍ଜି ରାଗା ଆନ୍ ତା କାମ୍ବାରେଏଞ୍ଜିକି ୱେସ୍ତେଞ୍ଜି, ୱିର୍ନା ହାଲ୍ମୁ, ନାଜୁ ଆଟେଲ୍କା ଆଟେ ପାଡ଼ାଙ୍ଗ୍ ଏସେନ୍ ମାନ୍ନି ପାଃନାନାରିନିକି, ଚୁଟାଗାଟାରିକି, ମେଟ୍ଲାଙ୍ଗ୍ଗାଟାରିକି ଅଟେ କାଡ଼ାଙ୍ଗ୍ଗାଟାରିକି ଇମ୍ୱା ଆର୍ଚାନ୍ ଅତାମୁ । 22ଏମ୍ୱାଟି ଏ କାମ୍ବାରେଏଞ୍ଜି ୱେସ୍ତେଞ୍ଜି, ଏ ଦାର୍ମୁ, ନିନୁ ୱେସ୍ତାତ୍ ଲାକ୍କାଟି ହାବେତ୍ କାମା କିୱାଆନ୍ନେ, ଆତେସ୍ୱାଡ଼େ ଗାପ୍ଚି ଦାଲ୍ଲା ବାଗା ଗର୍ରିଙ୍ଗ୍ ମାନ୍ନୁ । 23ଏମ୍ୱାଟି ସକାର ଏ କାମ୍ବାରେଏଞ୍ଜିକି ୱେସ୍ତେଞ୍ଜି, ଗାଡ଼ାନାଜୁତି କନ୍ନମୁଜ୍ଜୁଇନ୍ଦା ହାଜ୍ଜାନ୍ ଦାଲ୍ଲାନିକି ଆର୍ଚାନ୍ ତାଚ୍ଚିୱାଦୁ, ଇନିସ୍କି ନା ଇଡ୍ଡୁ ନେଞ୍ଜିନେ, ଏଦାବାଗା ଦାଲ୍ଲାନିକି ୱାଅନ୍ ବାଗା ୱେସ୍ମୁ । 24ଇନାକି ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ୱେସ୍ପିଞ୍ଜା, ଏ ଆର୍ଚାଚ୍ଚି ଦାଲ୍ଲା ତାୱାଟି ଏମ୍ୱେନାରି ନା ବୁଜି ୱାଣ୍ଡନ୍ ପାଃନେରି ।”
ଜିସୁତି ଗ୍ରାମ୍ବାଗାଟାଞ୍ଜି ଆଅନି
(ମାତିଉ ୧୦:୩୭–୩୮)
25ରନେସି ଗାପ୍ଚି ଦାଲ୍ଲା ଜିସୁ ଡ଼ାହି ହାଜ୍ଜିଚ୍ଚେରି, ଆଟେ ତାନୁ ମ୍ଲିଆନ୍ ଏୱାରିକି ୱେସ୍ତେଞ୍ଜି, 26#ମାତି ୧୦:୩୭ଏମ୍ୱେ ଏଚ୍ଚେକ୍ ନା ରେଃଏସ୍ ୱାନ୍ ତା ଆବା, ଇୟା, କୁଆଲୁ, ମ୍ରିକା, ଆମ୍ୱେସ୍ ଆଟେ ଆଙ୍ଗିସ୍କାନିକି, ଇହିଙ୍ଗିସିକି ତା ପରନ୍ତିଦି ୱାଡ଼େ ଜେଡା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି । 27#ମାତି ୧୦:୩୮; ୧୬:୨୪; ମାର୍କ ୮:୩୪; ଲୁକ ୯:୨୩ଆଟେ ଏମ୍ୱେନାଞ୍ଜିକି ତା କ୍ରୁସ ଡେକାନାହି ନା ବେତଟ୍ ୱାଃଏଞ୍ଜି, ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି ।
28ଜଦି ମି ତାୱାଟି ଏମ୍ୱେନାଞ୍ଜି କାପନ୍ତି ଇଡ୍ଡୁ କ୍ଲେହନ୍ ବାଗା ଜୁଜନା କିନ୍ନେଞ୍ଜି । ଏହେଙ୍ଗ୍ ଆତେସି କାହେ ଏୱାଞ୍ଜି କକ୍ଚ୍ଚାନାହି ଏଦାବାଗା ଏଚ୍ଚଡ଼୍ ଲେବୁଙ୍ଗ୍ ୱିହିନୁ ହିସାବ କିପାକାଞ୍ଜି ଅଟେ ୱିହି କିଅନ୍ତିକି ଲେବୁଙ୍ଗ୍ ପାଡ଼ି ଆନୁ କି ଆଃଏ ଏଦା ହୁଡ଼ାକାଞ୍ଜି ।
29କାଲେ ଏୱାଞ୍ଜି ପୁନ୍ନାଦି କିଆନ୍ ଇଡ୍ଡୁ ୱିହି କିଅନ୍ ମୁଃଆତେସି, ଏଚ୍ଚେ ଦାଲ୍ଲା ଏଦା ହୁଡ଼ିନେରି, ଏୱାରି ଏୱାଞ୍ଜିକି ଗେରୁ କିଆନ୍ ୱେସ୍ପନ୍ ମ୍ରାସ୍ତେରି, 30ଇ କୁଏଞ୍ଜି ଇଡ୍ଡୁ କ୍ଲେହନ୍ ମ୍ରାସାନାହି ୱିହି କିଅନ୍ ମୁଃଆତେଞ୍ଜି । 31ଜଦି ରଃଅଞ୍ଜି ରାଜେଞ୍ଜି ଦାସା ହଜାର୍ ସିପେଙ୍ଗ୍ ଅଆନ୍, କଡ଼େ ହଜାର୍ ସିପେଙ୍ଗ୍ ଆହାନ୍ ୱାଇନି ରାଜେଞ୍ଜ୍ତି ବିରୁଦିଆଟି ଜୁଦ୍ଦ କିଅନ୍ ବାଗା ହାଜ୍ଜିନ୍ନେଞ୍ଜି, ଇଚ୍ଚେସି, ଏ ରାଜେଞ୍ଜି ତା ଡ଼ାହି ଜୁଦ୍ଦ କିଅନ୍ ମୁଃଇ କି ଆଃଏ ଇଞ୍ଜାନ୍ କାହେ କକ୍ଚ୍ଚାନାହି ଏ କୁଲାଟି ଇନ୍ନା ଏଲୁ କିହେଃଲ୍ଲେଞ୍ଜି ? 32ଜଦି ମୁପେହେଃଲ୍ଲେଞ୍ଜି, ଇଚ୍ଚେସି ଏ ରାଜେଞ୍ଜି ଦେହା ମାନ୍ନି ତୁକାତାୱାନେଃଏ, ଏୱାଞ୍ଜି ତା ଦୁତଙ୍ଗ୍ନିକି ପାଣ୍ଡାନାହି ଆଡ୍ଡନ୍ ବାଗା ଜିଗେନ୍ନେଞ୍ଜି । 33ଏଚିଲାକ୍କା ମି ତାୱାଟି ଏମ୍ୱେନାଞ୍ଜି ତା ହାବେତ୍ କୁଲା ପିଃହେଞ୍ଜି, ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି ।
ନାଙ୍ଗୁହେଃଲ୍ଲାନ୍ ହାରୁ
(ମାତିଉ ୫:୧୩; ମାର୍କ ୯:୫୦)
34“ହାରୁ ତ ନେହାଦି; ମତ୍ର ଜଦି ହାରୁତି ନାଙ୍ଗୁ ବାସାଆଃଏ, ଇଚ୍ଚେସି ଏଦି ଇମ୍ୱିନାୱା ନାଙ୍ଗୁ କିୱା ଆନେ ? 35ଏଦି ୱିର୍ରା କି କତପୁଟା ବାଗା ୱାଡ଼େ ଜୁଗ୍ୟ ଆଃଏ; ଦାଲ୍ଲା ଏଦା କାଟ ତୁହ୍ପିନ୍ନେରି । ଇନ୍ଦାରିକି ୱେନ୍ବନ୍ ବାଗା କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।”
Iliyochaguliwa sasa
ଲୁକ 14: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 14
14
ୱାହୁଜାମ୍ବା ୱାରାତାୱା ରଗୁଗାଟାଞ୍ଜିକି ନେହି କିଅନି
1ରଲି ଜିସୁ ୱାହୁଜାମ୍ବା ୱାରାତାୱା ତିନ୍ବା ଉନ୍ବା କିଅନ୍ ବାଗା ପାରୁସିଙ୍ଗ୍ତି ରଃଅଞ୍ଜି ଗାମିନାଞ୍ଜିତି ଇଡ୍ଡୁତାୱା ହାଲ୍ବନେଃଏ, ଏୱାରି ତାଙ୍ଗେ ନେହେନ୍ ହୁଡ଼ାନ୍ ବାସାଆତେରି । 2ଆଟେ ହୁଡ଼ାଟୁ, ଏୱାଞ୍ଜ୍ ନକେସ୍ ରଃଅଞ୍ଜି କାଟ୍କା କାସ୍କା ପ୍ରଗାୱିଆଚ୍ଚି ରଗୁଗାଟି କୁଏଞ୍ଜି ମାଚ୍ଚେଞ୍ଜି । 3ଏମ୍ୱାଟି ଜିସୁ ହାଜୁ ପୁତି ପୁନ୍ବନ୍ତାରି ଅଟେ ପାରୁସିଙ୍ଗ୍ନିକି ୱେସ୍ତେଞ୍ଜି, “ୱାହୁଜାମ୍ବା ୱାରାତାୱା ନେହି କିଅନ୍ ହାଜୁ ମାନ୍ନେ କି ଆଃଏ ?” ମତ୍ର ଏୱାରି ଡାମ୍ନା ବାସାଆତେରି ।
4ଆଟେ ଏୱାଞ୍ଜି ଏୱାଞ୍ଜିକି ଡିଗାନ୍ ନେହି କିତେଞ୍ଜି ଅଟେ ବଲା କିତେଞ୍ଜି । 5#ମାତି ୧୨:୧୧ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ମି ତାୱାଟି ଏମ୍ୱେ ତା ମ୍ରିଃଏଞ୍ଜି କି କଡି କୁଆତାୱା ତ୍ରଙ୍ଗିତେସି ଇନ୍ନା ତାଙ୍ଗେ ୱାହୁଜାମ୍ବା ୱାରାତାୱା ଏଚିୱାଡ଼େ ୱେଚ୍ଚେଞ୍ଜି ?” 6ଆଟେ ଏୱାରି ଇନ୍ନା ୱେସ୍ପନ୍ ମୁଃଆତେରି ।
ଜିସୁ ଲୁଙ୍ଗୁର୍ କୁଲାଟି ଗ୍ରାପନି
7ଆଟେ ଆର୍ପା ପାଁଣ୍ଡାନ୍ନି ଦାଲ୍ଲା ଇନିମିଡି ବେର୍ ବେର୍ ଗର୍ରି ଆଚି କିଚ୍ଚେରି, ଇଦା ହୁଡ଼ାନ୍ ଜିସୁ ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି, 8“ଏଚ୍ଚିକିଃଆ ନିନୁ ରଃଅଞ୍ଜି କୁଏଞ୍ଜ୍ତାୱାଟି ଆର୍ପା ପାଁଣ୍ଡାନ୍ ବିବା ବୁଜିଇନ୍ଦା ହାଜ୍ଜିଞ୍ଜି, ଏଚିତୁକାତାୱା ଏଦିମ୍ୱା ଗାମିନ୍ ଗର୍ରିତାୱା କଃକ୍କାଆ, କାଲେ ନି ତାୱାଟି ଗାମିନାରିନିକି ଏୱାଞ୍ଜି ଆର୍ଚାନ୍ନେଞ୍ଜି କିନାଙ୍ଗ୍, 9ଆଟେ ନିଙ୍ଗେ ଅଟେ ତାଙ୍ଗେ ଆର୍ପନ୍ତାଞ୍ଜି ୱାନ୍ ନିଙ୍ଗେ ୱେସ୍ତାନେଞ୍ଜି, ଇୱାଞ୍ଜିକି ଗର୍ରି ହିମୁ; ଏଚିତୁକାତାୱା ନିନୁ ଲେଜ୍ଜା ଆନାହି ନେତେ କପ୍କନ୍ ବାଗା ହାଜ୍ଜି । 10ଏଦାକି ଏଚ୍ଚିକିଃଆ ନିନୁ ଆର୍ପା ପାଁଣ୍ଡାନ୍ ହାଜ୍ଜିଞ୍ଜି, ଏଚିତୁକାତାୱା ନିନୁ ହାଜ୍ଜାନାହି ନେତେନ୍ ଗର୍ରିତାୱା କକ୍ମୁ, ଇନିସ୍କି ନିଙ୍ଗେ ଆର୍ଚାଞ୍ଜାନାଞ୍ଜି ୱେସ୍ତାନେଞ୍ଜି, ଏ ତଡ଼େ ଗାମିନ୍ ଗର୍ରିଇନ୍ଦା ୱାମୁ; ଏଚିତୁକାତାୱା ନି ଡ଼ାହି ବୁଜିତାୱା କକ୍ଚ୍ଚାନ୍ନି ହାବେ ଦାଲ୍ଲା ନକେସ୍ ନି ଗଉରବ ଆନେ । 11#ମାତି ୨୩:୧୨; ଲୁକ ୧୮:୧୪ଇନାକି ଏମ୍ୱେନାଞ୍ଜି ତା ଗାଣ୍ଡି ଗାମିନାନୁ ଇଞ୍ଜାନ୍ ତସ୍ପିନ୍ନେଞ୍ଜି, ଏୱାଞ୍ଜିକି ଡଟି କିୱା ଆନେ, ଅଟେ ଏମ୍ୱେନାଞ୍ଜି ତା ଗାଣ୍ଡି ଡଟି କିନେଞ୍ଜି, ଏୱାଞ୍ଜିକି ଗାମି କିୱା ଆନେ ।”
12ଆଟେ ଜିସୁ ଏୱାରିକି ଆର୍ଚାନ୍ନାଞ୍ଜିକି ୱେସ୍ତେଞ୍ଜି, ଜଦି ନିନୁ କାର୍ରାତ୍ କି ଡାଡ଼ିଙ୍ଗ୍ ବୁଜି ହିତେସି ନି ତଡ଼େଞ୍ଜିକି କି ଆମ୍ବେସ୍ନିକି କି କୁଟ୍ଟୁମ୍ ଦାଲ୍ଲାନିକି କି ଦନିଗାଟି ହଡ଼୍ଗି ଦାଲ୍ଲାନିକି ଆଃରାଆ, ଇନାକି ଏଚ୍ଚେକ୍ ଆତେସି ଏୱାରି ୱାଡ଼େ ନିଙ୍ଗେ ୱ୍ଡେପ୍ଚ୍ଚି ଆର୍ତାନେରି ଅଟେ ନିନୁ ନି ହିଆନ୍ନାଦା ପାଁଣ୍ଡି । 13ମତ୍ର ଏଚ୍ଚିକିଃଆ ବୁଜି କିଦି ଇଚ୍ଚେସି ପାଃନାନାରିନିକି, ଚୁଟାଗାଟାରିକି, ମେଟ୍ଲାଙ୍ଗ୍ଗାଟାରିକି ଅଟେ କାଡ଼ାଙ୍ଗ୍ଗାଟାରିକି ଆର୍ମୁ; 14ଏହେଙ୍ଗ୍ ଆତେସି ନିନୁ ମେଲା ପାଁଣ୍ଡି, ଇନାକି ନିଙ୍ଗେ ୱ୍ଡେପ୍ଚ୍ଚି ହିଅନ୍ ବାଗା ଏୱାରିକି ଇନ୍ନା ହେଃଲ୍ଲ; ଆଟେ ଦାର୍ମିକଙ୍ଗ୍ ନିମ୍ୱାନ୍ନିଙ୍ଗିନ୍ ତୁକାତାୱା ନିଙ୍ଗେ ୱ୍ଡେପ୍ଚ୍ଚି ହିୱା ଆନେ ।
ବେର୍ ବୁଜିତି ତୁକାଙ୍ଗାତା
(ମାତିଉ ୨୨:୧–୧୦)
15ଏଦା ୱେଞ୍ଜାନ୍ ଜିସୁ ଡ଼ାହି ଉନ୍ବନ୍ତାୱା କକ୍ଚାଚ୍ଚି ଦାଲ୍ଲା ତାୱାଟି ରଃଅଞ୍ଜି ଏୱାଞ୍ଜିକି ୱେସ୍ତେଞ୍ଜି, “ଇମ୍ୱିନ୍ କୁଏଞ୍ଜି ମୁଲାପେନୁତି ରାଜିତାୱା ବୁଜି ତିନେଞ୍ଜି, ଏୱାଞ୍ଜି ଦନ୍ୟ ।”
16ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଲି ବେର୍ ବୁଜି ହିଅନ୍ ବାଗା ହାମ୍ୱେର୍ କିଆନ୍, ଏଗେଲ୍ ଦାଲ୍ଲାନିକି ଆର୍ତେଞ୍ଜି ।” 17ଆଟେ ଉନ୍ବନ୍ତି ତୁକା ଆଅନେଃଏ, ଏୱାଞ୍ଜି ଆର୍ଚାଚ୍ଚି ଦାଲ୍ଲାନିକି “ମିରୁ ୱାଦୁ, ଇନାକି ହାବେ ହାମ୍ୱେର୍ ଆତୁଦେ” ଇଞ୍ଜାନ୍ ୱେସ୍ପନ୍ ବାଗା ତା କାମ୍ବାରେଏଞ୍ଜିକି ୱେସାନ୍ ପାଣ୍ଡିତେଞ୍ଜି । 18ମତ୍ର ଏ ଦାଲ୍ଲା ହାବେ ରଣ୍ଡା ମନଟି ଜିଗାନ୍ ୱେସ୍ପନ୍ ମ୍ରାସ୍ତେରି, କାହେତାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନାନୁ ରଣ୍ଡା ପାଙ୍ଗା କଡ୍ଡାମାଃଇ, ଏଦା ହୁଡ଼ନ୍ ବାଗା ହାଃଇ, ଏଦାକି ନାଙ୍ଗେ ମାକ୍ସାଡ଼ି କିଆମୁ । 19ଆଟେ ରଃଅଞ୍ଜି ୱେସ୍ତେଞ୍ଜି, ନାନୁ ସେ ପୁଁଣ୍ଡା ହେରୁ କଡିଙ୍ଗ୍ କଡ୍ଡାମାଃଇ, ନାନୁ ଏୱାତିଦି ମାସ୍ପନ୍ ବାଗା ହାଜ୍ଜିମାଃଇ; ଏଦାକି ଜିଗେଞ୍ଜା, ନାଙ୍ଗେ ମାକ୍ସାଡ଼ି କିଆମୁ । 20ବିହିତାଞ୍ଜି ୱେସ୍ତେଞ୍ଜି, ନାନୁ ପୁନେସ୍ ବିବା ଆମାଃଇ, ଏଦାକି ହାଲ୍ବନ୍ ମୁପେହେଃଲ୍ଲାନୁ ।
21ଆଟେ ଏ କାମ୍ୱାରେଏଞ୍ଜି ୱାନ୍ ତା ସକାରନିକି ଏୱା ହାବେ ୱେସ୍ତେଞ୍ଜି । ଏମ୍ୱାଟି ସକାରେଏଞ୍ଜି ରାଗା ଆନ୍ ତା କାମ୍ବାରେଏଞ୍ଜିକି ୱେସ୍ତେଞ୍ଜି, ୱିର୍ନା ହାଲ୍ମୁ, ନାଜୁ ଆଟେଲ୍କା ଆଟେ ପାଡ଼ାଙ୍ଗ୍ ଏସେନ୍ ମାନ୍ନି ପାଃନାନାରିନିକି, ଚୁଟାଗାଟାରିକି, ମେଟ୍ଲାଙ୍ଗ୍ଗାଟାରିକି ଅଟେ କାଡ଼ାଙ୍ଗ୍ଗାଟାରିକି ଇମ୍ୱା ଆର୍ଚାନ୍ ଅତାମୁ । 22ଏମ୍ୱାଟି ଏ କାମ୍ବାରେଏଞ୍ଜି ୱେସ୍ତେଞ୍ଜି, ଏ ଦାର୍ମୁ, ନିନୁ ୱେସ୍ତାତ୍ ଲାକ୍କାଟି ହାବେତ୍ କାମା କିୱାଆନ୍ନେ, ଆତେସ୍ୱାଡ଼େ ଗାପ୍ଚି ଦାଲ୍ଲା ବାଗା ଗର୍ରିଙ୍ଗ୍ ମାନ୍ନୁ । 23ଏମ୍ୱାଟି ସକାର ଏ କାମ୍ବାରେଏଞ୍ଜିକି ୱେସ୍ତେଞ୍ଜି, ଗାଡ଼ାନାଜୁତି କନ୍ନମୁଜ୍ଜୁଇନ୍ଦା ହାଜ୍ଜାନ୍ ଦାଲ୍ଲାନିକି ଆର୍ଚାନ୍ ତାଚ୍ଚିୱାଦୁ, ଇନିସ୍କି ନା ଇଡ୍ଡୁ ନେଞ୍ଜିନେ, ଏଦାବାଗା ଦାଲ୍ଲାନିକି ୱାଅନ୍ ବାଗା ୱେସ୍ମୁ । 24ଇନାକି ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ୱେସ୍ପିଞ୍ଜା, ଏ ଆର୍ଚାଚ୍ଚି ଦାଲ୍ଲା ତାୱାଟି ଏମ୍ୱେନାରି ନା ବୁଜି ୱାଣ୍ଡନ୍ ପାଃନେରି ।”
ଜିସୁତି ଗ୍ରାମ୍ବାଗାଟାଞ୍ଜି ଆଅନି
(ମାତିଉ ୧୦:୩୭–୩୮)
25ରନେସି ଗାପ୍ଚି ଦାଲ୍ଲା ଜିସୁ ଡ଼ାହି ହାଜ୍ଜିଚ୍ଚେରି, ଆଟେ ତାନୁ ମ୍ଲିଆନ୍ ଏୱାରିକି ୱେସ୍ତେଞ୍ଜି, 26#ମାତି ୧୦:୩୭ଏମ୍ୱେ ଏଚ୍ଚେକ୍ ନା ରେଃଏସ୍ ୱାନ୍ ତା ଆବା, ଇୟା, କୁଆଲୁ, ମ୍ରିକା, ଆମ୍ୱେସ୍ ଆଟେ ଆଙ୍ଗିସ୍କାନିକି, ଇହିଙ୍ଗିସିକି ତା ପରନ୍ତିଦି ୱାଡ଼େ ଜେଡା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି । 27#ମାତି ୧୦:୩୮; ୧୬:୨୪; ମାର୍କ ୮:୩୪; ଲୁକ ୯:୨୩ଆଟେ ଏମ୍ୱେନାଞ୍ଜିକି ତା କ୍ରୁସ ଡେକାନାହି ନା ବେତଟ୍ ୱାଃଏଞ୍ଜି, ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି ।
28ଜଦି ମି ତାୱାଟି ଏମ୍ୱେନାଞ୍ଜି କାପନ୍ତି ଇଡ୍ଡୁ କ୍ଲେହନ୍ ବାଗା ଜୁଜନା କିନ୍ନେଞ୍ଜି । ଏହେଙ୍ଗ୍ ଆତେସି କାହେ ଏୱାଞ୍ଜି କକ୍ଚ୍ଚାନାହି ଏଦାବାଗା ଏଚ୍ଚଡ଼୍ ଲେବୁଙ୍ଗ୍ ୱିହିନୁ ହିସାବ କିପାକାଞ୍ଜି ଅଟେ ୱିହି କିଅନ୍ତିକି ଲେବୁଙ୍ଗ୍ ପାଡ଼ି ଆନୁ କି ଆଃଏ ଏଦା ହୁଡ଼ାକାଞ୍ଜି ।
29କାଲେ ଏୱାଞ୍ଜି ପୁନ୍ନାଦି କିଆନ୍ ଇଡ୍ଡୁ ୱିହି କିଅନ୍ ମୁଃଆତେସି, ଏଚ୍ଚେ ଦାଲ୍ଲା ଏଦା ହୁଡ଼ିନେରି, ଏୱାରି ଏୱାଞ୍ଜିକି ଗେରୁ କିଆନ୍ ୱେସ୍ପନ୍ ମ୍ରାସ୍ତେରି, 30ଇ କୁଏଞ୍ଜି ଇଡ୍ଡୁ କ୍ଲେହନ୍ ମ୍ରାସାନାହି ୱିହି କିଅନ୍ ମୁଃଆତେଞ୍ଜି । 31ଜଦି ରଃଅଞ୍ଜି ରାଜେଞ୍ଜି ଦାସା ହଜାର୍ ସିପେଙ୍ଗ୍ ଅଆନ୍, କଡ଼େ ହଜାର୍ ସିପେଙ୍ଗ୍ ଆହାନ୍ ୱାଇନି ରାଜେଞ୍ଜ୍ତି ବିରୁଦିଆଟି ଜୁଦ୍ଦ କିଅନ୍ ବାଗା ହାଜ୍ଜିନ୍ନେଞ୍ଜି, ଇଚ୍ଚେସି, ଏ ରାଜେଞ୍ଜି ତା ଡ଼ାହି ଜୁଦ୍ଦ କିଅନ୍ ମୁଃଇ କି ଆଃଏ ଇଞ୍ଜାନ୍ କାହେ କକ୍ଚ୍ଚାନାହି ଏ କୁଲାଟି ଇନ୍ନା ଏଲୁ କିହେଃଲ୍ଲେଞ୍ଜି ? 32ଜଦି ମୁପେହେଃଲ୍ଲେଞ୍ଜି, ଇଚ୍ଚେସି ଏ ରାଜେଞ୍ଜି ଦେହା ମାନ୍ନି ତୁକାତାୱାନେଃଏ, ଏୱାଞ୍ଜି ତା ଦୁତଙ୍ଗ୍ନିକି ପାଣ୍ଡାନାହି ଆଡ୍ଡନ୍ ବାଗା ଜିଗେନ୍ନେଞ୍ଜି । 33ଏଚିଲାକ୍କା ମି ତାୱାଟି ଏମ୍ୱେନାଞ୍ଜି ତା ହାବେତ୍ କୁଲା ପିଃହେଞ୍ଜି, ଏୱାଞ୍ଜି ନା ଗ୍ରାମ୍ୱାଗାଟାଞ୍ଜି ଆଅନ୍ ମୁଃଏଞ୍ଜି ।
ନାଙ୍ଗୁହେଃଲ୍ଲାନ୍ ହାରୁ
(ମାତିଉ ୫:୧୩; ମାର୍କ ୯:୫୦)
34“ହାରୁ ତ ନେହାଦି; ମତ୍ର ଜଦି ହାରୁତି ନାଙ୍ଗୁ ବାସାଆଃଏ, ଇଚ୍ଚେସି ଏଦି ଇମ୍ୱିନାୱା ନାଙ୍ଗୁ କିୱା ଆନେ ? 35ଏଦି ୱିର୍ରା କି କତପୁଟା ବାଗା ୱାଡ଼େ ଜୁଗ୍ୟ ଆଃଏ; ଦାଲ୍ଲା ଏଦା କାଟ ତୁହ୍ପିନ୍ନେରି । ଇନ୍ଦାରିକି ୱେନ୍ବନ୍ ବାଗା କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0