ଜହନ 15
15
ଜିସୁ ନିଜ୍ଜା ଅଙ୍ଗୁରମାଲା
1ନାନୁ ନିଜ୍ଜା ଅଙ୍ଗୁରମାଲା ଅଟେ ନା ଆବା କାମା କିଅନ୍ତାଞ୍ଜି । 2ଇମ୍ୱିନ୍ କାମ୍ୱା କାଉ ଆଃଗେଏ, ଏଦା ଏୱାଞ୍ଜି କାତିନେଞ୍ଜି; ଆଟେ ଇମ୍ୱିନ୍ କାମ୍ୱା କାଉ ଆଗିନେ, ଏଗେଲ୍ କାଉ ଆଗନ୍ ବାଗାଟି ଏୱାଞ୍ଜି ଏଦା ଡ଼ସ୍ନେଞ୍ଜି । 3ନାନୁ ମିଙ୍ଗେ ଇମ୍ୱିନ୍ ବାକ୍ୟ ୱେସାଞ୍ଜା, ଏଦାବାଗା ମିରୁ ପିର୍ନା ଅଡ୍ଡାଞ୍ଜେରି । 4ନା ଡ଼ାହି ମାଞ୍ଜୁ, ଆଟେ ନାନୁ ମି ଡ଼ାହି ବାସାଆଃଇ । କାମ୍ୱା ଇନିସ୍ ଅଙ୍ଗୁରମାଲା ଡ଼ାହି ବାସାଆଃଆତେସି କାଉ ଆଗନ୍ ମୁପେହେଃଲ୍ଲେଏ, ଏହେଙ୍ଗିସି ମିରୁ ୱାଡ଼େ ନା ଡ଼ାହି ବାସାଆଃଆତେସି କାଉ ଆଗନ୍ ମୁଃଏରି ।
5ନାନୁ ଅଙ୍ଗୁରମାଲା, ମିରୁ କାମ୍ୱାଙ୍ଗ୍, ଏମ୍ୱେନାଞ୍ଜି ନା ଡ଼ାହି ବାସାଆନେଞ୍ଜି ଆଟେ ନାନୁ ଇନ୍ଦାର୍ ଡ଼ାହି ବାସାଆଃଇ, ଏୱାଞ୍ଜି ଏଗେଲ୍ କାଉ ଆଗିନେଞ୍ଜି; ଇନାକି ନାନୁ ଆଃଆତେସି ମିରୁ ଇନ୍ନା କିଅନ୍ ମୁଃଏରି । 6ଏମ୍ୱେନାଞ୍ଜି ଜଦି ନା ଡ଼ାହି ବାସାଆଃଏଞ୍ଜି, ଏହେଙ୍ଗ୍ ଆତେସି କାମ୍ୱା ଡେହେଙ୍ଗ୍ କାଟ ତୁହ୍ପାଆନେ ଅଟେ ୱାଚ୍ଚିନେଞ୍ଜି ଆଟେ ଏୱା ହାବେ ରପାଟ୍ଟେ କିଆନ୍ ନାଡ଼ିତାୱା କୁମ୍ୱିନେରି ଆଟେ ଏୱା ହାବେ ୱେନୁ । 7ଜଦି ମିରୁ ନା ଡ଼ାହି ବାସାଆଦେରି, ଆଟେ ନା ବାକ୍ୟ ମି ତାୱା ବାସାଆଇନେ, ଏହେଙ୍ଗ୍ ଆତେସି ଇମ୍ୱିନାଦା ମନ କିଞ୍ଜେରି ଏଦା ୱ୍ରିହ୍ତାଟୁ, ଆଟେ ମି ବାଗା ଏଦି ସପଲ ଆନେ । 8ମିରୁ ଏଗେଲ୍ କାଉ ଆଗିତେସି ନା ଆବା ରାହାଙ୍ଗ୍ ଆନେଞ୍ଜି, ଆଟେ ମିରୁ ନିଜ୍ଜାନେଃଏ ନା ଗ୍ରାମ୍ୱାଗାଟାତାତେରି ଆଦେରି ।
9ଆବା ଇନିମିଡି ନାଙ୍ଗେ ଜେଡା କିଆଞ୍ଜାନେଞ୍ଜି, ନାନୁ ୱାଡ଼େ ମିଙ୍ଗେ ଏହେଙ୍ଗିସି ଜେଡା କିଆଞ୍ଜା ନା ଜେଡା ଡ଼ାହି ବାସାଆଦୁ । 10ନାନୁ ଇନିସ୍ ନା ଆବାତି ଆଗ୍ୟାଁ ପାଲ୍ନି ଆନ୍ ଏୱାଞ୍ଜ୍ତି ଜେଡା ଡ଼ାହି ମାଞ୍ଜିମାଃଇ, ମିରୁ ୱାଡ଼େ ନା ଆଗ୍ୟାଁ ପାଲ୍ନି ଆଦେରି, ଏହେଙ୍ଗ୍ ଆତେସି ନା ଜେଡା ଡ଼ାହି ରଞ୍ଜାନ୍ ବାସାଆଦେରି । 11ମିରୁ ନା ରାହାଙ୍ଗ୍ ପାଁଣ୍ଡାନ୍ ଇନିସ୍ ଗାପ୍ଚି ରାହାଙ୍ଗ୍ଟି ନେଞ୍ଜିଦେରି, ଇଦାବାଗା ନାନୁ ଇୱାହାବେ ମିଙ୍ଗେ ୱେସ୍ତାତେଃଏ । 12#ଜହ ୧୩:୩୪; ୧୫:୧୭; ୧ଜହ ୩:୨୩; ୨ ଜହ ୧:୫ନାନୁ ଇନିସ୍ ମିଙ୍ଗେ ଜେଡା କିଆଞ୍ଜା, ଏହେଙ୍ଗିସି ମିରୁ ମିରୁ ଜେଡାଟି ବାସାଆଦୁ, ଇଦି ନା ଆଗ୍ୟାଁ । 13ରଃଅଞ୍ଜି ତା ତଡ଼େଙ୍ଗ୍ ବାଗାଟି ତା ପରନ୍ ହିଅନ୍ତାୱାଟି ଆଟେ ଏଗେଲ୍ ଗାମିନ୍ ଜେଡା ହେଃଲ୍ଲେଏ । 14ନାନୁ ମିଙ୍ଗେ ଇମ୍ୱିନ୍ ଆଦେସ୍ ହିଆଞ୍ଜା, ଏଦା ଜଦି ପାଲ୍ନି ଆଦେରି, ଇଚ୍ଚେସି ମିରୁ ନା ତଡ଼େଙ୍ଗ୍ ଆଦେରି । 15ନାନୁ ଆଟେ ମିଙ୍ଗେ କାମ୍ବାରାଙ୍ଗା ଇଞ୍ଜାନ୍ ୱେସ୍ପେହେଲ୍ଲାଦାଃଏନୁ, ଇନାକି ସକାର ଇନ୍ନା କିନ୍ନେଞ୍ଜି, କାମ୍ବାରେଏଞ୍ଜି ଏଦା ପୁଞ୍ଜେହେଃଲ୍ଲେଞ୍ଜି, ମତ୍ର ନାନୁ ମିଙ୍ଗେ ତଡ଼େଙ୍ଗ୍ ଇଞ୍ଜାନ୍ ୱେସ୍ପିଞ୍ଜା, ଇନାକି ନାନୁ ନା ଆବାତାୱାଟି ଇନ୍ନା ଇନ୍ନା ୱେଞ୍ଜାମାଃଇ, ଏୱା ହାବେ ମିଙ୍ଗେ ୱେସାଞ୍ଜା । 16ମିରୁ ନାଙ୍ଗେ ଆଚି କିଆହେଲ୍ଲାଦାଃଏରି, ମତ୍ର ନାନୁ ମିଙ୍ଗେ ଆଚି କିଆଞ୍ଜା, ଆଟେ ମିରୁ ଇନିସ୍କି ହାଜ୍ଜାନ୍ କାଉ ଆଗିଦେରି ଆଟେ ଏ କାଉ ହାବେ ୱେଲା ମି ତାୱା ବାସାଆନେ, ଇଦାବାଗା ମିଙ୍ଗେ ଆଚି କିଆଞ୍ଜା । ଏମ୍ବାଟି ମିରୁ ନା ପାରୁଟି ଆବାନିକି ଇନ୍ନା ହାବେ ୱ୍ରିହ୍ଦେରି, ଏୱାଞ୍ଜି ଏୱା ମିଙ୍ଗେ ହିଆନେଞ୍ଜି; 17ମିରୁ ଇନିସ୍କି ମିରୁ ମିରୁ ଜେଡାଟି ବାସାଆଦେରି, ଇଦାକି ନାନୁ ମିଙ୍ଗେ ଇ ହାବେ ଆଦେସ୍ ହିଞ୍ଜା ।
ପୁର୍ତି ମାଞ୍ଜାଡ଼ିଗାଟାରିକି ସ୍ରିଞ୍ଜନ୍ତି କୁଲାଟି ଜିସୁ ୱେସ୍ପନ୍
18ଜଦି ପୁର୍ତି ମିଙ୍ଗେ ସ୍ରିଞ୍ଜେଞ୍ଜାନ୍ନେ, ଏହେଙ୍ଗ୍ ଆତେସି ମିଙ୍ଗେ ସ୍ରିଞ୍ଜନ୍ତି କାହେ ଏଦି ନାଙ୍ଗେ ସ୍ରିଞ୍ଜାଞ୍ଜାନେ, ଇଦା ମିରୁ ପୁଞ୍ଜୁ । 19ଜଦି ମିରୁ ପୁର୍ତିତାତେରି ଆଞ୍ଜେର୍ମା, ଇଚ୍ଚେସି ପୁର୍ତି ମିଙ୍ଗେ ତା ଦାଲ୍ଲା ଇଞ୍ଜାନ୍ ଜେଡା କିଆଞ୍ଜାନ୍ମା; ମତ୍ର ମିରୁ ପୁର୍ତିତାତେରି ଆଃଏ । ନାନୁ ମିଙ୍ଗେ ପୁର୍ତିତାୱାଟି ଆଚି କିଆଞ୍ଜା, ଇଦାବାଗା ପୁର୍ତି ମିଙ୍ଗେ ସ୍ରିଞ୍ଜେଞ୍ଜାନ୍ନେ । 20#ମାତି ୧୦:୨୪; ଲୁକ ୬:୪୦; ଜହ ୧୩:୧୬କାମ୍ବାରେଏଞ୍ଜି ତା ସକାରତାୱାଟି ବେର୍ରାନାଞ୍ଜି ଆଃଏ, ନାନୁ ମିଙ୍ଗେ ଇ ଇମ୍ୱିନ୍ କାତା ୱେସାଞ୍ଜା, ଏଦା ଏଲୁ କିଦୁ । ଜଦି ଏୱାରି ନାଙ୍ଗେ କସ୍ଟ ହିଆଞ୍ଜାନେରି, ଏହେଙ୍ଗ୍ ଆତେସି ମିଙ୍ଗେ ୱାଡ଼େ କସ୍ଟ ହିଆନେରି; ଜଦି ଏୱାରି ନା କାତା ପାଲ୍ନି ଆନ୍ନେରି, ଏହେଙ୍ଗ୍ ଆତେସି ମି କାତା ୱାଡ଼େ ପାଲ୍ନି ଆନେରି । 21ମତ୍ର ଏୱାରି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ପୁଞ୍ଜାହେଃଲ୍ଲାନ୍ ବାଗା ନା ପାରୁଟି ମି ପାଟ୍ଟି ଇୱାହାବେ କିଆନେରି । 22ଜଦି ନାନୁ ୱାନ୍ ଏୱାରିକି ୱେସାହେଃଲ୍ଲାତେସି, ଏୱାର୍ତି ପାପ ଆଃଏମା; ମତ୍ର ହାଦାଡ଼ି ଏୱାର୍ତି ପାପ କୁଲାଟି ଏୱାରି ଇନିସ୍ ଆତେସ୍ୱାଡ଼େ ଜ୍ଡିଅନ୍ ମୁଃଏରି । 23ଏମ୍ୱେନାଞ୍ଜି ନାଙ୍ଗେ ସ୍ରିଞ୍ଜେଞ୍ଜାନେଞ୍ଜି, ଏୱାଞ୍ଜି ନା ଆବାନିକି ୱାଡ଼େ ସ୍ରିଞ୍ଜେନ୍ନେଞ୍ଜି । 24ଇମ୍ୱିନ୍ କାମା ହାବେ ଆଟେ ଏମ୍ୱେ କିଆହେଃଲ୍ଲେ, ନାନୁ ଜଦି ଏୱା ହାବେ ଏୱାର୍ ପାଟ୍ଟି କିଆହେଃଲ୍ଲେନ୍ମା, ଏହେଙ୍ଗ୍ ଆତେସି ଏୱାର୍ତି ପାପ ଆଃଏମା; ମତ୍ର ଏୱାରି ହାଦାଡ଼ି ଏ କାମା ହୁଡ଼ାନ୍ନେରି, ଆତେସ୍ୱାଡ଼େ ନାଙ୍ଗେ ଅଟେ ନା ଆବାନିକି ସ୍ରିଞ୍ଜେଞ୍ଜାନେରି । 25ମତ୍ର ଏୱାରି ବାଃଏୱାଡ଼େ ନାଙ୍ଗେ ସ୍ରିଞ୍ଜାଦାତେରି, ଏୱାର୍ତି ହାଜୁତାୱା ୱ୍ରିଗାନ୍ନି ଇ ବାକ୍ୟ ଇନିସ୍କି ସପଲ ଆନେ, ଏଦାବାଗା ଇହିଙ୍ଗିସି ଗଟି ଆଇନେ ।
26ନାନୁ ଆବାତାୱାଟି ମି ରେଃଏସ୍ ଇମ୍ୱିନ୍ ସାହାଜ୍ୟ କିଅନ୍ତାଞ୍ଜିନିକି ପାଣ୍ଡିଦାଃଇ, ଏ ସାହାଜ୍ୟକିଅନ୍ତାଞ୍ଜି ନିଜ୍ଜା ଡିଙ୍ଗା । ଏୱାଞ୍ଜି ଆବାତାୱାଟି ୱାଇନେଞ୍ଜି, ଏୱାଞ୍ଜି ଏଚ୍ଚିକିଃଆ ୱାନେଞ୍ଜି ନା କୁଲାଟି ସାକ୍ୟ ହିଆନେଞ୍ଜି । 27ମିରୁ ୱାଡ଼େ ନା କୁଲାଟି ୱେସ୍ଦେରି, ଇନାକି ମିରୁ କାହେଟେଃଏ ନା ଡ଼ାହି ମାଞ୍ଜେରି ।
Iliyochaguliwa sasa
ଜହନ 15: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 15
15
ଜିସୁ ନିଜ୍ଜା ଅଙ୍ଗୁରମାଲା
1ନାନୁ ନିଜ୍ଜା ଅଙ୍ଗୁରମାଲା ଅଟେ ନା ଆବା କାମା କିଅନ୍ତାଞ୍ଜି । 2ଇମ୍ୱିନ୍ କାମ୍ୱା କାଉ ଆଃଗେଏ, ଏଦା ଏୱାଞ୍ଜି କାତିନେଞ୍ଜି; ଆଟେ ଇମ୍ୱିନ୍ କାମ୍ୱା କାଉ ଆଗିନେ, ଏଗେଲ୍ କାଉ ଆଗନ୍ ବାଗାଟି ଏୱାଞ୍ଜି ଏଦା ଡ଼ସ୍ନେଞ୍ଜି । 3ନାନୁ ମିଙ୍ଗେ ଇମ୍ୱିନ୍ ବାକ୍ୟ ୱେସାଞ୍ଜା, ଏଦାବାଗା ମିରୁ ପିର୍ନା ଅଡ୍ଡାଞ୍ଜେରି । 4ନା ଡ଼ାହି ମାଞ୍ଜୁ, ଆଟେ ନାନୁ ମି ଡ଼ାହି ବାସାଆଃଇ । କାମ୍ୱା ଇନିସ୍ ଅଙ୍ଗୁରମାଲା ଡ଼ାହି ବାସାଆଃଆତେସି କାଉ ଆଗନ୍ ମୁପେହେଃଲ୍ଲେଏ, ଏହେଙ୍ଗିସି ମିରୁ ୱାଡ଼େ ନା ଡ଼ାହି ବାସାଆଃଆତେସି କାଉ ଆଗନ୍ ମୁଃଏରି ।
5ନାନୁ ଅଙ୍ଗୁରମାଲା, ମିରୁ କାମ୍ୱାଙ୍ଗ୍, ଏମ୍ୱେନାଞ୍ଜି ନା ଡ଼ାହି ବାସାଆନେଞ୍ଜି ଆଟେ ନାନୁ ଇନ୍ଦାର୍ ଡ଼ାହି ବାସାଆଃଇ, ଏୱାଞ୍ଜି ଏଗେଲ୍ କାଉ ଆଗିନେଞ୍ଜି; ଇନାକି ନାନୁ ଆଃଆତେସି ମିରୁ ଇନ୍ନା କିଅନ୍ ମୁଃଏରି । 6ଏମ୍ୱେନାଞ୍ଜି ଜଦି ନା ଡ଼ାହି ବାସାଆଃଏଞ୍ଜି, ଏହେଙ୍ଗ୍ ଆତେସି କାମ୍ୱା ଡେହେଙ୍ଗ୍ କାଟ ତୁହ୍ପାଆନେ ଅଟେ ୱାଚ୍ଚିନେଞ୍ଜି ଆଟେ ଏୱା ହାବେ ରପାଟ୍ଟେ କିଆନ୍ ନାଡ଼ିତାୱା କୁମ୍ୱିନେରି ଆଟେ ଏୱା ହାବେ ୱେନୁ । 7ଜଦି ମିରୁ ନା ଡ଼ାହି ବାସାଆଦେରି, ଆଟେ ନା ବାକ୍ୟ ମି ତାୱା ବାସାଆଇନେ, ଏହେଙ୍ଗ୍ ଆତେସି ଇମ୍ୱିନାଦା ମନ କିଞ୍ଜେରି ଏଦା ୱ୍ରିହ୍ତାଟୁ, ଆଟେ ମି ବାଗା ଏଦି ସପଲ ଆନେ । 8ମିରୁ ଏଗେଲ୍ କାଉ ଆଗିତେସି ନା ଆବା ରାହାଙ୍ଗ୍ ଆନେଞ୍ଜି, ଆଟେ ମିରୁ ନିଜ୍ଜାନେଃଏ ନା ଗ୍ରାମ୍ୱାଗାଟାତାତେରି ଆଦେରି ।
9ଆବା ଇନିମିଡି ନାଙ୍ଗେ ଜେଡା କିଆଞ୍ଜାନେଞ୍ଜି, ନାନୁ ୱାଡ଼େ ମିଙ୍ଗେ ଏହେଙ୍ଗିସି ଜେଡା କିଆଞ୍ଜା ନା ଜେଡା ଡ଼ାହି ବାସାଆଦୁ । 10ନାନୁ ଇନିସ୍ ନା ଆବାତି ଆଗ୍ୟାଁ ପାଲ୍ନି ଆନ୍ ଏୱାଞ୍ଜ୍ତି ଜେଡା ଡ଼ାହି ମାଞ୍ଜିମାଃଇ, ମିରୁ ୱାଡ଼େ ନା ଆଗ୍ୟାଁ ପାଲ୍ନି ଆଦେରି, ଏହେଙ୍ଗ୍ ଆତେସି ନା ଜେଡା ଡ଼ାହି ରଞ୍ଜାନ୍ ବାସାଆଦେରି । 11ମିରୁ ନା ରାହାଙ୍ଗ୍ ପାଁଣ୍ଡାନ୍ ଇନିସ୍ ଗାପ୍ଚି ରାହାଙ୍ଗ୍ଟି ନେଞ୍ଜିଦେରି, ଇଦାବାଗା ନାନୁ ଇୱାହାବେ ମିଙ୍ଗେ ୱେସ୍ତାତେଃଏ । 12#ଜହ ୧୩:୩୪; ୧୫:୧୭; ୧ଜହ ୩:୨୩; ୨ ଜହ ୧:୫ନାନୁ ଇନିସ୍ ମିଙ୍ଗେ ଜେଡା କିଆଞ୍ଜା, ଏହେଙ୍ଗିସି ମିରୁ ମିରୁ ଜେଡାଟି ବାସାଆଦୁ, ଇଦି ନା ଆଗ୍ୟାଁ । 13ରଃଅଞ୍ଜି ତା ତଡ଼େଙ୍ଗ୍ ବାଗାଟି ତା ପରନ୍ ହିଅନ୍ତାୱାଟି ଆଟେ ଏଗେଲ୍ ଗାମିନ୍ ଜେଡା ହେଃଲ୍ଲେଏ । 14ନାନୁ ମିଙ୍ଗେ ଇମ୍ୱିନ୍ ଆଦେସ୍ ହିଆଞ୍ଜା, ଏଦା ଜଦି ପାଲ୍ନି ଆଦେରି, ଇଚ୍ଚେସି ମିରୁ ନା ତଡ଼େଙ୍ଗ୍ ଆଦେରି । 15ନାନୁ ଆଟେ ମିଙ୍ଗେ କାମ୍ବାରାଙ୍ଗା ଇଞ୍ଜାନ୍ ୱେସ୍ପେହେଲ୍ଲାଦାଃଏନୁ, ଇନାକି ସକାର ଇନ୍ନା କିନ୍ନେଞ୍ଜି, କାମ୍ବାରେଏଞ୍ଜି ଏଦା ପୁଞ୍ଜେହେଃଲ୍ଲେଞ୍ଜି, ମତ୍ର ନାନୁ ମିଙ୍ଗେ ତଡ଼େଙ୍ଗ୍ ଇଞ୍ଜାନ୍ ୱେସ୍ପିଞ୍ଜା, ଇନାକି ନାନୁ ନା ଆବାତାୱାଟି ଇନ୍ନା ଇନ୍ନା ୱେଞ୍ଜାମାଃଇ, ଏୱା ହାବେ ମିଙ୍ଗେ ୱେସାଞ୍ଜା । 16ମିରୁ ନାଙ୍ଗେ ଆଚି କିଆହେଲ୍ଲାଦାଃଏରି, ମତ୍ର ନାନୁ ମିଙ୍ଗେ ଆଚି କିଆଞ୍ଜା, ଆଟେ ମିରୁ ଇନିସ୍କି ହାଜ୍ଜାନ୍ କାଉ ଆଗିଦେରି ଆଟେ ଏ କାଉ ହାବେ ୱେଲା ମି ତାୱା ବାସାଆନେ, ଇଦାବାଗା ମିଙ୍ଗେ ଆଚି କିଆଞ୍ଜା । ଏମ୍ବାଟି ମିରୁ ନା ପାରୁଟି ଆବାନିକି ଇନ୍ନା ହାବେ ୱ୍ରିହ୍ଦେରି, ଏୱାଞ୍ଜି ଏୱା ମିଙ୍ଗେ ହିଆନେଞ୍ଜି; 17ମିରୁ ଇନିସ୍କି ମିରୁ ମିରୁ ଜେଡାଟି ବାସାଆଦେରି, ଇଦାକି ନାନୁ ମିଙ୍ଗେ ଇ ହାବେ ଆଦେସ୍ ହିଞ୍ଜା ।
ପୁର୍ତି ମାଞ୍ଜାଡ଼ିଗାଟାରିକି ସ୍ରିଞ୍ଜନ୍ତି କୁଲାଟି ଜିସୁ ୱେସ୍ପନ୍
18ଜଦି ପୁର୍ତି ମିଙ୍ଗେ ସ୍ରିଞ୍ଜେଞ୍ଜାନ୍ନେ, ଏହେଙ୍ଗ୍ ଆତେସି ମିଙ୍ଗେ ସ୍ରିଞ୍ଜନ୍ତି କାହେ ଏଦି ନାଙ୍ଗେ ସ୍ରିଞ୍ଜାଞ୍ଜାନେ, ଇଦା ମିରୁ ପୁଞ୍ଜୁ । 19ଜଦି ମିରୁ ପୁର୍ତିତାତେରି ଆଞ୍ଜେର୍ମା, ଇଚ୍ଚେସି ପୁର୍ତି ମିଙ୍ଗେ ତା ଦାଲ୍ଲା ଇଞ୍ଜାନ୍ ଜେଡା କିଆଞ୍ଜାନ୍ମା; ମତ୍ର ମିରୁ ପୁର୍ତିତାତେରି ଆଃଏ । ନାନୁ ମିଙ୍ଗେ ପୁର୍ତିତାୱାଟି ଆଚି କିଆଞ୍ଜା, ଇଦାବାଗା ପୁର୍ତି ମିଙ୍ଗେ ସ୍ରିଞ୍ଜେଞ୍ଜାନ୍ନେ । 20#ମାତି ୧୦:୨୪; ଲୁକ ୬:୪୦; ଜହ ୧୩:୧୬କାମ୍ବାରେଏଞ୍ଜି ତା ସକାରତାୱାଟି ବେର୍ରାନାଞ୍ଜି ଆଃଏ, ନାନୁ ମିଙ୍ଗେ ଇ ଇମ୍ୱିନ୍ କାତା ୱେସାଞ୍ଜା, ଏଦା ଏଲୁ କିଦୁ । ଜଦି ଏୱାରି ନାଙ୍ଗେ କସ୍ଟ ହିଆଞ୍ଜାନେରି, ଏହେଙ୍ଗ୍ ଆତେସି ମିଙ୍ଗେ ୱାଡ଼େ କସ୍ଟ ହିଆନେରି; ଜଦି ଏୱାରି ନା କାତା ପାଲ୍ନି ଆନ୍ନେରି, ଏହେଙ୍ଗ୍ ଆତେସି ମି କାତା ୱାଡ଼େ ପାଲ୍ନି ଆନେରି । 21ମତ୍ର ଏୱାରି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ପୁଞ୍ଜାହେଃଲ୍ଲାନ୍ ବାଗା ନା ପାରୁଟି ମି ପାଟ୍ଟି ଇୱାହାବେ କିଆନେରି । 22ଜଦି ନାନୁ ୱାନ୍ ଏୱାରିକି ୱେସାହେଃଲ୍ଲାତେସି, ଏୱାର୍ତି ପାପ ଆଃଏମା; ମତ୍ର ହାଦାଡ଼ି ଏୱାର୍ତି ପାପ କୁଲାଟି ଏୱାରି ଇନିସ୍ ଆତେସ୍ୱାଡ଼େ ଜ୍ଡିଅନ୍ ମୁଃଏରି । 23ଏମ୍ୱେନାଞ୍ଜି ନାଙ୍ଗେ ସ୍ରିଞ୍ଜେଞ୍ଜାନେଞ୍ଜି, ଏୱାଞ୍ଜି ନା ଆବାନିକି ୱାଡ଼େ ସ୍ରିଞ୍ଜେନ୍ନେଞ୍ଜି । 24ଇମ୍ୱିନ୍ କାମା ହାବେ ଆଟେ ଏମ୍ୱେ କିଆହେଃଲ୍ଲେ, ନାନୁ ଜଦି ଏୱା ହାବେ ଏୱାର୍ ପାଟ୍ଟି କିଆହେଃଲ୍ଲେନ୍ମା, ଏହେଙ୍ଗ୍ ଆତେସି ଏୱାର୍ତି ପାପ ଆଃଏମା; ମତ୍ର ଏୱାରି ହାଦାଡ଼ି ଏ କାମା ହୁଡ଼ାନ୍ନେରି, ଆତେସ୍ୱାଡ଼େ ନାଙ୍ଗେ ଅଟେ ନା ଆବାନିକି ସ୍ରିଞ୍ଜେଞ୍ଜାନେରି । 25ମତ୍ର ଏୱାରି ବାଃଏୱାଡ଼େ ନାଙ୍ଗେ ସ୍ରିଞ୍ଜାଦାତେରି, ଏୱାର୍ତି ହାଜୁତାୱା ୱ୍ରିଗାନ୍ନି ଇ ବାକ୍ୟ ଇନିସ୍କି ସପଲ ଆନେ, ଏଦାବାଗା ଇହିଙ୍ଗିସି ଗଟି ଆଇନେ ।
26ନାନୁ ଆବାତାୱାଟି ମି ରେଃଏସ୍ ଇମ୍ୱିନ୍ ସାହାଜ୍ୟ କିଅନ୍ତାଞ୍ଜିନିକି ପାଣ୍ଡିଦାଃଇ, ଏ ସାହାଜ୍ୟକିଅନ୍ତାଞ୍ଜି ନିଜ୍ଜା ଡିଙ୍ଗା । ଏୱାଞ୍ଜି ଆବାତାୱାଟି ୱାଇନେଞ୍ଜି, ଏୱାଞ୍ଜି ଏଚ୍ଚିକିଃଆ ୱାନେଞ୍ଜି ନା କୁଲାଟି ସାକ୍ୟ ହିଆନେଞ୍ଜି । 27ମିରୁ ୱାଡ଼େ ନା କୁଲାଟି ୱେସ୍ଦେରି, ଇନାକି ମିରୁ କାହେଟେଃଏ ନା ଡ଼ାହି ମାଞ୍ଜେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0