ଜହନ 14
14
ଜିସୁ ଆଇନ୍ନେଞ୍ଜି ମୁଲାପେନୁ ଟାକ୍କେ ହାଲ୍ବନ୍ତି ପାହେର୍
1“ମି ହଡାଙ୍ଗ୍ କଲ୍ବଲ୍ ଆଃଆକାଃଆ; ମିରୁ ମୁଲାପେନୁନିକି ମାଞ୍ଜାଡ଼ି କିଦୁ ଅଟେ ନାଙ୍ଗେ ୱାଡ଼େ ମାଞ୍ଜାଡ଼ି କିଆଟୁ । 2ନା ଆବାତି ଇଡ୍ଡୁତାୱା ଏଗେଲ୍ ବାସାଗର୍ରିଙ୍ଗ୍ ମାନ୍ନୁ; ଜଦି ହେଃଲ୍ଲମା ଇଚ୍ଚେସି, ନାନୁ ମି ବାଗାଟି ଗର୍ରିଙ୍ଗ୍ ହାମ୍ୱେର୍ କିଅନ୍ ବାଗା ହାଜ୍ଜିମାଃଇ ଇଞ୍ଜାନ୍ ମିଙ୍ଗେ ୱେସ୍ତାଦାଃଏନୁମା । 3ଆଟେ ନାନୁ ହାଜ୍ଜାନ୍ ମି ବାଗାଟି ଗର୍ରିଙ୍ଗ୍ ହାମ୍ୱେର୍ କିଆନାହି ରିହିକ୍ ୱାଃଇ, ମିଙ୍ଗେ ନା ରେଃଏସ୍ ଅତାଃଆ । ଏମ୍ୱାଟି ନାନୁ ଇମ୍ୱିନ୍ ଗର୍ରିତାୱା ମାଞ୍ଜିମାଃଇ, ମିରୁ ୱାଡ଼େ ଏ ଗର୍ରିତାୱା ବାସାଆଦେରି । 4ଆଟେ ନାନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିମାଃଇ, ଏ ପାହେର୍ ମିରୁ ପୁଞ୍ଜାଞ୍ଜେରି ।”
5ତମାସ ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ନିନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିଞ୍ଜି, ଏଦା ମାମୁ ପୁଞ୍ଜାହେଃଲ୍ଲାମୁ; ଏମ୍ୱାତି ପାହେର୍ ଆଟେ ଇନିସ୍ ପୁନ୍ନାମୁ ?”
6ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ପାହେର୍, ନିଜ୍ଜା ଅଟେ ପରନ୍; ନା ହିଆନ୍ ହାଃଲ୍ଲାତେସି ଏମ୍ୱେନାରି ଆବା ରେଃଏସ୍ ହାଲ୍ବନ୍ ମୁଃଏରି । 7ଜଦି ନିଜ୍ଜାନେଃଏ ମିରୁ ନାଙ୍ଗେ ପୁଞ୍ଜାଞ୍ଜାଦେରିମା, ଏହେଙ୍ଗ୍ ଆତେସି ନା ଆବାନିକି ୱାଡ଼େ ପୁଞ୍ଜେରିମା; ହାଦାଡ଼ି ୱାଡ଼େ ଏୱାଞ୍ଜିକି ପୁଞ୍ଜିଞ୍ଜେରି ଅଟେ ଏୱାଞ୍ଜିକି ହୁଡ଼ାଞ୍ଜେରି ।”
8ପିଲିପ ଏୱାଞ୍ଜିକି ୱେସ୍ତେଞ୍ଜି, “ଦାର୍ମୁ, ମାଙ୍ଗେ ଆବା ମୁଲାପେନୁନିକି ତସ୍ତାମୁ, ଇଦି ମା ବାଗାଟି ପାଡ଼ି ।”
9ଜିସୁ ଏୱାଞ୍ଜିକି ୱେସ୍ତେଞ୍ଜି, ପିଲିପ, ଇଚେ ଦିନା ନାନୁ ମି ଡ଼ାହି ବାସାଆତେ, ମିରୁ ଇନ୍ନା ନାଙ୍ଗେ ପୁଞ୍ଜାଦାଃଆତେରି ? ଏମ୍ୱେନାଞ୍ଜି ନାଙ୍ଗେ ହୁଡ଼ାଞ୍ଜାନେଞ୍ଜି, ଏୱାଞ୍ଜି ଆବାନିକି ହୁଡ଼ାନ୍ନେଞ୍ଜି; ମାଙ୍ଗେ ଆବାନିକି ତସ୍ତାମୁ ଇଞ୍ଜାନ୍ ଇନିସ୍ ୱେସ୍ପିଞ୍ଜାଦେରି ? 10ନାନୁ ଜେ ଆବା ଡ଼ାହି ମାଃଇ ଆଟେ ଆବା ନା ଡ଼ାହି ମାନ୍ନେଞ୍ଜି, ଇ କାତା ଇନ୍ନା ମାଞ୍ଜାଡ଼ି କିହେଃଲ୍ଲେରି ? ନାନୁ ଇମ୍ୱିନ୍ ହାବେତ୍ କାତା ୱେସ୍ପିଞ୍ଜା, ଏୱା ହାବେ ନା ତାୱାଟି ୱେସ୍ପେହେଃଲ୍ଲାନୁ, ମତ୍ର ଆବା ନା ଡ଼ାହି ମାଞ୍ଜାନାହି ନା ତାୱାଟି ତା କାମା କିନ୍ନେଞ୍ଜି । 11ନାନୁ ଜେ ଆବା ଡ଼ାହି ମାଃଇ ଅଟେ ଆବା ନା ଡ଼ାହି ମାନ୍ନେଞ୍ଜି, ନା ଇ କାତା ମାଞ୍ଜାଡ଼ି କିଦୁ, ଆଃଆତେସି ନା ଆକ୍କାବାଡ଼ାଙ୍ଗ୍ତି କାମା ହୁଡ଼ାନ୍ ମାଞ୍ଜାଡ଼ି କିଦୁ । 12ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ନାଙ୍ଗେ ଏମ୍ୱେନାଞ୍ଜି ମାଞ୍ଜାଡ଼ି କିଞ୍ଜାନେଞ୍ଜି, ନାନୁ ଇମ୍ୱିନ୍ ଇମ୍ୱିନ୍ କାମା କିମାଃଇ, ଏୱାଞ୍ଜ୍ ୱାଡ଼େ ଏୱା ହାବେ କିନେଞ୍ଜି, ଆଟେ ଏୱାତାୱାଟି ୱାଡ଼େ ଗାମିନ୍ କାମା କିନେଞ୍ଜି, ଇନାକି ନାନୁ ଆବା ରେଃଏସ୍ ହାଜ୍ଜିମାଃଇ । 13ଆଟେ ଆବା ଇନିସ୍କି ମ୍ରିଃଏଞ୍ଜି ତାୱାଟି ମହିମା ପାଁନେଞ୍ଜି, ଇଦାବାଗା ମିରୁ ନା ପାରୁଟି ଇନ୍ନା ହାବେ ୱ୍ରିହ୍ତାଦେରି, ଏଦା ନାନୁ କିଃଇ । 14ଜଦି ମିରୁ ନା ପାରୁଟି ଇନ୍ନି କୁଲା ନାଙ୍ଗେ ୱ୍ରିହ୍ତାଦେରି, ନାନୁ ଏଦା କିଃଇ ।
ଜିସୁ ପିର୍ନି ଡିଙ୍ଗା ହିଆ ଇଞ୍ଜାନ୍ ଦିବ୍ବା କିଅନି
15ଜଦି ମିରୁ ନାଙ୍ଗେ ଜେଡା କିଞ୍ଜାଦେରି, ଏହେଙ୍ଗ୍ ଆତେସି ନା ଆଗ୍ୟାଁ ହାବେ ପାଲ୍ନି ଆଦେରି । 16ଆଟେ ନାନୁ ଆବାନିକି ଜିଗିଃଇ, ଆଟେ ମି ଡ଼ାହି କାଲେଙ୍ଗ୍କାଲା ମାନ୍ବନ୍ ବାଗାଟି ଏୱାଞ୍ଜି ଆଟେ ରଃଅଞ୍ଜି ସାହାଜ୍ୟ କିଅନ୍ତାଞ୍ଜିନିକି ପାଣ୍ଡିଦାନେଞ୍ଜି । 17ଏ ନିଜ୍ଜା ପିର୍ନି ଡିଙ୍ଗାତିଦି ମିଙ୍ଗେ ହିଆନେଞ୍ଜି । ପୁର୍ତି ତାଙ୍ଗେ ଗ୍ରହନ କିଅନ୍ ମୁଃଏ । ଇନାକି ପୁର୍ତି ତାଙ୍ଗେ ହୁଡ଼େହେଃଲ୍ଲେ କି ପୁଞ୍ଜେହେଃଲ୍ଲେ; ମିରୁ ତାଙ୍ଗେ ପୁଞ୍ଜାଞ୍ଜେରି, ଇନାକି ଏୱାଞ୍ଜି ମି ଡ଼ାହି ମାଞ୍ଜିନ୍ନେଞ୍ଜି, ଆଟେ ଏୱାଞ୍ଜି ମି ହଡାଙ୍ଗ୍ତାୱା ବାସାଆନେଞ୍ଜି । 18ନାନୁ ମିଙ୍ଗେ ପାପୁଗାଟାର୍ ଲାକ୍କାଟି ପିହାନ୍ ହାଃଲ୍ଲାନୁ, ନାନୁ ମି ରେଃଏସ୍ ୱାଃଇ । 19ହିତେ ମତ୍ର ଦିନା ବାସାଆତେ, ପୁର୍ତିତି ଦାଲ୍ଲା ନାଙ୍ଗେ ଆଟେ ହୁଡ଼ାଦାଃଏରି, ମତ୍ର ମିରୁ ନାଙ୍ଗେ ହୁଡ଼ାଦାଦେରି, ଇନାକି ନାନୁ ନିମ୍ବାନ୍ନାନୁ, ଆଟେ ମିରୁ ୱାଡ଼େ ନା ଡ଼ାହି ନିମ୍ୱାନ୍ ବାସାଆଦେରି । 20ନାନୁ ଜେ ଆବା ଡ଼ାହି ମାଃଇ ଆଟେ ମିରୁ ନା ଡ଼ାହି ଅଟେ ନାନୁ ମି ଡ଼ାହି ମାଃଇ, ଇଦା ଏ ଦିନା ୱାତେସି ମିରୁ ପୁଞ୍ଜେରି । 21ଏମ୍ୱେନାଞ୍ଜି ନା ଆଗ୍ୟାଁ ହାବେ ପାଲ୍ନି ଆଇନ୍ନେଞ୍ଜି, ଏୱାଞ୍ଜି ନାଙ୍ଗେ ଜେଡା କିଞ୍ଜାନେଞ୍ଜି, ଆଟେ ଏୱାଞ୍ଜି ନାଙ୍ଗେ ଜେଡା କିଞ୍ଜାନ୍ ବାଗା ନା ଆବା ତାଙ୍ଗେ ଜେଡା କିନେଞ୍ଜି, ନାନୁ ତାଙ୍ଗେ ଜେଡା କିଃଇ ଅଟେ ଏୱାଞ୍ଜ୍ତାୱା ନା ଗାଣ୍ଡି ପକିଃଇ ।
22ଜିହୁଦା (ଇୱାଞ୍ଜି ଇସ୍କାରିୟତତି ଜିହୁଦା ଆଃଏ) ଜିସୁନିକି ୱେଚ୍ଚେଞ୍ଜି, “ଏ ଦାର୍ମୁ, ଇନ୍ନା କିଅନ୍ ନିନୁ ନି ଗାଣ୍ଡି ପୁର୍ତିତାୱା ପକେଟେଃଏ ମା ତାୱା ପପ୍କନ୍ ବାଗା ଆଇଞ୍ଜି ?”
23ଜିସୁ ତାଙ୍ଗେ ୱେସ୍ତେଞ୍ଜି, ଜଦି ଏମ୍ୱେନାଞ୍ଜି ନାଙ୍ଗେ ଜେଡା କିଞ୍ଜାନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନା ବାକ୍ୟ ପାଲ୍ନି ଆନେଞ୍ଜି, ଆଟେ ନା ଆବା ତାଙ୍ଗେ ଜେଡା କିନେଞ୍ଜି, ଆଟେ ମାମୁ ତା ରେଃଏସ୍ ୱାନାହି ତା ଡ଼ାହି ବାସାଆନାମୁ । 24ଏମ୍ୱେନାଞ୍ଜି ନାଙ୍ଗେ ଜେଡା କିହେଲ୍ଲାଦାଃଏଞ୍ଜି, ଏୱାଞ୍ଜି ନା ବାକ୍ୟ ପାଲ୍ନି ଆଏହେଃଲ୍ଲେଞ୍ଜି, ଆଟେ ଇମ୍ୱିନ୍ ବାକ୍ୟ ମିରୁ ୱେଞ୍ଜିଞ୍ଜେରି, ଏଦି ନାନ୍ଦି ଆଃଏ, ମତ୍ର ନାଙ୍ଗେ ପାଣ୍ଡାଞ୍ଜାନି ଆବାତାଦି । 25ନାନୁ ହାଦାଡ଼ି ମି ଡ଼ାହି ମାଞ୍ଜାନ୍ ମିଙ୍ଗେ ଇ ହାବେତ୍ କାତା ୱେସ୍ପିଞ୍ଜା । 26ମତ୍ର ଏ ସାହାଜ୍ୟଗାଟାଞ୍ଜି ଇଚ୍ଚେସି ଇମ୍ୱିନ୍ ପିର୍ନି ଡିଙ୍ଗାତିଦି ଆବା ନା ପାରୁଟି ପାଣ୍ଡାଦାନ୍ନେଞ୍ଜି, ଏ ପିର୍ନି ଡିଙ୍ଗା ମିଙ୍ଗେ ହାବେତ୍ କୁଲାଟି ଗ୍ରାପ୍ତାନେଞ୍ଜି, ଆଟେ ନାନୁ ମିଙ୍ଗେ ଇନ୍ନା ଇନ୍ନା ୱେସାଞ୍ଜା, ଏୱା ହାବେ ମିଙ୍ଗେ ଏଲୁ କିୱିକିଆନେଞ୍ଜି ।
27ନାନୁ ମିଙ୍ଗେ ଲତୁ ହିଆନ୍ ହାଜ୍ଜିମାଃଇ, ନାନୁ ନା ଲତୁ ମିଙ୍ଗେ ହିଞ୍ଜା; ପୁର୍ତି ଇନିସ୍ ହିନ୍ନେ, ନାନୁ ମିଙ୍ଗେ ଏହେଙ୍ଗିସି ହିହେଲ୍ଲାଦାଃଏନୁ । ମି ହଡାଙ୍ଗ୍ କଲ୍ବଲ୍ ଆଃଆକାଃଆ କି ଆଃଜ୍ଜାକାଃଆ । 28ନାନୁ ହାଜ୍ଜିମାଃଇ ମତ୍ର ଆଟେ ରିହିକ୍ ମି ଟାକ୍କେ ୱ୍ଡେଚାନ୍ ୱାଃଇ, ଜଦି ମିରୁ ନାଙ୍ଗେ ନିଜ୍ଜାନେଃଏ ଜେଡା କିଞ୍ଜାଦେରି ଇଚ୍ଚେସି, ନାନୁ ନା ଆବା ରେଃଏସ୍ ହାଜ୍ଜିମାଃଇ ଇଞ୍ଜାନ୍ ମିରୁ ରାହାଙ୍ଗ୍ ଆଞ୍ଜେର୍ମା, ଇନାକି ଆବା ନା ତାୱାଟି ବେର୍ରାନାଞ୍ଜି । 29ଆଟେ ଏ ଡୁଣ୍ଡେଲ୍ ଆଅନ୍ତି ତୁକାତାୱା ମିରୁ ଇନିସ୍କି ମାଞ୍ଜାଡ଼ି କିଦେରି, ଇଦାବାଗା ଏ ଡୁଣ୍ଡେଲ୍ ଗଟି ଆଃଏଟେଃଏ ନାନୁ ହାଦାଡ଼ି ମିଙ୍ଗେ ୱେସାଞ୍ଜା । 30ନାଙ୍ଗେ ମି ଡ଼ାହି ଆଟେ ଏଗେଲ୍ କାତାବାର୍ତା କିଅନ୍ ବାଗା ତୁକା ହେଃଲ୍ଲେ, ଇନାକି ପୁର୍ତିତିଦି ଆକୁଡ଼୍ କିଅନ୍ତାଞ୍ଜି ୱାଇନ୍ନେଞ୍ଜି; ଆଟେ ନା କୁଃଏଟି ଏୱାଞ୍ଜ୍ତି ଇନ୍ନି ହକତ୍ ହେଃଲ୍ଲେ; 31ମତ୍ର ନାନୁ ଆବାନିକି ଜେଡା କିମାଃଇ ଆଟେ ଆବାତି ଆଦେସ୍ ଡେହେଙ୍ଗ୍ କାମା କିମାଃଇ, ଇଦା ଇନିସ୍କି ପୁର୍ତି ପୁନ୍ନେ, ଇଦାବାଗା ଏହେଙ୍ଗିସି ଡୁଣ୍ଡେଲ୍ ଆଇନେ । ନିଙ୍ଗାଟୁ, ମାରୁ ଇ ଗର୍ରିତାୱାଟି ହାନ୍ନା ।
Iliyochaguliwa sasa
ଜହନ 14: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 14
14
ଜିସୁ ଆଇନ୍ନେଞ୍ଜି ମୁଲାପେନୁ ଟାକ୍କେ ହାଲ୍ବନ୍ତି ପାହେର୍
1“ମି ହଡାଙ୍ଗ୍ କଲ୍ବଲ୍ ଆଃଆକାଃଆ; ମିରୁ ମୁଲାପେନୁନିକି ମାଞ୍ଜାଡ଼ି କିଦୁ ଅଟେ ନାଙ୍ଗେ ୱାଡ଼େ ମାଞ୍ଜାଡ଼ି କିଆଟୁ । 2ନା ଆବାତି ଇଡ୍ଡୁତାୱା ଏଗେଲ୍ ବାସାଗର୍ରିଙ୍ଗ୍ ମାନ୍ନୁ; ଜଦି ହେଃଲ୍ଲମା ଇଚ୍ଚେସି, ନାନୁ ମି ବାଗାଟି ଗର୍ରିଙ୍ଗ୍ ହାମ୍ୱେର୍ କିଅନ୍ ବାଗା ହାଜ୍ଜିମାଃଇ ଇଞ୍ଜାନ୍ ମିଙ୍ଗେ ୱେସ୍ତାଦାଃଏନୁମା । 3ଆଟେ ନାନୁ ହାଜ୍ଜାନ୍ ମି ବାଗାଟି ଗର୍ରିଙ୍ଗ୍ ହାମ୍ୱେର୍ କିଆନାହି ରିହିକ୍ ୱାଃଇ, ମିଙ୍ଗେ ନା ରେଃଏସ୍ ଅତାଃଆ । ଏମ୍ୱାଟି ନାନୁ ଇମ୍ୱିନ୍ ଗର୍ରିତାୱା ମାଞ୍ଜିମାଃଇ, ମିରୁ ୱାଡ଼େ ଏ ଗର୍ରିତାୱା ବାସାଆଦେରି । 4ଆଟେ ନାନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିମାଃଇ, ଏ ପାହେର୍ ମିରୁ ପୁଞ୍ଜାଞ୍ଜେରି ।”
5ତମାସ ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ନିନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିଞ୍ଜି, ଏଦା ମାମୁ ପୁଞ୍ଜାହେଃଲ୍ଲାମୁ; ଏମ୍ୱାତି ପାହେର୍ ଆଟେ ଇନିସ୍ ପୁନ୍ନାମୁ ?”
6ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ପାହେର୍, ନିଜ୍ଜା ଅଟେ ପରନ୍; ନା ହିଆନ୍ ହାଃଲ୍ଲାତେସି ଏମ୍ୱେନାରି ଆବା ରେଃଏସ୍ ହାଲ୍ବନ୍ ମୁଃଏରି । 7ଜଦି ନିଜ୍ଜାନେଃଏ ମିରୁ ନାଙ୍ଗେ ପୁଞ୍ଜାଞ୍ଜାଦେରିମା, ଏହେଙ୍ଗ୍ ଆତେସି ନା ଆବାନିକି ୱାଡ଼େ ପୁଞ୍ଜେରିମା; ହାଦାଡ଼ି ୱାଡ଼େ ଏୱାଞ୍ଜିକି ପୁଞ୍ଜିଞ୍ଜେରି ଅଟେ ଏୱାଞ୍ଜିକି ହୁଡ଼ାଞ୍ଜେରି ।”
8ପିଲିପ ଏୱାଞ୍ଜିକି ୱେସ୍ତେଞ୍ଜି, “ଦାର୍ମୁ, ମାଙ୍ଗେ ଆବା ମୁଲାପେନୁନିକି ତସ୍ତାମୁ, ଇଦି ମା ବାଗାଟି ପାଡ଼ି ।”
9ଜିସୁ ଏୱାଞ୍ଜିକି ୱେସ୍ତେଞ୍ଜି, ପିଲିପ, ଇଚେ ଦିନା ନାନୁ ମି ଡ଼ାହି ବାସାଆତେ, ମିରୁ ଇନ୍ନା ନାଙ୍ଗେ ପୁଞ୍ଜାଦାଃଆତେରି ? ଏମ୍ୱେନାଞ୍ଜି ନାଙ୍ଗେ ହୁଡ଼ାଞ୍ଜାନେଞ୍ଜି, ଏୱାଞ୍ଜି ଆବାନିକି ହୁଡ଼ାନ୍ନେଞ୍ଜି; ମାଙ୍ଗେ ଆବାନିକି ତସ୍ତାମୁ ଇଞ୍ଜାନ୍ ଇନିସ୍ ୱେସ୍ପିଞ୍ଜାଦେରି ? 10ନାନୁ ଜେ ଆବା ଡ଼ାହି ମାଃଇ ଆଟେ ଆବା ନା ଡ଼ାହି ମାନ୍ନେଞ୍ଜି, ଇ କାତା ଇନ୍ନା ମାଞ୍ଜାଡ଼ି କିହେଃଲ୍ଲେରି ? ନାନୁ ଇମ୍ୱିନ୍ ହାବେତ୍ କାତା ୱେସ୍ପିଞ୍ଜା, ଏୱା ହାବେ ନା ତାୱାଟି ୱେସ୍ପେହେଃଲ୍ଲାନୁ, ମତ୍ର ଆବା ନା ଡ଼ାହି ମାଞ୍ଜାନାହି ନା ତାୱାଟି ତା କାମା କିନ୍ନେଞ୍ଜି । 11ନାନୁ ଜେ ଆବା ଡ଼ାହି ମାଃଇ ଅଟେ ଆବା ନା ଡ଼ାହି ମାନ୍ନେଞ୍ଜି, ନା ଇ କାତା ମାଞ୍ଜାଡ଼ି କିଦୁ, ଆଃଆତେସି ନା ଆକ୍କାବାଡ଼ାଙ୍ଗ୍ତି କାମା ହୁଡ଼ାନ୍ ମାଞ୍ଜାଡ଼ି କିଦୁ । 12ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ନାଙ୍ଗେ ଏମ୍ୱେନାଞ୍ଜି ମାଞ୍ଜାଡ଼ି କିଞ୍ଜାନେଞ୍ଜି, ନାନୁ ଇମ୍ୱିନ୍ ଇମ୍ୱିନ୍ କାମା କିମାଃଇ, ଏୱାଞ୍ଜ୍ ୱାଡ଼େ ଏୱା ହାବେ କିନେଞ୍ଜି, ଆଟେ ଏୱାତାୱାଟି ୱାଡ଼େ ଗାମିନ୍ କାମା କିନେଞ୍ଜି, ଇନାକି ନାନୁ ଆବା ରେଃଏସ୍ ହାଜ୍ଜିମାଃଇ । 13ଆଟେ ଆବା ଇନିସ୍କି ମ୍ରିଃଏଞ୍ଜି ତାୱାଟି ମହିମା ପାଁନେଞ୍ଜି, ଇଦାବାଗା ମିରୁ ନା ପାରୁଟି ଇନ୍ନା ହାବେ ୱ୍ରିହ୍ତାଦେରି, ଏଦା ନାନୁ କିଃଇ । 14ଜଦି ମିରୁ ନା ପାରୁଟି ଇନ୍ନି କୁଲା ନାଙ୍ଗେ ୱ୍ରିହ୍ତାଦେରି, ନାନୁ ଏଦା କିଃଇ ।
ଜିସୁ ପିର୍ନି ଡିଙ୍ଗା ହିଆ ଇଞ୍ଜାନ୍ ଦିବ୍ବା କିଅନି
15ଜଦି ମିରୁ ନାଙ୍ଗେ ଜେଡା କିଞ୍ଜାଦେରି, ଏହେଙ୍ଗ୍ ଆତେସି ନା ଆଗ୍ୟାଁ ହାବେ ପାଲ୍ନି ଆଦେରି । 16ଆଟେ ନାନୁ ଆବାନିକି ଜିଗିଃଇ, ଆଟେ ମି ଡ଼ାହି କାଲେଙ୍ଗ୍କାଲା ମାନ୍ବନ୍ ବାଗାଟି ଏୱାଞ୍ଜି ଆଟେ ରଃଅଞ୍ଜି ସାହାଜ୍ୟ କିଅନ୍ତାଞ୍ଜିନିକି ପାଣ୍ଡିଦାନେଞ୍ଜି । 17ଏ ନିଜ୍ଜା ପିର୍ନି ଡିଙ୍ଗାତିଦି ମିଙ୍ଗେ ହିଆନେଞ୍ଜି । ପୁର୍ତି ତାଙ୍ଗେ ଗ୍ରହନ କିଅନ୍ ମୁଃଏ । ଇନାକି ପୁର୍ତି ତାଙ୍ଗେ ହୁଡ଼େହେଃଲ୍ଲେ କି ପୁଞ୍ଜେହେଃଲ୍ଲେ; ମିରୁ ତାଙ୍ଗେ ପୁଞ୍ଜାଞ୍ଜେରି, ଇନାକି ଏୱାଞ୍ଜି ମି ଡ଼ାହି ମାଞ୍ଜିନ୍ନେଞ୍ଜି, ଆଟେ ଏୱାଞ୍ଜି ମି ହଡାଙ୍ଗ୍ତାୱା ବାସାଆନେଞ୍ଜି । 18ନାନୁ ମିଙ୍ଗେ ପାପୁଗାଟାର୍ ଲାକ୍କାଟି ପିହାନ୍ ହାଃଲ୍ଲାନୁ, ନାନୁ ମି ରେଃଏସ୍ ୱାଃଇ । 19ହିତେ ମତ୍ର ଦିନା ବାସାଆତେ, ପୁର୍ତିତି ଦାଲ୍ଲା ନାଙ୍ଗେ ଆଟେ ହୁଡ଼ାଦାଃଏରି, ମତ୍ର ମିରୁ ନାଙ୍ଗେ ହୁଡ଼ାଦାଦେରି, ଇନାକି ନାନୁ ନିମ୍ବାନ୍ନାନୁ, ଆଟେ ମିରୁ ୱାଡ଼େ ନା ଡ଼ାହି ନିମ୍ୱାନ୍ ବାସାଆଦେରି । 20ନାନୁ ଜେ ଆବା ଡ଼ାହି ମାଃଇ ଆଟେ ମିରୁ ନା ଡ଼ାହି ଅଟେ ନାନୁ ମି ଡ଼ାହି ମାଃଇ, ଇଦା ଏ ଦିନା ୱାତେସି ମିରୁ ପୁଞ୍ଜେରି । 21ଏମ୍ୱେନାଞ୍ଜି ନା ଆଗ୍ୟାଁ ହାବେ ପାଲ୍ନି ଆଇନ୍ନେଞ୍ଜି, ଏୱାଞ୍ଜି ନାଙ୍ଗେ ଜେଡା କିଞ୍ଜାନେଞ୍ଜି, ଆଟେ ଏୱାଞ୍ଜି ନାଙ୍ଗେ ଜେଡା କିଞ୍ଜାନ୍ ବାଗା ନା ଆବା ତାଙ୍ଗେ ଜେଡା କିନେଞ୍ଜି, ନାନୁ ତାଙ୍ଗେ ଜେଡା କିଃଇ ଅଟେ ଏୱାଞ୍ଜ୍ତାୱା ନା ଗାଣ୍ଡି ପକିଃଇ ।
22ଜିହୁଦା (ଇୱାଞ୍ଜି ଇସ୍କାରିୟତତି ଜିହୁଦା ଆଃଏ) ଜିସୁନିକି ୱେଚ୍ଚେଞ୍ଜି, “ଏ ଦାର୍ମୁ, ଇନ୍ନା କିଅନ୍ ନିନୁ ନି ଗାଣ୍ଡି ପୁର୍ତିତାୱା ପକେଟେଃଏ ମା ତାୱା ପପ୍କନ୍ ବାଗା ଆଇଞ୍ଜି ?”
23ଜିସୁ ତାଙ୍ଗେ ୱେସ୍ତେଞ୍ଜି, ଜଦି ଏମ୍ୱେନାଞ୍ଜି ନାଙ୍ଗେ ଜେଡା କିଞ୍ଜାନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ନା ବାକ୍ୟ ପାଲ୍ନି ଆନେଞ୍ଜି, ଆଟେ ନା ଆବା ତାଙ୍ଗେ ଜେଡା କିନେଞ୍ଜି, ଆଟେ ମାମୁ ତା ରେଃଏସ୍ ୱାନାହି ତା ଡ଼ାହି ବାସାଆନାମୁ । 24ଏମ୍ୱେନାଞ୍ଜି ନାଙ୍ଗେ ଜେଡା କିହେଲ୍ଲାଦାଃଏଞ୍ଜି, ଏୱାଞ୍ଜି ନା ବାକ୍ୟ ପାଲ୍ନି ଆଏହେଃଲ୍ଲେଞ୍ଜି, ଆଟେ ଇମ୍ୱିନ୍ ବାକ୍ୟ ମିରୁ ୱେଞ୍ଜିଞ୍ଜେରି, ଏଦି ନାନ୍ଦି ଆଃଏ, ମତ୍ର ନାଙ୍ଗେ ପାଣ୍ଡାଞ୍ଜାନି ଆବାତାଦି । 25ନାନୁ ହାଦାଡ଼ି ମି ଡ଼ାହି ମାଞ୍ଜାନ୍ ମିଙ୍ଗେ ଇ ହାବେତ୍ କାତା ୱେସ୍ପିଞ୍ଜା । 26ମତ୍ର ଏ ସାହାଜ୍ୟଗାଟାଞ୍ଜି ଇଚ୍ଚେସି ଇମ୍ୱିନ୍ ପିର୍ନି ଡିଙ୍ଗାତିଦି ଆବା ନା ପାରୁଟି ପାଣ୍ଡାଦାନ୍ନେଞ୍ଜି, ଏ ପିର୍ନି ଡିଙ୍ଗା ମିଙ୍ଗେ ହାବେତ୍ କୁଲାଟି ଗ୍ରାପ୍ତାନେଞ୍ଜି, ଆଟେ ନାନୁ ମିଙ୍ଗେ ଇନ୍ନା ଇନ୍ନା ୱେସାଞ୍ଜା, ଏୱା ହାବେ ମିଙ୍ଗେ ଏଲୁ କିୱିକିଆନେଞ୍ଜି ।
27ନାନୁ ମିଙ୍ଗେ ଲତୁ ହିଆନ୍ ହାଜ୍ଜିମାଃଇ, ନାନୁ ନା ଲତୁ ମିଙ୍ଗେ ହିଞ୍ଜା; ପୁର୍ତି ଇନିସ୍ ହିନ୍ନେ, ନାନୁ ମିଙ୍ଗେ ଏହେଙ୍ଗିସି ହିହେଲ୍ଲାଦାଃଏନୁ । ମି ହଡାଙ୍ଗ୍ କଲ୍ବଲ୍ ଆଃଆକାଃଆ କି ଆଃଜ୍ଜାକାଃଆ । 28ନାନୁ ହାଜ୍ଜିମାଃଇ ମତ୍ର ଆଟେ ରିହିକ୍ ମି ଟାକ୍କେ ୱ୍ଡେଚାନ୍ ୱାଃଇ, ଜଦି ମିରୁ ନାଙ୍ଗେ ନିଜ୍ଜାନେଃଏ ଜେଡା କିଞ୍ଜାଦେରି ଇଚ୍ଚେସି, ନାନୁ ନା ଆବା ରେଃଏସ୍ ହାଜ୍ଜିମାଃଇ ଇଞ୍ଜାନ୍ ମିରୁ ରାହାଙ୍ଗ୍ ଆଞ୍ଜେର୍ମା, ଇନାକି ଆବା ନା ତାୱାଟି ବେର୍ରାନାଞ୍ଜି । 29ଆଟେ ଏ ଡୁଣ୍ଡେଲ୍ ଆଅନ୍ତି ତୁକାତାୱା ମିରୁ ଇନିସ୍କି ମାଞ୍ଜାଡ଼ି କିଦେରି, ଇଦାବାଗା ଏ ଡୁଣ୍ଡେଲ୍ ଗଟି ଆଃଏଟେଃଏ ନାନୁ ହାଦାଡ଼ି ମିଙ୍ଗେ ୱେସାଞ୍ଜା । 30ନାଙ୍ଗେ ମି ଡ଼ାହି ଆଟେ ଏଗେଲ୍ କାତାବାର୍ତା କିଅନ୍ ବାଗା ତୁକା ହେଃଲ୍ଲେ, ଇନାକି ପୁର୍ତିତିଦି ଆକୁଡ଼୍ କିଅନ୍ତାଞ୍ଜି ୱାଇନ୍ନେଞ୍ଜି; ଆଟେ ନା କୁଃଏଟି ଏୱାଞ୍ଜ୍ତି ଇନ୍ନି ହକତ୍ ହେଃଲ୍ଲେ; 31ମତ୍ର ନାନୁ ଆବାନିକି ଜେଡା କିମାଃଇ ଆଟେ ଆବାତି ଆଦେସ୍ ଡେହେଙ୍ଗ୍ କାମା କିମାଃଇ, ଇଦା ଇନିସ୍କି ପୁର୍ତି ପୁନ୍ନେ, ଇଦାବାଗା ଏହେଙ୍ଗିସି ଡୁଣ୍ଡେଲ୍ ଆଇନେ । ନିଙ୍ଗାଟୁ, ମାରୁ ଇ ଗର୍ରିତାୱାଟି ହାନ୍ନା ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0