ଜହନ 16
16
1ମିରୁ ଇନିସ୍କି ମୁଲାପେନୁନିକି ପିଃହେରି, ଏଦାବାଗା ନାନୁ ମିଙ୍ଗେ ଇ ହାବେତ୍ କାତା ୱେସାଞ୍ଜା । 2ଏୱାରି ମିଙ୍ଗେ ହାଜା ଇଡ୍ଡୁତାୱାଟି ରେପ୍ତାନେରି, ହାଁ, ଇହିଙ୍ଗ୍ତି ଦିନା ୱାଇନେ, ଏଚ୍ଚିକିଃଆ ଏମ୍ୱେନାରି ମିଙ୍ଗେ ପାଗିଦାନେରି, ଏୱାରି ମୁଲାପେନୁତି ଆଙ୍ଗୁଲ୍ କାମା କିମାଃଇ ଇଞ୍ଜାନ୍ ଏଲୁ କିନ୍ନେରି । 3ଆଟେ ଏୱାରି ଇୱାହାବେ କିନେରି, ଇନାକି ଏୱାରି ଆବାନିକି ଅଟେ ନାଙ୍ଗେ ୱାଡ଼େ ପୁଞ୍ଜାହେଲ୍ଲାଦାଃଏରି । 4ମତ୍ର ଇ ହାବେ ଡୁଣ୍ଡେଲ୍ତି ତୁକା ୱାତେସି, ନାନୁ ଜେ ମିଙ୍ଗେ ୱେସାଞ୍ଜାତେଃଏ, ଇଦା ଇନିସ୍କି ମିରୁ ଏଲୁ କିଦେରି, ଇଦାବାଗା ନାନୁ ଇ ହାବେତ୍ କାତା ମିଙ୍ଗେ ୱେସାଞ୍ଜା । ନାନୁ ମି ଡ଼ାହି ମାନ୍ନି ବାଗା କାହେତାୱାଟି ଇ ହାବେ କାତା ମିଙ୍ଗେ ୱେସ୍ତାଦାଃଆତାନୁ ।
ପିର୍ନି ଡିଙ୍ଗାତି କାମା
5“ମତ୍ର ହାଦାଡ଼ି ନାନୁ ନାଙ୍ଗେ ପାଣ୍ଡାଞ୍ଜାତି ଆବା ରେଃଏସ୍ ହାଜ୍ଜିମାଃଇ, ଆଟେ ମିରୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିଞ୍ଜି ଇଞ୍ଜାନ୍ ମି ତାୱାଟି ଏମ୍ୱେନାରି ନାଙ୍ଗେ ୱେଞ୍ଜେହେଲ୍ଲାଦାଃଏରି । 6ମତ୍ର ନାନୁ ମିଙ୍ଗେ ଇ ହାବେତ୍ କାତା ୱେସ୍ତାତ୍ ବାଗା ମି ହଡାଙ୍ଗ୍ ଗାପ୍ଚି ଦୁଃକଟି ନେଞ୍ଜିତୁ । 7ମତ୍ର ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ନା ହାଲ୍ବନ୍ ମି ବାଗା ନେହି ଆନେ, ଇନାକି ନାନୁ ହାଃଲ୍ଲାତେସି ଏ ସାହାଜ୍ୟକିଅନ୍ତାଞ୍ଜି ମି ରେଃଏସ୍ ୱାଃଏଞ୍ଜି, ମତ୍ର ନାନୁ ହାଚ୍ଚେସି ତାଙ୍ଗେ ମି ରେଃଏସ୍ ପାଣ୍ଡିଦାଃଇ । 8ଆଟେ ଏୱାଞ୍ଜି ୱାନାହି ପାପ ଅଟେ ଦାର୍ମିକତା ଅଟେ ବିଚାର କୁଲାଟି ପୁର୍ତିତିଦି ପରମାନ ହିନେଞ୍ଜି; 9ପୁର୍ତିତି ଦାଲ୍ଲା ନାଙ୍ଗେ ମାଞ୍ଜାଡ଼ି କିହେଲ୍ଲାଦାଃଏରି, ଏଦି ଆଇନେ ପାପ; 10ଆଟେ ନାନୁ ଆବା ରେଃଏସ୍ ହାଜ୍ଜିମାଃଇ ଅଟେ ମିରୁ ନାଙ୍ଗେ ଆଟେ ହୁଡ଼ାଦାଃଏରି; ଇଦି ନା ଦାର୍ମିକତା କୁଲାଟି ତସ୍ପିନ୍ନେ; 11ଆଟେ ଇ ପୁର୍ତିତି ଗାମିନାଞ୍ଜି ବିଚାର ଆନ୍ ଦଣ୍ଡ ପାଁଣ୍ଡାନ୍ନେଞ୍ଜି, ଇଦିମ୍ୱାଟି ମୁଲାପେନୁତି ନିୟେ ବିଚାର ପଙ୍ଗେନ୍ନେ ।”
12“ମିଙ୍ଗେ ନାନୁ ଗାପ୍ଚି କାତା ୱେସ୍ପନ୍ ମାନ୍ନେ, ମତ୍ର ମିରୁ ହାଦାଡ଼ି ଏୱା ହାବେ ସହି ଆଅନ୍ ମୁଃଏରି । 13ମତ୍ର ଏଚ୍ଚିକିଃଆ ନିଜ୍ଜା ଡିଙ୍ଗା#୧୬:୧୩ ନିଜ୍ଜା ଡିଙ୍ଗା ଇଚ୍ଚେସି ସାହାଜ୍ୟ କିଅନ୍ତାଞ୍ଜି ବା ପିର୍ନି ଡିଙ୍ଗାତିଦି ବୁଜ୍ଜେ କିନ୍ନେ । ୱାନେଞ୍ଜି, ଏୱାଞ୍ଜି ନିଜ୍ଜା ପାହେର୍ ତସ୍ତାନେଞ୍ଜି, ଇନାକି ଏୱାଞ୍ଜି ତା ତାୱାଟି ଇନ୍ନା ୱେଃସେଞ୍ଜି, ମତ୍ର ଇନ୍ନା ୱେନେଞ୍ଜି ଏୱା ହାବେ ୱେସ୍ନେଞ୍ଜି, ଆଟେ ନକେସ୍ ୱାଇନି କୁଲାଟି ହାବେ ମିଙ୍ଗେ ୱେସ୍ତାନେଞ୍ଜି । 14ଏୱାଞ୍ଜି ନାଙ୍ଗେ ସନ୍ମାନ୍ ହିଆନେଞ୍ଜି, ଇନାକି ଏୱାଞ୍ଜି ନା କୁଲାଟି ମିଙ୍ଗେ ୱେସ୍ତାନେଞ୍ଜି । 15ଇନ୍ନା ଇନ୍ନା ଆବାତାଃଆ, ଏ ହାବେ ନାଃଆ; ଇଦାବାଗା ନାନୁ ୱେସ୍ତାତେଃଏ, ଏୱାଞ୍ଜି ନା କୁଲାଟି ମିଙ୍ଗେ ୱେସ୍ତାନେଞ୍ଜି ।”
ଦୁଃକ ଅଟେ ରାହାଙ୍ଗ୍
16“ହିତେ ମାଞ୍ଜାନ୍, ମିରୁ ନାଙ୍ଗେ ଆଟେ ହୁଡ଼ାଦାଃଏରି, ମତ୍ର ଏଚ୍ଚେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି ।” 17ଏମ୍ବାଟି ଏୱାଞ୍ଜ୍ତି ଗ୍ରାମ୍ୱାଗାଟାର୍ ତାୱାଟି ତାରୁ ତାରୁ ୱେସ୍ପିଆତେରି, ହିତେ ମାଞ୍ଜାନ୍ ମିରୁ ନାଙ୍ଗେ ହୁଡ଼ାଦାଃଏରି, ଆଟେ “ହିତେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି ଅଟେ ନାନୁ ଆବା ରେଃଏସ୍ ହାଜ୍ଜିମାଃଇ,” ଇ ଇମ୍ୱିନ୍ କାତା ଏୱାଞ୍ଜି ମାଙ୍ଗେ ୱେସ୍ପିଞ୍ଜାନେଞ୍ଜି, “ଇଦି ଇନ୍ନାଦି ?” 18ଏଦାକି ଏୱାରି ୱେସ୍ତେରି, “ହିତେ ତୁକା ଇଞ୍ଜାନ୍ ଇୱାଞ୍ଜି ଇନ୍ନା ୱେସ୍ପିନ୍ନେଞ୍ଜି ? ଏୱାଞ୍ଜି ଇନ୍ନା ୱେସ୍ପିନ୍ନେଞ୍ଜି, ମାରୁ ବୁଜ୍ଜି ଆଏହେଃଲ୍ଲାସୁ ।”
19ଏୱାରି ଏୱାଞ୍ଜିକି ୱେନ୍ବନ୍ତିକି ମନ କିନ୍ନେରି ଇଞ୍ଜାନ୍ ପୁଞ୍ଜାନାହି ଜିସୁ ଏୱାରିକି ୱେସ୍ତେଞ୍ଜି, “ହିତେ ମାଞ୍ଜାନ୍, ମିରୁ ନାଙ୍ଗେ ହୁଡ଼ାଦାଃଏରି, ହିତେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି, ନାନୁ ଇ ଇମ୍ୱିନ୍ କାତା ୱେସ୍ତାତେଃଏ, ଏ କୁଲାଟି ମିରୁ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? 20ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଡ଼ିଦେରି ଆଟେ ଦୁଃକ ପାଁଣ୍ଡେରି, ମତ୍ର ପୁର୍ତି ରାହାଙ୍ଗ୍ ଆନେ; ମିରୁ ଦୁଃକ କିଦେରି, ମତ୍ର ମି ଦୁଃକ ରାହାଙ୍ଗ୍ ମ୍ଲିନେ । 21ରଣ୍ଡି ଆଚାଲୁ ମାରାନ୍ଦୁକା ଏତେସି ବିହା ପାଁଣ୍ଡିନ୍ନେ; ମତ୍ର ଏଦି ବଦା ମାରନ୍ ମୁତେସି ପୁର୍ତିତାୱା ରଣ୍ଡି ବଦା ପ୍ଲିତେ ଇଞ୍ଜାନ୍ ରାହାଙ୍ଗିଃଆଟି ତା କସ୍ଟ ହାବେ ବ୍ଡୁଜ୍ଜେନ୍ନେ । 22ଏହେଙ୍ଗିସି ମିରୁ ହାଦାଡ଼ି ଦୁଃକ ପାଁଣ୍ଡିଞ୍ଜେରି, ମତ୍ର ନାନୁ ମିଙ୍ଗେ ରିହିକ୍ ତଞ୍ଜୁଆଦାଆ, ଏଚିତୁକାତାୱା ମିରୁ ରାହାଙ୍ଗ୍ ଆଦେରି ଅଟେ ମି ହଡାଙ୍ଗ୍ତି ରାହାଙ୍ଗ୍ତିଦି ଏମ୍ୱେନାରି ମିଞ୍ଜାନ୍ ଅନ୍ ମୁଃଏରି ।”
23“ଏ ଦିନାତାୱା ମିରୁ ନାଙ୍ଗେ ଇନ୍ନା ୱେଞ୍ଜାଦାଃଆଟୁ । ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଆବାନିକି ନା ପାରୁଟି ଇନ୍ନା ହାବେ ୱ୍ରିହ୍ଦେରି, ଏୱାଞ୍ଜି ମିଙ୍ଗେ ଏୱା ହିଆନେଞ୍ଜି । 24ହାଦାଡ଼ି ଟିକ୍ନା ମିରୁ ନା ପାରୁଟି ଇନ୍ନା ୱ୍ରିହାହେଃଲ୍ଲେରି; ୱ୍ରିହ୍ଦୁ, ଆଟେ ମି ରାହାଙ୍ଗ୍ ଇନିସ୍କି ନେଞ୍ଜିନେ, ଏଦାବାଗା ମିରୁ ଏୱା ପାଁଣ୍ଡେରି ।”
ପୁର୍ତି କୁଃଏଟ୍ ଜିତି ଆଅନ୍
25“ନାନୁ ମିଙ୍ଗେ ତୁକାଙ୍ଗାତା ଡ଼ାହି ଇ ହାବେତ୍ କାତା ୱେସାଞ୍ଜା; ଦିନା ୱାଇନେ, ନାନୁ ଆଟେ ତୁକାଙ୍ଗାତାଟି ମିଙ୍ଗେ ୱେସ୍ତାଦାଃଏନୁ, ମତ୍ର ଆବାତି କୁଲା ନେହେନ୍ ମିଙ୍ଗେ ୱେସ୍ତା । 26ଏ ଦିନା ୱାତେସି ମିରୁ ନା ପାରୁଟି ୱ୍ରିହ୍ଦେରି; ଆଟେ ନାନୁ ମିପେଟି ଆନାହି ଆବାନିକି ଜିଗିଇ, ଇଦା ନାନୁ ମିଙ୍ଗେ ୱେସ୍ପେହେଲ୍ଲାଦାଃଏନୁ; 27ଆବା ମିଙ୍ଗେ ଜେଡା କିଞ୍ଜାନେଞ୍ଜି, ଇନାକି ମିରୁ ନାଙ୍ଗେ ଜେଡା କିଞ୍ଜାଦେରି ଆଟେ ନାନୁ ମୁଲାପେନୁତାୱାଟି ୱାମାଃଇ, ଏଦା ମିରୁ ମାଞ୍ଜାଡ଼ି କିଆଞ୍ଜେରି । 28ନାନୁ ଆବାତାୱାଟି ପୁର୍ତିଇନ୍ଦା ୱାମାଃଇ; ରିହିକ୍ ନାନୁ ପୁର୍ତି ପିହାନ୍ ଆବା ରେଃଏସ୍ ହାଜ୍ଜିମାଃଇ ।”
29ତା ଗ୍ରାମ୍ୱାଗାଟାରି ୱେସ୍ତେରି, ହୁଡ଼ାମୁ, ହାଦାଡ଼ି ନିନୁ ନେହେନ୍ ୱେସ୍ପିଞ୍ଜି ଅଟେ ତୁକାଙ୍ଗାତାଟି ଆଟେ ୱେସ୍ପେହେଃଲ୍ଲା । 30ନିନୁ ହାବେତ୍ କୁଲା ପୁଞ୍ଜାଞ୍ଜି ଆଟେ ଏମ୍ୱେ ନିଙ୍ଗେ ପ୍ରସ୍ନ ୱେନ୍ବନ୍ତିକି ଆବସକ ହେଃଲ୍ଲେଏ, ଏଦା ହାଦାଡ଼ି ମାମୁ ପୁଚ୍ଚାମୁ; ମୁଲାପେନୁତାୱାଟି ନିନୁ ୱାଞ୍ଜି ଇଞ୍ଜାନ୍ ମାମୁ ଇଦା ମାଞ୍ଜାଡ଼ି କିନ୍ନାମୁ ।
31ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ହାଦାଡ଼ି ମାଞ୍ଜାଡ଼ି କିଞ୍ଜେରି ? 32ହୁଡ଼ାଟୁ, ଦିନା ୱାଇନେ, ହାଁ, ୱାତେଦେ, ଏଚ୍ଚିକିଃଆ ମିରୁ ବାରାୱିତି ଆନ୍ ହାବେ ମି ମି ଇଜ୍ଜା ଡେହିଦେରି, ଆଟେ ରଃଅତ୍ ନାଙ୍ଗେ ପିହାନ୍ ହାଜ୍ଜାଦେରି; ଆତେସ୍ୱାଡ଼େ ନାନୁ ରଃଅତାନୁ ଆଃଏନୁ, ଇନାକି ଆବା ନା ଡ଼ାହି ମାନ୍ନେଞ୍ଜି । 33ମିରୁ ଇନିସ୍କି ନା ପାଟ୍ଟି ଲତୁ ପାଁଣ୍ଡେରି, ଏଦାବାଗା ନାନୁ ମିଙ୍ଗେ ଇ ହାବେତ୍ କୁଲା ୱେସାଞ୍ଜା । ପୁର୍ତିତାୱା ମି ବାଗାଟି କସ୍ଟ ମାନ୍ନେ, ମତ୍ର ବରେସ୍ ଆଦୁ; ନାନୁ ପୁର୍ତି କୁଃଏଟି ଜିତି ଆମାଃଇ ।”
Iliyochaguliwa sasa
ଜହନ 16: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 16
16
1ମିରୁ ଇନିସ୍କି ମୁଲାପେନୁନିକି ପିଃହେରି, ଏଦାବାଗା ନାନୁ ମିଙ୍ଗେ ଇ ହାବେତ୍ କାତା ୱେସାଞ୍ଜା । 2ଏୱାରି ମିଙ୍ଗେ ହାଜା ଇଡ୍ଡୁତାୱାଟି ରେପ୍ତାନେରି, ହାଁ, ଇହିଙ୍ଗ୍ତି ଦିନା ୱାଇନେ, ଏଚ୍ଚିକିଃଆ ଏମ୍ୱେନାରି ମିଙ୍ଗେ ପାଗିଦାନେରି, ଏୱାରି ମୁଲାପେନୁତି ଆଙ୍ଗୁଲ୍ କାମା କିମାଃଇ ଇଞ୍ଜାନ୍ ଏଲୁ କିନ୍ନେରି । 3ଆଟେ ଏୱାରି ଇୱାହାବେ କିନେରି, ଇନାକି ଏୱାରି ଆବାନିକି ଅଟେ ନାଙ୍ଗେ ୱାଡ଼େ ପୁଞ୍ଜାହେଲ୍ଲାଦାଃଏରି । 4ମତ୍ର ଇ ହାବେ ଡୁଣ୍ଡେଲ୍ତି ତୁକା ୱାତେସି, ନାନୁ ଜେ ମିଙ୍ଗେ ୱେସାଞ୍ଜାତେଃଏ, ଇଦା ଇନିସ୍କି ମିରୁ ଏଲୁ କିଦେରି, ଇଦାବାଗା ନାନୁ ଇ ହାବେତ୍ କାତା ମିଙ୍ଗେ ୱେସାଞ୍ଜା । ନାନୁ ମି ଡ଼ାହି ମାନ୍ନି ବାଗା କାହେତାୱାଟି ଇ ହାବେ କାତା ମିଙ୍ଗେ ୱେସ୍ତାଦାଃଆତାନୁ ।
ପିର୍ନି ଡିଙ୍ଗାତି କାମା
5“ମତ୍ର ହାଦାଡ଼ି ନାନୁ ନାଙ୍ଗେ ପାଣ୍ଡାଞ୍ଜାତି ଆବା ରେଃଏସ୍ ହାଜ୍ଜିମାଃଇ, ଆଟେ ମିରୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିଞ୍ଜି ଇଞ୍ଜାନ୍ ମି ତାୱାଟି ଏମ୍ୱେନାରି ନାଙ୍ଗେ ୱେଞ୍ଜେହେଲ୍ଲାଦାଃଏରି । 6ମତ୍ର ନାନୁ ମିଙ୍ଗେ ଇ ହାବେତ୍ କାତା ୱେସ୍ତାତ୍ ବାଗା ମି ହଡାଙ୍ଗ୍ ଗାପ୍ଚି ଦୁଃକଟି ନେଞ୍ଜିତୁ । 7ମତ୍ର ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ନା ହାଲ୍ବନ୍ ମି ବାଗା ନେହି ଆନେ, ଇନାକି ନାନୁ ହାଃଲ୍ଲାତେସି ଏ ସାହାଜ୍ୟକିଅନ୍ତାଞ୍ଜି ମି ରେଃଏସ୍ ୱାଃଏଞ୍ଜି, ମତ୍ର ନାନୁ ହାଚ୍ଚେସି ତାଙ୍ଗେ ମି ରେଃଏସ୍ ପାଣ୍ଡିଦାଃଇ । 8ଆଟେ ଏୱାଞ୍ଜି ୱାନାହି ପାପ ଅଟେ ଦାର୍ମିକତା ଅଟେ ବିଚାର କୁଲାଟି ପୁର୍ତିତିଦି ପରମାନ ହିନେଞ୍ଜି; 9ପୁର୍ତିତି ଦାଲ୍ଲା ନାଙ୍ଗେ ମାଞ୍ଜାଡ଼ି କିହେଲ୍ଲାଦାଃଏରି, ଏଦି ଆଇନେ ପାପ; 10ଆଟେ ନାନୁ ଆବା ରେଃଏସ୍ ହାଜ୍ଜିମାଃଇ ଅଟେ ମିରୁ ନାଙ୍ଗେ ଆଟେ ହୁଡ଼ାଦାଃଏରି; ଇଦି ନା ଦାର୍ମିକତା କୁଲାଟି ତସ୍ପିନ୍ନେ; 11ଆଟେ ଇ ପୁର୍ତିତି ଗାମିନାଞ୍ଜି ବିଚାର ଆନ୍ ଦଣ୍ଡ ପାଁଣ୍ଡାନ୍ନେଞ୍ଜି, ଇଦିମ୍ୱାଟି ମୁଲାପେନୁତି ନିୟେ ବିଚାର ପଙ୍ଗେନ୍ନେ ।”
12“ମିଙ୍ଗେ ନାନୁ ଗାପ୍ଚି କାତା ୱେସ୍ପନ୍ ମାନ୍ନେ, ମତ୍ର ମିରୁ ହାଦାଡ଼ି ଏୱା ହାବେ ସହି ଆଅନ୍ ମୁଃଏରି । 13ମତ୍ର ଏଚ୍ଚିକିଃଆ ନିଜ୍ଜା ଡିଙ୍ଗା#୧୬:୧୩ ନିଜ୍ଜା ଡିଙ୍ଗା ଇଚ୍ଚେସି ସାହାଜ୍ୟ କିଅନ୍ତାଞ୍ଜି ବା ପିର୍ନି ଡିଙ୍ଗାତିଦି ବୁଜ୍ଜେ କିନ୍ନେ । ୱାନେଞ୍ଜି, ଏୱାଞ୍ଜି ନିଜ୍ଜା ପାହେର୍ ତସ୍ତାନେଞ୍ଜି, ଇନାକି ଏୱାଞ୍ଜି ତା ତାୱାଟି ଇନ୍ନା ୱେଃସେଞ୍ଜି, ମତ୍ର ଇନ୍ନା ୱେନେଞ୍ଜି ଏୱା ହାବେ ୱେସ୍ନେଞ୍ଜି, ଆଟେ ନକେସ୍ ୱାଇନି କୁଲାଟି ହାବେ ମିଙ୍ଗେ ୱେସ୍ତାନେଞ୍ଜି । 14ଏୱାଞ୍ଜି ନାଙ୍ଗେ ସନ୍ମାନ୍ ହିଆନେଞ୍ଜି, ଇନାକି ଏୱାଞ୍ଜି ନା କୁଲାଟି ମିଙ୍ଗେ ୱେସ୍ତାନେଞ୍ଜି । 15ଇନ୍ନା ଇନ୍ନା ଆବାତାଃଆ, ଏ ହାବେ ନାଃଆ; ଇଦାବାଗା ନାନୁ ୱେସ୍ତାତେଃଏ, ଏୱାଞ୍ଜି ନା କୁଲାଟି ମିଙ୍ଗେ ୱେସ୍ତାନେଞ୍ଜି ।”
ଦୁଃକ ଅଟେ ରାହାଙ୍ଗ୍
16“ହିତେ ମାଞ୍ଜାନ୍, ମିରୁ ନାଙ୍ଗେ ଆଟେ ହୁଡ଼ାଦାଃଏରି, ମତ୍ର ଏଚ୍ଚେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି ।” 17ଏମ୍ବାଟି ଏୱାଞ୍ଜ୍ତି ଗ୍ରାମ୍ୱାଗାଟାର୍ ତାୱାଟି ତାରୁ ତାରୁ ୱେସ୍ପିଆତେରି, ହିତେ ମାଞ୍ଜାନ୍ ମିରୁ ନାଙ୍ଗେ ହୁଡ଼ାଦାଃଏରି, ଆଟେ “ହିତେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି ଅଟେ ନାନୁ ଆବା ରେଃଏସ୍ ହାଜ୍ଜିମାଃଇ,” ଇ ଇମ୍ୱିନ୍ କାତା ଏୱାଞ୍ଜି ମାଙ୍ଗେ ୱେସ୍ପିଞ୍ଜାନେଞ୍ଜି, “ଇଦି ଇନ୍ନାଦି ?” 18ଏଦାକି ଏୱାରି ୱେସ୍ତେରି, “ହିତେ ତୁକା ଇଞ୍ଜାନ୍ ଇୱାଞ୍ଜି ଇନ୍ନା ୱେସ୍ପିନ୍ନେଞ୍ଜି ? ଏୱାଞ୍ଜି ଇନ୍ନା ୱେସ୍ପିନ୍ନେଞ୍ଜି, ମାରୁ ବୁଜ୍ଜି ଆଏହେଃଲ୍ଲାସୁ ।”
19ଏୱାରି ଏୱାଞ୍ଜିକି ୱେନ୍ବନ୍ତିକି ମନ କିନ୍ନେରି ଇଞ୍ଜାନ୍ ପୁଞ୍ଜାନାହି ଜିସୁ ଏୱାରିକି ୱେସ୍ତେଞ୍ଜି, “ହିତେ ମାଞ୍ଜାନ୍, ମିରୁ ନାଙ୍ଗେ ହୁଡ଼ାଦାଃଏରି, ହିତେ ତୁକା ହାନ୍ନାୱିଃଆଟି ମିରୁ ନାଙ୍ଗେ ରିହିକ୍ ହୁଡ଼ାଦାଦେରି, ନାନୁ ଇ ଇମ୍ୱିନ୍ କାତା ୱେସ୍ତାତେଃଏ, ଏ କୁଲାଟି ମିରୁ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? 20ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଡ଼ିଦେରି ଆଟେ ଦୁଃକ ପାଁଣ୍ଡେରି, ମତ୍ର ପୁର୍ତି ରାହାଙ୍ଗ୍ ଆନେ; ମିରୁ ଦୁଃକ କିଦେରି, ମତ୍ର ମି ଦୁଃକ ରାହାଙ୍ଗ୍ ମ୍ଲିନେ । 21ରଣ୍ଡି ଆଚାଲୁ ମାରାନ୍ଦୁକା ଏତେସି ବିହା ପାଁଣ୍ଡିନ୍ନେ; ମତ୍ର ଏଦି ବଦା ମାରନ୍ ମୁତେସି ପୁର୍ତିତାୱା ରଣ୍ଡି ବଦା ପ୍ଲିତେ ଇଞ୍ଜାନ୍ ରାହାଙ୍ଗିଃଆଟି ତା କସ୍ଟ ହାବେ ବ୍ଡୁଜ୍ଜେନ୍ନେ । 22ଏହେଙ୍ଗିସି ମିରୁ ହାଦାଡ଼ି ଦୁଃକ ପାଁଣ୍ଡିଞ୍ଜେରି, ମତ୍ର ନାନୁ ମିଙ୍ଗେ ରିହିକ୍ ତଞ୍ଜୁଆଦାଆ, ଏଚିତୁକାତାୱା ମିରୁ ରାହାଙ୍ଗ୍ ଆଦେରି ଅଟେ ମି ହଡାଙ୍ଗ୍ତି ରାହାଙ୍ଗ୍ତିଦି ଏମ୍ୱେନାରି ମିଞ୍ଜାନ୍ ଅନ୍ ମୁଃଏରି ।”
23“ଏ ଦିନାତାୱା ମିରୁ ନାଙ୍ଗେ ଇନ୍ନା ୱେଞ୍ଜାଦାଃଆଟୁ । ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଆବାନିକି ନା ପାରୁଟି ଇନ୍ନା ହାବେ ୱ୍ରିହ୍ଦେରି, ଏୱାଞ୍ଜି ମିଙ୍ଗେ ଏୱା ହିଆନେଞ୍ଜି । 24ହାଦାଡ଼ି ଟିକ୍ନା ମିରୁ ନା ପାରୁଟି ଇନ୍ନା ୱ୍ରିହାହେଃଲ୍ଲେରି; ୱ୍ରିହ୍ଦୁ, ଆଟେ ମି ରାହାଙ୍ଗ୍ ଇନିସ୍କି ନେଞ୍ଜିନେ, ଏଦାବାଗା ମିରୁ ଏୱା ପାଁଣ୍ଡେରି ।”
ପୁର୍ତି କୁଃଏଟ୍ ଜିତି ଆଅନ୍
25“ନାନୁ ମିଙ୍ଗେ ତୁକାଙ୍ଗାତା ଡ଼ାହି ଇ ହାବେତ୍ କାତା ୱେସାଞ୍ଜା; ଦିନା ୱାଇନେ, ନାନୁ ଆଟେ ତୁକାଙ୍ଗାତାଟି ମିଙ୍ଗେ ୱେସ୍ତାଦାଃଏନୁ, ମତ୍ର ଆବାତି କୁଲା ନେହେନ୍ ମିଙ୍ଗେ ୱେସ୍ତା । 26ଏ ଦିନା ୱାତେସି ମିରୁ ନା ପାରୁଟି ୱ୍ରିହ୍ଦେରି; ଆଟେ ନାନୁ ମିପେଟି ଆନାହି ଆବାନିକି ଜିଗିଇ, ଇଦା ନାନୁ ମିଙ୍ଗେ ୱେସ୍ପେହେଲ୍ଲାଦାଃଏନୁ; 27ଆବା ମିଙ୍ଗେ ଜେଡା କିଞ୍ଜାନେଞ୍ଜି, ଇନାକି ମିରୁ ନାଙ୍ଗେ ଜେଡା କିଞ୍ଜାଦେରି ଆଟେ ନାନୁ ମୁଲାପେନୁତାୱାଟି ୱାମାଃଇ, ଏଦା ମିରୁ ମାଞ୍ଜାଡ଼ି କିଆଞ୍ଜେରି । 28ନାନୁ ଆବାତାୱାଟି ପୁର୍ତିଇନ୍ଦା ୱାମାଃଇ; ରିହିକ୍ ନାନୁ ପୁର୍ତି ପିହାନ୍ ଆବା ରେଃଏସ୍ ହାଜ୍ଜିମାଃଇ ।”
29ତା ଗ୍ରାମ୍ୱାଗାଟାରି ୱେସ୍ତେରି, ହୁଡ଼ାମୁ, ହାଦାଡ଼ି ନିନୁ ନେହେନ୍ ୱେସ୍ପିଞ୍ଜି ଅଟେ ତୁକାଙ୍ଗାତାଟି ଆଟେ ୱେସ୍ପେହେଃଲ୍ଲା । 30ନିନୁ ହାବେତ୍ କୁଲା ପୁଞ୍ଜାଞ୍ଜି ଆଟେ ଏମ୍ୱେ ନିଙ୍ଗେ ପ୍ରସ୍ନ ୱେନ୍ବନ୍ତିକି ଆବସକ ହେଃଲ୍ଲେଏ, ଏଦା ହାଦାଡ଼ି ମାମୁ ପୁଚ୍ଚାମୁ; ମୁଲାପେନୁତାୱାଟି ନିନୁ ୱାଞ୍ଜି ଇଞ୍ଜାନ୍ ମାମୁ ଇଦା ମାଞ୍ଜାଡ଼ି କିନ୍ନାମୁ ।
31ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ହାଦାଡ଼ି ମାଞ୍ଜାଡ଼ି କିଞ୍ଜେରି ? 32ହୁଡ଼ାଟୁ, ଦିନା ୱାଇନେ, ହାଁ, ୱାତେଦେ, ଏଚ୍ଚିକିଃଆ ମିରୁ ବାରାୱିତି ଆନ୍ ହାବେ ମି ମି ଇଜ୍ଜା ଡେହିଦେରି, ଆଟେ ରଃଅତ୍ ନାଙ୍ଗେ ପିହାନ୍ ହାଜ୍ଜାଦେରି; ଆତେସ୍ୱାଡ଼େ ନାନୁ ରଃଅତାନୁ ଆଃଏନୁ, ଇନାକି ଆବା ନା ଡ଼ାହି ମାନ୍ନେଞ୍ଜି । 33ମିରୁ ଇନିସ୍କି ନା ପାଟ୍ଟି ଲତୁ ପାଁଣ୍ଡେରି, ଏଦାବାଗା ନାନୁ ମିଙ୍ଗେ ଇ ହାବେତ୍ କୁଲା ୱେସାଞ୍ଜା । ପୁର୍ତିତାୱା ମି ବାଗାଟି କସ୍ଟ ମାନ୍ନେ, ମତ୍ର ବରେସ୍ ଆଦୁ; ନାନୁ ପୁର୍ତି କୁଃଏଟି ଜିତି ଆମାଃଇ ।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0