ଜହନ 13
13
ଜିସୁ ଗ୍ରାମ୍ବାଗାଟାର୍ତି କାଟ୍କା ନଗ୍ବନ୍
1ନିସ୍ତାର ରେହାଙ୍ଗ୍ ଆଅନ୍ତି ଟାକ୍କେ ଆତେ । ଜିସୁ ଇ ପୁର୍ତି ପିହାନ୍ ଆବାତି ରେଃଏସ୍ ହାଲ୍ବନ୍ତି ଦିନା ୱାତେ ଇଞ୍ଜାନ୍ ପୁଞ୍ଜାଚ୍ଚେଞ୍ଜି । ଏଦାକି ପୁର୍ତିତାୱା ମାନ୍ନି ଇମ୍ୱିନ୍ ଦାଲ୍ଲାନିକି ଏୱାଞ୍ଜି ଜେଡା କିଚ୍ଚେଞ୍ଜି, ଏୱାରିକି ୱିହାନ୍ଦୁକା ଟିକ୍ନା ଜେଡା ପକ୍ତେଞ୍ଜି । 2ଆଟେ ଡାଡ଼ିଙ୍ଗ୍ ତିନ୍ବା ଉନ୍ବା କିଅନ୍ ବାଗା କକ୍ଚାଚ୍ଚି ତୁକାତାୱା, ସିମନତି ମ୍ରିଃଏଞ୍ଜି ଇସ୍କାରିୟତ ଜିହୁଦାତି ହଡାଙ୍ଗ୍ତାୱା ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଅନ୍ ବାଗା ସଇତାନ ଜୁଜନା କିଆଚ୍ଚେ । 3ଆବା ତା କାଜ୍ଜୁତାୱା ହାବେତ୍ କୁଲା ସର୍ପି କିଆନ୍ନେଞ୍ଜି ଆଟେ ଏୱାଞ୍ଜି ମୁଲାପେନୁତାୱାଟି ୱାନ୍ନେଞ୍ଜି, ଆଟେ ମୁଲାପେନୁ ଟାକ୍କେ ହାଜ୍ଜିନ୍ନେଞ୍ଜି, ଏଦା ଜିସୁ ପୁଞ୍ଜାଚ୍ଚେଞ୍ଜି । 4ଇଦା ପୁଞ୍ଜାନାହି ଏୱାଞ୍ଜି ତିନ୍ବା ଉନ୍ବା ଗର୍ରିତାୱାଟି ନିଙ୍ଗାନ୍ ତାନୁ କୁଃଏଟ୍ ମେଦ୍ଦାଚ୍ଚି ଅଙ୍ଗି କ୍ଡୁହାନ୍ ରଣ୍ଡା ଚେଦର୍ ଅଆନ୍ ତା ଡାଡ୍ଡି ଗାସ୍ତେଞ୍ଜି । 5ଏମ୍ବାଟି ଏୱାଞ୍ଜି ଡାକିତାୱା ଏଜୁ ନେସ୍ତେଞ୍ଜି, ଆଟେ ଗ୍ରାମ୍ୱାଗାଟାରିତି କାଟ୍କା ନଗ୍ଜାନ୍ ତା ଡାଡ୍ଡିତାୱା ଗାସାଚ୍ଚି ଚେଦର୍ ଡ଼ାହି ତାଚାହିଅନ୍ ମ୍ରାସ୍ତେଞ୍ଜି । 6ଏଚ୍ଚିକିଃଆ ଜିସୁ ସିମନ ପିତରତି ରେଃଏସ୍ ଏତେଞ୍ଜି; ପିତର ତାଙ୍ଗେ ୱେସ୍ତେଞ୍ଜି, “ଦାର୍ମୁ, ନିନୁ ଇନ୍ନା ନା କାଟ୍କା ନଗ୍ଜାହିଆଦି ?” 7ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାନୁ ଇନ୍ନା କିମାଃଇ, ଏଦା ମିରୁ ହାଦାଡ଼ି ପୁଃନ୍ନେରି, ମତ୍ର ଡେଗ୍ଗା ପୁଞ୍ଜେରି ।”
8ପିତର ଏୱାଞ୍ଜିକି ୱେସ୍ତେଞ୍ଜି, “ନିନୁ ନା କାଟ୍କା ଏଚ୍ଚେକ୍ୱାଡ଼େ ନଗ୍ଜାହିଆଦାଃଆ ।” ଜିସୁ ଏୱାଞ୍ଜିକି ୱେସ୍ତେଞ୍ଜି, “ଜଦି ନାନୁ ନି କାଟ୍କା ନଗ୍ଜାହିଆଦାଃଏନୁ, ଏହେଙ୍ଗ୍ ଆତେସି ନିନୁ ନା ଗ୍ରାମ୍ୱାଗାଟାତାତି ଆଅନ୍ ମୁଃଆ ।”
9ସିମନ ପିତର ଏୱାଞ୍ଜିକି ୱେସ୍ତେଞ୍ଜି, “ଦାର୍ମୁ, ୱାର୍ରି ନା କାଟ୍କା ଆଃଏ, ମତ୍ର ନା କାସ୍କା ଅଟେ ତ୍ଲାଉ ୱାଡ଼େ ନଗ୍ଜାହିଆମୁ ।” 10ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏମ୍ୱେନାଞ୍ଜି ଏଜୁ ମିଆନ୍ନେଞ୍ଜି, ତା କାଟ୍କା ପିହାନ୍ ଆଟେ ଇନ୍ନା ନବ୍ଗନ୍ ଆବସକ ଆଃଏ, ଏୱାଞ୍ଜି ନିଜ୍ଜାନେଃଏ ପିର୍ରିଗାଟାଞ୍ଜି; ମିରୁ ପିର୍ରିଗାଟାତାତେରି, ମତ୍ର ହାବେତାତେରି ଆଃଏ ।” 11ଏମ୍ୱେନାଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ସର୍ପି କିନେଞ୍ଜି, ଏୱାଞ୍ଜିକି ତାନୁ ପୁଞ୍ଜାଚ୍ଚେଞ୍ଜି; ଏଦାବାଗା ଏୱାଞ୍ଜି ୱେସ୍ତେଞ୍ଜି, “ମିରୁ ହାବେତାତେରି ପିର୍ରିଗାଟାତାତେରି ଆଃଏ ।”
12 #
ଲୁକ ୨୨:୨୭
ଏୱାଞ୍ଜି ଏୱାର୍ତି କାଟ୍କା ନଗ୍ଦାୱିଃଆଟି ତା କୁଃଏଟ୍ତି ଅଙ୍ଗି ମେଦ୍ଦାନ୍ ଆଟେ ରିହିକ୍ କକ୍ଚ୍ଚାନ୍ ଏୱାରିକି ୱେଚ୍ଚେଞ୍ଜି, “ନାନୁ ମି ବାଗା ଇନ୍ନା କିଆମାଃଇ, ଏଦା ଇନ୍ନା ମିରୁ ପୁଞ୍ଜିଞ୍ଜେରି ?” 13ମିରୁ ନାଙ୍ଗେ ଗ୍ରାପାଗାଟାତି ଅଟେ ଦାର୍ମୁ ଇଞ୍ଜାନ୍ ଆର୍ପିଞ୍ଜାଦେରି, ଆଟେ ନିଜ୍ଜାନେଃଏ ୱେସ୍ପିଞ୍ଜାଦେରି; ଇନାକି ନାନୁ ଏୱାତାନୁ । 14ଜଦି ନାନୁ ମି ଦାର୍ମୁ ଅଟେ ଗ୍ରାପାଗାଟାନୁ ଆନ୍ ମି କାଟ୍କା ନଗ୍ଜାହିଞ୍ଜା, ଇଚ୍ଚେସି ମିରୁ ୱାଡ଼େ ରଃଅଞ୍ଜି ଆଟେ ରଃଅଞ୍ଜ୍ତି କାଟ୍କା ନଗ୍ବନ୍ତିକି ଉଚିତ୍। 15ଇନାକି ମି ବାଗା ନାନୁ ଇନିସ୍ କିଆମାଃଇ, ମିରୁ ୱାଡ଼େ ଏହେଙ୍ଗିସି କିଦୁ, ଇଦାବାଗା ନାନୁ ମିଙ୍ଗେ ଗ୍ରାପନ୍ ବାଗା ଇଦା ତସାଞ୍ଜା । 16#ମାତି ୧୦:୨୪; ଲୁକ ୬:୪୦; ଜହ ୧୫:୨୦ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, କାମ୍ବାରେଏଞ୍ଜି ତା ସକାରତାୱାଟି ବେର୍ରାନାଞ୍ଜି ଆଃଏ, ଆଟେ ପେରିତ ତା ପାଣ୍ଡନ୍ତାଞ୍ଜି ତାୱାଟି ବେର୍ରାନାଞ୍ଜି ଆଃଏ । 17ହାଦାଡ଼ି ମିରୁ ଇୱାହାବେ ପୁଞ୍ଜାଞ୍ଜେରି, ଜଦି ଇଦା କିତେସି ମିରୁ ଦନ୍ୟ ଆଦେରି । 18ନାନୁ ମି ହାବେତ୍ କୁଲାଟି ଇ କାତା ୱେସ୍ପେହେଲ୍ଲାଦାଃଏନୁ; ନାନୁ ଇନ୍ଦାରିକି ଆଚି କିଆମାଃଇ, ଏୱାରିକି ନାନୁ ପୁଞ୍ଜିମାଃଇ; ମତ୍ର ଏମ୍ୱେନାଞ୍ଜି ନା ଡ଼ାହି ଉଣ୍ଡିନ୍ନେଞ୍ଜି, ଏୱାଞ୍ଜି ନା ବିରୁଦଟି କାଡୁ ନିପ୍କିନ୍ନେଞ୍ଜି ଦର୍ମପୁତିତି ଇ ବାକ୍ୟ ଇନିସ୍କି ସପଲ ଆନେ, ଏଦାକି ଏହେଙ୍ଗିସି ଗଟି ଆଇନେ । 19ଏଦି ଗଟି ଆଅନ୍ତି ତୁକାତାୱା ନାନୁ ହାଦାଡ଼ି ମିଙ୍ଗେ ୱେସ୍ପିଞ୍ଜା । ଏଚ୍ଚିକିଃଆ ଏଦି ଗଟି ଆନେ, ଏ ତୁକାତାୱା ମିରୁ ମାଞ୍ଜାଡ଼ି କିଦେରି ଜେ, ନାନୁ ଏ କ୍ରିସ୍ଟତାନୁ । 20#ମାତି ୧୦:୪୦; ମାର୍କ ୯:୩୭; ଲୁକ ୯:୪୮; ୧୦:୧୬ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ନାନୁ ପାଣ୍ଡାନ୍ନି କୁଏଞ୍ଜିକି ଗ୍ରହନ କିନ୍ନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି, ଆଟେ ନାଙ୍ଗେ ଏମ୍ୱେନାଞ୍ଜି ଗ୍ରହନ କିଞ୍ଜାନେଞ୍ଜି, ଏୱାଞ୍ଜି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ଗ୍ରହନ କିନ୍ନେଞ୍ଜି ।
ଜିସୁ ତା ଗାଣ୍ଡି ସତ୍ରୁ କାଜ୍ଜୁତାୱା ସର୍ପି କିଅନ୍ତି କୁଲାଟି ୱେସ୍ପନି
(ମାତିଉ ୨୬:୨୦–୨୫; ମାର୍କ ୧୪:୧୭–୨୧; ଲୁକ ୨୨:୨୧–୨୩)
21ଜିସୁ ଇ ହାବେତ୍ କାତା ୱେସାନାହି ହଡାଙ୍ଗ୍ ନୱିକିତେଞ୍ଜି ଅଟେ ସାକ୍ୟ ହିଆନ୍ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମି ତାୱାଟି ରଃଅଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ।” 22ଏୱାଞ୍ଜି ଇନ୍ଦାରିକି ହୁଟାନ୍ ଇ କାତା ୱେସ୍ତେଞ୍ଜି, ଏ କୁଲାଟି ପୁନ୍ନେଟେଃଏ ଗ୍ରାମ୍ୱାଗାଟାର୍ ତାରୁ ତାରୁ ମେହ୍ପିଆତେରି । 23ଜିସୁତି ଗ୍ରାମ୍ୱାଗାଟାର୍ ତାୱାଟି ଇନ୍ଦାରିକି ଜିସୁ ଜେଡା କିଚ୍ଚେଞ୍ଜି#୧୩:୨୩ ଇନ୍ଦାରିକି ଜିସୁ ଜେଡା କିଚ୍ଚେଞ୍ଜି ଇଚ୍ଚେସି ଜହନ କିନାଙ୍ଗ୍ ଇଞ୍ଜାନ୍ ଗାପ୍ଚି ଦାଲ୍ଲା ୱେସ୍ପିନ୍ନେରି ଇନାକି ଜହନ ଜିସୁ ଟାକ୍କେ କପ୍କିଚ୍ଚେଞ୍ଜି । ଜହନ ୧୯:୨୬; ୨୦:୨; ୨୧:୭ , ଏୱାଞ୍ଜି ତାଙ୍ଗେ କେକାନ୍ ତିନ୍ନି ଇନ୍ଦେଟି କକ୍ଚ୍ଚାଚ୍ଚେଞ୍ଜି । 24ମତ୍ର ସିମନ ପିତର ତାଙ୍ଗେ ହୁଟାନ୍ ୱେସ୍ତେଞ୍ଜି, “ଏୱାଞ୍ଜି ଇନ୍ଦାର୍ କୁଲାଟି ୱେସ୍ପିନ୍ନେଞ୍ଜି, ଏଦା ତାଙ୍ଗେ ୱେନ୍ମୁ ।” 25ଏୱାଞ୍ଜି ଏହେଙ୍ଗିସି କକ୍ଚାନ୍ ଜିସୁତି ହଡାଙ୍ଗ୍ତାୱା କେକାନ୍ ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ଏୱାଞ୍ଜି ଏମ୍ୱେନାଞ୍ଜି ?”
26ଏମ୍ବାଟି ଜିସୁ ୱେସ୍ତେଞ୍ଜି, “ଇ ପାହେଡ଼୍ ରୁଟି ଗିନ୍ନାତାୱା ମେସାନ୍ ଇନ୍ଦାରିକି ହିଃଇ, ଏୱାଞ୍ଜି ଏ କୁଏଞ୍ଜି ।” ଏମ୍ବାଟି ଏୱାଞ୍ଜି ଏ ରୁଟି କାଣ୍ଡାତିଦି ଗିନ୍ନାତାୱା ମେସାନାହି ଏଦା ଅଆନ୍ ଇସ୍କାରିୟତ ସିମନତି ମ୍ରିଃଏଞ୍ଜି ଜିହୁଦାନିକି ହିତେଞ୍ଜି । 27ଏ ରୁଟି କାଣ୍ଡାତିଦି ପାଟାୱିଃଆଟି ସଇତାନ ଏୱାଞ୍ଜ୍ ଲାଃଇ ହଟେ । ଏଦିମ୍ୱା ଜିସୁ ତାଙ୍ଗେ ୱେସ୍ତେଞ୍ଜି, “ଇନାକିଞ୍ଜି, ଏଦା କାର୍ବେକ୍ କିମୁ ।” 28ମତ୍ର ଏୱାଞ୍ଜି ଇମ୍ୱିନ୍ ଉଦେସିଆଟି ତାଙ୍ଗେ ଇ କାତା ୱେସ୍ତେଞ୍ଜି, ଏଦା ତିନ୍ବା ଉନ୍ବା ଗର୍ରିତାୱା କକ୍ଚାଚ୍ଚି ଦାଲ୍ଲା ତାୱାଟି ଏମ୍ୱେ ୱାଡ଼େ ପୁଃନ୍ନାତେରି । 29ଇନାକି ଜିହୁଦା ରେଃଏସ୍ ଟାକ୍କାଙ୍ଗ୍ ବଟ୍ଟା ମାଚ୍ଚାୱିଃଆଟି, ରେହାଙ୍ଗ୍ ବାଗାଟି ଇନ୍ନା ଇନ୍ନା ଦରକାର ଆନେ, ଏଦା କଡ୍ଡନ୍ ବାଗା କି ହାକ୍କିଗାଟାରିକି ଇନ୍ନା ହିତେ ହିଅନ୍ ବାଗା ଜିସୁ ତାଙ୍ଗେ ୱେସ୍ତେଞ୍ଜି ଇଞ୍ଜାନ୍ ଏଚ୍ଚେ ଦାଲ୍ଲା ଏଲୁ କିତେରି । 30ରୁଟି କାଣ୍ଡା ତିଞ୍ଜାନାହି ଏୱାଞ୍ଜି ଏଚିୱାଡ଼େ ହଚାନ୍ ହାଚ୍ଚେଞ୍ଜି, ଏଚିତୁକାତାୱା ଡାଡ଼ିଙ୍ଗ୍ ଆଚ୍ଚେ ।
ପୁନି ଆଗ୍ୟାଁ
31ଏୱାଞ୍ଜି ହଚାନ୍ ହାଚ୍ଚାୱିଃଆଟି ଜିସୁ ୱେସ୍ତେଞ୍ଜି, ହାଦାଡ଼ି କୁଏଞ୍ଜି ମ୍ରିଃଏଞ୍ଜି ମହିମା ଆତେଞ୍ଜି ଆଟେ ଏୱାଞ୍ଜି ପାଟ୍ଟି ମୁଲାପେନୁ ମହିମା ଆତେଞ୍ଜି । 32ଜଦି ମୁଲାପେନୁ ତା ମ୍ରିଃଏଞ୍ଜି ତାୱାଟି ମହିମା ଆତେଞ୍ଜି, ଇଚ୍ଚେସି ମୁଲାପେନୁ ୱାଡ଼େ କୁଏଞ୍ଜି ମ୍ରିଃଏଞ୍ଜିକି ତା ମହିମାତାୱା କାର୍ବେକ୍ ମହିମା କିନେଞ୍ଜି, ଆଟେ କାର୍ବେକ୍ ଏୱାଞ୍ଜିକି ମହିମା କିନେଞ୍ଜି । 33#ଜହ ୭:୩୪ଏ ବଦାଙ୍ଗ୍ନାତେରି, ନାନୁ ଆଟେ ମି ଡ଼ାହି ଗାପ୍ଚି ତୁକା ବାସାଆଃଆନୁ । ମିରୁ ନାଙ୍ଗେ ଦାହ୍ତାଦେରି; ମତ୍ର ନାନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିମାଃଇ, ମିରୁ ଏ ଗର୍ରିଇନ୍ଦା ହାଲ୍ବନ୍ ମୁଃଏରି, ଇଦା ନାନୁ ଇନିସ୍କି ଜିହୁଦିଙ୍ଗ୍ନିକି ୱେସାଚ୍ଚେଃଏ, ଏହେଙ୍ଗିସି ହାଦାଡ଼ି ମିଙ୍ଗେ ୱାଡ଼େ ୱେସ୍ପିଞ୍ଜା । 34#ଜହ ୧୫:୧୨,୧୭; ୧ଜହ ୩:୨୩; ୨ ଜହ ୧:୫ମିରୁ ମିରୁ ଜେଡା କିପ୍କିଆଦୁ, ଇ ପୁନି ଆଗ୍ୟାଁ ନାନୁ ମିଙ୍ଗେ ହିଞ୍ଜା; ନାନୁ ଇନିସ୍କି ମିଙ୍ଗେ ଜେଡା କିଆଞ୍ଜା, ମିରୁ ୱାଡ଼େ ଏହେଙ୍ଗିସି ରଃଅଞ୍ଜି ଆଟେ ରଃଅଞ୍ଜିକି ଜେଡା କିଅନ୍ ଆବସକ ମାନ୍ନେ । 35ଜଦି ମି ପାଟ୍ଟି ରଃଅଞ୍ଜି ଆଟେ ରଃଅଞ୍ଜିକି ଜେଡା କିଅନ୍ତାଦି ମାନ୍ନେ, ଇଚ୍ଚେସି ମିରୁ ନା ଗ୍ରାମ୍ୱାଗାଟାତାତେରି ଇଞ୍ଜାନ୍ ହାବେତାରି ପୁଞ୍ଜାନେରି ।
ପିତର ଅସ୍ପିକାର କିନେଞ୍ଜି ଇଞ୍ଜାନ୍ ଜିସୁ ୱେସ୍ପନି
(ମାତିଉ ୨୬:୩୧–୩୫; ମାର୍କ ୧୪:୨୭–୩୧; ଲୁକ ୨୨:୩୧–୩୪)
36ସିମନ ପିତର ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ ନିନୁ ଇମ୍ୱିନ୍ଇନ୍ଦା ହାଜ୍ଜିଞ୍ଜି ?” ଜିସୁ ୱେସ୍ତେଞ୍ଜି, “ନାନୁ ଇମ୍ୱିନ୍ଇନ୍ଦା ହାଜ୍ଜିମାଃଇ, ମିରୁ ହାଦାଡ଼ି ନା ବେତ ବେତଟ୍ ଏଦିନ୍ନେ ହାଲ୍ବନ୍ ମୁଃଏରି, ମତ୍ର ଡେଗ୍ଗା ହାଜ୍ଜେରି ।” 37ପିତର ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ନାନୁ ହାଦାଡ଼ି ଇନ୍ନା ବାଗା ନି ବେତ ବେତଟ୍ ହାଲ୍ବନ୍ ମୁଃଏନୁ ? ନାନୁ ନି ବାଗା ନା ପରନ୍ ହିଅନ୍ ବାଗା ହାମ୍ୱେର୍ ଆନ୍ ମାଃଇ ।” 38ଜିସୁ ୱେସ୍ତେଞ୍ଜି, “ନିନୁ ଇନ୍ନା ନା ବାଗା ନି ପରନ୍ ହିଦି ? ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।”
Iliyochaguliwa sasa
ଜହନ 13: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 13
13
ଜିସୁ ଗ୍ରାମ୍ବାଗାଟାର୍ତି କାଟ୍କା ନଗ୍ବନ୍
1ନିସ୍ତାର ରେହାଙ୍ଗ୍ ଆଅନ୍ତି ଟାକ୍କେ ଆତେ । ଜିସୁ ଇ ପୁର୍ତି ପିହାନ୍ ଆବାତି ରେଃଏସ୍ ହାଲ୍ବନ୍ତି ଦିନା ୱାତେ ଇଞ୍ଜାନ୍ ପୁଞ୍ଜାଚ୍ଚେଞ୍ଜି । ଏଦାକି ପୁର୍ତିତାୱା ମାନ୍ନି ଇମ୍ୱିନ୍ ଦାଲ୍ଲାନିକି ଏୱାଞ୍ଜି ଜେଡା କିଚ୍ଚେଞ୍ଜି, ଏୱାରିକି ୱିହାନ୍ଦୁକା ଟିକ୍ନା ଜେଡା ପକ୍ତେଞ୍ଜି । 2ଆଟେ ଡାଡ଼ିଙ୍ଗ୍ ତିନ୍ବା ଉନ୍ବା କିଅନ୍ ବାଗା କକ୍ଚାଚ୍ଚି ତୁକାତାୱା, ସିମନତି ମ୍ରିଃଏଞ୍ଜି ଇସ୍କାରିୟତ ଜିହୁଦାତି ହଡାଙ୍ଗ୍ତାୱା ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଅନ୍ ବାଗା ସଇତାନ ଜୁଜନା କିଆଚ୍ଚେ । 3ଆବା ତା କାଜ୍ଜୁତାୱା ହାବେତ୍ କୁଲା ସର୍ପି କିଆନ୍ନେଞ୍ଜି ଆଟେ ଏୱାଞ୍ଜି ମୁଲାପେନୁତାୱାଟି ୱାନ୍ନେଞ୍ଜି, ଆଟେ ମୁଲାପେନୁ ଟାକ୍କେ ହାଜ୍ଜିନ୍ନେଞ୍ଜି, ଏଦା ଜିସୁ ପୁଞ୍ଜାଚ୍ଚେଞ୍ଜି । 4ଇଦା ପୁଞ୍ଜାନାହି ଏୱାଞ୍ଜି ତିନ୍ବା ଉନ୍ବା ଗର୍ରିତାୱାଟି ନିଙ୍ଗାନ୍ ତାନୁ କୁଃଏଟ୍ ମେଦ୍ଦାଚ୍ଚି ଅଙ୍ଗି କ୍ଡୁହାନ୍ ରଣ୍ଡା ଚେଦର୍ ଅଆନ୍ ତା ଡାଡ୍ଡି ଗାସ୍ତେଞ୍ଜି । 5ଏମ୍ବାଟି ଏୱାଞ୍ଜି ଡାକିତାୱା ଏଜୁ ନେସ୍ତେଞ୍ଜି, ଆଟେ ଗ୍ରାମ୍ୱାଗାଟାରିତି କାଟ୍କା ନଗ୍ଜାନ୍ ତା ଡାଡ୍ଡିତାୱା ଗାସାଚ୍ଚି ଚେଦର୍ ଡ଼ାହି ତାଚାହିଅନ୍ ମ୍ରାସ୍ତେଞ୍ଜି । 6ଏଚ୍ଚିକିଃଆ ଜିସୁ ସିମନ ପିତରତି ରେଃଏସ୍ ଏତେଞ୍ଜି; ପିତର ତାଙ୍ଗେ ୱେସ୍ତେଞ୍ଜି, “ଦାର୍ମୁ, ନିନୁ ଇନ୍ନା ନା କାଟ୍କା ନଗ୍ଜାହିଆଦି ?” 7ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାନୁ ଇନ୍ନା କିମାଃଇ, ଏଦା ମିରୁ ହାଦାଡ଼ି ପୁଃନ୍ନେରି, ମତ୍ର ଡେଗ୍ଗା ପୁଞ୍ଜେରି ।”
8ପିତର ଏୱାଞ୍ଜିକି ୱେସ୍ତେଞ୍ଜି, “ନିନୁ ନା କାଟ୍କା ଏଚ୍ଚେକ୍ୱାଡ଼େ ନଗ୍ଜାହିଆଦାଃଆ ।” ଜିସୁ ଏୱାଞ୍ଜିକି ୱେସ୍ତେଞ୍ଜି, “ଜଦି ନାନୁ ନି କାଟ୍କା ନଗ୍ଜାହିଆଦାଃଏନୁ, ଏହେଙ୍ଗ୍ ଆତେସି ନିନୁ ନା ଗ୍ରାମ୍ୱାଗାଟାତାତି ଆଅନ୍ ମୁଃଆ ।”
9ସିମନ ପିତର ଏୱାଞ୍ଜିକି ୱେସ୍ତେଞ୍ଜି, “ଦାର୍ମୁ, ୱାର୍ରି ନା କାଟ୍କା ଆଃଏ, ମତ୍ର ନା କାସ୍କା ଅଟେ ତ୍ଲାଉ ୱାଡ଼େ ନଗ୍ଜାହିଆମୁ ।” 10ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏମ୍ୱେନାଞ୍ଜି ଏଜୁ ମିଆନ୍ନେଞ୍ଜି, ତା କାଟ୍କା ପିହାନ୍ ଆଟେ ଇନ୍ନା ନବ୍ଗନ୍ ଆବସକ ଆଃଏ, ଏୱାଞ୍ଜି ନିଜ୍ଜାନେଃଏ ପିର୍ରିଗାଟାଞ୍ଜି; ମିରୁ ପିର୍ରିଗାଟାତାତେରି, ମତ୍ର ହାବେତାତେରି ଆଃଏ ।” 11ଏମ୍ୱେନାଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ସର୍ପି କିନେଞ୍ଜି, ଏୱାଞ୍ଜିକି ତାନୁ ପୁଞ୍ଜାଚ୍ଚେଞ୍ଜି; ଏଦାବାଗା ଏୱାଞ୍ଜି ୱେସ୍ତେଞ୍ଜି, “ମିରୁ ହାବେତାତେରି ପିର୍ରିଗାଟାତାତେରି ଆଃଏ ।”
12 #
ଲୁକ ୨୨:୨୭
ଏୱାଞ୍ଜି ଏୱାର୍ତି କାଟ୍କା ନଗ୍ଦାୱିଃଆଟି ତା କୁଃଏଟ୍ତି ଅଙ୍ଗି ମେଦ୍ଦାନ୍ ଆଟେ ରିହିକ୍ କକ୍ଚ୍ଚାନ୍ ଏୱାରିକି ୱେଚ୍ଚେଞ୍ଜି, “ନାନୁ ମି ବାଗା ଇନ୍ନା କିଆମାଃଇ, ଏଦା ଇନ୍ନା ମିରୁ ପୁଞ୍ଜିଞ୍ଜେରି ?” 13ମିରୁ ନାଙ୍ଗେ ଗ୍ରାପାଗାଟାତି ଅଟେ ଦାର୍ମୁ ଇଞ୍ଜାନ୍ ଆର୍ପିଞ୍ଜାଦେରି, ଆଟେ ନିଜ୍ଜାନେଃଏ ୱେସ୍ପିଞ୍ଜାଦେରି; ଇନାକି ନାନୁ ଏୱାତାନୁ । 14ଜଦି ନାନୁ ମି ଦାର୍ମୁ ଅଟେ ଗ୍ରାପାଗାଟାନୁ ଆନ୍ ମି କାଟ୍କା ନଗ୍ଜାହିଞ୍ଜା, ଇଚ୍ଚେସି ମିରୁ ୱାଡ଼େ ରଃଅଞ୍ଜି ଆଟେ ରଃଅଞ୍ଜ୍ତି କାଟ୍କା ନଗ୍ବନ୍ତିକି ଉଚିତ୍। 15ଇନାକି ମି ବାଗା ନାନୁ ଇନିସ୍ କିଆମାଃଇ, ମିରୁ ୱାଡ଼େ ଏହେଙ୍ଗିସି କିଦୁ, ଇଦାବାଗା ନାନୁ ମିଙ୍ଗେ ଗ୍ରାପନ୍ ବାଗା ଇଦା ତସାଞ୍ଜା । 16#ମାତି ୧୦:୨୪; ଲୁକ ୬:୪୦; ଜହ ୧୫:୨୦ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, କାମ୍ବାରେଏଞ୍ଜି ତା ସକାରତାୱାଟି ବେର୍ରାନାଞ୍ଜି ଆଃଏ, ଆଟେ ପେରିତ ତା ପାଣ୍ଡନ୍ତାଞ୍ଜି ତାୱାଟି ବେର୍ରାନାଞ୍ଜି ଆଃଏ । 17ହାଦାଡ଼ି ମିରୁ ଇୱାହାବେ ପୁଞ୍ଜାଞ୍ଜେରି, ଜଦି ଇଦା କିତେସି ମିରୁ ଦନ୍ୟ ଆଦେରି । 18ନାନୁ ମି ହାବେତ୍ କୁଲାଟି ଇ କାତା ୱେସ୍ପେହେଲ୍ଲାଦାଃଏନୁ; ନାନୁ ଇନ୍ଦାରିକି ଆଚି କିଆମାଃଇ, ଏୱାରିକି ନାନୁ ପୁଞ୍ଜିମାଃଇ; ମତ୍ର ଏମ୍ୱେନାଞ୍ଜି ନା ଡ଼ାହି ଉଣ୍ଡିନ୍ନେଞ୍ଜି, ଏୱାଞ୍ଜି ନା ବିରୁଦଟି କାଡୁ ନିପ୍କିନ୍ନେଞ୍ଜି ଦର୍ମପୁତିତି ଇ ବାକ୍ୟ ଇନିସ୍କି ସପଲ ଆନେ, ଏଦାକି ଏହେଙ୍ଗିସି ଗଟି ଆଇନେ । 19ଏଦି ଗଟି ଆଅନ୍ତି ତୁକାତାୱା ନାନୁ ହାଦାଡ଼ି ମିଙ୍ଗେ ୱେସ୍ପିଞ୍ଜା । ଏଚ୍ଚିକିଃଆ ଏଦି ଗଟି ଆନେ, ଏ ତୁକାତାୱା ମିରୁ ମାଞ୍ଜାଡ଼ି କିଦେରି ଜେ, ନାନୁ ଏ କ୍ରିସ୍ଟତାନୁ । 20#ମାତି ୧୦:୪୦; ମାର୍କ ୯:୩୭; ଲୁକ ୯:୪୮; ୧୦:୧୬ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ନାନୁ ପାଣ୍ଡାନ୍ନି କୁଏଞ୍ଜିକି ଗ୍ରହନ କିନ୍ନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି, ଆଟେ ନାଙ୍ଗେ ଏମ୍ୱେନାଞ୍ଜି ଗ୍ରହନ କିଞ୍ଜାନେଞ୍ଜି, ଏୱାଞ୍ଜି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ଗ୍ରହନ କିନ୍ନେଞ୍ଜି ।
ଜିସୁ ତା ଗାଣ୍ଡି ସତ୍ରୁ କାଜ୍ଜୁତାୱା ସର୍ପି କିଅନ୍ତି କୁଲାଟି ୱେସ୍ପନି
(ମାତିଉ ୨୬:୨୦–୨୫; ମାର୍କ ୧୪:୧୭–୨୧; ଲୁକ ୨୨:୨୧–୨୩)
21ଜିସୁ ଇ ହାବେତ୍ କାତା ୱେସାନାହି ହଡାଙ୍ଗ୍ ନୱିକିତେଞ୍ଜି ଅଟେ ସାକ୍ୟ ହିଆନ୍ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମି ତାୱାଟି ରଃଅଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ।” 22ଏୱାଞ୍ଜି ଇନ୍ଦାରିକି ହୁଟାନ୍ ଇ କାତା ୱେସ୍ତେଞ୍ଜି, ଏ କୁଲାଟି ପୁନ୍ନେଟେଃଏ ଗ୍ରାମ୍ୱାଗାଟାର୍ ତାରୁ ତାରୁ ମେହ୍ପିଆତେରି । 23ଜିସୁତି ଗ୍ରାମ୍ୱାଗାଟାର୍ ତାୱାଟି ଇନ୍ଦାରିକି ଜିସୁ ଜେଡା କିଚ୍ଚେଞ୍ଜି#୧୩:୨୩ ଇନ୍ଦାରିକି ଜିସୁ ଜେଡା କିଚ୍ଚେଞ୍ଜି ଇଚ୍ଚେସି ଜହନ କିନାଙ୍ଗ୍ ଇଞ୍ଜାନ୍ ଗାପ୍ଚି ଦାଲ୍ଲା ୱେସ୍ପିନ୍ନେରି ଇନାକି ଜହନ ଜିସୁ ଟାକ୍କେ କପ୍କିଚ୍ଚେଞ୍ଜି । ଜହନ ୧୯:୨୬; ୨୦:୨; ୨୧:୭ , ଏୱାଞ୍ଜି ତାଙ୍ଗେ କେକାନ୍ ତିନ୍ନି ଇନ୍ଦେଟି କକ୍ଚ୍ଚାଚ୍ଚେଞ୍ଜି । 24ମତ୍ର ସିମନ ପିତର ତାଙ୍ଗେ ହୁଟାନ୍ ୱେସ୍ତେଞ୍ଜି, “ଏୱାଞ୍ଜି ଇନ୍ଦାର୍ କୁଲାଟି ୱେସ୍ପିନ୍ନେଞ୍ଜି, ଏଦା ତାଙ୍ଗେ ୱେନ୍ମୁ ।” 25ଏୱାଞ୍ଜି ଏହେଙ୍ଗିସି କକ୍ଚାନ୍ ଜିସୁତି ହଡାଙ୍ଗ୍ତାୱା କେକାନ୍ ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ଏୱାଞ୍ଜି ଏମ୍ୱେନାଞ୍ଜି ?”
26ଏମ୍ବାଟି ଜିସୁ ୱେସ୍ତେଞ୍ଜି, “ଇ ପାହେଡ଼୍ ରୁଟି ଗିନ୍ନାତାୱା ମେସାନ୍ ଇନ୍ଦାରିକି ହିଃଇ, ଏୱାଞ୍ଜି ଏ କୁଏଞ୍ଜି ।” ଏମ୍ବାଟି ଏୱାଞ୍ଜି ଏ ରୁଟି କାଣ୍ଡାତିଦି ଗିନ୍ନାତାୱା ମେସାନାହି ଏଦା ଅଆନ୍ ଇସ୍କାରିୟତ ସିମନତି ମ୍ରିଃଏଞ୍ଜି ଜିହୁଦାନିକି ହିତେଞ୍ଜି । 27ଏ ରୁଟି କାଣ୍ଡାତିଦି ପାଟାୱିଃଆଟି ସଇତାନ ଏୱାଞ୍ଜ୍ ଲାଃଇ ହଟେ । ଏଦିମ୍ୱା ଜିସୁ ତାଙ୍ଗେ ୱେସ୍ତେଞ୍ଜି, “ଇନାକିଞ୍ଜି, ଏଦା କାର୍ବେକ୍ କିମୁ ।” 28ମତ୍ର ଏୱାଞ୍ଜି ଇମ୍ୱିନ୍ ଉଦେସିଆଟି ତାଙ୍ଗେ ଇ କାତା ୱେସ୍ତେଞ୍ଜି, ଏଦା ତିନ୍ବା ଉନ୍ବା ଗର୍ରିତାୱା କକ୍ଚାଚ୍ଚି ଦାଲ୍ଲା ତାୱାଟି ଏମ୍ୱେ ୱାଡ଼େ ପୁଃନ୍ନାତେରି । 29ଇନାକି ଜିହୁଦା ରେଃଏସ୍ ଟାକ୍କାଙ୍ଗ୍ ବଟ୍ଟା ମାଚ୍ଚାୱିଃଆଟି, ରେହାଙ୍ଗ୍ ବାଗାଟି ଇନ୍ନା ଇନ୍ନା ଦରକାର ଆନେ, ଏଦା କଡ୍ଡନ୍ ବାଗା କି ହାକ୍କିଗାଟାରିକି ଇନ୍ନା ହିତେ ହିଅନ୍ ବାଗା ଜିସୁ ତାଙ୍ଗେ ୱେସ୍ତେଞ୍ଜି ଇଞ୍ଜାନ୍ ଏଚ୍ଚେ ଦାଲ୍ଲା ଏଲୁ କିତେରି । 30ରୁଟି କାଣ୍ଡା ତିଞ୍ଜାନାହି ଏୱାଞ୍ଜି ଏଚିୱାଡ଼େ ହଚାନ୍ ହାଚ୍ଚେଞ୍ଜି, ଏଚିତୁକାତାୱା ଡାଡ଼ିଙ୍ଗ୍ ଆଚ୍ଚେ ।
ପୁନି ଆଗ୍ୟାଁ
31ଏୱାଞ୍ଜି ହଚାନ୍ ହାଚ୍ଚାୱିଃଆଟି ଜିସୁ ୱେସ୍ତେଞ୍ଜି, ହାଦାଡ଼ି କୁଏଞ୍ଜି ମ୍ରିଃଏଞ୍ଜି ମହିମା ଆତେଞ୍ଜି ଆଟେ ଏୱାଞ୍ଜି ପାଟ୍ଟି ମୁଲାପେନୁ ମହିମା ଆତେଞ୍ଜି । 32ଜଦି ମୁଲାପେନୁ ତା ମ୍ରିଃଏଞ୍ଜି ତାୱାଟି ମହିମା ଆତେଞ୍ଜି, ଇଚ୍ଚେସି ମୁଲାପେନୁ ୱାଡ଼େ କୁଏଞ୍ଜି ମ୍ରିଃଏଞ୍ଜିକି ତା ମହିମାତାୱା କାର୍ବେକ୍ ମହିମା କିନେଞ୍ଜି, ଆଟେ କାର୍ବେକ୍ ଏୱାଞ୍ଜିକି ମହିମା କିନେଞ୍ଜି । 33#ଜହ ୭:୩୪ଏ ବଦାଙ୍ଗ୍ନାତେରି, ନାନୁ ଆଟେ ମି ଡ଼ାହି ଗାପ୍ଚି ତୁକା ବାସାଆଃଆନୁ । ମିରୁ ନାଙ୍ଗେ ଦାହ୍ତାଦେରି; ମତ୍ର ନାନୁ ଇମ୍ୱିନ୍ ଗର୍ରିଇନ୍ଦା ହାଜ୍ଜିମାଃଇ, ମିରୁ ଏ ଗର୍ରିଇନ୍ଦା ହାଲ୍ବନ୍ ମୁଃଏରି, ଇଦା ନାନୁ ଇନିସ୍କି ଜିହୁଦିଙ୍ଗ୍ନିକି ୱେସାଚ୍ଚେଃଏ, ଏହେଙ୍ଗିସି ହାଦାଡ଼ି ମିଙ୍ଗେ ୱାଡ଼େ ୱେସ୍ପିଞ୍ଜା । 34#ଜହ ୧୫:୧୨,୧୭; ୧ଜହ ୩:୨୩; ୨ ଜହ ୧:୫ମିରୁ ମିରୁ ଜେଡା କିପ୍କିଆଦୁ, ଇ ପୁନି ଆଗ୍ୟାଁ ନାନୁ ମିଙ୍ଗେ ହିଞ୍ଜା; ନାନୁ ଇନିସ୍କି ମିଙ୍ଗେ ଜେଡା କିଆଞ୍ଜା, ମିରୁ ୱାଡ଼େ ଏହେଙ୍ଗିସି ରଃଅଞ୍ଜି ଆଟେ ରଃଅଞ୍ଜିକି ଜେଡା କିଅନ୍ ଆବସକ ମାନ୍ନେ । 35ଜଦି ମି ପାଟ୍ଟି ରଃଅଞ୍ଜି ଆଟେ ରଃଅଞ୍ଜିକି ଜେଡା କିଅନ୍ତାଦି ମାନ୍ନେ, ଇଚ୍ଚେସି ମିରୁ ନା ଗ୍ରାମ୍ୱାଗାଟାତାତେରି ଇଞ୍ଜାନ୍ ହାବେତାରି ପୁଞ୍ଜାନେରି ।
ପିତର ଅସ୍ପିକାର କିନେଞ୍ଜି ଇଞ୍ଜାନ୍ ଜିସୁ ୱେସ୍ପନି
(ମାତିଉ ୨୬:୩୧–୩୫; ମାର୍କ ୧୪:୨୭–୩୧; ଲୁକ ୨୨:୩୧–୩୪)
36ସିମନ ପିତର ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ ନିନୁ ଇମ୍ୱିନ୍ଇନ୍ଦା ହାଜ୍ଜିଞ୍ଜି ?” ଜିସୁ ୱେସ୍ତେଞ୍ଜି, “ନାନୁ ଇମ୍ୱିନ୍ଇନ୍ଦା ହାଜ୍ଜିମାଃଇ, ମିରୁ ହାଦାଡ଼ି ନା ବେତ ବେତଟ୍ ଏଦିନ୍ନେ ହାଲ୍ବନ୍ ମୁଃଏରି, ମତ୍ର ଡେଗ୍ଗା ହାଜ୍ଜେରି ।” 37ପିତର ଏୱାଞ୍ଜିକି ୱେଚ୍ଚେଞ୍ଜି, “ଦାର୍ମୁ, ନାନୁ ହାଦାଡ଼ି ଇନ୍ନା ବାଗା ନି ବେତ ବେତଟ୍ ହାଲ୍ବନ୍ ମୁଃଏନୁ ? ନାନୁ ନି ବାଗା ନା ପରନ୍ ହିଅନ୍ ବାଗା ହାମ୍ୱେର୍ ଆନ୍ ମାଃଇ ।” 38ଜିସୁ ୱେସ୍ତେଞ୍ଜି, “ନିନୁ ଇନ୍ନା ନା ବାଗା ନି ପରନ୍ ହିଦି ? ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0