Genesis 39
39
Josefa namukadaPotifara
1Josefa makura tava mu twara koEgipite. Ano mugara goMuegipite, erenga lyekurona lyovakungi vaFarawo, tali mu randa po koVaisimayeli ava va mu retere. 2Josefa mugara gerago ga kere, morwa Hompa pwendi ga kere, makura ta kara membo lyahekurwendi goMuegipite. 3Hekurwendi ga mwene asi Hompa kwa kara pwendi, ano age Hompa hena kuwapeka nayinye eyi aku kwata kuwoko kwendi. 4Hekurwendi ta panda nkedi zendi noyirugana yendi, makura ta mu tumbu urenga wokupangera embo lyendi nemona lyendi nalinye. 5Hompa makura ta tungike embo lyoMuegipite morwaJosefa, kutunda kezuva eli va mu tumbire urenga wembo. Hompa kwa tungikire nayinye, neyi yemembo neyi yoponze. 6Nayinye eyi ga wekere makura ta yi sigire Josefa, nayimwe si hena eyi nga pakere mbili mwene, ntudi kulya kwelike makura.
Nye Josefa kwa kere norutu roruwa nosipa sosiwa.
7Ya pwa oyo, mukadahekurwendi meho kooko kwaJosefa, makura ta ninki asi: “Tu rare.” 8Nye age ta nyoka, ta tantere mukadahekurwendi asi: “Tarenisi, hekurwange kapi ana kupakera ko hena mbili kweyi yemembo morwange; nayinye eyi ga weka, mwange ana yi gava. 9Age kapi ga paka epangero membo omu lyokupita lyange, age hena neisi ga silika ntudi nyovelike, morwa ove mukadendi. Ngapi omu nani rugana‐rugana udona wa hura opo, ni zone kwaKarunga gwange!” 10Nkenye ezuva mukadi nga kondjesa Josefa, nye age kapi ga mu gomokere asi va rare.
11Ano ezuva limwe Josefa ta wiza monzugo asi a ya rugane yirugana yendi, vantu vemembo awo mutupu. 12Ogo mukadi makura ta mu kwata kerwakani lyendi, ta tanta asi: “Tu rare.” Nye age olyo erwakani ta li mu sigire momawoko, makura ta duka a pwage. 13Ana kumona asi erwakani ana li mu sigire momawoko, mwene ana dukire ponze, 14makura ta zigida vemembo, ta va tantere asi: “Tareni, ogu kwa tu retera mugara goMuhebeli a ya tu dine. Kwange ana wiza asi hawe tu rare, ame yiyo na takuma unene. 15Ana kuzuvha nge tani takuma, yipo ana kuzumbira nge erwakani lyendi a duke a pwage.”
16Olyo erwakani ta li tura ponyonga zendi dogoro noku ga wiza hekurwaJosefa kembo. 17Makura ta mu tantere moomu ka tanta muhowo asi: “Mukareli goMuhebeli ogu wa tu retera, kuna wiza kwange asi a ya danene nge. 18Ano apa na takuma ni zigire unene, yipo nye ana zumbu erwakani lyendi a duke a pwage.”
19Ano mugara apa ga zuvhire eyi ga mu tanterere mukadendi asi, yiyo eyi yiyo eyi ana rugana nge muntu goge, makura ta handuka unene. 20HekurwaJosefa makura ta tumu vantu, va ka mu kwate, va ka mu zedilire modorongo, mevega omu va zedilira nonkwate dahompa, yimo ga ka kere nkwate. 21Nye Hompa pwaJosefa ga kere, ta mu ragopeke, ta hameke mutjima gomukurona godorongo kwendi. 22Nonkwate nadinye edi da kere modorongo, mukurona godorongo ta di gava mepangero lyaJosefa, nkenye eyi yokuhepa kurugana mo, yige nga yi rugana. 23Ogo mukurona godorongo kapi nga ninki hena asi a pakere ko mbili kweyi ga geve momawoko gendi, morwaHompa pwendi ga kere. Age hena nkenye eyi nga rugana, Hompa ta yi wapeke.
Iliyochaguliwa sasa
Genesis 39: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 39
39
Josefa namukadaPotifara
1Josefa makura tava mu twara koEgipite. Ano mugara goMuegipite, erenga lyekurona lyovakungi vaFarawo, tali mu randa po koVaisimayeli ava va mu retere. 2Josefa mugara gerago ga kere, morwa Hompa pwendi ga kere, makura ta kara membo lyahekurwendi goMuegipite. 3Hekurwendi ga mwene asi Hompa kwa kara pwendi, ano age Hompa hena kuwapeka nayinye eyi aku kwata kuwoko kwendi. 4Hekurwendi ta panda nkedi zendi noyirugana yendi, makura ta mu tumbu urenga wokupangera embo lyendi nemona lyendi nalinye. 5Hompa makura ta tungike embo lyoMuegipite morwaJosefa, kutunda kezuva eli va mu tumbire urenga wembo. Hompa kwa tungikire nayinye, neyi yemembo neyi yoponze. 6Nayinye eyi ga wekere makura ta yi sigire Josefa, nayimwe si hena eyi nga pakere mbili mwene, ntudi kulya kwelike makura.
Nye Josefa kwa kere norutu roruwa nosipa sosiwa.
7Ya pwa oyo, mukadahekurwendi meho kooko kwaJosefa, makura ta ninki asi: “Tu rare.” 8Nye age ta nyoka, ta tantere mukadahekurwendi asi: “Tarenisi, hekurwange kapi ana kupakera ko hena mbili kweyi yemembo morwange; nayinye eyi ga weka, mwange ana yi gava. 9Age kapi ga paka epangero membo omu lyokupita lyange, age hena neisi ga silika ntudi nyovelike, morwa ove mukadendi. Ngapi omu nani rugana‐rugana udona wa hura opo, ni zone kwaKarunga gwange!” 10Nkenye ezuva mukadi nga kondjesa Josefa, nye age kapi ga mu gomokere asi va rare.
11Ano ezuva limwe Josefa ta wiza monzugo asi a ya rugane yirugana yendi, vantu vemembo awo mutupu. 12Ogo mukadi makura ta mu kwata kerwakani lyendi, ta tanta asi: “Tu rare.” Nye age olyo erwakani ta li mu sigire momawoko, makura ta duka a pwage. 13Ana kumona asi erwakani ana li mu sigire momawoko, mwene ana dukire ponze, 14makura ta zigida vemembo, ta va tantere asi: “Tareni, ogu kwa tu retera mugara goMuhebeli a ya tu dine. Kwange ana wiza asi hawe tu rare, ame yiyo na takuma unene. 15Ana kuzuvha nge tani takuma, yipo ana kuzumbira nge erwakani lyendi a duke a pwage.”
16Olyo erwakani ta li tura ponyonga zendi dogoro noku ga wiza hekurwaJosefa kembo. 17Makura ta mu tantere moomu ka tanta muhowo asi: “Mukareli goMuhebeli ogu wa tu retera, kuna wiza kwange asi a ya danene nge. 18Ano apa na takuma ni zigire unene, yipo nye ana zumbu erwakani lyendi a duke a pwage.”
19Ano mugara apa ga zuvhire eyi ga mu tanterere mukadendi asi, yiyo eyi yiyo eyi ana rugana nge muntu goge, makura ta handuka unene. 20HekurwaJosefa makura ta tumu vantu, va ka mu kwate, va ka mu zedilire modorongo, mevega omu va zedilira nonkwate dahompa, yimo ga ka kere nkwate. 21Nye Hompa pwaJosefa ga kere, ta mu ragopeke, ta hameke mutjima gomukurona godorongo kwendi. 22Nonkwate nadinye edi da kere modorongo, mukurona godorongo ta di gava mepangero lyaJosefa, nkenye eyi yokuhepa kurugana mo, yige nga yi rugana. 23Ogo mukurona godorongo kapi nga ninki hena asi a pakere ko mbili kweyi ga geve momawoko gendi, morwaHompa pwendi ga kere. Age hena nkenye eyi nga rugana, Hompa ta yi wapeke.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003