Genesis 38
38
Juda naTamara
1Posiruwo oso makura Juda ta sigi vakwawo a ka tunge naHira, gokositata saAduramu. 2Juda ta ka gwana ko mukadona goMukanani munwaSuwa. Age makura ta mu kwara. 3Ta kara marutu gavali, ta hampuruka munona gomugara, ta mu ruku Era. 4Makura ta kara hena nomarutu gavali, ta hampuruka munona gomugara, ta mu ruku Onani. 5Ta kara tupu hena nomarutu gavali, ta hampuruka munona gomugara, ta mu ruku Sera. Juda age poKesibe, apa ga hampurukire mukadendi Sera.
6Juda ta paparere mbeli zendi Era mukadi, edina lyendi Tamara. 7Ano Era kwa kere munzoni kosipara saHompa, makura Hompa ta mu zonagura po. 8Makura Juda ta tantere Onani asi: “Kwara mukadamukuroge, a kare mpingwa zoge, nkumwe ngo retere mo mukuroge ruvharo.” 9Onani ga yi divire asi vana kapi ngava kara vendi; makura yipo nga ninki sinene vana kara kumwe namukadamukurwendi, ta ninki mahu ga liponyene pevhu, asi a dire kuretera mukurwendi ruvharo. 10Oyo nga rugana ngoso, Hompa kapi ga yi pandere, makura Hompa ta mu zonagura po nage. 11Makura Juda ta tantere ngumweyi zendi Tamara asi: “Tengura kembo lyoguhwo, o ka kare udike dogoro noku nga kura munwange Sera.” Eyi kwa yi tanterere morwa kwa tjilire asi Sera neisi ngava mu zonagura po nage ngwendi vakuru vendi. Tamara makura ta zi koguhwe.
12Eyi pwa pita mazuva, makura mukadaJuda, munwaSuwa makura ta fu. Eyi lya haragana etamu, makura ta katuka namukwawo Hira gokoAduramu va ze koTimuna, oku va kurwilire nonzwi dendi. 13Gumwe ta tantere Tamara asi: “Tamweyi zoge koTimuna ana vyuka, a ka kurure nonzwi dendi.” 14Makura Tamara ta lihutura yikoverero youfisayendi eyi ga dwere, ta likudumike kosipara, ta ka hingira pevero lyositata Enayimu, esi sa kara konzira zokuza koTimuna. Ga divire asi Sera ana kuru, nye kapi va mu ninka a mu kware po.
15Juda eyi ga mu mona age kuna likudumike kosipara, ta gazara asi hondedi. 16Age makura ta mu zapukire, ta tanta asi: “Wiza ya ni ku rare.” Age kapi ga divire asi ongumweyi zendi. Gwina age asi: “Yinke no pa nge?”
17Juda ta limburura asi: “Ngani ku gusira mo sikombogona mosiunda sange, ni ku tumine.” Gwina ta limburura asi: “Hawe nawa, nsene o pa nge yuma ni kare nayo dogoro noku ngo si tuma.”
18Juda ta pura asi: “Yuma musinke eyi nani ku pa?” Gwina mukadi ta limburura asi: “Sinongweneso soge nomusere gwaso nozo mpango ono simbi.” Gwina makura ta yi mu pe. Tava rara nendi, makura ta kara marutu gavali. 19Tamara ta katuka ta ka za. Ta likudumuna ewiwili eli ga likudumikire, makura ta dwara yikoverero yendi youfisayendi.
20Juda makura ta tumu mukwawo goMuaduramu, a tware sikombogona a ka rete ko yuma eyi ga pere mukadi, nye kapi ga ka mu gwene ko. 21Age ta pura vantu vamo asi: “Hondedi ezi kazi kere ponzira zaEnayimu kupi?” Vena tava mu limburura asi: “Kapi pwa kara rumwe hondedi.”
22Gwina ta tengura kwaJuda, ta tanta asi: “Kapi nina ka mu gwana, vagara vamo kuna tanta asi, kapi mwa kara rumwe hondedi.”
23Juda ta tanta asi: “Siga nye oyo yininke, yi kare, neisi ngava tu zora vantu. Sene ko sikombogona nina si tumu, nye kapi ono ka mu gwana.”
24Ano eyi pa pita makwedi gatatu, Juda tava mu tantere asi: “Ngumweyi zoge Tamara kwa hondera, ntaantani nezimo ana kara.” Juda ta panga asi: “Mu pwageseni, mu ka mu swakerere.” 25Tamara age kuna kumupwagesa, ta tumu eraka kwatamweyi zendi asi: “Ogu ga sumbapeka nge, yige mwenya yininke eyi. Yi tareni asi yalye, oso sinongweneso nomusere nompango.”
26Juda ta yi dimburura, ta tanta asi: “Ana hungike. Ame nyame na puka, kapi na mu pa munwange Sera a kware.” Age hena kapi ga likundama nendi rumwe.
27Eyi lya sika mo ezuva lyendi lyokuhampuruka, tava yi nongonona asi ezimo lyendi lyomapange. 28Age simpe kuna kuhampuruka, gumwe ta pwagesa kuwoko, muvhadi ta ku kwata, ta manga ko ngodi zongeha, ta tanta asi: “Ogu yige mbeli.” 29Munona ta tengwidire mo kuwoko, gwina mukwawo nare a pwage, makura muvhadi ta tanta asi: “Hawe, kuna kondjo pokupanuna.” Makura tava mu ruku Peresi. 30Mukwawo nage ntani nye ana kupatukira po, age nongodi zendi zongeha kokuwoko. Tava mu ruku Zera.
Iliyochaguliwa sasa
Genesis 38: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 38
38
Juda naTamara
1Posiruwo oso makura Juda ta sigi vakwawo a ka tunge naHira, gokositata saAduramu. 2Juda ta ka gwana ko mukadona goMukanani munwaSuwa. Age makura ta mu kwara. 3Ta kara marutu gavali, ta hampuruka munona gomugara, ta mu ruku Era. 4Makura ta kara hena nomarutu gavali, ta hampuruka munona gomugara, ta mu ruku Onani. 5Ta kara tupu hena nomarutu gavali, ta hampuruka munona gomugara, ta mu ruku Sera. Juda age poKesibe, apa ga hampurukire mukadendi Sera.
6Juda ta paparere mbeli zendi Era mukadi, edina lyendi Tamara. 7Ano Era kwa kere munzoni kosipara saHompa, makura Hompa ta mu zonagura po. 8Makura Juda ta tantere Onani asi: “Kwara mukadamukuroge, a kare mpingwa zoge, nkumwe ngo retere mo mukuroge ruvharo.” 9Onani ga yi divire asi vana kapi ngava kara vendi; makura yipo nga ninki sinene vana kara kumwe namukadamukurwendi, ta ninki mahu ga liponyene pevhu, asi a dire kuretera mukurwendi ruvharo. 10Oyo nga rugana ngoso, Hompa kapi ga yi pandere, makura Hompa ta mu zonagura po nage. 11Makura Juda ta tantere ngumweyi zendi Tamara asi: “Tengura kembo lyoguhwo, o ka kare udike dogoro noku nga kura munwange Sera.” Eyi kwa yi tanterere morwa kwa tjilire asi Sera neisi ngava mu zonagura po nage ngwendi vakuru vendi. Tamara makura ta zi koguhwe.
12Eyi pwa pita mazuva, makura mukadaJuda, munwaSuwa makura ta fu. Eyi lya haragana etamu, makura ta katuka namukwawo Hira gokoAduramu va ze koTimuna, oku va kurwilire nonzwi dendi. 13Gumwe ta tantere Tamara asi: “Tamweyi zoge koTimuna ana vyuka, a ka kurure nonzwi dendi.” 14Makura Tamara ta lihutura yikoverero youfisayendi eyi ga dwere, ta likudumike kosipara, ta ka hingira pevero lyositata Enayimu, esi sa kara konzira zokuza koTimuna. Ga divire asi Sera ana kuru, nye kapi va mu ninka a mu kware po.
15Juda eyi ga mu mona age kuna likudumike kosipara, ta gazara asi hondedi. 16Age makura ta mu zapukire, ta tanta asi: “Wiza ya ni ku rare.” Age kapi ga divire asi ongumweyi zendi. Gwina age asi: “Yinke no pa nge?”
17Juda ta limburura asi: “Ngani ku gusira mo sikombogona mosiunda sange, ni ku tumine.” Gwina ta limburura asi: “Hawe nawa, nsene o pa nge yuma ni kare nayo dogoro noku ngo si tuma.”
18Juda ta pura asi: “Yuma musinke eyi nani ku pa?” Gwina mukadi ta limburura asi: “Sinongweneso soge nomusere gwaso nozo mpango ono simbi.” Gwina makura ta yi mu pe. Tava rara nendi, makura ta kara marutu gavali. 19Tamara ta katuka ta ka za. Ta likudumuna ewiwili eli ga likudumikire, makura ta dwara yikoverero yendi youfisayendi.
20Juda makura ta tumu mukwawo goMuaduramu, a tware sikombogona a ka rete ko yuma eyi ga pere mukadi, nye kapi ga ka mu gwene ko. 21Age ta pura vantu vamo asi: “Hondedi ezi kazi kere ponzira zaEnayimu kupi?” Vena tava mu limburura asi: “Kapi pwa kara rumwe hondedi.”
22Gwina ta tengura kwaJuda, ta tanta asi: “Kapi nina ka mu gwana, vagara vamo kuna tanta asi, kapi mwa kara rumwe hondedi.”
23Juda ta tanta asi: “Siga nye oyo yininke, yi kare, neisi ngava tu zora vantu. Sene ko sikombogona nina si tumu, nye kapi ono ka mu gwana.”
24Ano eyi pa pita makwedi gatatu, Juda tava mu tantere asi: “Ngumweyi zoge Tamara kwa hondera, ntaantani nezimo ana kara.” Juda ta panga asi: “Mu pwageseni, mu ka mu swakerere.” 25Tamara age kuna kumupwagesa, ta tumu eraka kwatamweyi zendi asi: “Ogu ga sumbapeka nge, yige mwenya yininke eyi. Yi tareni asi yalye, oso sinongweneso nomusere nompango.”
26Juda ta yi dimburura, ta tanta asi: “Ana hungike. Ame nyame na puka, kapi na mu pa munwange Sera a kware.” Age hena kapi ga likundama nendi rumwe.
27Eyi lya sika mo ezuva lyendi lyokuhampuruka, tava yi nongonona asi ezimo lyendi lyomapange. 28Age simpe kuna kuhampuruka, gumwe ta pwagesa kuwoko, muvhadi ta ku kwata, ta manga ko ngodi zongeha, ta tanta asi: “Ogu yige mbeli.” 29Munona ta tengwidire mo kuwoko, gwina mukwawo nare a pwage, makura muvhadi ta tanta asi: “Hawe, kuna kondjo pokupanuna.” Makura tava mu ruku Peresi. 30Mukwawo nage ntani nye ana kupatukira po, age nongodi zendi zongeha kokuwoko. Tava mu ruku Zera.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003