Genesis 40
40
Josefa ta zagura nonzodi domarenga gaFarawo
1Yina kupwa oyo, mupindi gwahompa gwaEgipite nomuduvi gonomboroto makura tava zono kwahekurwawo, hompa gwaEgipite. 2Farawo yipo ga tundire, a handukire owo vantu vendi vavali, erenga lyenene lyovapindi nerenga lyenene lyovaduvi. 3Age makura ta va gava kodorongo konzugo zomupitisi govakungi, modorongo ezi ga kere Josefa. 4Mupitisi govakungi ta va pe Josefa a va ruganene. Siruwo sosire va kere modorongo.
5Mupindi nomuduvi gwahompa gwaEgipite ava va zedilire modorongo, mouvali wawo tava roto nonzodi masiku gamwe, nzodi zankenye ogu nositambo sazo. 6Eyi lina kusa, Josefa a wize pwawo, ta ya va gwana awo munkururu gwelike. 7Age makura ta pura marenga gaFarawo aga va zedilire modorongo nendi monzugo zahekurwendi asi: “Yinke yina mu guvisa naina ngesi?”
8Awo tava mu limburura asi: “Kuna roto tuna roto, nye nagumwe si gokuyituzagwira.”
Josefa ta va pura asi: “Ezaguro nani kapisi yuma yaKarunga? Komu di tantere nge si.”
9Erenga lyenene lyovapindi tali sansekere Josefa nzodi zendi asi: “Monzodi zange ame kuna mono sindjembere komeho zange. 10Oko kosindjembere nomutayi ko ntatu. Tupu dina kutameka kuhoka, nare dina temuna, yisokombwa yado tayi kara yomandjembere gokupya. 11Nkinda zaFarawo azo mokuwoko kwange. Ame makura tani gusa ogo mandjembere ni ga kamene monkinda zaFarawo, ozo nkinda makura tani zi gava mokuwoko kwaFarawo.”
12Josefa ta mu tantere asi: “Ezaguro lyazo lyeli: Odo nomutayi ntatu kuninka asi mazuva gatatu. 13Momazuva aga gatatu Farawo ta ku tengwidire mourenga, a ku tengwidire mosirugana soge, ngo gave nkinda mokuwoko kwaFarawo moomu mwanare, apa ngo pindi. 14Ngo diworoke nge tupu apa ngayi ku wapera, ngo ruganene nge uwa pokusanseka nge kwaFarawo, nkumwe ngo tundise nge mo monzugo ezi. 15Yeeyi ame kwa vaka nge mosirongo soVahebeli, nye napa nayimwe si na zona eyi va tulira nge modorongo.”
16Ano erenga lyenene lyovaduvi apa ga mwene asi ana zagura nawa, ta tantere Josefa asi: “Monzodi zange ame ngesi: Yikumba yitatu na simbi komutwe, amo nomboroto mo dononzera, 17mwesi sokontunda amo nondya mo peke‐peke, edi va ruganenene Farawo vaduvi. Ano yidira tayi di ndjomona mo mosikumba, aso komutwe gwange.”
18Josefa ta limburura asi: “Ezaguro lyazo lyeli: Yikumba yitatu kuninka asi mazuva gatatu. 19Momazuva aga gatatu Farawo nga ku rengurura mo mourenga, nga ku zenzeresa kositji, ano yidira ngayi wize yi ya ndjomagure nyama zoge.”
20Mezuva lyautatu kutunda poyo, mezuva lyediworoko lyehampuruko lyaFarawo, ta ruganene vantu vendi navenye sipito. Ano erenga lyenene lyovapindi neli lyovaduvi tava sikameke pokatji kovantu vendi. 21Erenga lyenene lyovapindi ta mu tengwidire mosirugana sendi soupindi, a vhure hena kugava nkinda mokuwoko kwaFarawo. 22Nye erenga lyenene lyovaduvi ta mu kwike, a mu zenzerese kositji, moomu ga yi tente Josefa. 23Nye erenga lyenene lyovapindi kapi ga diworokere hena Josefa, kwa mu divarere.
Iliyochaguliwa sasa
Genesis 40: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 40
40
Josefa ta zagura nonzodi domarenga gaFarawo
1Yina kupwa oyo, mupindi gwahompa gwaEgipite nomuduvi gonomboroto makura tava zono kwahekurwawo, hompa gwaEgipite. 2Farawo yipo ga tundire, a handukire owo vantu vendi vavali, erenga lyenene lyovapindi nerenga lyenene lyovaduvi. 3Age makura ta va gava kodorongo konzugo zomupitisi govakungi, modorongo ezi ga kere Josefa. 4Mupitisi govakungi ta va pe Josefa a va ruganene. Siruwo sosire va kere modorongo.
5Mupindi nomuduvi gwahompa gwaEgipite ava va zedilire modorongo, mouvali wawo tava roto nonzodi masiku gamwe, nzodi zankenye ogu nositambo sazo. 6Eyi lina kusa, Josefa a wize pwawo, ta ya va gwana awo munkururu gwelike. 7Age makura ta pura marenga gaFarawo aga va zedilire modorongo nendi monzugo zahekurwendi asi: “Yinke yina mu guvisa naina ngesi?”
8Awo tava mu limburura asi: “Kuna roto tuna roto, nye nagumwe si gokuyituzagwira.”
Josefa ta va pura asi: “Ezaguro nani kapisi yuma yaKarunga? Komu di tantere nge si.”
9Erenga lyenene lyovapindi tali sansekere Josefa nzodi zendi asi: “Monzodi zange ame kuna mono sindjembere komeho zange. 10Oko kosindjembere nomutayi ko ntatu. Tupu dina kutameka kuhoka, nare dina temuna, yisokombwa yado tayi kara yomandjembere gokupya. 11Nkinda zaFarawo azo mokuwoko kwange. Ame makura tani gusa ogo mandjembere ni ga kamene monkinda zaFarawo, ozo nkinda makura tani zi gava mokuwoko kwaFarawo.”
12Josefa ta mu tantere asi: “Ezaguro lyazo lyeli: Odo nomutayi ntatu kuninka asi mazuva gatatu. 13Momazuva aga gatatu Farawo ta ku tengwidire mourenga, a ku tengwidire mosirugana soge, ngo gave nkinda mokuwoko kwaFarawo moomu mwanare, apa ngo pindi. 14Ngo diworoke nge tupu apa ngayi ku wapera, ngo ruganene nge uwa pokusanseka nge kwaFarawo, nkumwe ngo tundise nge mo monzugo ezi. 15Yeeyi ame kwa vaka nge mosirongo soVahebeli, nye napa nayimwe si na zona eyi va tulira nge modorongo.”
16Ano erenga lyenene lyovaduvi apa ga mwene asi ana zagura nawa, ta tantere Josefa asi: “Monzodi zange ame ngesi: Yikumba yitatu na simbi komutwe, amo nomboroto mo dononzera, 17mwesi sokontunda amo nondya mo peke‐peke, edi va ruganenene Farawo vaduvi. Ano yidira tayi di ndjomona mo mosikumba, aso komutwe gwange.”
18Josefa ta limburura asi: “Ezaguro lyazo lyeli: Yikumba yitatu kuninka asi mazuva gatatu. 19Momazuva aga gatatu Farawo nga ku rengurura mo mourenga, nga ku zenzeresa kositji, ano yidira ngayi wize yi ya ndjomagure nyama zoge.”
20Mezuva lyautatu kutunda poyo, mezuva lyediworoko lyehampuruko lyaFarawo, ta ruganene vantu vendi navenye sipito. Ano erenga lyenene lyovapindi neli lyovaduvi tava sikameke pokatji kovantu vendi. 21Erenga lyenene lyovapindi ta mu tengwidire mosirugana sendi soupindi, a vhure hena kugava nkinda mokuwoko kwaFarawo. 22Nye erenga lyenene lyovaduvi ta mu kwike, a mu zenzerese kositji, moomu ga yi tente Josefa. 23Nye erenga lyenene lyovapindi kapi ga diworokere hena Josefa, kwa mu divarere.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003