Genesis 37
37
Josefa novakuru vendi
1Jakopo yiyo ga tungire mosirongo esi ga kere guhwe munayirongo, moKanani. 2Esanseko lyekoro lyaJakopo lyeli:
Josefa apa ga kere nonomvhura murongo nambali, nga lisa nonzwi kumwe novakuru vendi, vana vaBiliha nava vaSilipa, vakadi vaguhwe. Josefa nga twara yinkango yoyidona eyi ngava uyunga kwaguhwe.
3Ano Israeli ta hara po nye Josefa, kupitakana vana vendi navenye, yeeyi age kwa mu hampurukire moukurupe wendi. Age makura ta mu honzere erwakani lyere lyomawoko. 4Ano vakuru vendi vana kumona asi guhyawo yige ga hara po unene kupita navenye, makura tava mu nyenge, kapi hena ngava uyunga nendi dombili.
5Josefa kwa rotere hena nzodi, makura ta zi sansekere vakuru vendi. Opo ngoso tava mu nyenge nye unene kupita pwanare. 6Age kwa va tanterere asi: “Purakeneni nzodi ezi na roto. 7Asi katu kareni mepya, tatu mangeni yitungu yorukokotwa, sange yiyo sina zeruka si sikame vyu. Yitungu yeni yiyo yina si umbilikida, yi linyongamene kwaso.” 8Vakuru vendi tava mu tantere asi: “Ove kuna hara nye kukara hompa gwetu, o tu pangere ndi?” Awo tava mu nyenge hena unene morwanonzodi dendi noyiuyunga yendi. 9Kutunda opo Josefa ta roto hena nzodi zimwe, ta zi sansekerere vakuru vendi asi: “Na roto hena nzodi asi, ezuva nokwedi nonombungururu murongo‐nazimwe dina linyongamene kosipara sange.” 10Apa ga zi sansekerere oguhwe novakuru vendi, oguhwe tava mu tugumukire asi: “Nzodi mukwasinke zene ozo ono roto? Ose nonyoko novakuru woge tu ku tongamene nye sili?” 11Vakuru vendi tava mu pakere mfudu, nye guhwe ta yi gazadara.
Josefa tava mu randesa
12Vakuru vendi makura tava ka lisira nonzwi daguhyawo koSikemu. 13Israeli makura ta tantere Josefa asi: “Vakuru woge amesi koSikemu vana kulisira. Wiza ni ya ku tume ko.” Age ta limburura asi: “Nyame ogu!”
14Age ta mu tantere asi: “Zende o ka tare omu vana kerere vakuru woge nomu yina kerere yimuna, nkumwe o ka tengure, o ya tantere nge.” Makura ta mu tumu, a tunde medamenena lyaHeburoni, a ze koSikemu. 15Mugara gumwe ta mu gwana, age ana puka mowiza, makura ta mu pura asi: “Yinke ono kupapara?” 16Age ta limburura asi: “Vakuru vange nina kupapara. Na kanderere, tantereni nge oku vana kulisira.” 17Ogo mugara ta mu tantere asi: “Apa vana tundu po, kani va zuvhu tava tanta asi: ‘Tu zeni koDotani.’ ” Josefa makura ta sikura vakuru vendi, dogoro ta ka va gwana koDotani.
18Awo ure va mu monenene. Ano age simpe kapi ana ya siki kwawo, awo nare vana mu liyongo asi va mu dipage. 19Makura tava litantera‐tantere asi: “Tareni, munanzodi gogo, ana kuwiza! 20Sigeni, tu mu dipageni, makura tu mu zugumineni metope limwe, ngatu tante asi yikasama ya mu lya. Ngatu tare dene nonzodi dendi omu ngadi kara.”
21Ana kuyizuvha Rubena, makura ta hara kumuparura mo momawoko gawo, ta tanta asi: “Twa ha mu dipageni.” 22Rubena ta va tantere hena asi: “Nokumuzozesa si honde, nye mu zugumineni metope eli lyomomburundu, nye mwa ha mu guma.” Yeeyi age kwa here kumuparura momawoko gawo, a mu tengwide hena koguhwe. 23Tupu ana kusika Josefa povakuru vendi, tava mu hutura erwakani eli ga dwere lyomawoko gomare. 24Awo tava mu kwata, makura tava mu zugumine metope. Nye etope kwa pwira, kapi mwa kere mema.
25Makura tava ka hingira va ka lye. Va zumbe meho mwina, hawe, varugendanzira Vaisimayeli vana kutunda koGiliyata, nongameru dawo ado kuna di rongere yidumba nomagadi gobalisemu nomanganganga gedumba lyewa, va ze koEgipite. 26Makura Juda ta tantere vakwawo asi: “Yinke nye natu gwana po pokudipaga mumbyetetu, tu horeke honde zendi? 27Sigeni, tu mu randeseni koVaisimayeli, twa ha mu gumeni kuwoko, morwa age mumbyetetu, nyose tupu.” Vakwawo nawo tava pura. 28Varandesi wokoMidiyana eyi vana kuninka asi va pite po, awo tava koko mo Josefa metope, makura tava mu randesa koVaisimayeli yimaliva yomuwaya‐waya yosisiliveli nomurongo mbali. Vena makura tava twara Josefa koEgipite. 29Rubena ana kukatengura a wize ketope, Josefa mutupu. Makura ta taura yikoverero yendi, 30ta zi kovakwawo ta ka tanta asi: “Munona mutupu! Ame kupi nye oku nani zira?”
31Awo makura tava gusa erwakani lyaJosefa, tava dipaga sikombo sosigara, makura tava li galinga mohonde. 32Tava tumu erwakani olyo lyere, li ze kwaguhyawo nombudi ezi asi: “Kuna zi tora. Tareni nawa, ndi yilyo erwakani lyamunweni ndi kapisi yilyo, walye.”
33Age ta li dimburura, ta tanta asi: “Erwakani lyamunwange! Sikasama sa mu lya! Ga likana, ani nda Josefa ga likana!” 34Jakopo makura ta taura yikoverero yendi, ta limanga ekehe lyonsako mombunda, makura ta lili munwendi mazuva gomanzi. 35Vana vendi wovagara nava wovakadi navenye va zire asi va mu hengagwide, nye age ta nyoka kumuhengagwida, ta tanta asi: “Ngani lizira kositoswa kwamunwange neguwo lyange.” Guhwe yimo nye ga mu lilire ngoso. 36Nye Vamidiyana tava ka mu randesa koEgipite kwaPotifara, erenga lyaFarawo, mukurona govakungi vendi.
Iliyochaguliwa sasa
Genesis 37: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 37
37
Josefa novakuru vendi
1Jakopo yiyo ga tungire mosirongo esi ga kere guhwe munayirongo, moKanani. 2Esanseko lyekoro lyaJakopo lyeli:
Josefa apa ga kere nonomvhura murongo nambali, nga lisa nonzwi kumwe novakuru vendi, vana vaBiliha nava vaSilipa, vakadi vaguhwe. Josefa nga twara yinkango yoyidona eyi ngava uyunga kwaguhwe.
3Ano Israeli ta hara po nye Josefa, kupitakana vana vendi navenye, yeeyi age kwa mu hampurukire moukurupe wendi. Age makura ta mu honzere erwakani lyere lyomawoko. 4Ano vakuru vendi vana kumona asi guhyawo yige ga hara po unene kupita navenye, makura tava mu nyenge, kapi hena ngava uyunga nendi dombili.
5Josefa kwa rotere hena nzodi, makura ta zi sansekere vakuru vendi. Opo ngoso tava mu nyenge nye unene kupita pwanare. 6Age kwa va tanterere asi: “Purakeneni nzodi ezi na roto. 7Asi katu kareni mepya, tatu mangeni yitungu yorukokotwa, sange yiyo sina zeruka si sikame vyu. Yitungu yeni yiyo yina si umbilikida, yi linyongamene kwaso.” 8Vakuru vendi tava mu tantere asi: “Ove kuna hara nye kukara hompa gwetu, o tu pangere ndi?” Awo tava mu nyenge hena unene morwanonzodi dendi noyiuyunga yendi. 9Kutunda opo Josefa ta roto hena nzodi zimwe, ta zi sansekerere vakuru vendi asi: “Na roto hena nzodi asi, ezuva nokwedi nonombungururu murongo‐nazimwe dina linyongamene kosipara sange.” 10Apa ga zi sansekerere oguhwe novakuru vendi, oguhwe tava mu tugumukire asi: “Nzodi mukwasinke zene ozo ono roto? Ose nonyoko novakuru woge tu ku tongamene nye sili?” 11Vakuru vendi tava mu pakere mfudu, nye guhwe ta yi gazadara.
Josefa tava mu randesa
12Vakuru vendi makura tava ka lisira nonzwi daguhyawo koSikemu. 13Israeli makura ta tantere Josefa asi: “Vakuru woge amesi koSikemu vana kulisira. Wiza ni ya ku tume ko.” Age ta limburura asi: “Nyame ogu!”
14Age ta mu tantere asi: “Zende o ka tare omu vana kerere vakuru woge nomu yina kerere yimuna, nkumwe o ka tengure, o ya tantere nge.” Makura ta mu tumu, a tunde medamenena lyaHeburoni, a ze koSikemu. 15Mugara gumwe ta mu gwana, age ana puka mowiza, makura ta mu pura asi: “Yinke ono kupapara?” 16Age ta limburura asi: “Vakuru vange nina kupapara. Na kanderere, tantereni nge oku vana kulisira.” 17Ogo mugara ta mu tantere asi: “Apa vana tundu po, kani va zuvhu tava tanta asi: ‘Tu zeni koDotani.’ ” Josefa makura ta sikura vakuru vendi, dogoro ta ka va gwana koDotani.
18Awo ure va mu monenene. Ano age simpe kapi ana ya siki kwawo, awo nare vana mu liyongo asi va mu dipage. 19Makura tava litantera‐tantere asi: “Tareni, munanzodi gogo, ana kuwiza! 20Sigeni, tu mu dipageni, makura tu mu zugumineni metope limwe, ngatu tante asi yikasama ya mu lya. Ngatu tare dene nonzodi dendi omu ngadi kara.”
21Ana kuyizuvha Rubena, makura ta hara kumuparura mo momawoko gawo, ta tanta asi: “Twa ha mu dipageni.” 22Rubena ta va tantere hena asi: “Nokumuzozesa si honde, nye mu zugumineni metope eli lyomomburundu, nye mwa ha mu guma.” Yeeyi age kwa here kumuparura momawoko gawo, a mu tengwide hena koguhwe. 23Tupu ana kusika Josefa povakuru vendi, tava mu hutura erwakani eli ga dwere lyomawoko gomare. 24Awo tava mu kwata, makura tava mu zugumine metope. Nye etope kwa pwira, kapi mwa kere mema.
25Makura tava ka hingira va ka lye. Va zumbe meho mwina, hawe, varugendanzira Vaisimayeli vana kutunda koGiliyata, nongameru dawo ado kuna di rongere yidumba nomagadi gobalisemu nomanganganga gedumba lyewa, va ze koEgipite. 26Makura Juda ta tantere vakwawo asi: “Yinke nye natu gwana po pokudipaga mumbyetetu, tu horeke honde zendi? 27Sigeni, tu mu randeseni koVaisimayeli, twa ha mu gumeni kuwoko, morwa age mumbyetetu, nyose tupu.” Vakwawo nawo tava pura. 28Varandesi wokoMidiyana eyi vana kuninka asi va pite po, awo tava koko mo Josefa metope, makura tava mu randesa koVaisimayeli yimaliva yomuwaya‐waya yosisiliveli nomurongo mbali. Vena makura tava twara Josefa koEgipite. 29Rubena ana kukatengura a wize ketope, Josefa mutupu. Makura ta taura yikoverero yendi, 30ta zi kovakwawo ta ka tanta asi: “Munona mutupu! Ame kupi nye oku nani zira?”
31Awo makura tava gusa erwakani lyaJosefa, tava dipaga sikombo sosigara, makura tava li galinga mohonde. 32Tava tumu erwakani olyo lyere, li ze kwaguhyawo nombudi ezi asi: “Kuna zi tora. Tareni nawa, ndi yilyo erwakani lyamunweni ndi kapisi yilyo, walye.”
33Age ta li dimburura, ta tanta asi: “Erwakani lyamunwange! Sikasama sa mu lya! Ga likana, ani nda Josefa ga likana!” 34Jakopo makura ta taura yikoverero yendi, ta limanga ekehe lyonsako mombunda, makura ta lili munwendi mazuva gomanzi. 35Vana vendi wovagara nava wovakadi navenye va zire asi va mu hengagwide, nye age ta nyoka kumuhengagwida, ta tanta asi: “Ngani lizira kositoswa kwamunwange neguwo lyange.” Guhwe yimo nye ga mu lilire ngoso. 36Nye Vamidiyana tava ka mu randesa koEgipite kwaPotifara, erenga lyaFarawo, mukurona govakungi vendi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003