Genesis 35
35
Karunga ta swere Jakopo poBeteli
1Karunga ta tantere Jakopo asi: “Liwapaika o ze koBeteli, yiko no ka kara. Ngo ka tungire po sizambero Karunga ogu ga ku monekerere, apa wa tjwayukire mukuroge Esau.”
2Jakopo ta tantere vepata lyendi nava ga kere nawo navenye asi: “Zumbeni vakarunga woyimpempa ava mwa kara nawo; likuhureni, mu dware yikoverero yoyizera. 3Tatu tundu apa tu ze koBeteli, ni ka tungire sizambero Karunga ogu ga kwafa nge moudigu wange, yiyo ga kara name nkenye oku na za.” 4Awo makura tava gava kwaJakopo vakarunga woyimpempa nomamporora aga va dwere momatwi. Age makura ta yi vhumbike mounyandi ou wa kere popepi naSikemu.
5Ano oJakopo novana vendi apa va katukire, ehuhwe lyenene tali gwana vantu womoyitata yopopepi, makura kapi hena va va sikwire. 6Jakopo yiyo ga wizire moRusu, mosirongo saKanani, (kuninka asi Beteli), mwene novantu navenye ava ga kere nawo. 7Makura ta tungu po sizambero, ta ruku po asi Eli‐Beteli (kuninka asi ‘Karunga gwaBeteli’), morwa Karunga yipo ga mu monekerere apa ga dukire mukurwendi. 8Debora, mureli govanona vaRepeka ta fu, makura tava mu vhumbike mounyandi pepi naBeteli. Yipo nye ngava u tumbwire asi ‘Unyandi womalirankali’.
9Jakopo apa ga ka tengwire ko koMesopotamiya, makura Karunga ta mu monekere hena a mu swere. 10Karunga ta mu tantere asi: “Edina lyoge Jakopo, ano kutunda apa ngesi nyove nye Israeli.” Makura tava mu ruku Israeli. 11Karunga ta mu tantere asi: “Ame nyame Karunga Munankondo nadinye. Ngo kara novana wovanzi. Ngo kara noruvharo rorunzi, vamwe mo ngava kara ohompa. Ngo kara noruvharo rorunzi, oru ngaru kara muhoko. 12Ngani ku pa sirongo esi na pere oAbirahamu naIsaka, aso ngani si pa hena ruvharo roge konyima zoge.” 13Makura Karunga ta tundu po pevega eli ga uyungilire nendi, a tengwire meguru. 14Jakopo makura ta dike po emanya lyomadiworokero opo pevega, ta tjire ko nzambo zoyinwa nomagadi. 15Makura olyo evega ta li ruku Beteli.
Nomfa daRakera
16Va ninka tava tundu po poBeteli va ze. Vana kusika pepi naEfurata, age Rakera ana sikisa mo mokuhampuruka, nye ezimo lyendi kwa tjindire. 17Haga za ngoso moudigu wendi, muhampurukisi ta mu tantere asi: “Gwa ha ku pwaga, morwa nage mumati.” 18Guna kuhara kupwa mo mwenyo, yeeyi kwa fire, ta ruku munwendi asi Ben‐Oni (kuninka asi ‘munwaRunyando’). Nye guhwe ta mu ruku Mbenyameni (kuninka asi ‘munwaErago’).
19Yimo nye ga fire Rakera. Age kwa mu vhumbika ponzira zokuza koEfurata, kuninka asi Beterehema. 20Jakopo makura ta dike po sidiworokeso semanya pontoko zendi. Ano emanya eli ga dikire kontoko zaRakera, nelyezuva polili. 21Israeli makura ta tundu po opo, a ka zunge ntanda zendi koyiha yimwe yoruhungu rwaEdere.
Vana vaJakopo
(1 Hist 2:1-2)
22Age Israeli simpe muzuni, makura Rubena ta kara naBiliha, mukadi gumwe goguhwe. Israeli eyi ga yi zuvhire, ta handuka unene.
23Jakopo kwa kere novana wovagara murongo‐navavali. Vana vaReya vava: Rubena mbeli zaJakopo, ntani Simiyoni naRevhi naJuda naIsasikali naSeburoni. 24Vana vaRakera vava: Josefa naMbenyameni. 25Vana vaBiliha, mupika gwaRakera vava: oDana naNafitali. 26Vana vaSilipa, mupika gwaReya, oGada naAseli. Yiwo vana vaJakopo ava va mu hampurukilire moMesopotamiya.
Nomfa daIsaka
27Jakopo makura ta wiza kwaguhwe Isaka moMamure, kuzitumbura Kiliyata‐Aruba ndi Heburoni, apa va tungire oAbirahamu naIsaka, awo vanayirongo. 28Nomvhura daIsaka ado efere nonomurongo ntano‐nantatu. 29Isaka makura ta dogoroka, age ana kurupa, ana gu kuta mwenyo. Makura tava ka mu paka pekoro lyendi. Vana vendi oEsau naJakopo yiwo va mu horekere.
Iliyochaguliwa sasa
Genesis 35: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 35
35
Karunga ta swere Jakopo poBeteli
1Karunga ta tantere Jakopo asi: “Liwapaika o ze koBeteli, yiko no ka kara. Ngo ka tungire po sizambero Karunga ogu ga ku monekerere, apa wa tjwayukire mukuroge Esau.”
2Jakopo ta tantere vepata lyendi nava ga kere nawo navenye asi: “Zumbeni vakarunga woyimpempa ava mwa kara nawo; likuhureni, mu dware yikoverero yoyizera. 3Tatu tundu apa tu ze koBeteli, ni ka tungire sizambero Karunga ogu ga kwafa nge moudigu wange, yiyo ga kara name nkenye oku na za.” 4Awo makura tava gava kwaJakopo vakarunga woyimpempa nomamporora aga va dwere momatwi. Age makura ta yi vhumbike mounyandi ou wa kere popepi naSikemu.
5Ano oJakopo novana vendi apa va katukire, ehuhwe lyenene tali gwana vantu womoyitata yopopepi, makura kapi hena va va sikwire. 6Jakopo yiyo ga wizire moRusu, mosirongo saKanani, (kuninka asi Beteli), mwene novantu navenye ava ga kere nawo. 7Makura ta tungu po sizambero, ta ruku po asi Eli‐Beteli (kuninka asi ‘Karunga gwaBeteli’), morwa Karunga yipo ga mu monekerere apa ga dukire mukurwendi. 8Debora, mureli govanona vaRepeka ta fu, makura tava mu vhumbike mounyandi pepi naBeteli. Yipo nye ngava u tumbwire asi ‘Unyandi womalirankali’.
9Jakopo apa ga ka tengwire ko koMesopotamiya, makura Karunga ta mu monekere hena a mu swere. 10Karunga ta mu tantere asi: “Edina lyoge Jakopo, ano kutunda apa ngesi nyove nye Israeli.” Makura tava mu ruku Israeli. 11Karunga ta mu tantere asi: “Ame nyame Karunga Munankondo nadinye. Ngo kara novana wovanzi. Ngo kara noruvharo rorunzi, vamwe mo ngava kara ohompa. Ngo kara noruvharo rorunzi, oru ngaru kara muhoko. 12Ngani ku pa sirongo esi na pere oAbirahamu naIsaka, aso ngani si pa hena ruvharo roge konyima zoge.” 13Makura Karunga ta tundu po pevega eli ga uyungilire nendi, a tengwire meguru. 14Jakopo makura ta dike po emanya lyomadiworokero opo pevega, ta tjire ko nzambo zoyinwa nomagadi. 15Makura olyo evega ta li ruku Beteli.
Nomfa daRakera
16Va ninka tava tundu po poBeteli va ze. Vana kusika pepi naEfurata, age Rakera ana sikisa mo mokuhampuruka, nye ezimo lyendi kwa tjindire. 17Haga za ngoso moudigu wendi, muhampurukisi ta mu tantere asi: “Gwa ha ku pwaga, morwa nage mumati.” 18Guna kuhara kupwa mo mwenyo, yeeyi kwa fire, ta ruku munwendi asi Ben‐Oni (kuninka asi ‘munwaRunyando’). Nye guhwe ta mu ruku Mbenyameni (kuninka asi ‘munwaErago’).
19Yimo nye ga fire Rakera. Age kwa mu vhumbika ponzira zokuza koEfurata, kuninka asi Beterehema. 20Jakopo makura ta dike po sidiworokeso semanya pontoko zendi. Ano emanya eli ga dikire kontoko zaRakera, nelyezuva polili. 21Israeli makura ta tundu po opo, a ka zunge ntanda zendi koyiha yimwe yoruhungu rwaEdere.
Vana vaJakopo
(1 Hist 2:1-2)
22Age Israeli simpe muzuni, makura Rubena ta kara naBiliha, mukadi gumwe goguhwe. Israeli eyi ga yi zuvhire, ta handuka unene.
23Jakopo kwa kere novana wovagara murongo‐navavali. Vana vaReya vava: Rubena mbeli zaJakopo, ntani Simiyoni naRevhi naJuda naIsasikali naSeburoni. 24Vana vaRakera vava: Josefa naMbenyameni. 25Vana vaBiliha, mupika gwaRakera vava: oDana naNafitali. 26Vana vaSilipa, mupika gwaReya, oGada naAseli. Yiwo vana vaJakopo ava va mu hampurukilire moMesopotamiya.
Nomfa daIsaka
27Jakopo makura ta wiza kwaguhwe Isaka moMamure, kuzitumbura Kiliyata‐Aruba ndi Heburoni, apa va tungire oAbirahamu naIsaka, awo vanayirongo. 28Nomvhura daIsaka ado efere nonomurongo ntano‐nantatu. 29Isaka makura ta dogoroka, age ana kurupa, ana gu kuta mwenyo. Makura tava ka mu paka pekoro lyendi. Vana vendi oEsau naJakopo yiwo va mu horekere.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003