Genesis 34
34
Eswauro lyaDina
1Dina, munwaJakopo gwawo naReya, kwa zire a ka tarere po vakadi vamwe womosirongo. 2Ano Sikemu zaHamoro goMuhevhi, hompa gosirongo oso, eyi ga mu mona, makura ta mu kwatere mononkondo, ta mu rara. 3Sikemu kwa tokomenene unene Dina, ano morwa ga mu here, makura ta mu hengagwida. 4Sikemu ta tantere oguhwe Hamoro asi: “Hehereni nge ogu mukadona, a kare mukadange.”
5Jakopo eyi ga zuvha asi munwendi gomukadona vana mu rugana yonomuga, awo vana vendi wovagara kousita, ta mwena dogoro noku va ka tengura. 6Hamoro, guhyaSikemu makura ta zi kwaJakopo, va ka uyunge nendi, 7opo ngoso awo vana vaJakopo nawo vana wiza. Eyi va yi zuvha, tayi va koro, tava handuka unene, morwa Sikemu ana dirura Israeli pokukwata munwaJakopo. 8Hamoro ta va tantere asi: “Munwange Sikemu kuna tokomene mukadona gomumweni, na kanderere, mu mu peni a kware. 9Tu likwarera‐kwarereni, ose ngatu kware vana veni, ano one none ngomu kware vetu. 10Makura ngomu kare mosirongo setu, ngomu tunge nkenye apa muna hara, tomu dirukire nkenye oku, mu konge emona.”
11Sikemu ta tantere oguhyaDina novampanza vaDina asi: “Kwafeni nge tupu, nkenye eyi nomu hara tani yi mu pe. 12Tantereni nge nkenye eyi nomu hara, tumbureni tupu mugondwa nkenye apa nomu hulisira; nkenye eyi muna hara tani mu pe, sinene mu mu pa nge ni kware.”
13Vana vaJakopo tava limburura Sikemu noguhwe Hamoro monkedi zokuvakumbagera, morwa Sikemu ga swawisa mpanzawo Dina. 14Tava tanta asi: “Mpanzetu ose nokumukwara si mugara ogu va dira kurugana yovamba; kwetu ose oyo eswau. 15Apa natu pulira ntudi pokutufana, vagara navenye va mu rugane yovamba. 16Ntani nye ngomu kwara vana vetu, ano ose nose ngatu kware veni. Makura ngatu tunge neni, ngatu kare muhoko gumwe. 17Nye nsene kapi muna kupura yetu, va mu rugane yovamba, tatu damuna mpanzetu tu ze.”
18Nonkango odo kwa hafesere oHamoro namunwendi Sikemu. 19Mumati kapi ga likwata‐kwata mokusikisa mo eyi, yeeyi age kwa here munwaJakopo. Age kwa fumanene mepata lyawo mudima.
20Hamoro namunwendi Sikemu tava zi pevega lyokupongera perungavero lyositata, tava tantere vagara womositata asi: 21“Vantu ava vanambili; va tunge mosirongo nkenye apa vana hara, va dirauke nkenye omu. Sirongo nawo sina va gwanene. Ose tu kware vana vawo, awo nawo va kware vetu. 22Nye vagara ava pokupulira va tunge nose tu kare muhoko gumwe, ntudi va tu rugane yovamba ntani, moomu va va rugana awo. 23Yimuna yawo nemona lyawo ngano ngayi kara yetu. Tu pureni tupu, nkumwe ngava kare nose.” 24Vanasitata navenye tava pura yoHamoro naSikemu, makura vagara navenye tava va rugana yovamba.
25Eyi ga pita mazuva gatatu, vagara awo simpe vana kuvera morwavamba, makura vana vaJakopo vavali, oSimiyoni naRevhi, vampanza vaDina, tava gusa nomfuro dawo, makura tava dipaga vagara navenye. 26Tava dipaga oHamoro namunwendi Sikemu, tava gusa Dina monzugo zaSikemu, tava ka za. 27Vana vamwe vaJakopo tava ka rwisa ava va rwadekere, tava gusa yininke yomulyo po mositata, yeeyi mpanzawo yiwo va mu zonesesere. 28Awo tava gusa yiunda noyimuna noyindongili nankenye esi sa kere mositata ndi mosanzara. 29Tava gusa emona nalinye, tava kwata vakadi novanona, tava gusa yininke nayinye mononzugo, tava twara kwawo.
30Jakopo ta tantere oSimiyoni naRevhi asi: “Muna retere nge udigu. Ntaantani vantu navenye mosirongo, Vakanani noVaperesi tava nyenge nge. Nsene va lipakerera va vyuke nge, tatu dimi po natuvenye.”
31Nye awo tava mu limburura asi: “Ose nokuyitarerera si yokuruganesa mpanzetu ngwendi hondedi.”
Iliyochaguliwa sasa
Genesis 34: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 34
34
Eswauro lyaDina
1Dina, munwaJakopo gwawo naReya, kwa zire a ka tarere po vakadi vamwe womosirongo. 2Ano Sikemu zaHamoro goMuhevhi, hompa gosirongo oso, eyi ga mu mona, makura ta mu kwatere mononkondo, ta mu rara. 3Sikemu kwa tokomenene unene Dina, ano morwa ga mu here, makura ta mu hengagwida. 4Sikemu ta tantere oguhwe Hamoro asi: “Hehereni nge ogu mukadona, a kare mukadange.”
5Jakopo eyi ga zuvha asi munwendi gomukadona vana mu rugana yonomuga, awo vana vendi wovagara kousita, ta mwena dogoro noku va ka tengura. 6Hamoro, guhyaSikemu makura ta zi kwaJakopo, va ka uyunge nendi, 7opo ngoso awo vana vaJakopo nawo vana wiza. Eyi va yi zuvha, tayi va koro, tava handuka unene, morwa Sikemu ana dirura Israeli pokukwata munwaJakopo. 8Hamoro ta va tantere asi: “Munwange Sikemu kuna tokomene mukadona gomumweni, na kanderere, mu mu peni a kware. 9Tu likwarera‐kwarereni, ose ngatu kware vana veni, ano one none ngomu kware vetu. 10Makura ngomu kare mosirongo setu, ngomu tunge nkenye apa muna hara, tomu dirukire nkenye oku, mu konge emona.”
11Sikemu ta tantere oguhyaDina novampanza vaDina asi: “Kwafeni nge tupu, nkenye eyi nomu hara tani yi mu pe. 12Tantereni nge nkenye eyi nomu hara, tumbureni tupu mugondwa nkenye apa nomu hulisira; nkenye eyi muna hara tani mu pe, sinene mu mu pa nge ni kware.”
13Vana vaJakopo tava limburura Sikemu noguhwe Hamoro monkedi zokuvakumbagera, morwa Sikemu ga swawisa mpanzawo Dina. 14Tava tanta asi: “Mpanzetu ose nokumukwara si mugara ogu va dira kurugana yovamba; kwetu ose oyo eswau. 15Apa natu pulira ntudi pokutufana, vagara navenye va mu rugane yovamba. 16Ntani nye ngomu kwara vana vetu, ano ose nose ngatu kware veni. Makura ngatu tunge neni, ngatu kare muhoko gumwe. 17Nye nsene kapi muna kupura yetu, va mu rugane yovamba, tatu damuna mpanzetu tu ze.”
18Nonkango odo kwa hafesere oHamoro namunwendi Sikemu. 19Mumati kapi ga likwata‐kwata mokusikisa mo eyi, yeeyi age kwa here munwaJakopo. Age kwa fumanene mepata lyawo mudima.
20Hamoro namunwendi Sikemu tava zi pevega lyokupongera perungavero lyositata, tava tantere vagara womositata asi: 21“Vantu ava vanambili; va tunge mosirongo nkenye apa vana hara, va dirauke nkenye omu. Sirongo nawo sina va gwanene. Ose tu kware vana vawo, awo nawo va kware vetu. 22Nye vagara ava pokupulira va tunge nose tu kare muhoko gumwe, ntudi va tu rugane yovamba ntani, moomu va va rugana awo. 23Yimuna yawo nemona lyawo ngano ngayi kara yetu. Tu pureni tupu, nkumwe ngava kare nose.” 24Vanasitata navenye tava pura yoHamoro naSikemu, makura vagara navenye tava va rugana yovamba.
25Eyi ga pita mazuva gatatu, vagara awo simpe vana kuvera morwavamba, makura vana vaJakopo vavali, oSimiyoni naRevhi, vampanza vaDina, tava gusa nomfuro dawo, makura tava dipaga vagara navenye. 26Tava dipaga oHamoro namunwendi Sikemu, tava gusa Dina monzugo zaSikemu, tava ka za. 27Vana vamwe vaJakopo tava ka rwisa ava va rwadekere, tava gusa yininke yomulyo po mositata, yeeyi mpanzawo yiwo va mu zonesesere. 28Awo tava gusa yiunda noyimuna noyindongili nankenye esi sa kere mositata ndi mosanzara. 29Tava gusa emona nalinye, tava kwata vakadi novanona, tava gusa yininke nayinye mononzugo, tava twara kwawo.
30Jakopo ta tantere oSimiyoni naRevhi asi: “Muna retere nge udigu. Ntaantani vantu navenye mosirongo, Vakanani noVaperesi tava nyenge nge. Nsene va lipakerera va vyuke nge, tatu dimi po natuvenye.”
31Nye awo tava mu limburura asi: “Ose nokuyitarerera si yokuruganesa mpanzetu ngwendi hondedi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003