Genesis 33
33
Jakopo ta gwanekere naEsau
1Jakopo ga zumba meho, ta mono Esau novagara mafere gane. Makura ta gaununa vanona vamwe kwaReya, vamwe kwaRakera, vamwe kovapika vavali wovakadi. 2Vapika ga pitisire komeho novana vawo, ntani Reya novana vendi konyima zawo, ano Rakera naJosefa konyima‐nyima. 3Nye age mwene ta piti komeho, ta linyongamene pevhu rutano‐naruvali, dogoro ta ka sika kwamukurwendi. 4Esau makura ta zi a ka mu simbagwire, ta mu lidingire mosingo, ta mu ncumita, makura tava lili.
5Esau ga kankwire meho gendi, ta mono vakadi novana, ta tanta asi: “Wolye owo ono kara nawo?”
Age ta limburura asi: “Vana vange ava ga pa nge Karunga konkenda zendi mukareli goge.” 6Vapika novana vawo tava heda ko, makura tava linyongamene komeho zendi. 7Reya novana vendi tava heda ko, tava linyongamene komeho zendi.
8Makura Esau ta pura asi: “Yinke ono gazara koyiunda yina na gwanekere nayo?” Age ta limburura asi: “Asi ni gwane mbili kosipara sahompa gwange.”
9Nye Esau ta tanta asi: “Ame yinzi na weka, mumbyange. Yoge yi kare tupu yoge makura.”
10Jakopo ta limburura asi: “Hawe, na kanderere, nsene ni gwana mbili kosipara soge, ngano to tambura tupu uhwi wange. Yeeyi na mono sa sipara soge, ngwendi gogu na mono sipara saKarunga, yiyo ono tambura nge nombili. 11Na kanderere, tambura tupu mauhwi gekundo aga vana ku retere, yeeyi Karunga ana retere nge nkenda, ame hena yinzi na weka.” Age makura ta mu sininike dogoro ta yi tambura.
12Makura Esau ta tanta asi: “Tu katukeni tu zeni, ame tani piti komeho zoge.”
13Jakopo ta limburura asi: “Ani tate lyange, nove wa diva tupu asi vanona kapi va pama, ano ame hena yiyo nye nina kuteda nonzwi nonongombe dovana. Nsene va tjida kudisinga mezuva limwe tupu, ngano siunda nasinye tasi fu. 14Na kanderere, tate, pita tupu, ame ngani liwora kukukwama, moomu na kara noyimuna novanona, dogoro ngani ka ku gwane koSeire.”
15Esau ta tanta asi: “Siga nye ni ku sigire ko vantu vange vamwe no.”
Nye Jakopo ta limburura asi: “Opo ngoso pawa, tate, nye kutupu hepero zayo.” 16Ezuva olyo makura Esau ta tengura koSeire. 17Nye Jakopo ta zi koSukoto, oku ga ka tungire embo lyendi nohambo zoyimuna yendi. Olyo evega yiyo ngava li tumbwire Sukoto (kutanta asi ‘Hambo’).
18Ano Jakopo apa ga tundire koMesopotamiya, kwa ka sikire kodoropa Sikemu, ezi za kara mosirongo saKanani. Makura ta dike ntanda zendi perungavero lyodoropa. 19Evhu eli ga dikire ntanda zendi, kwa li rende kovana vaHamora, guhyaSikemu, yimaliva yomuwaya‐waya yosisiliveli efere. 20Opo yipo hena ga tungire sizambero, ta si ruku asi Eli‐Israeli (kuninka asi Karunga gwaIsraeli).
Iliyochaguliwa sasa
Genesis 33: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 33
33
Jakopo ta gwanekere naEsau
1Jakopo ga zumba meho, ta mono Esau novagara mafere gane. Makura ta gaununa vanona vamwe kwaReya, vamwe kwaRakera, vamwe kovapika vavali wovakadi. 2Vapika ga pitisire komeho novana vawo, ntani Reya novana vendi konyima zawo, ano Rakera naJosefa konyima‐nyima. 3Nye age mwene ta piti komeho, ta linyongamene pevhu rutano‐naruvali, dogoro ta ka sika kwamukurwendi. 4Esau makura ta zi a ka mu simbagwire, ta mu lidingire mosingo, ta mu ncumita, makura tava lili.
5Esau ga kankwire meho gendi, ta mono vakadi novana, ta tanta asi: “Wolye owo ono kara nawo?”
Age ta limburura asi: “Vana vange ava ga pa nge Karunga konkenda zendi mukareli goge.” 6Vapika novana vawo tava heda ko, makura tava linyongamene komeho zendi. 7Reya novana vendi tava heda ko, tava linyongamene komeho zendi.
8Makura Esau ta pura asi: “Yinke ono gazara koyiunda yina na gwanekere nayo?” Age ta limburura asi: “Asi ni gwane mbili kosipara sahompa gwange.”
9Nye Esau ta tanta asi: “Ame yinzi na weka, mumbyange. Yoge yi kare tupu yoge makura.”
10Jakopo ta limburura asi: “Hawe, na kanderere, nsene ni gwana mbili kosipara soge, ngano to tambura tupu uhwi wange. Yeeyi na mono sa sipara soge, ngwendi gogu na mono sipara saKarunga, yiyo ono tambura nge nombili. 11Na kanderere, tambura tupu mauhwi gekundo aga vana ku retere, yeeyi Karunga ana retere nge nkenda, ame hena yinzi na weka.” Age makura ta mu sininike dogoro ta yi tambura.
12Makura Esau ta tanta asi: “Tu katukeni tu zeni, ame tani piti komeho zoge.”
13Jakopo ta limburura asi: “Ani tate lyange, nove wa diva tupu asi vanona kapi va pama, ano ame hena yiyo nye nina kuteda nonzwi nonongombe dovana. Nsene va tjida kudisinga mezuva limwe tupu, ngano siunda nasinye tasi fu. 14Na kanderere, tate, pita tupu, ame ngani liwora kukukwama, moomu na kara noyimuna novanona, dogoro ngani ka ku gwane koSeire.”
15Esau ta tanta asi: “Siga nye ni ku sigire ko vantu vange vamwe no.”
Nye Jakopo ta limburura asi: “Opo ngoso pawa, tate, nye kutupu hepero zayo.” 16Ezuva olyo makura Esau ta tengura koSeire. 17Nye Jakopo ta zi koSukoto, oku ga ka tungire embo lyendi nohambo zoyimuna yendi. Olyo evega yiyo ngava li tumbwire Sukoto (kutanta asi ‘Hambo’).
18Ano Jakopo apa ga tundire koMesopotamiya, kwa ka sikire kodoropa Sikemu, ezi za kara mosirongo saKanani. Makura ta dike ntanda zendi perungavero lyodoropa. 19Evhu eli ga dikire ntanda zendi, kwa li rende kovana vaHamora, guhyaSikemu, yimaliva yomuwaya‐waya yosisiliveli efere. 20Opo yipo hena ga tungire sizambero, ta si ruku asi Eli‐Israeli (kuninka asi Karunga gwaIsraeli).
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003