Genesis 32
32
Jakopo ta liwapaikire kugwanekera naEsau
1Jakopo kwa twikilire hena nzira zendi, ano vaengeli vaKarunga tava gwanekere nendi. 2Jakopo tupu ana kuvamona, ta tanta asi: “Ezi mbunga zovakwayita vaKarunga!” Ano olyo evega ta li ruku Mahanayimu. (Kuninka asi nokamba mbali dovakwayita).
3Jakopo yiyo ga tumine nontumi, di pite komeho kwamukurwendi Esau mosirongo saSeire, momukunda gwaEdomu. 4Ta va tantere mbudi ezi asi: “Ka tantereni hompa gwange Esau asi: ‘Jakopo muntu goge kuna kutanta asi, ame kwa ka pukura ngomunayirongo pwaRabani yiko na ka kara dogoro ntaantani. 5Ame kuna kara nonongombe noyindongi noyikombo nononzwi novakareli wovagara nava wovakadi. Yiyo nye nina kukudivisa ove hompa gwange asi mpamwe no fira nge nkenda.’ ”
6Nontumi makura tadi tengura kwaJakopo, tadi tanta asi: “Mukuroge Esau tuna ka mu gwana, age ana katuka nare novagara mafere gane, kuna kukusimbagwira.”
7Jakopo makura tagu mu pwaga unene. Vantu ava ga kere nawo nononzwi noyikombo nonongombe nonongameru nayinye ta yi gaununa monombunga mbali, 8morwa age kwa gazarere asi: “Esau nsene a wiza kombunga zimwe, a zi dipage po, ezi zimwe tazi paruka ko.”
9Jakopo makura ta tanta asi: “Karunga gotate Abirahamu naIsaka, Hompa ogu wa tantera nge asi, ‘Tengura kosirongo seni nekekoro lyoge, ame ngani ku ruganene uwa.’ 10Nkenda noulimburukwi naunye ou wa ruganena mukareli goge, kapi na u wapera, yeeyi apa na rutire ogu Jorodana, mburo zelike na simbire, ntaantani nyame ogu nonombunga mbali na kara. 11Na kanderere, popera nge ko kokuwoko kwamukurwange Esau, yeeyi ame guna pwaga nge, asi nampo ta wiza a ya dipage nge, novanona nozinyawo. 12Nyamoge wa yi tanta asi: ‘Ngani ku ruganena uwa, ano ruvharo roge ngani ru ninka ru hure pomuheke gemefuta ava dili kuvhura kuvarura morwaunzi wago.’ ”
13Ga rara opo, makura ta gusa‐gusa mauhwi mweyi ga weka, a tumine mukurwendi Esau: 14Yikombo yoyikadi mafere gavali, yoyigara nomurongo mbali, nonzwi dononkadi mafere gavali, donongara nomurongo mbali, 15nongameru dononkadi dokuzamweka nomurongo ntatu noyitana yado, nongombe dononkadi nomurongo ne nonontwedu murongo, yindongi yoyikadi nomurongo mbali, yoyitwedu murongo.
16Makura ta yi pe vakareli vendi, nkenye siunda selike, makura ta va tantere asi: “Piteni komeho zetu, nye yiunda yi linape.” 17Makura ta tantere gokomeho asi: “Nsene namu ka gwanekera namukurwange Esau, a ku pure asi, ‘Ove gwalye, noku ono vyuka kupi, noyo yina kara komeho zoge yalye?’ 18Makura to limburura asi, ‘Yomukareli goge Jakopo, ou uhwi ana tumu kwahompa gwendi Esau, nage mwene ta wiza, konyima zetu ana kara.’ ” 19Gwauvali nogu gwautatu nava navenye ava va singire yiunda, ta va tantere asi: “None yimo mokukamulimburura ngorooro Esau, sene muna gwanekere nendi, ka mu tantereni asi: 20‘Mukareli goge Jakopo nage ta wiza, konyima zetu ana kara.’ ” Yeeyi age kwa gazarere asi: “Tani ka heteka kumuhafesa nomauhwi aga gana kupita komeho, ntani natu ka limona mpamwe na ka fira nge nkenda.” 21Yimo nye ga pitire mauhwi ngoso komeho zendi, nye age mwene kwa rere masiku ogo montanda.
Jakopo ta kondjo poPenieli
22Googo masiku ogo ta katuka novakadi vendi vavali novakareli vendi wovakadi vavali novana vendi murongo nagumwe, ta va zaukisa posau saJaboko. 23Kwa va zaukisire mukuro kumwe neyi ga lihupisilire po. 24Nye Jakopo gelike ga kere konyima mesinya omu.
Ano mugara gumwe ta kondjo nendi dogoro tali si. 25Ana kuyatara asi kapi ana kumuvhura, ta mu toona ponyonga, makura nyonga zaJakopo tazi tumpuka mo pokukondja nendi. 26Mugara makura ta tanta asi: “Siga nge ni ze, morwa ezuva lina pumu.” Nye age ta limburura asi: “Kapi nani ku siga o ze, ntudi to tungike nge ntani.” 27Age ta mu pura asi: “Nyove yilye edina lyoge?” Age asi: “Jakopo.” 28Gwina ta tanta asi: “Kapi ngava ku tumbura hena asi Jakopo nye Israeli, yeeyi ove kuna kondjo naKarunga novantu, yiyo ono fundu.”
29Yipo nye ga tantere Jakopo asi: “Tumbura edina lyoge.” Age ta limburura asi: “Eyi ono kulipulira lyene edina lyange hena yinke?” Makura ta mu swerere poopo.
30Evega olyo Jakopo ta li ruku asi Penieli, (kuninka asi ‘Sipara saKarunga’), yeeyi age kwa tente asi: “Ame kuna limono naKarunga kosipara nosipara, nye mwenyo gwange guna paruka.” 31Ano ezuva kwa ka mu puminine tupu ana kupitakana Penieli, nye age ta songora. 32Yiyo nye ava dilire kulya Vaisraeli dogoro ntaantani rusipa rokonyonga oru rwa kudumika sisupa sonyonga, morwa age kwa toonene Jakopo posisupa sonyonga porusipa ronyonga.
Iliyochaguliwa sasa
Genesis 32: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 32
32
Jakopo ta liwapaikire kugwanekera naEsau
1Jakopo kwa twikilire hena nzira zendi, ano vaengeli vaKarunga tava gwanekere nendi. 2Jakopo tupu ana kuvamona, ta tanta asi: “Ezi mbunga zovakwayita vaKarunga!” Ano olyo evega ta li ruku Mahanayimu. (Kuninka asi nokamba mbali dovakwayita).
3Jakopo yiyo ga tumine nontumi, di pite komeho kwamukurwendi Esau mosirongo saSeire, momukunda gwaEdomu. 4Ta va tantere mbudi ezi asi: “Ka tantereni hompa gwange Esau asi: ‘Jakopo muntu goge kuna kutanta asi, ame kwa ka pukura ngomunayirongo pwaRabani yiko na ka kara dogoro ntaantani. 5Ame kuna kara nonongombe noyindongi noyikombo nononzwi novakareli wovagara nava wovakadi. Yiyo nye nina kukudivisa ove hompa gwange asi mpamwe no fira nge nkenda.’ ”
6Nontumi makura tadi tengura kwaJakopo, tadi tanta asi: “Mukuroge Esau tuna ka mu gwana, age ana katuka nare novagara mafere gane, kuna kukusimbagwira.”
7Jakopo makura tagu mu pwaga unene. Vantu ava ga kere nawo nononzwi noyikombo nonongombe nonongameru nayinye ta yi gaununa monombunga mbali, 8morwa age kwa gazarere asi: “Esau nsene a wiza kombunga zimwe, a zi dipage po, ezi zimwe tazi paruka ko.”
9Jakopo makura ta tanta asi: “Karunga gotate Abirahamu naIsaka, Hompa ogu wa tantera nge asi, ‘Tengura kosirongo seni nekekoro lyoge, ame ngani ku ruganene uwa.’ 10Nkenda noulimburukwi naunye ou wa ruganena mukareli goge, kapi na u wapera, yeeyi apa na rutire ogu Jorodana, mburo zelike na simbire, ntaantani nyame ogu nonombunga mbali na kara. 11Na kanderere, popera nge ko kokuwoko kwamukurwange Esau, yeeyi ame guna pwaga nge, asi nampo ta wiza a ya dipage nge, novanona nozinyawo. 12Nyamoge wa yi tanta asi: ‘Ngani ku ruganena uwa, ano ruvharo roge ngani ru ninka ru hure pomuheke gemefuta ava dili kuvhura kuvarura morwaunzi wago.’ ”
13Ga rara opo, makura ta gusa‐gusa mauhwi mweyi ga weka, a tumine mukurwendi Esau: 14Yikombo yoyikadi mafere gavali, yoyigara nomurongo mbali, nonzwi dononkadi mafere gavali, donongara nomurongo mbali, 15nongameru dononkadi dokuzamweka nomurongo ntatu noyitana yado, nongombe dononkadi nomurongo ne nonontwedu murongo, yindongi yoyikadi nomurongo mbali, yoyitwedu murongo.
16Makura ta yi pe vakareli vendi, nkenye siunda selike, makura ta va tantere asi: “Piteni komeho zetu, nye yiunda yi linape.” 17Makura ta tantere gokomeho asi: “Nsene namu ka gwanekera namukurwange Esau, a ku pure asi, ‘Ove gwalye, noku ono vyuka kupi, noyo yina kara komeho zoge yalye?’ 18Makura to limburura asi, ‘Yomukareli goge Jakopo, ou uhwi ana tumu kwahompa gwendi Esau, nage mwene ta wiza, konyima zetu ana kara.’ ” 19Gwauvali nogu gwautatu nava navenye ava va singire yiunda, ta va tantere asi: “None yimo mokukamulimburura ngorooro Esau, sene muna gwanekere nendi, ka mu tantereni asi: 20‘Mukareli goge Jakopo nage ta wiza, konyima zetu ana kara.’ ” Yeeyi age kwa gazarere asi: “Tani ka heteka kumuhafesa nomauhwi aga gana kupita komeho, ntani natu ka limona mpamwe na ka fira nge nkenda.” 21Yimo nye ga pitire mauhwi ngoso komeho zendi, nye age mwene kwa rere masiku ogo montanda.
Jakopo ta kondjo poPenieli
22Googo masiku ogo ta katuka novakadi vendi vavali novakareli vendi wovakadi vavali novana vendi murongo nagumwe, ta va zaukisa posau saJaboko. 23Kwa va zaukisire mukuro kumwe neyi ga lihupisilire po. 24Nye Jakopo gelike ga kere konyima mesinya omu.
Ano mugara gumwe ta kondjo nendi dogoro tali si. 25Ana kuyatara asi kapi ana kumuvhura, ta mu toona ponyonga, makura nyonga zaJakopo tazi tumpuka mo pokukondja nendi. 26Mugara makura ta tanta asi: “Siga nge ni ze, morwa ezuva lina pumu.” Nye age ta limburura asi: “Kapi nani ku siga o ze, ntudi to tungike nge ntani.” 27Age ta mu pura asi: “Nyove yilye edina lyoge?” Age asi: “Jakopo.” 28Gwina ta tanta asi: “Kapi ngava ku tumbura hena asi Jakopo nye Israeli, yeeyi ove kuna kondjo naKarunga novantu, yiyo ono fundu.”
29Yipo nye ga tantere Jakopo asi: “Tumbura edina lyoge.” Age ta limburura asi: “Eyi ono kulipulira lyene edina lyange hena yinke?” Makura ta mu swerere poopo.
30Evega olyo Jakopo ta li ruku asi Penieli, (kuninka asi ‘Sipara saKarunga’), yeeyi age kwa tente asi: “Ame kuna limono naKarunga kosipara nosipara, nye mwenyo gwange guna paruka.” 31Ano ezuva kwa ka mu puminine tupu ana kupitakana Penieli, nye age ta songora. 32Yiyo nye ava dilire kulya Vaisraeli dogoro ntaantani rusipa rokonyonga oru rwa kudumika sisupa sonyonga, morwa age kwa toonene Jakopo posisupa sonyonga porusipa ronyonga.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003