Genesis 31
31
Jakopo ta tjwayuka Rabani
1Jakopo kwa zuvhire omu vana kuuyunga vana vaRabani asi: “Jakopo ga gusa nayinye eyi ga wekere guhyetu. Eyi ya kere yaguhyetu, yiyo yina mu tungike.” 2Jakopo ta dimburura hena asi, sipara saRabani kapi sina kara hena ngwendi mwanare. 3Hompa makura ta tantere Jakopo asi: “Tengura kosirongo soguho nekekoro lyoge. Ame noge ngani kara.”
4Jakopo makura ta tumine oRakera naReya, va ka gwane Rabani mezana omu ya kere yimuna yendi. 5Ta va tantere asi: “Na dimburura asi, guhyeni ntaantani kutupu hena mbili name ngwendi pwanare; nye Karunga gotate name ana kara. 6Mwa diva asi ame kwa ruganena guhyeni paapa na hulira. 7Nye age yiyo ga kumbagera nge, a rundurure mfuto zange yikando murongo. Nye Karunga kapi ga mu tarerera asi a retere nge simpagwa. 8Na tanta asi: ‘Yikombo yoyihanya‐yihanya yiyo nayi kara mfuto zoge,’ makura nayinye tayi reta yoyihanya‐yihanya. Ano na tanta asi: ‘Yomatjapura yiyo nayi kara mfuto zoge,’ makura nayinye tayi vhara yomatjapura. 9Ano Karunga kwa gusa yimuna kwaguhyeni, yiyo ga yi pa nge.
10“Posiruwo sokurondwa, ame kwa rotere nzodi, tani mono yikungwe yina kurondwa, yomatjapura neyi yomavara neyi yoyihanya‐yihanya. 11Muengeli gwaKarunga kwa tanterere nge monzodi asi: ‘Jakopo!’ Ame tani limburura asi: ‘Nyame ogu.’ 12Ta twikire ko asi: ‘Tara, yikungwe nayinye eyi yina kurondwa yomatjapura neyi yomavara neyi yoyihanya‐yihanya. Eyi ame kuna yi ruganene, morwa na mono eyi ana kurugana Rabani. 13Ame nyame Karunga ogu ga ku monekerere poBeteli, apa wa gwavekerere emanya lyomadiworokero, o ganene nge mugano. Ntaantani liwapaika, o tunde mo mosirongo omu, o tengure kosirongo soge somvharerwa.’ ”
14Rakera naReya tava limburura Jakopo asi: “Ose kutupu eyi ngatu pinga ko kwaguhyetu. 15Nani kapi ga tu tara ngwendi vanayirongo? Age kwa tu randesa, makura yimaliva eyi ga gwanena mwetu, yiyo ga yi lya po nu. 16Ugawo naunye ou ga gusa Karunga kwaguhyetu, wetu novana vetu. Rugana nkenye eyi ana kukutantera Karunga.”
17-18Jakopo makura ta rongere a tengure koguhwe Isaka kosirongo saKanani. Ta rondeke vana vendi novakadi vendi konongameru, ta pitisa yimuna yendi komeho, neyi ga kongere moMesopotamiya nayinye. 19Ano Rabani apa ga zire a ka kurure nonzwi dendi, Rakera makura ta vaka mo mafano govakarunga goguhwe. 20Jakopo kwa henene Rabani goMuarameya, ga hana kumutantera asi ta zi. 21Ta gusa yininke yendi nayinye eyi ga wekere, makura ta duka a ze. Ta rutu mukuro gwaEufurata, makura ta vyuka kondundu zaGiliyata.
Rabani ta konko Jakopo
22Pwa pita mazuva gatatu, ntani vana kutantera Rabani asi Jakopo ka zire. 23Rabani makura ta gusa vantu vendi, tava konko Jakopo mazuva gatano‐nagavali, dogoro tava ka mu kwatera kondundu zaGiliyata. 24Masiku Karunga ta wiza kwaRabani goMuarameya monzodi, ta mu tantere asi: “Takamesa asi o dire kuuyungira Jakopo nkango zonkukutu.” 25Rabani kwa ka kwatere Jakopo, age ana tura ntanda zendi mondundu. Rabani nage ta tura ntanda zendi pondundu zaGiliyata.
26Rabani ta tantere Jakopo asi: “Yinke nye yokuhenena nge, o tware vana vange ngwendi vakadi wokukakwata moyita? 27Yinke yokukumbagerera nge o hene nge wa hana kutantera nge? Ngano kwa tantera nge, ngano na ku rekera noruhafo norudimbo oku tava siki nongoma noyiumba. 28Wa hana kuninka nye tanko ni ncumite nontekuru dange novana vange. Ee, ugova musi ou ko ruganene ove! 29Ame kuvhura kukumonesa kanyando, nye masiku aga ganaina Karunga goguhwo kuna tantere nge asi, ‘Takamesa asi o dire kuuyungira Jakopo nkango zonkukutu.’ 30Na yi diva asi eyi ya ku katura yeeyi ono diworoka unene kweni, nye vakarunga vange kuvavakera nye yinke?”
31Jakopo ta limburura asi: “Ame kwa tjilire, morwa ame kwa gazarere asi nampo no hakana nge vana woge. 32Nye nsene no mu gwana ogu ana kara novakarunga woge, yige kufa. Vantu vetu vava, yido nondipo detu, papara mo yoge o yi guse mo.” Jakopo kapi ga divire asi Rakera ga yi vaka.
33Rabani makura ta zi motenta zaJakopo ta ka fungura mo. Ta zi motenta zaReya nomu mwedi dovapika vavali wovakadi, nye vakarunga nokuvagwana mo si. Makura ntani ana kuza motenta zaRakera. 34Rakera vakarunga ta va tura konhi zosifara songameru, makura ta hingire ko. Rabani a ze kufungura, hawe nemeho si. 35Rakera ta tantere oguhwe asi: “Mwa ha handukira nge asi kapi na sikama komeho zeni tate, yeeyi kosidira na kara.” Rabani ta zi kufungura, nye vakarunga vendi nemeho si.
36Jakopo makura ta lipirura, ta uyungire Rabani nehandu asi: “Yinke eyi na zona neyi na simapeka po, o ka sikure nge nehandu? 37Moyininke yange nayinye yimo ono fungura, yinke yoge eyi ono gwana mo? Yi tura opo, va yi mone vantu vange nava woge, awo va tokore asi yilye ogu ga hana po usima. 38Ame kwa kara noge nomvhura nomurongo mbali; nonzwi doge noyikombo yoge yoyikadi kapi na yi pampwisisa ndi asi ni lye po yikungwe yoge. 39Eyi ngayi likana, kapi ngani yi ku retere, nyamwange ngani yi tura po hena. Ano yokuvaka gu kare mutenya ndi masiku nyame tupu ngorooro gokuyitura po. 40Ngani pi mutenya, ano masiku tani kankama mufu. Norupofu si rooru ngani mono. 41Nomvhura nomurongo mbali nadinye edi na kara noge, ngorooro. Ame kwa ruganena vana woge wovakadi nomvhura murongo‐nane, ano edi ntano‐nazimwe doyimuna yoge. Nye nampili ngomu ngoso, ove yiyo wa rundurura mfuto zange yikando murongo. 42Karunga gotate, Karunga gwaAbirahamu, Karunga ogu a kerere Isaka, ngano kapi ga kara name, ngano nare wa tengwida nge mawoko‐woko. Nye opo Karunga ga mona udigu wange, noyirugana eyi na rugana, makura masiku aga gana piti, yiyo ana gava mpanguro zendi.”
Malizuvho goJakopo naRabani
43Rabani ta limburura Jakopo asi: “Vana vange, vanona vange, ano yiunda nayo yange. Nayinye oyo ono kumona ngoso yange. Ano ntaantani omu nani rugana nye vana vange novana vawo? 44Ntaantani ga kare po nye malizuvho, ano ntunta zomamanya yizo zokugatudiworokesa.”
45Makura Jakopo ta dike po emanya lyomadiworokero, 46ta tantere vantu vendi va rundaike mamanya, ga kare ntunta. Makura tava lire ndango poopo pontunta zomamanya. 47Rabani ta zi ruku Jegare‐Sahaduta, ano Jakopo age ta zi ruku Garede. (Madina aga kuninka asi ‘Ntunta zoundipo’). 48Rabani ta tanta asi: “Ntunta ezi zomamanya yiso sidiworokeso setu noge.” Evega olyo yiyo nye ngava li tumbwire asi Garede. 49Rabani ta tanta hena asi: “Hompa a tu tarere pokuligaunuka kwetu.” Makura olyo evega tava li ruku Misipa (kuninka asi ‘Evega lyokukungira’). 50Rabani ta twikire ko asi: “Nsene to ka hepeka vana vange, ndi o ka rambeke ko vakadi nawopeke, nampili ni dire kuyidiva, diworoka asi Karunga kuna kututara. 51Ezi ntunta zomamanya ezi na pongaike pokatji ketu noge, ano eli emanya lyomadiworokero. 52Nayinye mouvali wayo nontunta nemanya yiyo yidiworokeso. Ame kapi ngani pitakana ezi ntunta, asi ni ka ku rwise, ano ove nove kapi ngo zi pitakana ndi o pitakane eli emanya asi o ka rwise nge. 53Karunga gwaAbirahamu naKarunga gwaNahoro, Karunga goguhyawo, nga pangura po pokatji ketu.” Makura Jakopo ta gu daya po mugano medina lyaKarunga ogu ngava tongamene oguhwe Isaka. 54Jakopo makura ta dipaga simuna, ta si zamba nzambo kondundu, makura ta zigida vantu vendi va ya lye. Eyi va mana kulya, makura tava rara kooko kondundu. 55Ngurangura zonene Rabani ta ncumita vatekuru vendi novana vendi, ta va swere, makura ta tengura kwawo.
Iliyochaguliwa sasa
Genesis 31: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 31
31
Jakopo ta tjwayuka Rabani
1Jakopo kwa zuvhire omu vana kuuyunga vana vaRabani asi: “Jakopo ga gusa nayinye eyi ga wekere guhyetu. Eyi ya kere yaguhyetu, yiyo yina mu tungike.” 2Jakopo ta dimburura hena asi, sipara saRabani kapi sina kara hena ngwendi mwanare. 3Hompa makura ta tantere Jakopo asi: “Tengura kosirongo soguho nekekoro lyoge. Ame noge ngani kara.”
4Jakopo makura ta tumine oRakera naReya, va ka gwane Rabani mezana omu ya kere yimuna yendi. 5Ta va tantere asi: “Na dimburura asi, guhyeni ntaantani kutupu hena mbili name ngwendi pwanare; nye Karunga gotate name ana kara. 6Mwa diva asi ame kwa ruganena guhyeni paapa na hulira. 7Nye age yiyo ga kumbagera nge, a rundurure mfuto zange yikando murongo. Nye Karunga kapi ga mu tarerera asi a retere nge simpagwa. 8Na tanta asi: ‘Yikombo yoyihanya‐yihanya yiyo nayi kara mfuto zoge,’ makura nayinye tayi reta yoyihanya‐yihanya. Ano na tanta asi: ‘Yomatjapura yiyo nayi kara mfuto zoge,’ makura nayinye tayi vhara yomatjapura. 9Ano Karunga kwa gusa yimuna kwaguhyeni, yiyo ga yi pa nge.
10“Posiruwo sokurondwa, ame kwa rotere nzodi, tani mono yikungwe yina kurondwa, yomatjapura neyi yomavara neyi yoyihanya‐yihanya. 11Muengeli gwaKarunga kwa tanterere nge monzodi asi: ‘Jakopo!’ Ame tani limburura asi: ‘Nyame ogu.’ 12Ta twikire ko asi: ‘Tara, yikungwe nayinye eyi yina kurondwa yomatjapura neyi yomavara neyi yoyihanya‐yihanya. Eyi ame kuna yi ruganene, morwa na mono eyi ana kurugana Rabani. 13Ame nyame Karunga ogu ga ku monekerere poBeteli, apa wa gwavekerere emanya lyomadiworokero, o ganene nge mugano. Ntaantani liwapaika, o tunde mo mosirongo omu, o tengure kosirongo soge somvharerwa.’ ”
14Rakera naReya tava limburura Jakopo asi: “Ose kutupu eyi ngatu pinga ko kwaguhyetu. 15Nani kapi ga tu tara ngwendi vanayirongo? Age kwa tu randesa, makura yimaliva eyi ga gwanena mwetu, yiyo ga yi lya po nu. 16Ugawo naunye ou ga gusa Karunga kwaguhyetu, wetu novana vetu. Rugana nkenye eyi ana kukutantera Karunga.”
17-18Jakopo makura ta rongere a tengure koguhwe Isaka kosirongo saKanani. Ta rondeke vana vendi novakadi vendi konongameru, ta pitisa yimuna yendi komeho, neyi ga kongere moMesopotamiya nayinye. 19Ano Rabani apa ga zire a ka kurure nonzwi dendi, Rakera makura ta vaka mo mafano govakarunga goguhwe. 20Jakopo kwa henene Rabani goMuarameya, ga hana kumutantera asi ta zi. 21Ta gusa yininke yendi nayinye eyi ga wekere, makura ta duka a ze. Ta rutu mukuro gwaEufurata, makura ta vyuka kondundu zaGiliyata.
Rabani ta konko Jakopo
22Pwa pita mazuva gatatu, ntani vana kutantera Rabani asi Jakopo ka zire. 23Rabani makura ta gusa vantu vendi, tava konko Jakopo mazuva gatano‐nagavali, dogoro tava ka mu kwatera kondundu zaGiliyata. 24Masiku Karunga ta wiza kwaRabani goMuarameya monzodi, ta mu tantere asi: “Takamesa asi o dire kuuyungira Jakopo nkango zonkukutu.” 25Rabani kwa ka kwatere Jakopo, age ana tura ntanda zendi mondundu. Rabani nage ta tura ntanda zendi pondundu zaGiliyata.
26Rabani ta tantere Jakopo asi: “Yinke nye yokuhenena nge, o tware vana vange ngwendi vakadi wokukakwata moyita? 27Yinke yokukumbagerera nge o hene nge wa hana kutantera nge? Ngano kwa tantera nge, ngano na ku rekera noruhafo norudimbo oku tava siki nongoma noyiumba. 28Wa hana kuninka nye tanko ni ncumite nontekuru dange novana vange. Ee, ugova musi ou ko ruganene ove! 29Ame kuvhura kukumonesa kanyando, nye masiku aga ganaina Karunga goguhwo kuna tantere nge asi, ‘Takamesa asi o dire kuuyungira Jakopo nkango zonkukutu.’ 30Na yi diva asi eyi ya ku katura yeeyi ono diworoka unene kweni, nye vakarunga vange kuvavakera nye yinke?”
31Jakopo ta limburura asi: “Ame kwa tjilire, morwa ame kwa gazarere asi nampo no hakana nge vana woge. 32Nye nsene no mu gwana ogu ana kara novakarunga woge, yige kufa. Vantu vetu vava, yido nondipo detu, papara mo yoge o yi guse mo.” Jakopo kapi ga divire asi Rakera ga yi vaka.
33Rabani makura ta zi motenta zaJakopo ta ka fungura mo. Ta zi motenta zaReya nomu mwedi dovapika vavali wovakadi, nye vakarunga nokuvagwana mo si. Makura ntani ana kuza motenta zaRakera. 34Rakera vakarunga ta va tura konhi zosifara songameru, makura ta hingire ko. Rabani a ze kufungura, hawe nemeho si. 35Rakera ta tantere oguhwe asi: “Mwa ha handukira nge asi kapi na sikama komeho zeni tate, yeeyi kosidira na kara.” Rabani ta zi kufungura, nye vakarunga vendi nemeho si.
36Jakopo makura ta lipirura, ta uyungire Rabani nehandu asi: “Yinke eyi na zona neyi na simapeka po, o ka sikure nge nehandu? 37Moyininke yange nayinye yimo ono fungura, yinke yoge eyi ono gwana mo? Yi tura opo, va yi mone vantu vange nava woge, awo va tokore asi yilye ogu ga hana po usima. 38Ame kwa kara noge nomvhura nomurongo mbali; nonzwi doge noyikombo yoge yoyikadi kapi na yi pampwisisa ndi asi ni lye po yikungwe yoge. 39Eyi ngayi likana, kapi ngani yi ku retere, nyamwange ngani yi tura po hena. Ano yokuvaka gu kare mutenya ndi masiku nyame tupu ngorooro gokuyitura po. 40Ngani pi mutenya, ano masiku tani kankama mufu. Norupofu si rooru ngani mono. 41Nomvhura nomurongo mbali nadinye edi na kara noge, ngorooro. Ame kwa ruganena vana woge wovakadi nomvhura murongo‐nane, ano edi ntano‐nazimwe doyimuna yoge. Nye nampili ngomu ngoso, ove yiyo wa rundurura mfuto zange yikando murongo. 42Karunga gotate, Karunga gwaAbirahamu, Karunga ogu a kerere Isaka, ngano kapi ga kara name, ngano nare wa tengwida nge mawoko‐woko. Nye opo Karunga ga mona udigu wange, noyirugana eyi na rugana, makura masiku aga gana piti, yiyo ana gava mpanguro zendi.”
Malizuvho goJakopo naRabani
43Rabani ta limburura Jakopo asi: “Vana vange, vanona vange, ano yiunda nayo yange. Nayinye oyo ono kumona ngoso yange. Ano ntaantani omu nani rugana nye vana vange novana vawo? 44Ntaantani ga kare po nye malizuvho, ano ntunta zomamanya yizo zokugatudiworokesa.”
45Makura Jakopo ta dike po emanya lyomadiworokero, 46ta tantere vantu vendi va rundaike mamanya, ga kare ntunta. Makura tava lire ndango poopo pontunta zomamanya. 47Rabani ta zi ruku Jegare‐Sahaduta, ano Jakopo age ta zi ruku Garede. (Madina aga kuninka asi ‘Ntunta zoundipo’). 48Rabani ta tanta asi: “Ntunta ezi zomamanya yiso sidiworokeso setu noge.” Evega olyo yiyo nye ngava li tumbwire asi Garede. 49Rabani ta tanta hena asi: “Hompa a tu tarere pokuligaunuka kwetu.” Makura olyo evega tava li ruku Misipa (kuninka asi ‘Evega lyokukungira’). 50Rabani ta twikire ko asi: “Nsene to ka hepeka vana vange, ndi o ka rambeke ko vakadi nawopeke, nampili ni dire kuyidiva, diworoka asi Karunga kuna kututara. 51Ezi ntunta zomamanya ezi na pongaike pokatji ketu noge, ano eli emanya lyomadiworokero. 52Nayinye mouvali wayo nontunta nemanya yiyo yidiworokeso. Ame kapi ngani pitakana ezi ntunta, asi ni ka ku rwise, ano ove nove kapi ngo zi pitakana ndi o pitakane eli emanya asi o ka rwise nge. 53Karunga gwaAbirahamu naKarunga gwaNahoro, Karunga goguhyawo, nga pangura po pokatji ketu.” Makura Jakopo ta gu daya po mugano medina lyaKarunga ogu ngava tongamene oguhwe Isaka. 54Jakopo makura ta dipaga simuna, ta si zamba nzambo kondundu, makura ta zigida vantu vendi va ya lye. Eyi va mana kulya, makura tava rara kooko kondundu. 55Ngurangura zonene Rabani ta ncumita vatekuru vendi novana vendi, ta va swere, makura ta tengura kwawo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003