Genesis 30
30
1Ano Rakera eyi ga mona asi kapi ana kuretera Jakopo vana, ta pakere mukurwendi mfudu, makura ta tantere Jakopo asi: “Pe nge vana, nsene yimo sa, tani fu.”
2Jakopo ta handukire Rakera, ta tanta asi: “Ee, nani nyame Karunga ogu ga ku gusa ruvharo?”
3Gwina ta tanta asi: “Mupika gwange gomukadona Biliha gogu; gusa o kare nendi, nkumwe nga retere nge ko muna, ngani gwanene muna kwendi.” 4Rakera ta gava mupika gwendi Biliha kwayendi, gwina makura ta kara nendi. 5Biliha ta kara nezimo, ta retere Jakopo muna gomugara. 6Rakera makura ta tanta asi: “Karunga ana rugana nge momuwa. Ga zuvha ekanderero lyange, yiyo ana pe nge munona gomugara.” Age makura ta mu ruku Dana (kuninka asi ‘Ga rugana nge momuwa’). 7Mupika gwaRakera Biliha ta kara hena nezimo, ta hampurukire Jakopo muna gwauvali gomugara. 8Rakera ta tanta asi: “Ame kwa rwa yita yoyidigu namukurwange, yiyo na mu dina.” Makura ta mu ruku Nafitali (‘kuninka asi Yita’).
9Ano Reya eyi ana kuyamona asi kapi ana kureta hena, ta gava mupika gwendi gomukadona Silipa kwaJakopo a kware. 10Silipa makura ta retere Jakopo munona gomugara. 11Reya ta tanta asi: “Nina ragopa.” Makura ta mu ruku Gada (kuninka asi Erago). 12Mupika gwaReya Silipa ta retere Jakopo munona gwauvali gomugara. 13Reya ta tanta asi: “Ee, eragogona ame! Ntaantani vakadi ngava tumbura nge asi munerago.” Makura ta mu ruku Aseli (kuninka asi ‘Kuhamberera asi wa ragopa’).
14Ano pokuteza‐teza, Rubena ta zi mosanzara, ta ka gwana rembu, ta zi retere ozina Reya. Rakera ta tantere Reya asi: “Na kanderere, pe nge ko name korembu zamunoge.”
15Reya ta limburura asi: “Nani koge ove naburwa si eyi wa hokora nge yange? Makura yiyo hena ono kuninka asi o guse rembu zamunwange.” Rakera ta tanta asi:
“Ani nsene o pa nge ko korembu zamunoge, Jakopo ngano nendi nomu pinduka naina.” 16Ano Jakopo eyi ga tunda komapya ngurova, Reya ta pwaga a gwanekere nendi, ta tanta asi: “Nyose kupinduka noge naina, morwa na ku futu rembu zamunwange.” Makura masiku ogo kumwe nye nendi va pinduka.
17Karunga kwa zuvhire ekanderero lyaReya, makura ta kara nezimo, ta retere Jakopo munona gomugara gwautano. 18Reya ta tanta asi: “Karunga ana pe nge mfeto, morwa na gava mupika gwange kwayange.” Makura ta ruku munwendi Isasikali (kuninka asi ‘kuranda’, hena asi ‘Mfeto’). 19Reya ta kara hena nezimo, ta hampurukire Jakopo munona gomugara gwautano‐nagumwe. 20Ta tanta asi: “Karunga ana pe nge uhwi wouwa. Apa ngesi, yange ta tengwida nge, yeeyi nina mu retere vana wovagara vatano‐nagumwe.” Makura ta mu ruku Seburoni (Kuninka asi ‘Kutambura’). 21Ga ninka ta reta ko hena munona gomukadi, ogu ga rukire Dina.
22Makura Karunga ta diworoka Rakera. Ta zuvhu ekanderero lyendi, makura ta paturura ruvharo rwendi. 23Ta kara nezimo, makura ta hampuruka munona gomugara. Ta tanta asi: “Karunga ana gusa nge ko nomuga. 24Hompa ngano ta gwederere nge ko hena munona gomugara.” Makura ta mu ruku Josefa (kuninka asi ‘Ta gwederere ko’).
Malizuvho gaJakopo naRabani
25Rakera eyi ga hampuruka Josefa, Jakopo ta tantere Rabani asi: “Siga nge ni ze, ni tengure kwetu. 26Pe nge vakadi vange ava na ku ruganena novana vange, ni ze. Wa yi diva asi ame kwa ku ruganena nawa‐nawa.” 27Rabani ta mu tantere asi: “Siga nge tupu ni tante eyi asi: na yi kwata egano eyi asi Hompa kuna tungikire nge mwaroge. 28Tumbura tupu mfuto zoge, ame ni ku pe.”
29Jakopo ta mu limburura asi: “Wa diva omu na ku ruganena, nomu yina vhukire yimuna yoge mousita wange. 30Apa na ya ku gwene ayo yinunu, ano ntaantani yina vhuka unene. Hompa ana ku tungikire mwarwange. Name ntaantani kuna hara nye ni kondjere ko yembo lyange.”
31Rabani ta pura asi: “Yinke eyi nani ku pa?”
Jakopo ta limburura asi: “Kapi na hara ame yuma. Ame kuna hara ni lise ngorooro yimuna yoge, nsene o rugana eyi nani tanta. 32Naina tani gendi moyiunda yoge, ni horowore mo nonzwi doruhanya nedi domavara nononzwigona dononsovagani noyikombo yoruhanya neyi yomavara. Eyi yiyo nayi kara mfeto zange. 33Komeho ntani nye ngo mona uhungami wange. Apa ngo ya tara yimuna yange, nye to ya gwana mo sikombo sa hana ruhanya ndi ruvara ndi nzwi za hana asi nsovagani, yipo ngo divira asi zowidi.”
34Rabani ta limburura asi: “Hawe ngoso nawa. Yimo natu yi rugana moomu ono tanta.” 35Ezuva olyo Rabani ta gusa mo yikombo yoyigara yomatjapura neyi yomavara noyikombo yoyikadi yoruhanya‐ruhanya neyi yomavara (neyi yomavara gomazera); ta gusa mo hena nonzwi dononsovagani. Makura ta yi pe vana vendi wovagara, va yi takamese. 36Makura ta tundu po pwaJakopo nosiunda esi a gende mazuva gatatu a ze ure paapa ga hulira. Jakopo makura ta lisa yiunda yaRabani eyi ya hupire po.
37Jakopo makura ta gusa nomutayi douwongo nedi dounyandi noukuzu, ta tetagura po pamwe mazura, makura ponomutayi tapa moneka matjapura gomazera. 38Odo nomutayi ta di tura komeho zoyiunda pomatemba gokunwina. Ta di tura opo, yeeyi ayo kurondwa nsene tayi ya nu. 39Ano eyi nayi lirondwera ngoso opo ponomutayi, makura tayi vhara yomatjapura neyi yoyihanya‐yihanya neyi yomavara.
40Jakopo makura ta lipakere nonzwi, ta di pirukidisire kosiunda sedi domatjapura nedi dononsovagani daRabani. Pokuninka ngoso ta livhukisire siunda sendi, esi nga dira kusiga, si gwanekere nosiunda saRabani.
41Ano edi dokupama po nsene tadi rondwa, Jakopo ta tura nomutayi komeho zado pomatemba gokunwina, di rondwere pokatji konomutayi. 42Nye age kapi nga tura nomutayi komeho zedi dokutongama. Ano dokutongama tadi hamene kwaRabani, dokupama kwaJakopo. 43Jakopo makura ta ya kara ngawo zonene. Ta kara noyiunda yoyinzi novapika nonongameru noyindongili.
Iliyochaguliwa sasa
Genesis 30: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 30
30
1Ano Rakera eyi ga mona asi kapi ana kuretera Jakopo vana, ta pakere mukurwendi mfudu, makura ta tantere Jakopo asi: “Pe nge vana, nsene yimo sa, tani fu.”
2Jakopo ta handukire Rakera, ta tanta asi: “Ee, nani nyame Karunga ogu ga ku gusa ruvharo?”
3Gwina ta tanta asi: “Mupika gwange gomukadona Biliha gogu; gusa o kare nendi, nkumwe nga retere nge ko muna, ngani gwanene muna kwendi.” 4Rakera ta gava mupika gwendi Biliha kwayendi, gwina makura ta kara nendi. 5Biliha ta kara nezimo, ta retere Jakopo muna gomugara. 6Rakera makura ta tanta asi: “Karunga ana rugana nge momuwa. Ga zuvha ekanderero lyange, yiyo ana pe nge munona gomugara.” Age makura ta mu ruku Dana (kuninka asi ‘Ga rugana nge momuwa’). 7Mupika gwaRakera Biliha ta kara hena nezimo, ta hampurukire Jakopo muna gwauvali gomugara. 8Rakera ta tanta asi: “Ame kwa rwa yita yoyidigu namukurwange, yiyo na mu dina.” Makura ta mu ruku Nafitali (‘kuninka asi Yita’).
9Ano Reya eyi ana kuyamona asi kapi ana kureta hena, ta gava mupika gwendi gomukadona Silipa kwaJakopo a kware. 10Silipa makura ta retere Jakopo munona gomugara. 11Reya ta tanta asi: “Nina ragopa.” Makura ta mu ruku Gada (kuninka asi Erago). 12Mupika gwaReya Silipa ta retere Jakopo munona gwauvali gomugara. 13Reya ta tanta asi: “Ee, eragogona ame! Ntaantani vakadi ngava tumbura nge asi munerago.” Makura ta mu ruku Aseli (kuninka asi ‘Kuhamberera asi wa ragopa’).
14Ano pokuteza‐teza, Rubena ta zi mosanzara, ta ka gwana rembu, ta zi retere ozina Reya. Rakera ta tantere Reya asi: “Na kanderere, pe nge ko name korembu zamunoge.”
15Reya ta limburura asi: “Nani koge ove naburwa si eyi wa hokora nge yange? Makura yiyo hena ono kuninka asi o guse rembu zamunwange.” Rakera ta tanta asi:
“Ani nsene o pa nge ko korembu zamunoge, Jakopo ngano nendi nomu pinduka naina.” 16Ano Jakopo eyi ga tunda komapya ngurova, Reya ta pwaga a gwanekere nendi, ta tanta asi: “Nyose kupinduka noge naina, morwa na ku futu rembu zamunwange.” Makura masiku ogo kumwe nye nendi va pinduka.
17Karunga kwa zuvhire ekanderero lyaReya, makura ta kara nezimo, ta retere Jakopo munona gomugara gwautano. 18Reya ta tanta asi: “Karunga ana pe nge mfeto, morwa na gava mupika gwange kwayange.” Makura ta ruku munwendi Isasikali (kuninka asi ‘kuranda’, hena asi ‘Mfeto’). 19Reya ta kara hena nezimo, ta hampurukire Jakopo munona gomugara gwautano‐nagumwe. 20Ta tanta asi: “Karunga ana pe nge uhwi wouwa. Apa ngesi, yange ta tengwida nge, yeeyi nina mu retere vana wovagara vatano‐nagumwe.” Makura ta mu ruku Seburoni (Kuninka asi ‘Kutambura’). 21Ga ninka ta reta ko hena munona gomukadi, ogu ga rukire Dina.
22Makura Karunga ta diworoka Rakera. Ta zuvhu ekanderero lyendi, makura ta paturura ruvharo rwendi. 23Ta kara nezimo, makura ta hampuruka munona gomugara. Ta tanta asi: “Karunga ana gusa nge ko nomuga. 24Hompa ngano ta gwederere nge ko hena munona gomugara.” Makura ta mu ruku Josefa (kuninka asi ‘Ta gwederere ko’).
Malizuvho gaJakopo naRabani
25Rakera eyi ga hampuruka Josefa, Jakopo ta tantere Rabani asi: “Siga nge ni ze, ni tengure kwetu. 26Pe nge vakadi vange ava na ku ruganena novana vange, ni ze. Wa yi diva asi ame kwa ku ruganena nawa‐nawa.” 27Rabani ta mu tantere asi: “Siga nge tupu ni tante eyi asi: na yi kwata egano eyi asi Hompa kuna tungikire nge mwaroge. 28Tumbura tupu mfuto zoge, ame ni ku pe.”
29Jakopo ta mu limburura asi: “Wa diva omu na ku ruganena, nomu yina vhukire yimuna yoge mousita wange. 30Apa na ya ku gwene ayo yinunu, ano ntaantani yina vhuka unene. Hompa ana ku tungikire mwarwange. Name ntaantani kuna hara nye ni kondjere ko yembo lyange.”
31Rabani ta pura asi: “Yinke eyi nani ku pa?”
Jakopo ta limburura asi: “Kapi na hara ame yuma. Ame kuna hara ni lise ngorooro yimuna yoge, nsene o rugana eyi nani tanta. 32Naina tani gendi moyiunda yoge, ni horowore mo nonzwi doruhanya nedi domavara nononzwigona dononsovagani noyikombo yoruhanya neyi yomavara. Eyi yiyo nayi kara mfeto zange. 33Komeho ntani nye ngo mona uhungami wange. Apa ngo ya tara yimuna yange, nye to ya gwana mo sikombo sa hana ruhanya ndi ruvara ndi nzwi za hana asi nsovagani, yipo ngo divira asi zowidi.”
34Rabani ta limburura asi: “Hawe ngoso nawa. Yimo natu yi rugana moomu ono tanta.” 35Ezuva olyo Rabani ta gusa mo yikombo yoyigara yomatjapura neyi yomavara noyikombo yoyikadi yoruhanya‐ruhanya neyi yomavara (neyi yomavara gomazera); ta gusa mo hena nonzwi dononsovagani. Makura ta yi pe vana vendi wovagara, va yi takamese. 36Makura ta tundu po pwaJakopo nosiunda esi a gende mazuva gatatu a ze ure paapa ga hulira. Jakopo makura ta lisa yiunda yaRabani eyi ya hupire po.
37Jakopo makura ta gusa nomutayi douwongo nedi dounyandi noukuzu, ta tetagura po pamwe mazura, makura ponomutayi tapa moneka matjapura gomazera. 38Odo nomutayi ta di tura komeho zoyiunda pomatemba gokunwina. Ta di tura opo, yeeyi ayo kurondwa nsene tayi ya nu. 39Ano eyi nayi lirondwera ngoso opo ponomutayi, makura tayi vhara yomatjapura neyi yoyihanya‐yihanya neyi yomavara.
40Jakopo makura ta lipakere nonzwi, ta di pirukidisire kosiunda sedi domatjapura nedi dononsovagani daRabani. Pokuninka ngoso ta livhukisire siunda sendi, esi nga dira kusiga, si gwanekere nosiunda saRabani.
41Ano edi dokupama po nsene tadi rondwa, Jakopo ta tura nomutayi komeho zado pomatemba gokunwina, di rondwere pokatji konomutayi. 42Nye age kapi nga tura nomutayi komeho zedi dokutongama. Ano dokutongama tadi hamene kwaRabani, dokupama kwaJakopo. 43Jakopo makura ta ya kara ngawo zonene. Ta kara noyiunda yoyinzi novapika nonongameru noyindongili.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003