Genesis 29
29
Jakopo ta ka sika kwaRabani
1Jakopo makura ta katuka a ze kosirongo sovantu wokoUpumezuva. 2Ga tara ko, ndjombo zezi mezana noyiunda yitatu yononzwi yina gombo po, yeeyi mondjombo omo yimo ngava yi vhetagwire yi nwe. Ano kondjombo ngava kudumike ko emanya lyemunene. 3Nsene yiunda nayinye yina ya pongo, ntani nye vana kulisindumuna ko emanya kondjombo, nava mana kunwisa nonzwi, tava li tengwidire ko hena.
4Jakopo ta va pura asi: “Vanavamali, one vakupi?” Awo tava limburura asi: “Ose wokoHarani.”
5Age ta va pura asi: “Rabani zaNahoro nye mwa mu diva?”
Awo tava mu limburura asi: “Twa mu diva.”
6Ta va pura hena asi: “Nye ta pinduka?”
Awo tava limburura asi: “Ta pinduka. Namwene munwendi gomukadona Rakera gogo ana kuwiza nononzwi.”
7Age ta va tantere asi: “Tareni, ezuva simpe halya kara, esi kapisi yiso siruwo sokupongaika nonzwi. Di nwiseni mu di tware di ka lye.”
8Awo tava limburura asi: “Ose oyo nokuyivhura si, ya hana kuponga yiunda nayinye, tu sindumune ko emanya kondjombo, ntani tuna kunwisa nonzwi.”
9Haga za mokuuyunga nawo, Rakera nage ta wiza nononzwi doguhwe, morwa yige nga di lisa. 10Jakopo apa ga mwene Rakera, munwahekurwendi Rabani, nononzwi dahekurwendi Rabani, makura ta zi a ka li sindumune ko emanya kondjombo, makura ta nwisa nonzwi dahekurwendi Rabani. 11Jakopo ta ncumita Rakera, makura ta ziguruka kulira. 12Jakopo ta sansekere Rakera asi: “Age simpumba soguhwe, munwaRepeka.”
Rakera makura ta duka a ka yi sansekere oguhwe. 13Ga zuvhire Rabani mbudi zaJakopo, munwamumbyendi, ta duka a ka mu simbagwire, ta mu lidingire monsingo a mu ncumite, makura ta mu hwilida membo. Age makura ta sansekere Rabani yininke nayinye. 14Makura Rabani ta mu tantere asi: “Yosili, ove gwange gezimo lyange.” Age makura ta kara pwendi mwedi nagunye.
Jakopo ta ruganene Rakera naReya
15Rabani makura ta pura Jakopo asi: “O ruganene nge mawoko‐woko yooyo asi o simpumba sange ndi? Tantera nge eyi ngayi kara mfuto zoge.” 16Age Rabani kwa kere novana wovakadi vavali: edina lyogu gomukurona po Reya, ano lyogu gomunona po Rakera. 17Reya meho gendi gokusivilira, nye Rakera kwa kere norutu roruwa nosipa sosiwa somutaro.
18Jakopo kwa here po Rakera, yiyo ga tente asi: “Ogu munoge gomunona po Rakera, yige na kuruganena nomuvho ntano‐nambali.”
19Rabani ta limburura asi: “Kumukupa hasa ya pita yokumupa mugara nagepeke. Tu hingire.” 20Jakopo makura ta ruganene Rakera nomumvho ntano‐nambali. Ga di tere ngwendi mazuva gangapi tupu, morwa age kwa mu here unene.
21Jakopo makura ta tantere Rabani asi: “Pe nge mukadange, nomumvho dange dokumuruganena dina pu, ni gombore.”
22Rabani makura ta zigida vantu wopomukunda, makura ta va ruganene sipito. 23Pana kusovagana, ta mu retere munwendi Reya. Makura Jakopo ta mu gombora. 24Rabani ta pe munwendi Reya mupika gwendi Silipa, a kare mukareli gwaReya. 25Lina kusa a tare Jakopo, hawe, Reya! Makura ta tantere Rabani asi: “Yinke eyi ono rugana nge? Nani kapisi Rakera na ruganena? Yinke eyi ono kumbagerere nge?”
26Rabani ta limburura asi: “Nkedi zetu ose, munona kapi ava howo kumukwareka komukurona. 27Sikisa mo nendi sivike sekwareko. Ogu mukwawo nage ngani mu ku pa, ntene ngo ruganena nge hena nomumvho ntano‐nambali.”
28Jakopo nage ta rugana ngoso: age makura ta kara pwendi ure wosivike. Rabani makura ta mu pe munwendi Rakera, nage a kare mukadendi. 29Rabani makura ta pe munwendi Rakera mupika gwendi Biliha, a kare mukareli gwaRakera. 30Jakopo makura ta gombora hena naRakera. Age kwa here Rakera kupita Reya. Makura ta ruganene Rabani nomumvho nonkwawo ntano‐nambali.
Vana vaJakopo
31Apa ga mwene Hompa asi Jakopo kwa nyengere Reya, makura ta zegurura mukoga gwendi, nye Rakera kwa kere nganze. 32Reya ta kara nezimo, makura ta hampuruka munona gomugara. Ta tanta asi: “Hompa ga mona udigu wange, ntaantani yange ta hara nge nye.” Makura ta mu ruku Rubena (kuninka asi ‘Ga mona udigu wange’). 33Ga ninka ta kara hena nezimo, ta hampuruka munona gomugara ta tanta asi: “Hompa ana pe nge hena munona gomugara, yeeyi ga zuvha asi ame kwa nyenga nge.” Makura ta mu ruku Simiyoni (kuninka asi ‘Ga zuvha nge’). 34Ga ninka ta kara tupu hena nezimo, ta hampuruka munona gomugara. Ta tanta asi: “Hawe moomu ngesi, yange ta hamene nye kwange, morwa nina mu retere vana wovagara vatatu.” Makura ta mu ruku Revhi (kuninka asi ‘Ta hamene kwange’). 35Ta kara tupu hena nezimo, ta hampuruka munona gomugara. Ta tanta asi: “Apa ngesi tani panda nye Hompa.” Makura ta mu ruku Juda (kuninka asi ‘Kupandura’). Makura ruvharo rwendi naro taru zi nye.
Iliyochaguliwa sasa
Genesis 29: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 29
29
Jakopo ta ka sika kwaRabani
1Jakopo makura ta katuka a ze kosirongo sovantu wokoUpumezuva. 2Ga tara ko, ndjombo zezi mezana noyiunda yitatu yononzwi yina gombo po, yeeyi mondjombo omo yimo ngava yi vhetagwire yi nwe. Ano kondjombo ngava kudumike ko emanya lyemunene. 3Nsene yiunda nayinye yina ya pongo, ntani nye vana kulisindumuna ko emanya kondjombo, nava mana kunwisa nonzwi, tava li tengwidire ko hena.
4Jakopo ta va pura asi: “Vanavamali, one vakupi?” Awo tava limburura asi: “Ose wokoHarani.”
5Age ta va pura asi: “Rabani zaNahoro nye mwa mu diva?”
Awo tava mu limburura asi: “Twa mu diva.”
6Ta va pura hena asi: “Nye ta pinduka?”
Awo tava limburura asi: “Ta pinduka. Namwene munwendi gomukadona Rakera gogo ana kuwiza nononzwi.”
7Age ta va tantere asi: “Tareni, ezuva simpe halya kara, esi kapisi yiso siruwo sokupongaika nonzwi. Di nwiseni mu di tware di ka lye.”
8Awo tava limburura asi: “Ose oyo nokuyivhura si, ya hana kuponga yiunda nayinye, tu sindumune ko emanya kondjombo, ntani tuna kunwisa nonzwi.”
9Haga za mokuuyunga nawo, Rakera nage ta wiza nononzwi doguhwe, morwa yige nga di lisa. 10Jakopo apa ga mwene Rakera, munwahekurwendi Rabani, nononzwi dahekurwendi Rabani, makura ta zi a ka li sindumune ko emanya kondjombo, makura ta nwisa nonzwi dahekurwendi Rabani. 11Jakopo ta ncumita Rakera, makura ta ziguruka kulira. 12Jakopo ta sansekere Rakera asi: “Age simpumba soguhwe, munwaRepeka.”
Rakera makura ta duka a ka yi sansekere oguhwe. 13Ga zuvhire Rabani mbudi zaJakopo, munwamumbyendi, ta duka a ka mu simbagwire, ta mu lidingire monsingo a mu ncumite, makura ta mu hwilida membo. Age makura ta sansekere Rabani yininke nayinye. 14Makura Rabani ta mu tantere asi: “Yosili, ove gwange gezimo lyange.” Age makura ta kara pwendi mwedi nagunye.
Jakopo ta ruganene Rakera naReya
15Rabani makura ta pura Jakopo asi: “O ruganene nge mawoko‐woko yooyo asi o simpumba sange ndi? Tantera nge eyi ngayi kara mfuto zoge.” 16Age Rabani kwa kere novana wovakadi vavali: edina lyogu gomukurona po Reya, ano lyogu gomunona po Rakera. 17Reya meho gendi gokusivilira, nye Rakera kwa kere norutu roruwa nosipa sosiwa somutaro.
18Jakopo kwa here po Rakera, yiyo ga tente asi: “Ogu munoge gomunona po Rakera, yige na kuruganena nomuvho ntano‐nambali.”
19Rabani ta limburura asi: “Kumukupa hasa ya pita yokumupa mugara nagepeke. Tu hingire.” 20Jakopo makura ta ruganene Rakera nomumvho ntano‐nambali. Ga di tere ngwendi mazuva gangapi tupu, morwa age kwa mu here unene.
21Jakopo makura ta tantere Rabani asi: “Pe nge mukadange, nomumvho dange dokumuruganena dina pu, ni gombore.”
22Rabani makura ta zigida vantu wopomukunda, makura ta va ruganene sipito. 23Pana kusovagana, ta mu retere munwendi Reya. Makura Jakopo ta mu gombora. 24Rabani ta pe munwendi Reya mupika gwendi Silipa, a kare mukareli gwaReya. 25Lina kusa a tare Jakopo, hawe, Reya! Makura ta tantere Rabani asi: “Yinke eyi ono rugana nge? Nani kapisi Rakera na ruganena? Yinke eyi ono kumbagerere nge?”
26Rabani ta limburura asi: “Nkedi zetu ose, munona kapi ava howo kumukwareka komukurona. 27Sikisa mo nendi sivike sekwareko. Ogu mukwawo nage ngani mu ku pa, ntene ngo ruganena nge hena nomumvho ntano‐nambali.”
28Jakopo nage ta rugana ngoso: age makura ta kara pwendi ure wosivike. Rabani makura ta mu pe munwendi Rakera, nage a kare mukadendi. 29Rabani makura ta pe munwendi Rakera mupika gwendi Biliha, a kare mukareli gwaRakera. 30Jakopo makura ta gombora hena naRakera. Age kwa here Rakera kupita Reya. Makura ta ruganene Rabani nomumvho nonkwawo ntano‐nambali.
Vana vaJakopo
31Apa ga mwene Hompa asi Jakopo kwa nyengere Reya, makura ta zegurura mukoga gwendi, nye Rakera kwa kere nganze. 32Reya ta kara nezimo, makura ta hampuruka munona gomugara. Ta tanta asi: “Hompa ga mona udigu wange, ntaantani yange ta hara nge nye.” Makura ta mu ruku Rubena (kuninka asi ‘Ga mona udigu wange’). 33Ga ninka ta kara hena nezimo, ta hampuruka munona gomugara ta tanta asi: “Hompa ana pe nge hena munona gomugara, yeeyi ga zuvha asi ame kwa nyenga nge.” Makura ta mu ruku Simiyoni (kuninka asi ‘Ga zuvha nge’). 34Ga ninka ta kara tupu hena nezimo, ta hampuruka munona gomugara. Ta tanta asi: “Hawe moomu ngesi, yange ta hamene nye kwange, morwa nina mu retere vana wovagara vatatu.” Makura ta mu ruku Revhi (kuninka asi ‘Ta hamene kwange’). 35Ta kara tupu hena nezimo, ta hampuruka munona gomugara. Ta tanta asi: “Apa ngesi tani panda nye Hompa.” Makura ta mu ruku Juda (kuninka asi ‘Kupandura’). Makura ruvharo rwendi naro taru zi nye.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003