Genesis 28
28
1Isaka yiyo ga zigidire Jakopo, a mu rekere, makura ta mu tantere asi: “Nokanunu si asi o kware mukadona goMukanani. 2Liwapaika o ze koMesopotamiya, kembo lyonyokokuru Betuwere, ngo ka kware po mukadona gumwe povana vahekuroge Rabani. 3Karunga Munankondo nadinye nga ku pe ruvharo, ngo vhuke ngo kare nomuhoko dononzi. 4Ngano ta ku pe noruvharo roge etungiko lyaAbirahamu, asi sirongo esi ono kara ove munayirongo, ngo si pinge, moomu ga si pere Karunga Abirahamu.” 5Isaka yimo nye ngoso ga rekerere Jakopo, a ze koMesopotamiya, kwaRabani, munwaBetuwere goMuarameya, mukurwaRepeka, zinyaJakopo naEsau.
Esau ta kwara mukadi gwautatu
6Esau kwa mwene asi Isaka ana swere Jakopo, yiyo ana mu tumu koMesopotamiya, a ka rete ko mukadi. Esau kwa zuvhire hena asi mokumuswera Isaka ana korangeda Jakopo asi: “Ove nokuwapa si kukagusa mukadi movakadona vaKanani.” 7Kwa mwene asi Jakopo ga zuvhire lyoguhwe nozina, a ze koMesopotamiya. 8Ano Esau apa ga mwene asi vakadona vaKanani oguhwe Isaka kapi va va here, 9makura ta zi kwaIsimayeli, munwaAbirahamu, a ka kware munwendi Maharata, mpanzaNebayoto, a ya mu gwederere kovakadi vendi.
Nzodi zaJakopo poBeteli
10Jakopo makura ta tundu mo moBereseba a ze koHarani. 11Age kwa rere sikatji, morwa ezuva kwa tokere. Makura ta gusa emanya limwe a satere ko, makura ta rara a ponyoke polyoolyo evega. 12Age makura ta roto asi sirondero sina sikama pevhu. Ndungu zaso azo zina ka twa meguru, ano vaengeli vaKarunga kuna kuronda oku tava humburuka ko. 13Hompa makura ta sikama keguru lyaso, ta tanta asi: “Ame nyame Hompa, Karunga goguhwo Abirahamu naIsaka. Sirongo esi ono rara ngani si ku pa ove noruvharo roge. 14Ano ruvharo roge ngaru kara ngwendi mbundu zevhu, ove ngo litawinina koUtokero nokoUpumezuva nokorwaMuzogo nokorwaMbindakano, ano moge nomoruvharo roge yimo ngava tungikira maruvharo nagenye gokontunda zevhu. 15Tara, ame poge na kara, ano ame hena ngani ku kunga nkenye oku ngo za, dogoro ngani ku rugwide mosirongo esi. Ame kapi ngani ku siga dogoro noku ngani sikisa mo eyi na ku tantera.”
16Opo ngoso Jakopo makura ta pinduka monompofu dendi, ta tanta asi: “Yosili, Hompa yipo ga kara apa pevega eli, ame kapi nina yi divire.” 17Age kwa mu pwagere unene, ta tanta asi: “Kukomoka ame eli evega! Kapisi yapeke hena eyi, ezi nzugo zaKarunga ezi, apa yipo lya kara evero lyeguru.”
18Ngurangura zonene Jakopo makura ta pinduka, ta gusa emanya eli ka satere, makura ta li dike li kare sidiworokeso, makura ta tjire ko magadi. 19Ano olyo evega ta li ruku asi Beteli (kuninka asi ‘Nzugo zaKarunga’), nye doropa ozo edina lyazo lyanare, Rusu.
20Jakopo makura ta gana mugano asi: “Karunga nsene a kara name, a kunge nge monzira ezi nina kuza, nye ta pe nge mboroto zokulya noyikoverero yokudwara, 21nye ngani tengure kembo lyotate ni muwaawa, hawe, Hompa ngano nga kara Karunga gwange. 22Neli emanya eli na dike, li kare sidiviso, ngali kara nzugo zaKarunga, ano mwanayinye eyi ngo pa nge, ngani ku pa mo nawa‐nawa yiumurongo.”
Iliyochaguliwa sasa
Genesis 28: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 28
28
1Isaka yiyo ga zigidire Jakopo, a mu rekere, makura ta mu tantere asi: “Nokanunu si asi o kware mukadona goMukanani. 2Liwapaika o ze koMesopotamiya, kembo lyonyokokuru Betuwere, ngo ka kware po mukadona gumwe povana vahekuroge Rabani. 3Karunga Munankondo nadinye nga ku pe ruvharo, ngo vhuke ngo kare nomuhoko dononzi. 4Ngano ta ku pe noruvharo roge etungiko lyaAbirahamu, asi sirongo esi ono kara ove munayirongo, ngo si pinge, moomu ga si pere Karunga Abirahamu.” 5Isaka yimo nye ngoso ga rekerere Jakopo, a ze koMesopotamiya, kwaRabani, munwaBetuwere goMuarameya, mukurwaRepeka, zinyaJakopo naEsau.
Esau ta kwara mukadi gwautatu
6Esau kwa mwene asi Isaka ana swere Jakopo, yiyo ana mu tumu koMesopotamiya, a ka rete ko mukadi. Esau kwa zuvhire hena asi mokumuswera Isaka ana korangeda Jakopo asi: “Ove nokuwapa si kukagusa mukadi movakadona vaKanani.” 7Kwa mwene asi Jakopo ga zuvhire lyoguhwe nozina, a ze koMesopotamiya. 8Ano Esau apa ga mwene asi vakadona vaKanani oguhwe Isaka kapi va va here, 9makura ta zi kwaIsimayeli, munwaAbirahamu, a ka kware munwendi Maharata, mpanzaNebayoto, a ya mu gwederere kovakadi vendi.
Nzodi zaJakopo poBeteli
10Jakopo makura ta tundu mo moBereseba a ze koHarani. 11Age kwa rere sikatji, morwa ezuva kwa tokere. Makura ta gusa emanya limwe a satere ko, makura ta rara a ponyoke polyoolyo evega. 12Age makura ta roto asi sirondero sina sikama pevhu. Ndungu zaso azo zina ka twa meguru, ano vaengeli vaKarunga kuna kuronda oku tava humburuka ko. 13Hompa makura ta sikama keguru lyaso, ta tanta asi: “Ame nyame Hompa, Karunga goguhwo Abirahamu naIsaka. Sirongo esi ono rara ngani si ku pa ove noruvharo roge. 14Ano ruvharo roge ngaru kara ngwendi mbundu zevhu, ove ngo litawinina koUtokero nokoUpumezuva nokorwaMuzogo nokorwaMbindakano, ano moge nomoruvharo roge yimo ngava tungikira maruvharo nagenye gokontunda zevhu. 15Tara, ame poge na kara, ano ame hena ngani ku kunga nkenye oku ngo za, dogoro ngani ku rugwide mosirongo esi. Ame kapi ngani ku siga dogoro noku ngani sikisa mo eyi na ku tantera.”
16Opo ngoso Jakopo makura ta pinduka monompofu dendi, ta tanta asi: “Yosili, Hompa yipo ga kara apa pevega eli, ame kapi nina yi divire.” 17Age kwa mu pwagere unene, ta tanta asi: “Kukomoka ame eli evega! Kapisi yapeke hena eyi, ezi nzugo zaKarunga ezi, apa yipo lya kara evero lyeguru.”
18Ngurangura zonene Jakopo makura ta pinduka, ta gusa emanya eli ka satere, makura ta li dike li kare sidiworokeso, makura ta tjire ko magadi. 19Ano olyo evega ta li ruku asi Beteli (kuninka asi ‘Nzugo zaKarunga’), nye doropa ozo edina lyazo lyanare, Rusu.
20Jakopo makura ta gana mugano asi: “Karunga nsene a kara name, a kunge nge monzira ezi nina kuza, nye ta pe nge mboroto zokulya noyikoverero yokudwara, 21nye ngani tengure kembo lyotate ni muwaawa, hawe, Hompa ngano nga kara Karunga gwange. 22Neli emanya eli na dike, li kare sidiviso, ngali kara nzugo zaKarunga, ano mwanayinye eyi ngo pa nge, ngani ku pa mo nawa‐nawa yiumurongo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003