Genesis 26
26
Isaka poGerara naBereseba
1Mosirongo mwa wizire hena erumbu lyokukwama eli lya kere ko pouye waAbirahamu. Isaka makura ta zi kwaAbimereki, hompa goVafilisiti, koGerara. 2Yeeyi Hompa ga monekerere Isaka, ta tanta asi: “Wa ha za koEgipite; to kara mosirongo esi nani ku tantera. 3Kara tanko moomu, ame ngani kara noge, ngani ku tungike, yeeyi yirongo nayinye eyi ngani yi ku pa noruvharo roge. Ame ngani sikisa mo matumbwidiro gokwaguhyawo Abirahamu. 4Ame ngani ku pa ruvharo rorunzi rokuhura ponombungururu dekeguru, ame ngani va pa yirongo nayinye eyi. Ano moruvharo roge yimo ngani tungikira nomuhoko nadinye domouzuni. 5Ngani ku tungika, morwa Abirahamu nga limburukwa nge, ta sikisa mo yipango yange.”
6Makura Isaka ta tungu moGerara. 7Ano apa ngava mu pura vagara womo yokuhamena mukadendi, ta tanta asi: “Mpanzange,” yeeyi age kwa tjilire kutanta asi: “Mukadange.” Kwa tjilire asi neisi nava mu dipaga va guse Repeka, yeeyi age muwa unene ga kere. 8Ano Isaka eyi ga kara mo ntaka omo, ezuva limwe Abimereki, hompa goVafilisiti, ta tarere pekende ta mono Isaka age kuna kudiganesa mukadendi Repeka. 9Abimereki ta tumine Isaka, ta ya mu tantere asi: “Nani muntu ogo nani mukadoge. Eyi o tantere asi mpanzoge, yinke nye?”
Gwina ta limburura asi: “Ame kwa gazarere asi tava dipaga nge, nsene ni tanta asi mukadange.”
10Abimereki ta tanta asi: “Yinke nye yokuturuganena ngesi? Ngano muntu gwange nye gumwe ga rara namukadoge, amesi ngano nzo nye zondigu ono tu retere.” 11Makura Abimereki ta pangere vantu vendi navenye asi: “Nkenye ogu ana kuguma ogu mugara ndi mukadendi, yige kumudipaga nawa‐nawa.”
12Isaka makura ta limi epya mosirongo oso, mvhura ozo kwa zangwire porwefere, yeeyi Hompa kwa mu tungikire. 13Ta ragopa ngorooro, dogoro ta ya kara ngawo zonene. 14Age kwa kere nononzwi dononzi nonongombe novapika wovanzi, makura Vafilisiti tava mu pakere mfudu. 15Tava fofere matope nagenye aga va simine vakareli woguhwe Abirahamu, awo simpe vazuni.
16Abimereki makura ta tantere Isaka asi: “Tu siga o ze, yeeyi ove nonkondo doge nonene kupitakana detu.” 17Makura Isaka ta diruka, ta ka tura momuramba gwaGerara, ta hingire. 18Isaka makura ta hupurura matope aga va simine pouye woguhwe Abirahamu, aga va foferere Vafilisiti, awo oguhwe vana fu. Makura ta ga ruku madina gaaga va ga rukire oguhwe.
19Vapika vaIsaka eyi va sima etope omo momuramba, tava ka tomona korunone. 20Vasita womoGerara makura tava tangura novasita vaIsaka, tava ninki asi: “Mema aga getu.” Isaka yipo nye ga rukilire olyo etope asi, “Nomutangu”, yeeyi awo kwa tangwire nendi. 21Makura vakareli vaIsaka tava hupurura hena etope limwe, nalyo tava li litangwisire hena, makura ta li ruku Sitina (kuninka asi “Unkore”). 22Isaka ta diruka po opo, ta ka sima etope lyapeke. Opo kapi hena pwa ka kere nomutangu, makura ta li ruku asi, Rehobota (kuninka asi “Evango lyenene”). Age kwa tente asi: “Ntaantani Hompa ana tu pe nye evango lyenene lyokulizata, apa tatu woka nye.”
23Isaka makura ta diruka a ze koBereseba. 24Masiku ogo Hompa ta mu monekere, ta tanta asi:
“Ame nyame Karunga goguhwo Abirahamu.
Neisi no tjilira;
ame noge na kara.
Ngani ku tungika,
tani ku pe ruvharo rorunzi,
morwamuntu gwange Abirahamu.”
25Isaka makura ta tungu po opo sizambero, ta tongamene Hompa. Ta zungu notenta dendi poopo, ano vapika vendi tava hupu etope.
Malizuvho gaIsaka naAbimereki
26Abimereki makura ta tundu moGerara a ya tarere po Isaka. Kwa wizire kumwe namukwawo Ahuza naPikoli, mukurona govakwayita vendi. 27Isaka ta pura asi: “Yinke eyi muna ya hara, one nyone mwa nyengere nge, yiyo mwa tjida nge mosirongo seni?”
28Vena tava limburura asi: “Ntaantani tuna siki po asi, Karunga kwa kara noge. Yipo nye tuna gazarere asi pa kare malizuvho pokatji ketu noge. Kuna hara o tu tumbwidire 29asi, kapi ngo tu rugana momudona, moomu twa dira kukurugana ose momudona. Ose kwa kere noge yoyiwa, yiyo twa ku siga o ze nombili. Ano ntaantani ove kuna kara nye mutungikwa gwaHompa.” 30Isaka ta va terekere sipito, makura tava li oku tava nu. 31Ngurangura zonene nkenye ogu ta gava etumbwidiro lyendi kumwe nomugano. Isaka makura ta va rekere va ka ze, awo ukwawo una kwata.
32Ezuva olyo yilyo va wizire vakareli vaIsaka, va ya mu tantere yokuhamena ketope eli va simine. Tava tanta asi: “Mema tuna ga gwana.” 33Olyo etope makura ta li ruku “Seba”. Ozo yizo konda ava tumbwire sitata nelyezuva asi Bereseba (kuninka asi Etope lyomugano).
Vakadi vaEsau wovanayirongo
34Esau kwa kere nonomvhura nomurongo ne apa ga kwere Juditi, munwaBeli goMuheti. Ta kwara hena Basemati, munwaEroni goMuheti. 35Awo kwa pakesere Isaka naRepeka mutjima gomudona.
Iliyochaguliwa sasa
Genesis 26: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 26
26
Isaka poGerara naBereseba
1Mosirongo mwa wizire hena erumbu lyokukwama eli lya kere ko pouye waAbirahamu. Isaka makura ta zi kwaAbimereki, hompa goVafilisiti, koGerara. 2Yeeyi Hompa ga monekerere Isaka, ta tanta asi: “Wa ha za koEgipite; to kara mosirongo esi nani ku tantera. 3Kara tanko moomu, ame ngani kara noge, ngani ku tungike, yeeyi yirongo nayinye eyi ngani yi ku pa noruvharo roge. Ame ngani sikisa mo matumbwidiro gokwaguhyawo Abirahamu. 4Ame ngani ku pa ruvharo rorunzi rokuhura ponombungururu dekeguru, ame ngani va pa yirongo nayinye eyi. Ano moruvharo roge yimo ngani tungikira nomuhoko nadinye domouzuni. 5Ngani ku tungika, morwa Abirahamu nga limburukwa nge, ta sikisa mo yipango yange.”
6Makura Isaka ta tungu moGerara. 7Ano apa ngava mu pura vagara womo yokuhamena mukadendi, ta tanta asi: “Mpanzange,” yeeyi age kwa tjilire kutanta asi: “Mukadange.” Kwa tjilire asi neisi nava mu dipaga va guse Repeka, yeeyi age muwa unene ga kere. 8Ano Isaka eyi ga kara mo ntaka omo, ezuva limwe Abimereki, hompa goVafilisiti, ta tarere pekende ta mono Isaka age kuna kudiganesa mukadendi Repeka. 9Abimereki ta tumine Isaka, ta ya mu tantere asi: “Nani muntu ogo nani mukadoge. Eyi o tantere asi mpanzoge, yinke nye?”
Gwina ta limburura asi: “Ame kwa gazarere asi tava dipaga nge, nsene ni tanta asi mukadange.”
10Abimereki ta tanta asi: “Yinke nye yokuturuganena ngesi? Ngano muntu gwange nye gumwe ga rara namukadoge, amesi ngano nzo nye zondigu ono tu retere.” 11Makura Abimereki ta pangere vantu vendi navenye asi: “Nkenye ogu ana kuguma ogu mugara ndi mukadendi, yige kumudipaga nawa‐nawa.”
12Isaka makura ta limi epya mosirongo oso, mvhura ozo kwa zangwire porwefere, yeeyi Hompa kwa mu tungikire. 13Ta ragopa ngorooro, dogoro ta ya kara ngawo zonene. 14Age kwa kere nononzwi dononzi nonongombe novapika wovanzi, makura Vafilisiti tava mu pakere mfudu. 15Tava fofere matope nagenye aga va simine vakareli woguhwe Abirahamu, awo simpe vazuni.
16Abimereki makura ta tantere Isaka asi: “Tu siga o ze, yeeyi ove nonkondo doge nonene kupitakana detu.” 17Makura Isaka ta diruka, ta ka tura momuramba gwaGerara, ta hingire. 18Isaka makura ta hupurura matope aga va simine pouye woguhwe Abirahamu, aga va foferere Vafilisiti, awo oguhwe vana fu. Makura ta ga ruku madina gaaga va ga rukire oguhwe.
19Vapika vaIsaka eyi va sima etope omo momuramba, tava ka tomona korunone. 20Vasita womoGerara makura tava tangura novasita vaIsaka, tava ninki asi: “Mema aga getu.” Isaka yipo nye ga rukilire olyo etope asi, “Nomutangu”, yeeyi awo kwa tangwire nendi. 21Makura vakareli vaIsaka tava hupurura hena etope limwe, nalyo tava li litangwisire hena, makura ta li ruku Sitina (kuninka asi “Unkore”). 22Isaka ta diruka po opo, ta ka sima etope lyapeke. Opo kapi hena pwa ka kere nomutangu, makura ta li ruku asi, Rehobota (kuninka asi “Evango lyenene”). Age kwa tente asi: “Ntaantani Hompa ana tu pe nye evango lyenene lyokulizata, apa tatu woka nye.”
23Isaka makura ta diruka a ze koBereseba. 24Masiku ogo Hompa ta mu monekere, ta tanta asi:
“Ame nyame Karunga goguhwo Abirahamu.
Neisi no tjilira;
ame noge na kara.
Ngani ku tungika,
tani ku pe ruvharo rorunzi,
morwamuntu gwange Abirahamu.”
25Isaka makura ta tungu po opo sizambero, ta tongamene Hompa. Ta zungu notenta dendi poopo, ano vapika vendi tava hupu etope.
Malizuvho gaIsaka naAbimereki
26Abimereki makura ta tundu moGerara a ya tarere po Isaka. Kwa wizire kumwe namukwawo Ahuza naPikoli, mukurona govakwayita vendi. 27Isaka ta pura asi: “Yinke eyi muna ya hara, one nyone mwa nyengere nge, yiyo mwa tjida nge mosirongo seni?”
28Vena tava limburura asi: “Ntaantani tuna siki po asi, Karunga kwa kara noge. Yipo nye tuna gazarere asi pa kare malizuvho pokatji ketu noge. Kuna hara o tu tumbwidire 29asi, kapi ngo tu rugana momudona, moomu twa dira kukurugana ose momudona. Ose kwa kere noge yoyiwa, yiyo twa ku siga o ze nombili. Ano ntaantani ove kuna kara nye mutungikwa gwaHompa.” 30Isaka ta va terekere sipito, makura tava li oku tava nu. 31Ngurangura zonene nkenye ogu ta gava etumbwidiro lyendi kumwe nomugano. Isaka makura ta va rekere va ka ze, awo ukwawo una kwata.
32Ezuva olyo yilyo va wizire vakareli vaIsaka, va ya mu tantere yokuhamena ketope eli va simine. Tava tanta asi: “Mema tuna ga gwana.” 33Olyo etope makura ta li ruku “Seba”. Ozo yizo konda ava tumbwire sitata nelyezuva asi Bereseba (kuninka asi Etope lyomugano).
Vakadi vaEsau wovanayirongo
34Esau kwa kere nonomvhura nomurongo ne apa ga kwere Juditi, munwaBeli goMuheti. Ta kwara hena Basemati, munwaEroni goMuheti. 35Awo kwa pakesere Isaka naRepeka mutjima gomudona.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003