Genesis 25
25
Ruvharo rumwe hena rwaAbirahamu
1Abirahamu ga kwere po hena mukadi nagepeke, edina lyendi Ketura. 2Age ta retere Abirahamu Simurani naJokosani naMedani naMidiyani naIsabaka naSuwa. 3Jokosani ta reta oSeba naDedani, ano Dedani vana vendi Vaasuli noVaretusi noVareumi. 4Vana wovagara vaMidiyani oEfa naEfere naHanoka naAbida naElida. Narunye oru kwa kere ruvharo rwaKetura.
5Abirahamu kwa pere nayinye eyi ga wekere munwendi Isaka. 6Nye age simpe muzuni, ta hwire ko vana vendi wovagara wopomukadi peke, ta va rekere, va ze kosirongo sokoUpumezuva, va tunde po pwaIsaka.
Nomfa nevhumbiko lyaAbirahamu
7Abirahamu kwa kere ko konauzuni nomvhura efere nonomurongo ntano‐nambali nantano. 8Kwa fire age ana sikisa mo moukurupe, a ze oku va za vakwawo. 9Vana vendi oIsaka naIsimayeli yiwo va mu horekere memukombombo lyaMakupera, mepya eli lya kere lyaEfuroni zaSohara goMuheti, koUpumezuva waMamure. 10Epya olyo lyeeli ga rende Abirahamu koVaheti. Mouvali wawo oAbirahamu naSara yimo va va horekere. 11Eyi ga fa Abirahamu, Karunga ta tungike Isaka, ogu ga kere pepi netope lyedina “Munamwenyo-ogu‐a‐mono‐mge.”
Ruvharo rwaIsimayeli
(1 Hist 1:28-31)
12Ruvharo rwaIsimayeli zaAbirahamu, ogu ga mu reterere Hagara goMuegipite, mupika gwaSara, 13madina garo gaga, moomu va likwamena: Mbeli zaIsimayeli Nebayoto, ntani Kedara naAdibeli naMibusamu 14naMisima naDuma naMasa, 15naHadadi naTema naJeture naNafisi naKedema. 16Ava yiwo vana wovagara vaIsimayeli komadina gawo noyirongo yawo nomauhingiro gawo, ohompa murongo‐navavali nomarudi gawo. 17Isimayeli kwa kere ko konauzuni nomvhura efere nonomurongo ntatu nantano‐nambali, makura ta fu ta ka gwana ozinakuru. 18Ruvharo rwaIsimayeli kwa kere mosirongo sopokatji kaHavira naSuru, koUpumezuva waEgipite, kuvyuka koAsuli. Awo kwa lipongwere ko kekoro lyawo.
Ehampuruko lyoEsau naJakopo
19Ano esanseko lyekoro lyaIsaka, munwaAbirahamu lyeli:
Abirahamu yige ga vhara Isaka.
20Isaka apa ga kwere Repeka, mpanzaRabani, munwaBetuwere, Muaramu gomoMesopotamiya, age nomvhura dendi nomurongo ne.
21Isaka nga kandererere mukadendi kwaHompa, morwa nganze ga kere. Hompa makura ta mu zuvhu, makura mukadendi Repeka ta kara nezimo. 22Vakeke makura tava lizundagura mezimo lyazinyawo. Age ta tanta asi: “Nsene yimo ngayi kara ngorooro, yinke hena nani kerera nomwenyo?” Age makura ta zi a ka pure kwaHompa.
23 Hompa ta mu limburura asi: “Nombunga mbali dina kara mo mezimo lyoge. Rudi rumwe ngaru pita nonkondo rukwawo: mukurona nga ruganena munona.”
24Ga sika mo mazuva gendi gokuhampuruka, mosivharero sendi tamu kara mapange.
25Gomuhowo tava mu hampuruka — gwa gee, kwa fene ngwendi sikoverero sonohuki. Yipo nye va mu rukilire Esau. 26Ntani nye vana kuhampuruka mumbyendi age kuna kwaterere kosinsinsina saEsau. Yiyo nye va mu rukilire Jakopo. Apa va va hampurukire, age Isaka nomvhura dendi nomurongo ntano‐nazimwe.
Esau ta randesa kwaJakopo ukurona wendi
27Vamati makura tava kuru. Esau ta kara mukongo mwene‐mwene, mugara ga here wiza. Jakopo kwa kere mugara gomumwe gokukara membo. 28Isaka kwa here po Esau, yeeyi age kwa dowokerere nyama zoyikorama, ano Repeka age kwa here po Jakopo.
29Ezuva limwe, Jakopo apa ga mene kutereka nondya, Esau age nage ta gurumuka, ana roroka unene. 30Esau makura ta tantere Jakopo asi: “Na kanderere, pe nge ni lye mo moyo yoyigeha mokayiga koge, morwa na roroka unene.” Yiyo yooyo va mu rukilire, Edomu (kuninka asi “gomugeha”).
31Jakopo ta limburura asi: “Muhowo ntudi to randesa nge ukurona woge.”
32Esau ta limburura asi: “Tarasi, ame pokufa na kerere, ukurona wange yinke nau kwafa nge?”
33Jakopo ta limburura asi: “Ganena nge tanko.”
Age ta mu ganene, makura ta randesa ukurona wendi kwaJakopo. 34Jakopo makura ta pe Esau mboroto norupwihira romakunde. Age makura ta li oku ta nu, ta kuta ta ka za. Yimo nye ga swawisire Esau ngoso ukurona wendi.
Iliyochaguliwa sasa
Genesis 25: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 25
25
Ruvharo rumwe hena rwaAbirahamu
1Abirahamu ga kwere po hena mukadi nagepeke, edina lyendi Ketura. 2Age ta retere Abirahamu Simurani naJokosani naMedani naMidiyani naIsabaka naSuwa. 3Jokosani ta reta oSeba naDedani, ano Dedani vana vendi Vaasuli noVaretusi noVareumi. 4Vana wovagara vaMidiyani oEfa naEfere naHanoka naAbida naElida. Narunye oru kwa kere ruvharo rwaKetura.
5Abirahamu kwa pere nayinye eyi ga wekere munwendi Isaka. 6Nye age simpe muzuni, ta hwire ko vana vendi wovagara wopomukadi peke, ta va rekere, va ze kosirongo sokoUpumezuva, va tunde po pwaIsaka.
Nomfa nevhumbiko lyaAbirahamu
7Abirahamu kwa kere ko konauzuni nomvhura efere nonomurongo ntano‐nambali nantano. 8Kwa fire age ana sikisa mo moukurupe, a ze oku va za vakwawo. 9Vana vendi oIsaka naIsimayeli yiwo va mu horekere memukombombo lyaMakupera, mepya eli lya kere lyaEfuroni zaSohara goMuheti, koUpumezuva waMamure. 10Epya olyo lyeeli ga rende Abirahamu koVaheti. Mouvali wawo oAbirahamu naSara yimo va va horekere. 11Eyi ga fa Abirahamu, Karunga ta tungike Isaka, ogu ga kere pepi netope lyedina “Munamwenyo-ogu‐a‐mono‐mge.”
Ruvharo rwaIsimayeli
(1 Hist 1:28-31)
12Ruvharo rwaIsimayeli zaAbirahamu, ogu ga mu reterere Hagara goMuegipite, mupika gwaSara, 13madina garo gaga, moomu va likwamena: Mbeli zaIsimayeli Nebayoto, ntani Kedara naAdibeli naMibusamu 14naMisima naDuma naMasa, 15naHadadi naTema naJeture naNafisi naKedema. 16Ava yiwo vana wovagara vaIsimayeli komadina gawo noyirongo yawo nomauhingiro gawo, ohompa murongo‐navavali nomarudi gawo. 17Isimayeli kwa kere ko konauzuni nomvhura efere nonomurongo ntatu nantano‐nambali, makura ta fu ta ka gwana ozinakuru. 18Ruvharo rwaIsimayeli kwa kere mosirongo sopokatji kaHavira naSuru, koUpumezuva waEgipite, kuvyuka koAsuli. Awo kwa lipongwere ko kekoro lyawo.
Ehampuruko lyoEsau naJakopo
19Ano esanseko lyekoro lyaIsaka, munwaAbirahamu lyeli:
Abirahamu yige ga vhara Isaka.
20Isaka apa ga kwere Repeka, mpanzaRabani, munwaBetuwere, Muaramu gomoMesopotamiya, age nomvhura dendi nomurongo ne.
21Isaka nga kandererere mukadendi kwaHompa, morwa nganze ga kere. Hompa makura ta mu zuvhu, makura mukadendi Repeka ta kara nezimo. 22Vakeke makura tava lizundagura mezimo lyazinyawo. Age ta tanta asi: “Nsene yimo ngayi kara ngorooro, yinke hena nani kerera nomwenyo?” Age makura ta zi a ka pure kwaHompa.
23 Hompa ta mu limburura asi: “Nombunga mbali dina kara mo mezimo lyoge. Rudi rumwe ngaru pita nonkondo rukwawo: mukurona nga ruganena munona.”
24Ga sika mo mazuva gendi gokuhampuruka, mosivharero sendi tamu kara mapange.
25Gomuhowo tava mu hampuruka — gwa gee, kwa fene ngwendi sikoverero sonohuki. Yipo nye va mu rukilire Esau. 26Ntani nye vana kuhampuruka mumbyendi age kuna kwaterere kosinsinsina saEsau. Yiyo nye va mu rukilire Jakopo. Apa va va hampurukire, age Isaka nomvhura dendi nomurongo ntano‐nazimwe.
Esau ta randesa kwaJakopo ukurona wendi
27Vamati makura tava kuru. Esau ta kara mukongo mwene‐mwene, mugara ga here wiza. Jakopo kwa kere mugara gomumwe gokukara membo. 28Isaka kwa here po Esau, yeeyi age kwa dowokerere nyama zoyikorama, ano Repeka age kwa here po Jakopo.
29Ezuva limwe, Jakopo apa ga mene kutereka nondya, Esau age nage ta gurumuka, ana roroka unene. 30Esau makura ta tantere Jakopo asi: “Na kanderere, pe nge ni lye mo moyo yoyigeha mokayiga koge, morwa na roroka unene.” Yiyo yooyo va mu rukilire, Edomu (kuninka asi “gomugeha”).
31Jakopo ta limburura asi: “Muhowo ntudi to randesa nge ukurona woge.”
32Esau ta limburura asi: “Tarasi, ame pokufa na kerere, ukurona wange yinke nau kwafa nge?”
33Jakopo ta limburura asi: “Ganena nge tanko.”
Age ta mu ganene, makura ta randesa ukurona wendi kwaJakopo. 34Jakopo makura ta pe Esau mboroto norupwihira romakunde. Age makura ta li oku ta nu, ta kuta ta ka za. Yimo nye ga swawisire Esau ngoso ukurona wendi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003