Genesis 23
23
Nomfa nevhumbiko lyaSara
1Ukaro waSara nomvhura efere nonomurongo‐mbali nantano‐nambali. 2Sara makura ta dogorokere moKiliyata‐Aruba ndi Heburoni, mosirongo saKanani. Abirahamu makura ta zi ko a ya lire Sara.
3Ga mwena Abirahamu, makura ta katuka po posimpu, a ze a ka likunde noVaheti asi: 4“Ame ni munayirongo, ame hena ni mugenda mokatji keni. Randeseseni nge ko ntoko ni weke, nkumwe ni horeke mo mufe gwange.”
5Vaheti makura tava mu limburura asi: 6“Ko tu purakene si, hekurwetu! Ove nyove mukurona kosipara saKarunga mokatji ketu. Ka horeke tupu mufe goge montoko zongwa po pwedi twa weka. Nagumwe si na ku nyokera ntoko zendi, asi wa ha horeka mo mufe goge.” 7Abirahamu kwa sikama, makura ta linyongamenene Vaheti, venyasirongo. 8Ta va tantere asi: “Nsene kuna harere nge asi ni horeke mukadange ame, na kanderere, pulireni nge ko kwaEfuroni goMuheti, munwaSohara, 9asi a randese nge emukombombo lyaMakupera, eli ga weka. Alyo kwa kara komurudi gepya lyendi. Mu pulireni nge, a li randese nge moomu lya kosera, paapa one kuna kutara, nkumwe ngaga kare mayendo gange.”
10Mwene Efuroni kwa hingilire noVaheti pevega lyokupongera perungavero lyositata. Makura ta limburura Abirahamu, navenye ava va hingilire po awo kuna kuzuvha, asi: 11“Nokanunu si, tate lyange, zuvha nge, epya mudima nemukombombo lyalyo tani li ku pe. Tani li ku pere paapa pwava vange, o horeke mo mukadoge.”
12Nye Abirahamu ta linyongamene kovantu, 13makura ta tantere Efuroni, navenye va yi zuvhe asi: “Na kanderere, tu lizuvhe tupu: Ame kuna hara ni rande epya mudima. Tambura tupu yimaliva yange, makura ni ka horeke mo mukadange.”
14Efuroni ta limburura asi: “Na kanderere, 15tate, epya eli ndando zalyo yimaliva yosisiliveli mafere gane. Makura oyo yinke nye kwetu noge? Horeka mo tupu mukadoge.” 16Abirahamu makura ta pura daEfuroni, ta hetekere Efuroni yisiliveli eyi ga tumbwire komeho zoVaheti, yimaliva yosisiliveli mafere gane, yokuliza nondando.
17Ano emona lyaEfuroni lyopoMakupera, koUpumezuva waMamure, yimo nye ngoso lya ya kere lyaAbirahamu. Alyo lyepya nemukombombo noyitji nayinye eyi ya kere mo dogoro konomurudi dalyo. 18Ayo kwa yi pere Abirahamu yi kare yendi, Vaheti navenye ava va pongere awo vava. 19Abirahamu makura ta horeke mukadendi mekombombo lyaMakupera, korwaUpumezuva waMamure, kuninka asi Heburoni, mosirongo saKanani. 20Yimo nye va gavere Vaheti kwaAbirahamu olyo evega nekombombo eli lya kara mo, li kare ntoko zendi a zi weke.
Iliyochaguliwa sasa
Genesis 23: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 23
23
Nomfa nevhumbiko lyaSara
1Ukaro waSara nomvhura efere nonomurongo‐mbali nantano‐nambali. 2Sara makura ta dogorokere moKiliyata‐Aruba ndi Heburoni, mosirongo saKanani. Abirahamu makura ta zi ko a ya lire Sara.
3Ga mwena Abirahamu, makura ta katuka po posimpu, a ze a ka likunde noVaheti asi: 4“Ame ni munayirongo, ame hena ni mugenda mokatji keni. Randeseseni nge ko ntoko ni weke, nkumwe ni horeke mo mufe gwange.”
5Vaheti makura tava mu limburura asi: 6“Ko tu purakene si, hekurwetu! Ove nyove mukurona kosipara saKarunga mokatji ketu. Ka horeke tupu mufe goge montoko zongwa po pwedi twa weka. Nagumwe si na ku nyokera ntoko zendi, asi wa ha horeka mo mufe goge.” 7Abirahamu kwa sikama, makura ta linyongamenene Vaheti, venyasirongo. 8Ta va tantere asi: “Nsene kuna harere nge asi ni horeke mukadange ame, na kanderere, pulireni nge ko kwaEfuroni goMuheti, munwaSohara, 9asi a randese nge emukombombo lyaMakupera, eli ga weka. Alyo kwa kara komurudi gepya lyendi. Mu pulireni nge, a li randese nge moomu lya kosera, paapa one kuna kutara, nkumwe ngaga kare mayendo gange.”
10Mwene Efuroni kwa hingilire noVaheti pevega lyokupongera perungavero lyositata. Makura ta limburura Abirahamu, navenye ava va hingilire po awo kuna kuzuvha, asi: 11“Nokanunu si, tate lyange, zuvha nge, epya mudima nemukombombo lyalyo tani li ku pe. Tani li ku pere paapa pwava vange, o horeke mo mukadoge.”
12Nye Abirahamu ta linyongamene kovantu, 13makura ta tantere Efuroni, navenye va yi zuvhe asi: “Na kanderere, tu lizuvhe tupu: Ame kuna hara ni rande epya mudima. Tambura tupu yimaliva yange, makura ni ka horeke mo mukadange.”
14Efuroni ta limburura asi: “Na kanderere, 15tate, epya eli ndando zalyo yimaliva yosisiliveli mafere gane. Makura oyo yinke nye kwetu noge? Horeka mo tupu mukadoge.” 16Abirahamu makura ta pura daEfuroni, ta hetekere Efuroni yisiliveli eyi ga tumbwire komeho zoVaheti, yimaliva yosisiliveli mafere gane, yokuliza nondando.
17Ano emona lyaEfuroni lyopoMakupera, koUpumezuva waMamure, yimo nye ngoso lya ya kere lyaAbirahamu. Alyo lyepya nemukombombo noyitji nayinye eyi ya kere mo dogoro konomurudi dalyo. 18Ayo kwa yi pere Abirahamu yi kare yendi, Vaheti navenye ava va pongere awo vava. 19Abirahamu makura ta horeke mukadendi mekombombo lyaMakupera, korwaUpumezuva waMamure, kuninka asi Heburoni, mosirongo saKanani. 20Yimo nye va gavere Vaheti kwaAbirahamu olyo evega nekombombo eli lya kara mo, li kare ntoko zendi a zi weke.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003