Genesis 22
22
Karunga ta heteke Abirahamu
1Ya pwa oyo Karunga ta heteke Abirahamu, ta mu tantere asi: “Abirahamu!” Age ta limburura asi: “Nyame ogu!” 2Karunga ta tanta asi: “Gusa munoge Isaka, empogwe lyoge, ogu wa hara, o ze kosirongo saMoliya o ka mu gave nzambo zeswakerero kondundu zimwe ezi ngani ku likida.”
3Ngurangura zonene Abirahamu ta rongere, ta kutire sindongi sendi, ta gusa vakareli vendi vavali namunwendi Isaka. Ta vandagura yitare yonzambo zeswakerero a ze kevega eli ga mu tanterere Karunga. 4Mezuva lyautatu Abirahamu ga zumba meho, ta mono evega olyo, alyo ure. 5Abirahamu makura ta tantere vakareli vendi asi: “Kareni paapa nesi sindongi, ose namunwange tatu zi kwina tu ka kanderere, ntani natu ka tengura.”
6Abirahamu makura ta damuna oyo yitare yonzambo zeswakerero a yi twike munwendi Isaka. Age mwene ta simbi ko mundiro nombere, makura tava zi navenye kumwe. 7Isaka ta pura oguhwe Abirahamu asi: “Tate!” Age ta limburura asi: “Nyame ogu, munwange!” Age asi: “Mundiro noyitare yeyi, nzwi zonzambo zeswakerero kupi?”
8Abirahamu ta limburura asi: “Karunga na gwana mwene nzwi zonzambo zeswakerero, munwange!” Makura tava ka za mouvali wawo.
9Vana kuwiza pevega eli ga mu likidire Karunga, Abirahamu makura ta tungu sizambero, ta tura po yitare. Ga mana, makura ta manga munwendi Isaka, ta mu rangeke posizambero kontunda zoyitare. 10Abirahamu makura ta gonona kuwoko kwendi, ta gusa mbere asi a dipage munwendi. 11Makura muengeli gwaHompa ta mu zigire meguru asi: “Abirahamu, Abirahamu!” Age ta limburura asi: “Nyame ogu!”
12Karunga asi: “Kuwoko koge wa ha ku gonwena munoge, wa ha mu rugana yuma, yeeyi ntaantani na diva asi ove kwa tjira Karunga, morwa kapi ono nyokere nge munoge empogwe lyoge.”
13Abirahamu ga zumba meho, a tare, nzwi zongara zina lidingire nombinga mosihwa konyima zendi. Abirahamu makura ta zi, ta ka reta ozo nzwi, ta ya zi zamba nzambo zeswakerero pevega lyamunwendi. 14Eli evega Abirahamu ta li ruku asi “Karunga kugava” Nelyezuva simpe ava tanta asi: “Kondundu ezi a gavere Hompa.”
15Muengeli makura ta zigire hena Abirahamu meguru rwauvali 16asi: “Hompa kuna kutanta asi, ame kuna gana asi, moomu ono yi rugana eyi, o dire kunyokera nge munoge, empogwe lyoge, 17tani ku tungike unene. Ruvharo roge ngaru vhuka ru hure ponombungururu dekeguru ndi ngwendi muheke gwekefuta; oro ruvharo roge hena ngaru gusa yitata yovanyengi varo. 18Moruvharo roge yimo ngava tungikira nombunga nadinye domouzuni, morwa ono purakene ezwi lyange.”
19Ano Abirahamu ta tengura kovakareli vendi, makura tava rugura koBereseba, oku va kere.
Ruvharo rwaNahoro
20Ya pwa oyo, Abirahamu ta zuvhu asi Milika ga retera mumbyendi vanona wovagara: 21Mbeli Usi, sikwamambeli Busi, ntani Kemweli guhyaAramu 22naKesedi naHaso naPilidasi naJidirafe naBetuwere. 23(Betuwere kwa kere guhyaRepeka). Milika kwa reterere Nahoro, mumbyaAbirahamu, vanona ava wovagara vatano‐navatatu. 24Mukadi gwauvali gwaNahoro, Reuma, kwa mu reterere Teba naGaha naTahasi naMaaka.
Iliyochaguliwa sasa
Genesis 22: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 22
22
Karunga ta heteke Abirahamu
1Ya pwa oyo Karunga ta heteke Abirahamu, ta mu tantere asi: “Abirahamu!” Age ta limburura asi: “Nyame ogu!” 2Karunga ta tanta asi: “Gusa munoge Isaka, empogwe lyoge, ogu wa hara, o ze kosirongo saMoliya o ka mu gave nzambo zeswakerero kondundu zimwe ezi ngani ku likida.”
3Ngurangura zonene Abirahamu ta rongere, ta kutire sindongi sendi, ta gusa vakareli vendi vavali namunwendi Isaka. Ta vandagura yitare yonzambo zeswakerero a ze kevega eli ga mu tanterere Karunga. 4Mezuva lyautatu Abirahamu ga zumba meho, ta mono evega olyo, alyo ure. 5Abirahamu makura ta tantere vakareli vendi asi: “Kareni paapa nesi sindongi, ose namunwange tatu zi kwina tu ka kanderere, ntani natu ka tengura.”
6Abirahamu makura ta damuna oyo yitare yonzambo zeswakerero a yi twike munwendi Isaka. Age mwene ta simbi ko mundiro nombere, makura tava zi navenye kumwe. 7Isaka ta pura oguhwe Abirahamu asi: “Tate!” Age ta limburura asi: “Nyame ogu, munwange!” Age asi: “Mundiro noyitare yeyi, nzwi zonzambo zeswakerero kupi?”
8Abirahamu ta limburura asi: “Karunga na gwana mwene nzwi zonzambo zeswakerero, munwange!” Makura tava ka za mouvali wawo.
9Vana kuwiza pevega eli ga mu likidire Karunga, Abirahamu makura ta tungu sizambero, ta tura po yitare. Ga mana, makura ta manga munwendi Isaka, ta mu rangeke posizambero kontunda zoyitare. 10Abirahamu makura ta gonona kuwoko kwendi, ta gusa mbere asi a dipage munwendi. 11Makura muengeli gwaHompa ta mu zigire meguru asi: “Abirahamu, Abirahamu!” Age ta limburura asi: “Nyame ogu!”
12Karunga asi: “Kuwoko koge wa ha ku gonwena munoge, wa ha mu rugana yuma, yeeyi ntaantani na diva asi ove kwa tjira Karunga, morwa kapi ono nyokere nge munoge empogwe lyoge.”
13Abirahamu ga zumba meho, a tare, nzwi zongara zina lidingire nombinga mosihwa konyima zendi. Abirahamu makura ta zi, ta ka reta ozo nzwi, ta ya zi zamba nzambo zeswakerero pevega lyamunwendi. 14Eli evega Abirahamu ta li ruku asi “Karunga kugava” Nelyezuva simpe ava tanta asi: “Kondundu ezi a gavere Hompa.”
15Muengeli makura ta zigire hena Abirahamu meguru rwauvali 16asi: “Hompa kuna kutanta asi, ame kuna gana asi, moomu ono yi rugana eyi, o dire kunyokera nge munoge, empogwe lyoge, 17tani ku tungike unene. Ruvharo roge ngaru vhuka ru hure ponombungururu dekeguru ndi ngwendi muheke gwekefuta; oro ruvharo roge hena ngaru gusa yitata yovanyengi varo. 18Moruvharo roge yimo ngava tungikira nombunga nadinye domouzuni, morwa ono purakene ezwi lyange.”
19Ano Abirahamu ta tengura kovakareli vendi, makura tava rugura koBereseba, oku va kere.
Ruvharo rwaNahoro
20Ya pwa oyo, Abirahamu ta zuvhu asi Milika ga retera mumbyendi vanona wovagara: 21Mbeli Usi, sikwamambeli Busi, ntani Kemweli guhyaAramu 22naKesedi naHaso naPilidasi naJidirafe naBetuwere. 23(Betuwere kwa kere guhyaRepeka). Milika kwa reterere Nahoro, mumbyaAbirahamu, vanona ava wovagara vatano‐navatatu. 24Mukadi gwauvali gwaNahoro, Reuma, kwa mu reterere Teba naGaha naTahasi naMaaka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003