Genesis 21
21
Isaka tava mu hampuruka
1 Hompa kwa kwefe Sara moomu ga mu tumbwidilire, 2ta kara nezimo, ta hampurukire Abirahamu munona gomugara moukurupe wendi. Ogo munona kwa mu hampurukire posiruwo seesi ga mu tanterere Karunga. 3Abirahamu ta mu ruku Isaka. 4Apa ga kere nomazuva gatano‐nagatatu, makura Abirahamu ta mu rugana yovamba, moomu ga mu tanterere Karunga. 5Abirahamu kwa kere nonomvhura efere, apa ga hampurukire Sara Isaka. 6Sara makura ta tanta asi: “Karunga ana retere nge yizora (Isaka kuninka asi ‘Ta zoro’). Nkenye ogu nga yi zuvha, nga zoresa nge ko.” 7Ta twikire ko asi: “Yilye ogu ga vhulire kutantera Abirahamu asi, Sara nga zamweka vana? Ano na mu retere muna gomugara moukurupe wendi.”
8Ogo munona makura ta kuru, ano mezuva eli va mu tovekere, makura Abirahamu ta tereke sipito sosinene.
Hagara naIsimayeli tava va rekere
9Ezuva limwe Sara kwa mwene munwaHagara goMuegipite, ogu ga reterere Abirahamu, ta dana naIsaka. 10Makura ta tantere Abirahamu asi: “Rekera mukadi ogu gomupika namunwendi. Muna ogu gomukadi gomupika kapi nga pinga ko kemona lyoge eli nga pinga munwange Isaka.” 11Eyi kwa korere unene Abirahamu komutjima, morwa Isimayeli nage munwendi. 12Nye Karunga ta tantere Abirahamu asi: “Wa ha kerera mutjima gomudona ogu mumati nomupika goge Hagara. Nkenye eyi na ku tantera Sara, yi rugana, yeeyi mwaIsaka yimo ngo gwanena ruvharo oru na ku tumbwidira. 13Ogo muna gomupika nage ngani mu pa vana wovanzi, nkumwe ngava kare muhoko. Yeeyi nage munoge.”
14Ngurangura eyi kwa sa, Abirahamu ta pe Hagara nkuta nonsako zomema. Ta mu tura munona komugongo gwendi, makura ta mu rekere a ze. Age makura ta ka za, ta renda‐renda momburundu zaBereseba. 15Ano mema eyi ga pwa, makura ta sigi munona mosihwa, 16makura ta linapuka nendi nometa efere ngoso, ta hingire. Age kwa ninkire asi: “Kapi na hara ni mone munwange omu ana kufa.” Haga za mokuhingira ngoso opo, munwendi kuna kutakuma.
17Makura Karunga ta zuvhu ezwi lyomumati lyokulira. Ano muengeli gwaKarunga ta zigida meguru Hagara, a mu pure asi: “Yinke yina ku gwana mwene Hagara no? Wa ha tjira, yeeyi Karunga ana zuvhu ezwi lyomumati pevega eli ana rara. 18Katuka o damune munona, o mu kwaterere nokuwoko koge o mu kumbwide, yeeyi ame ngani mu ninka muhoko gomunene.” 19Yipo nye ga mu mahwire Karunga meho, makura ta mono etope. Ano age makura ta zi, ta ka zwida ozo nsako mema, makura ta nwisa munwendi. 20Ano Karunga kwa kere kumwe nomunona. Age kwa kulire, makura ta tungu momburundu zaParani, ta ya kara nye mukongo gomunene. 21Ozina makura tava ka mu hehera mukadi mosirongo saEgipite.
Abirahamu tava likwata ukwawo naAbimereki
22Posiruwo sooso Abimereki ta zi nomukurona govakwayita vendi Pikoli kwaAbirahamu, ta mu tantere asi: “Karunga kwa kara noge mwanayinye eyi o rugana. 23Ganena nge ntaantani kwaKarunga, asi ame noruvharo rwange nonontekuru dange ngo dire kutukumbagera. Woou uwa na ku ruganena, yiwo ngo ruganena nge nosirongo esi ono kara ove munayirongo.” 24Ano Abirahamu ta limburura asi: “Na yi gana.”
25Nye Abirahamu ta pukurura Abimereki kombinga zetope eli va gusilire vakareli vaAbimereki kononkondo. 26Abimereki makura ta limburura asi: “Ame nokumudiva si ogu ga yi rugana, ano ove hena kapi wa yi divisa nge. Ame hena kapi na yi zuvha, lyeeli lyanaina yipo pokuyizuvha.” 27Yipo nye ga gusire Abirahamu nonzwi nonongombe, a yi pe Abimereki. Awo vavali makura tava panga ukwawo.
28Abirahamu makura ta pangura mo nonzwi ntano‐nambali mosiunda sendi, di likerere. 29Abimereki ta pura Abirahamu asi: “Yinke ono di pangwire mo?”
30Abirahamu ta limburura asi: “Nonzwigona edi to di gusa di kare umbangi wange asi, etope eli nyame na li sima.” 31Opo yipo nye pwa tunda evega eli va li tumbure Bereseba, yeeyi awo vavali yipo va ganenene mugano. (Bereseba kuninka asi ‘Etope lyomugano’ ndi ‘Etope lyantano-nambali’).
32Eyi va mana ngoso kulikwata ukwawo poBereseba, makura Abimereki naPikoli, mukurona govakwayita vendi, tava tengura kosirongo soVafilisiti. 33Abirahamu makura ta tapeke sitji sotamalisiki moBereseba, ta tongamene Hompa, Karunga gwanarunye. 34Abirahamu kwa tungire nomvhura dononzi mosirongo soVafilisiti.
Iliyochaguliwa sasa
Genesis 21: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 21
21
Isaka tava mu hampuruka
1 Hompa kwa kwefe Sara moomu ga mu tumbwidilire, 2ta kara nezimo, ta hampurukire Abirahamu munona gomugara moukurupe wendi. Ogo munona kwa mu hampurukire posiruwo seesi ga mu tanterere Karunga. 3Abirahamu ta mu ruku Isaka. 4Apa ga kere nomazuva gatano‐nagatatu, makura Abirahamu ta mu rugana yovamba, moomu ga mu tanterere Karunga. 5Abirahamu kwa kere nonomvhura efere, apa ga hampurukire Sara Isaka. 6Sara makura ta tanta asi: “Karunga ana retere nge yizora (Isaka kuninka asi ‘Ta zoro’). Nkenye ogu nga yi zuvha, nga zoresa nge ko.” 7Ta twikire ko asi: “Yilye ogu ga vhulire kutantera Abirahamu asi, Sara nga zamweka vana? Ano na mu retere muna gomugara moukurupe wendi.”
8Ogo munona makura ta kuru, ano mezuva eli va mu tovekere, makura Abirahamu ta tereke sipito sosinene.
Hagara naIsimayeli tava va rekere
9Ezuva limwe Sara kwa mwene munwaHagara goMuegipite, ogu ga reterere Abirahamu, ta dana naIsaka. 10Makura ta tantere Abirahamu asi: “Rekera mukadi ogu gomupika namunwendi. Muna ogu gomukadi gomupika kapi nga pinga ko kemona lyoge eli nga pinga munwange Isaka.” 11Eyi kwa korere unene Abirahamu komutjima, morwa Isimayeli nage munwendi. 12Nye Karunga ta tantere Abirahamu asi: “Wa ha kerera mutjima gomudona ogu mumati nomupika goge Hagara. Nkenye eyi na ku tantera Sara, yi rugana, yeeyi mwaIsaka yimo ngo gwanena ruvharo oru na ku tumbwidira. 13Ogo muna gomupika nage ngani mu pa vana wovanzi, nkumwe ngava kare muhoko. Yeeyi nage munoge.”
14Ngurangura eyi kwa sa, Abirahamu ta pe Hagara nkuta nonsako zomema. Ta mu tura munona komugongo gwendi, makura ta mu rekere a ze. Age makura ta ka za, ta renda‐renda momburundu zaBereseba. 15Ano mema eyi ga pwa, makura ta sigi munona mosihwa, 16makura ta linapuka nendi nometa efere ngoso, ta hingire. Age kwa ninkire asi: “Kapi na hara ni mone munwange omu ana kufa.” Haga za mokuhingira ngoso opo, munwendi kuna kutakuma.
17Makura Karunga ta zuvhu ezwi lyomumati lyokulira. Ano muengeli gwaKarunga ta zigida meguru Hagara, a mu pure asi: “Yinke yina ku gwana mwene Hagara no? Wa ha tjira, yeeyi Karunga ana zuvhu ezwi lyomumati pevega eli ana rara. 18Katuka o damune munona, o mu kwaterere nokuwoko koge o mu kumbwide, yeeyi ame ngani mu ninka muhoko gomunene.” 19Yipo nye ga mu mahwire Karunga meho, makura ta mono etope. Ano age makura ta zi, ta ka zwida ozo nsako mema, makura ta nwisa munwendi. 20Ano Karunga kwa kere kumwe nomunona. Age kwa kulire, makura ta tungu momburundu zaParani, ta ya kara nye mukongo gomunene. 21Ozina makura tava ka mu hehera mukadi mosirongo saEgipite.
Abirahamu tava likwata ukwawo naAbimereki
22Posiruwo sooso Abimereki ta zi nomukurona govakwayita vendi Pikoli kwaAbirahamu, ta mu tantere asi: “Karunga kwa kara noge mwanayinye eyi o rugana. 23Ganena nge ntaantani kwaKarunga, asi ame noruvharo rwange nonontekuru dange ngo dire kutukumbagera. Woou uwa na ku ruganena, yiwo ngo ruganena nge nosirongo esi ono kara ove munayirongo.” 24Ano Abirahamu ta limburura asi: “Na yi gana.”
25Nye Abirahamu ta pukurura Abimereki kombinga zetope eli va gusilire vakareli vaAbimereki kononkondo. 26Abimereki makura ta limburura asi: “Ame nokumudiva si ogu ga yi rugana, ano ove hena kapi wa yi divisa nge. Ame hena kapi na yi zuvha, lyeeli lyanaina yipo pokuyizuvha.” 27Yipo nye ga gusire Abirahamu nonzwi nonongombe, a yi pe Abimereki. Awo vavali makura tava panga ukwawo.
28Abirahamu makura ta pangura mo nonzwi ntano‐nambali mosiunda sendi, di likerere. 29Abimereki ta pura Abirahamu asi: “Yinke ono di pangwire mo?”
30Abirahamu ta limburura asi: “Nonzwigona edi to di gusa di kare umbangi wange asi, etope eli nyame na li sima.” 31Opo yipo nye pwa tunda evega eli va li tumbure Bereseba, yeeyi awo vavali yipo va ganenene mugano. (Bereseba kuninka asi ‘Etope lyomugano’ ndi ‘Etope lyantano-nambali’).
32Eyi va mana ngoso kulikwata ukwawo poBereseba, makura Abimereki naPikoli, mukurona govakwayita vendi, tava tengura kosirongo soVafilisiti. 33Abirahamu makura ta tapeke sitji sotamalisiki moBereseba, ta tongamene Hompa, Karunga gwanarunye. 34Abirahamu kwa tungire nomvhura dononzi mosirongo soVafilisiti.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003