Genesis 17
17
Vamba sidiviso somalikwatakano
1Abiramu apa ga kere nonomvhura nomurongo ntano‐nane nantano‐nane, Hompa ta monekere Abiramu, ta mu tantere asi: “Nyame Karunga, Munankondo nadinye. Nongenda doge adi wape kosipara sange, ngo kare muhungami. 2Ame ngani paka po malikwatakano pokatji ketu noge, ame hena ngani ku vhukise unene‐nene.” 3Makura Abiramu ta liganda a twe sipara sendi pevhu, ano Karunga ta mu tantere asi: 4“Ame ko malikwatakano getu noge, gaga asi: Ove ngo kara guhyanomuhoko dononzi. 5Yipo nye ngava dilira hena kukutumbura asi Abiramu, nye edina lyoge ngali kara Abirahamu, yeeyi ame tani ku ninki, ngo kare guhyanomuhoko dononzi. 6Ano ame ngani vhukisa unene ruvharo roge. Ame ngani ku ninka asi nomuhoko ngadi tunde moge, nohompa ngava tunde hena moge.
7“Ame ngani paka po malikwatakano pokatji ketu noge noruvharo roge oru ngaru ku kwama nomazimo gawo, ngaga kare malikwatakano ganarunye, nkumwe ngani kare Karunga goge noruvharo roge oru ngaru ku kwama. 8Ano ame ngani ku pa ove noruvharo roge oru ngaru ku kwama, sirongo esi wa kara munayirongo. Sirongo nasinye saKanani ngasi kara ugawo weni wanarunye, ame name ngani kare Karunga gwawo.”
9Ga ninka Karunga ta tantere hena Abirahamu asi: “Ano malikwatakano getu noge noruvharo roge oru ngaru ku kwama, gaga, ngomu ga sikise mo, 10omu rugane yovamba nkenye munona gomugara pokatji keni. 11Ngava mu rugane yovamba ngasi kare sidiviso somalikwatakano getu. 12Nkenye munona gomugara, nsene ana kara nomazuva gatano‐nagatatu, ngava mu rugane yovamba, 13ava wokuhampurukira membo lyoge ndi wokuranda noyimaliva yoge kuvarugana yovamba. Yimo nye ngoso, malikwatakano getu ngaga kare malikwatakano ganarunye momarutu geni. 14Nkenye mugara ogu ngava dira kurugana yovamba ngava mu guse mo momuhoko gwendi, yeeyi ana lilimbi nomalikwatakano getu.”
15Ga ninka Karunga ta tantere hena Abirahamu asi: “Mukadoge Sarayi nokumutumbura si hena Sarayi, nye edina lyendi ngali kara Sara. (Sarayi kuninka asi ‘Hompa gomukadi,’ Sara kuninka asi ‘Ta zoro.’) 16Ame ngani mu tungika, ngani ku pe munona gomugara gokutunda mwendi. Nhi, ame ngani mu tungika, nkumwe nga kare zinyanomuhoko; ohompa wonomuhoko ngava tunda mwendi.”
17Makura Abirahamu ta hegumuka a twe sipara sendi pevhu, ta zoro oku ta lipura momutjima gwendi asi: “Muntu gonomvhura efere nye kuvhura sili kumuhampurukira muna? Ndi Sara ogu gonomvhura nomurongo ntano‐nane a vhare tupu hena?” 18Abirahamu makura ta tantere Karunga asi: “Ani Isimayeli ngano ta kara nomwenyo kosipara soge, ngano makura tupu.”
19Karunga ta limburura asi: “Yosili, mukadoge Sara nga ku hampurukira munona gomugara, ove ngo mu ruke Isaka. Ano ame ngani paka po malikwatakano getu nendi, malikwatakano ganarunye goruvharo rwendi oru ngaru mu kwama. 20PwaIsimayeli napo nina ku zuvhu. Tara, ame tani mu tungike, ngani mu pe ruvharo rorunzi unene‐nene. Mwendi ngamu tunda vapangeli murongo navavali, ame ngani mu ninka ta kara muhoko gomunene. 21Nye malikwatakano gange ngani ga paka po pwetu naIsaka, ogu nga ku hampurukira Sara komumvhogu posiruwo ngaseesi.” 22Kwa mana tupu kuuyunga nendi, makura Karunga ta tundu po pwaAbirahamu a ronde meguru.
23Abirahamu yipo ga tundire a guse munwendi Isimayeli, nava va hampurukira membo lyendi navenye, nava ga randa noyimaliva yendi navenye, vagara navenye mokatji kovantu vemembo lyaAbirahamu. Makura ta ka va rugana yovamba ezuva lyoolyo, moomu ga mu tanterere Karunga. 24Apa va mu ruganene yovamba Abirahamu, age nomvhura dendi nomurongo ntano‐nane nantano‐nane. 25Munwendi Isimayeli apa va mu ruganene yovamba, age nomvhura dendi murongo nantatu. 26Mezuva lyoolyo yimo va ruganenene yovamba oAbirahamu namunwendi Isimayeli. 27Vagara navenye vemembo lyendi, novanayirongo ava va randa yimaliva, kumwe nendi va va ruganene yovamba.
Iliyochaguliwa sasa
Genesis 17: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 17
17
Vamba sidiviso somalikwatakano
1Abiramu apa ga kere nonomvhura nomurongo ntano‐nane nantano‐nane, Hompa ta monekere Abiramu, ta mu tantere asi: “Nyame Karunga, Munankondo nadinye. Nongenda doge adi wape kosipara sange, ngo kare muhungami. 2Ame ngani paka po malikwatakano pokatji ketu noge, ame hena ngani ku vhukise unene‐nene.” 3Makura Abiramu ta liganda a twe sipara sendi pevhu, ano Karunga ta mu tantere asi: 4“Ame ko malikwatakano getu noge, gaga asi: Ove ngo kara guhyanomuhoko dononzi. 5Yipo nye ngava dilira hena kukutumbura asi Abiramu, nye edina lyoge ngali kara Abirahamu, yeeyi ame tani ku ninki, ngo kare guhyanomuhoko dononzi. 6Ano ame ngani vhukisa unene ruvharo roge. Ame ngani ku ninka asi nomuhoko ngadi tunde moge, nohompa ngava tunde hena moge.
7“Ame ngani paka po malikwatakano pokatji ketu noge noruvharo roge oru ngaru ku kwama nomazimo gawo, ngaga kare malikwatakano ganarunye, nkumwe ngani kare Karunga goge noruvharo roge oru ngaru ku kwama. 8Ano ame ngani ku pa ove noruvharo roge oru ngaru ku kwama, sirongo esi wa kara munayirongo. Sirongo nasinye saKanani ngasi kara ugawo weni wanarunye, ame name ngani kare Karunga gwawo.”
9Ga ninka Karunga ta tantere hena Abirahamu asi: “Ano malikwatakano getu noge noruvharo roge oru ngaru ku kwama, gaga, ngomu ga sikise mo, 10omu rugane yovamba nkenye munona gomugara pokatji keni. 11Ngava mu rugane yovamba ngasi kare sidiviso somalikwatakano getu. 12Nkenye munona gomugara, nsene ana kara nomazuva gatano‐nagatatu, ngava mu rugane yovamba, 13ava wokuhampurukira membo lyoge ndi wokuranda noyimaliva yoge kuvarugana yovamba. Yimo nye ngoso, malikwatakano getu ngaga kare malikwatakano ganarunye momarutu geni. 14Nkenye mugara ogu ngava dira kurugana yovamba ngava mu guse mo momuhoko gwendi, yeeyi ana lilimbi nomalikwatakano getu.”
15Ga ninka Karunga ta tantere hena Abirahamu asi: “Mukadoge Sarayi nokumutumbura si hena Sarayi, nye edina lyendi ngali kara Sara. (Sarayi kuninka asi ‘Hompa gomukadi,’ Sara kuninka asi ‘Ta zoro.’) 16Ame ngani mu tungika, ngani ku pe munona gomugara gokutunda mwendi. Nhi, ame ngani mu tungika, nkumwe nga kare zinyanomuhoko; ohompa wonomuhoko ngava tunda mwendi.”
17Makura Abirahamu ta hegumuka a twe sipara sendi pevhu, ta zoro oku ta lipura momutjima gwendi asi: “Muntu gonomvhura efere nye kuvhura sili kumuhampurukira muna? Ndi Sara ogu gonomvhura nomurongo ntano‐nane a vhare tupu hena?” 18Abirahamu makura ta tantere Karunga asi: “Ani Isimayeli ngano ta kara nomwenyo kosipara soge, ngano makura tupu.”
19Karunga ta limburura asi: “Yosili, mukadoge Sara nga ku hampurukira munona gomugara, ove ngo mu ruke Isaka. Ano ame ngani paka po malikwatakano getu nendi, malikwatakano ganarunye goruvharo rwendi oru ngaru mu kwama. 20PwaIsimayeli napo nina ku zuvhu. Tara, ame tani mu tungike, ngani mu pe ruvharo rorunzi unene‐nene. Mwendi ngamu tunda vapangeli murongo navavali, ame ngani mu ninka ta kara muhoko gomunene. 21Nye malikwatakano gange ngani ga paka po pwetu naIsaka, ogu nga ku hampurukira Sara komumvhogu posiruwo ngaseesi.” 22Kwa mana tupu kuuyunga nendi, makura Karunga ta tundu po pwaAbirahamu a ronde meguru.
23Abirahamu yipo ga tundire a guse munwendi Isimayeli, nava va hampurukira membo lyendi navenye, nava ga randa noyimaliva yendi navenye, vagara navenye mokatji kovantu vemembo lyaAbirahamu. Makura ta ka va rugana yovamba ezuva lyoolyo, moomu ga mu tanterere Karunga. 24Apa va mu ruganene yovamba Abirahamu, age nomvhura dendi nomurongo ntano‐nane nantano‐nane. 25Munwendi Isimayeli apa va mu ruganene yovamba, age nomvhura dendi murongo nantatu. 26Mezuva lyoolyo yimo va ruganenene yovamba oAbirahamu namunwendi Isimayeli. 27Vagara navenye vemembo lyendi, novanayirongo ava va randa yimaliva, kumwe nendi va va ruganene yovamba.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003