Genesis 16
16
Hagara naIsimayeli
1MukadaAbiramu Sarayi kapi ga mu reterere vana. Nye ga kere nomupika goMuegipite, edina lyendi Hagara. 2Sarayi ta tantere Abiramu asi: “Tara, ame Hompa ga gusa nge ko koruvharo. Yinke yokudilira kukara nomupika gwange? Nampo nga retera nge ko muna.”
Abiramu makura ta pura lyaSarayi. 3Sarayi makura ta gusa Hagara, mupika gwendi goMuegipite, ta mu pe yendi a kware. (Eyi kwa horokere, age Abiramu ana ya kara nomvhura murongo moKanani.) 4Abiramu ta gwanekere naHagara, gwina makura ta kara nezimo.
Ano Hagara eyi ga limona asi ana wapa porutu, ta linenepeke a dine Sarayi. 5Makura Sarayi ta tantere Abiramu asi: “A dine nge Hagara a dire kudina nge, nzo zoge. Nyamwange nyame na damuna mupika gwange, tani ku pe, ano age kwa limona tupu asi ana wapa porutu, makura yiyo ana kudina nge. Hompa ngano a tu pangure asi yilye po gomouhunga.”
6Abiramu ta limburura asi: “Hawe yosili, mupika goge, mepangero lyoge ga kara; nkenye omu no mu ruganena, nyamoge oko.” Sarayi makura ta mu rugana momudona, Hagara ta tjwayuka.
7Muengeli gwaHompa ta mu gwana porunone romomburundu konzira zokuza koSuru, 8ta mu pura asi: “Hagara, mupika gwaSarayi, oku ono kutunda noku ono vyuka kupi?” Gwina ta limburura asi:
“Ame kuna tjwayuka Sarayi.”
9Muengeli ta mu tantere asi: “Tengura o ka kare mepangero lyendi.” 10Ta mu tantere hena asi:
“Ngani ku pa ruvharo rorunzi
rokudira kuvhura kuvara.
11Ntaantani o hampuruke
munona gomugara,
ogu ngo ruka Isimayeli,
(kuninka asi ‘Karunga kuzuvha’),
yeeyi Hompa ana zuvhu nkugo
zoudigu woge.
12Nye munoge nga kara sindongili sokomuntu;
age nga ka vyuka nkenye ogu,
ano nkenye ogu hena nga mu vyuka.
Age nga lipongora ko
kovakwawo navenye.”
13Hagara ta lipura mwene asi: “Nye sili kuna mono ogu a mono nge ndi?” Makura ta tumbura Hompa asi: “Ove Karunga ogu o mono!” 14Yipo nye ava tumbwire vantu runone oru rwa kara pokatji kaKadesi naBeredi asi, ‘Runone‐roMunamwenyo‐ogu‐a-mono‐nge.’
15Hagara ta hampurukire Abiramu munona gomugara, ta mu ruku Isimayeli. 16Opo ngoso age Abiramu nomvhura dendi nomurongo ntano‐nantatu nantano‐nazimwe.
Iliyochaguliwa sasa
Genesis 16: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 16
16
Hagara naIsimayeli
1MukadaAbiramu Sarayi kapi ga mu reterere vana. Nye ga kere nomupika goMuegipite, edina lyendi Hagara. 2Sarayi ta tantere Abiramu asi: “Tara, ame Hompa ga gusa nge ko koruvharo. Yinke yokudilira kukara nomupika gwange? Nampo nga retera nge ko muna.”
Abiramu makura ta pura lyaSarayi. 3Sarayi makura ta gusa Hagara, mupika gwendi goMuegipite, ta mu pe yendi a kware. (Eyi kwa horokere, age Abiramu ana ya kara nomvhura murongo moKanani.) 4Abiramu ta gwanekere naHagara, gwina makura ta kara nezimo.
Ano Hagara eyi ga limona asi ana wapa porutu, ta linenepeke a dine Sarayi. 5Makura Sarayi ta tantere Abiramu asi: “A dine nge Hagara a dire kudina nge, nzo zoge. Nyamwange nyame na damuna mupika gwange, tani ku pe, ano age kwa limona tupu asi ana wapa porutu, makura yiyo ana kudina nge. Hompa ngano a tu pangure asi yilye po gomouhunga.”
6Abiramu ta limburura asi: “Hawe yosili, mupika goge, mepangero lyoge ga kara; nkenye omu no mu ruganena, nyamoge oko.” Sarayi makura ta mu rugana momudona, Hagara ta tjwayuka.
7Muengeli gwaHompa ta mu gwana porunone romomburundu konzira zokuza koSuru, 8ta mu pura asi: “Hagara, mupika gwaSarayi, oku ono kutunda noku ono vyuka kupi?” Gwina ta limburura asi:
“Ame kuna tjwayuka Sarayi.”
9Muengeli ta mu tantere asi: “Tengura o ka kare mepangero lyendi.” 10Ta mu tantere hena asi:
“Ngani ku pa ruvharo rorunzi
rokudira kuvhura kuvara.
11Ntaantani o hampuruke
munona gomugara,
ogu ngo ruka Isimayeli,
(kuninka asi ‘Karunga kuzuvha’),
yeeyi Hompa ana zuvhu nkugo
zoudigu woge.
12Nye munoge nga kara sindongili sokomuntu;
age nga ka vyuka nkenye ogu,
ano nkenye ogu hena nga mu vyuka.
Age nga lipongora ko
kovakwawo navenye.”
13Hagara ta lipura mwene asi: “Nye sili kuna mono ogu a mono nge ndi?” Makura ta tumbura Hompa asi: “Ove Karunga ogu o mono!” 14Yipo nye ava tumbwire vantu runone oru rwa kara pokatji kaKadesi naBeredi asi, ‘Runone‐roMunamwenyo‐ogu‐a-mono‐nge.’
15Hagara ta hampurukire Abiramu munona gomugara, ta mu ruku Isimayeli. 16Opo ngoso age Abiramu nomvhura dendi nomurongo ntano‐nantatu nantano‐nazimwe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003