Genesis 18
18
Etumbwidiro lyehampuruko lyaIsaka
1 Hompa kwa horokerere Abirahamu pomaunyandi gaMamure, age Abirahamu kuna hingire pevero lyotenta zendi, mutenya ago guna lihekeda po. 2Eyi ga kankuka, ta mono vagara vatatu vana sikama ngopena. Kwa va mona tupu makura ta duka po pevero lyotenta zendi, a ka gwanekere nawo. Ta tongeke nongoro a twe sipara pevhu, 3ta tanta asi: “Otate, ame kwa kerera po apa ekwafo, na kanderere, mwa ha pitakana nge tanko ame muntu gweni. 4Sigeni tanko ni tume ko mema mu ya kuhwe nompadi deni, mu pwizumuke po tanko omu momundwire. 5Tani ka mu retera sakulya, mu ya gwanene po nkaso zokutwikira nzira zeni. One membo lyange muna wiza, ano ame kwa kerera po apa ekwafo.” Vena tava kumburura asi: “Ewa, rugana tupu moomu ono tanta.”
6Abirahamu makura ta genderere kuhwilira motenta, ta tantere Sara asi: “Genderera, gusa yikumba yitatu yousura wokunakuka, o duve o kange yikuhuna.” 7Abirahamu makura ta dukire konongombe, ta ka gusa mo ntana zongwa zokuneta, ta zi pe mukereli gwendi a genderere usimbu kuzihuva a zi tereke. 8Ta gusa magadi nomahenzere nonyama, makura ta yi va tulire. Eyi vana kulya, age kuna va sikamene ntere mositji.
9Vena tava mu pura asi: “Mukadoge Sara kupi ana kara?” Age ta va limburura asi: “Mweli motenta.”
10Mugenda gumwe ta tanta asi: “Tani ku tumbwidire asi, mokwedi kwautano‐naune mukadoge Sara nga kara nomunona gomugara, siruwo oso yiso ngani wiza hena.” Sara age kuna kuzuvha pevero lyotenta ezi za kere konyima zogo. 11Abirahamu naSara kwa kurupire unene, age Sara ga tunda ko nare komwedi. 12Sara ta lizoro mwene ta tanta asi: “Muntu ame na kurupa ngesi, nayange nage ana kurupa, uwa musi hena ni gwana?”
13 Hompa makura ta pura Abirahamu asi: “Sara hena yinke eyi ana kuzora a tante asi: ‘Enye sili kureta muna, ame muntu na kurupa ngesi ndi?’ 14Poyili eyi ayi tjindire Karunga ndi? Mondika zayo, mokwedi kwautano‐naune, yimo ngani wiza, ano Sara ngani ya mu gwana age namunwendi gomugara.”
15Morwa Sara kwa tjilire, yipo ga patanene asi: “Kapi na zoro ame.” Gwina ta limburura asi: “Hawe, ono zoro.”
Abirahamu ta kandererere Sodoma
16Owo vagara makura tava tundu po opo va vyuke koSodoma, Abirahamu nage ta zi nawo a va sindikire. 17Makura Hompa ta ninki asi: “Kapi nani vhura kuhoreka Abirahamu eyi na kurugana. 18Ruvharo rwendi ngaru kara muhoko gomunene gononkondo, ano nomuhoko nadinye depevhu ngadi hundira nge asi ni di tungike moomu na mu tungika age. 19Ame kwa mu horowora asi nga tantere vana vendi nezimo lyendi lyokomeho asi ngava limburukwe koyipango yange pokurugana yoyiwa eyi ya hungama. Ntani ngani mu sikisira mo nayinye eyi na mu tumbwidira.” 20Hompa ta tanta asi: “Nkugo zeyi yoVasodoma noVagomora zina nenepa unene, yeeyi nonzo dawo nondigu unene. 21Ame kuna hara ni hegumuke, ni ka tare nsene asi sili awo kuna kurugana moomu monkugo ezi zina kuyagwana nge, nsene yimo sa, na hara kuyidiva.”
22Owo vagara makura tava tundu po, va vyuke koyiha yaSodoma, nye Abirahamu ta sikama ngorooro kosipara saHompa. 23Makura Abirahamu ta heda popepi, ta pura Hompa asi: “Ee, novahungami nawo to va zonagwire kumwe novadinikarunga ndi? 24Nampo mositata omo vahungami mo nye nomurongo ntano, nawo to va zonagura po, olyo evega wa hana kuliretera nkenda, morwa vahungami owo nomurongo ntano va kara mo, ndi? 25Nampili kuna manga, asi o yi rugane oyo yokuzonagura muhungami kumwe novadinikarunga! Nampili kuna ku manga! Ntudi mupanguli gouzuni kapi nga ka hungika kupangura nani!”
26 Hompa ta mu limburura asi: “MoSodoma nsene ni gwana mo vahungami nomurongo ntano, sitata oso tani si sigi po morwavahungami owo nomurongo ntano.”
27Makura Abirahamu ta limburura asi: “Tara, ame kuna lidivi momeho, ni uyunge naHompa, mpili ngomu na kara mbundu nenoto. 28Povahungami ava nomurongo ntano, ntene si pa pira vatano, yiyo nye yooyo no hanagwira po sitata nasinye, morwa kupira po vahungami ava vatano ndi?” Hompa ta limburura asi: “Hawe, ntene ni gwana mo vahungami nomurongo ne navatano, kapi tani si hanagura po.”
29Abirahamu makura ta pura hena asi: “Ee, ntene o gwana mo nye nomurongo ne tupu, ngapi nye?” Hompa ta limburura asi: “Naposi nokusizonagura si morwawoowo nomurongo ne.”
30Abirahamu ta tanta hena asi: “Hompa ngano ga ha handuka, yeeyi ame kuna hara simpe kuuyunga. Ngapi nye, ntene o gwana mo nomurongo ntatu tupu?” Ano Hompa ta limburura asi: “Naposi nokuyirugana si, ntene ni va gwana mo nomurongo ntatu.” 31Abirahamu ta tanta hena asi: “Tara, ame kuna lidivi momeho, ni uyunge naHompa. Ntene mu kara nomurongo mbali, ngapi nye?” Hompa ta mu limburura asi: “Naposi nokusizonagura si morwawoowo nomurongo mbali.” 32Makura Abirahamu ta uyunga hena asi: “Hompa ngano ga ha handuka, yeeyi ame kuna hara simpe kuuyunga rokuhulilira. Ee, ngapi nye nsene murongo tupu mo?” Hompa ta limburura asi: “Naposi tani si sigi morwawoowo murongo tupu.”
33 Hompa eyi ga mana kuuyunga naAbirahamu, makura ta ka za, ano Abirahamu ta tengura kembo.
Iliyochaguliwa sasa
Genesis 18: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 18
18
Etumbwidiro lyehampuruko lyaIsaka
1 Hompa kwa horokerere Abirahamu pomaunyandi gaMamure, age Abirahamu kuna hingire pevero lyotenta zendi, mutenya ago guna lihekeda po. 2Eyi ga kankuka, ta mono vagara vatatu vana sikama ngopena. Kwa va mona tupu makura ta duka po pevero lyotenta zendi, a ka gwanekere nawo. Ta tongeke nongoro a twe sipara pevhu, 3ta tanta asi: “Otate, ame kwa kerera po apa ekwafo, na kanderere, mwa ha pitakana nge tanko ame muntu gweni. 4Sigeni tanko ni tume ko mema mu ya kuhwe nompadi deni, mu pwizumuke po tanko omu momundwire. 5Tani ka mu retera sakulya, mu ya gwanene po nkaso zokutwikira nzira zeni. One membo lyange muna wiza, ano ame kwa kerera po apa ekwafo.” Vena tava kumburura asi: “Ewa, rugana tupu moomu ono tanta.”
6Abirahamu makura ta genderere kuhwilira motenta, ta tantere Sara asi: “Genderera, gusa yikumba yitatu yousura wokunakuka, o duve o kange yikuhuna.” 7Abirahamu makura ta dukire konongombe, ta ka gusa mo ntana zongwa zokuneta, ta zi pe mukereli gwendi a genderere usimbu kuzihuva a zi tereke. 8Ta gusa magadi nomahenzere nonyama, makura ta yi va tulire. Eyi vana kulya, age kuna va sikamene ntere mositji.
9Vena tava mu pura asi: “Mukadoge Sara kupi ana kara?” Age ta va limburura asi: “Mweli motenta.”
10Mugenda gumwe ta tanta asi: “Tani ku tumbwidire asi, mokwedi kwautano‐naune mukadoge Sara nga kara nomunona gomugara, siruwo oso yiso ngani wiza hena.” Sara age kuna kuzuvha pevero lyotenta ezi za kere konyima zogo. 11Abirahamu naSara kwa kurupire unene, age Sara ga tunda ko nare komwedi. 12Sara ta lizoro mwene ta tanta asi: “Muntu ame na kurupa ngesi, nayange nage ana kurupa, uwa musi hena ni gwana?”
13 Hompa makura ta pura Abirahamu asi: “Sara hena yinke eyi ana kuzora a tante asi: ‘Enye sili kureta muna, ame muntu na kurupa ngesi ndi?’ 14Poyili eyi ayi tjindire Karunga ndi? Mondika zayo, mokwedi kwautano‐naune, yimo ngani wiza, ano Sara ngani ya mu gwana age namunwendi gomugara.”
15Morwa Sara kwa tjilire, yipo ga patanene asi: “Kapi na zoro ame.” Gwina ta limburura asi: “Hawe, ono zoro.”
Abirahamu ta kandererere Sodoma
16Owo vagara makura tava tundu po opo va vyuke koSodoma, Abirahamu nage ta zi nawo a va sindikire. 17Makura Hompa ta ninki asi: “Kapi nani vhura kuhoreka Abirahamu eyi na kurugana. 18Ruvharo rwendi ngaru kara muhoko gomunene gononkondo, ano nomuhoko nadinye depevhu ngadi hundira nge asi ni di tungike moomu na mu tungika age. 19Ame kwa mu horowora asi nga tantere vana vendi nezimo lyendi lyokomeho asi ngava limburukwe koyipango yange pokurugana yoyiwa eyi ya hungama. Ntani ngani mu sikisira mo nayinye eyi na mu tumbwidira.” 20Hompa ta tanta asi: “Nkugo zeyi yoVasodoma noVagomora zina nenepa unene, yeeyi nonzo dawo nondigu unene. 21Ame kuna hara ni hegumuke, ni ka tare nsene asi sili awo kuna kurugana moomu monkugo ezi zina kuyagwana nge, nsene yimo sa, na hara kuyidiva.”
22Owo vagara makura tava tundu po, va vyuke koyiha yaSodoma, nye Abirahamu ta sikama ngorooro kosipara saHompa. 23Makura Abirahamu ta heda popepi, ta pura Hompa asi: “Ee, novahungami nawo to va zonagwire kumwe novadinikarunga ndi? 24Nampo mositata omo vahungami mo nye nomurongo ntano, nawo to va zonagura po, olyo evega wa hana kuliretera nkenda, morwa vahungami owo nomurongo ntano va kara mo, ndi? 25Nampili kuna manga, asi o yi rugane oyo yokuzonagura muhungami kumwe novadinikarunga! Nampili kuna ku manga! Ntudi mupanguli gouzuni kapi nga ka hungika kupangura nani!”
26 Hompa ta mu limburura asi: “MoSodoma nsene ni gwana mo vahungami nomurongo ntano, sitata oso tani si sigi po morwavahungami owo nomurongo ntano.”
27Makura Abirahamu ta limburura asi: “Tara, ame kuna lidivi momeho, ni uyunge naHompa, mpili ngomu na kara mbundu nenoto. 28Povahungami ava nomurongo ntano, ntene si pa pira vatano, yiyo nye yooyo no hanagwira po sitata nasinye, morwa kupira po vahungami ava vatano ndi?” Hompa ta limburura asi: “Hawe, ntene ni gwana mo vahungami nomurongo ne navatano, kapi tani si hanagura po.”
29Abirahamu makura ta pura hena asi: “Ee, ntene o gwana mo nye nomurongo ne tupu, ngapi nye?” Hompa ta limburura asi: “Naposi nokusizonagura si morwawoowo nomurongo ne.”
30Abirahamu ta tanta hena asi: “Hompa ngano ga ha handuka, yeeyi ame kuna hara simpe kuuyunga. Ngapi nye, ntene o gwana mo nomurongo ntatu tupu?” Ano Hompa ta limburura asi: “Naposi nokuyirugana si, ntene ni va gwana mo nomurongo ntatu.” 31Abirahamu ta tanta hena asi: “Tara, ame kuna lidivi momeho, ni uyunge naHompa. Ntene mu kara nomurongo mbali, ngapi nye?” Hompa ta mu limburura asi: “Naposi nokusizonagura si morwawoowo nomurongo mbali.” 32Makura Abirahamu ta uyunga hena asi: “Hompa ngano ga ha handuka, yeeyi ame kuna hara simpe kuuyunga rokuhulilira. Ee, ngapi nye nsene murongo tupu mo?” Hompa ta limburura asi: “Naposi tani si sigi morwawoowo murongo tupu.”
33 Hompa eyi ga mana kuuyunga naAbirahamu, makura ta ka za, ano Abirahamu ta tengura kembo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003