Genesis 15
15
Malikwatakano gaKarunga naAbiramu
1Ya pwa oyo, nonkango daKarunga tadi wiza kwaAbiramu memoneko, tadi tanta asi:
“Neisi no tjilira, Abiramu,
yeeyi asi ame nyame silikandwiso
soge, ano mfeto zoge hena nene.”
2Abiramu makura ta pura asi: “Hompa Karunga, yinke ngo pa nge, ame nyame ogu ngani lifira kutupu vana, nogu nga pinga embo lyange ntudi googu sa Mudamasikusi Eliasera?” 3Abiramu ta tanta hena asi: “Ame nyame ogu wa dira kupa ruvharo, ano mukareli gemembo lyange yige sa nye nga kara mupingi gemona lyange.”
4 Hompa makura ta mu tantere hena asi: “Ogu mukareli kapi nga kara mupingi goge, nye ogu nga tunda morutu roge yige nga kara mupingi goge.” 5Hompa ta mu pwagesa, ta mu tantere asi: “Tara keguru o varure nombungururu, nsene no vhura kudivarura. Ano noruvharo roge naro yipo ngaru hura.”
6Abiramu makura ta pura Hompa, ano Hompa ta li mu varwilire kouhungami.
7 Hompa ta mu tantere asi: “Ame nyame Hompa, ogu na ku ninkire o tunde moUru zomoKalidi, morwa asi ni ya ku pe sirongo esi, si kare soge.”
8Abiramu makura ta tanta asi: “Hompa Karunga gwange, omu nani yi diva asi sange ngasi kara, ngapi?”
9 Hompa ta limburura asi: “Retera nge ndema zonomvhura ntatu nosikombo sonomvhura ntatu nekungwe lyonomvhura ntatu lyonzwi nonkutji nomputukuwa.” 10Abiramu makura ta retere nayinye eyi Karunga, ta yi pita‐pita pokatji, ogo maruha ta ga tura monomukweyo ga livyuka-vyuke; yidira yelike yiyo ga dilire kupita pokatji. 11Makuvi makura taga tembere pomarambo, Abiramu ta ga tjida po.
12Ano ezuva eyi lya toka, Abiramu ta ponyoka nompofu donondigu, utjirwe nendema lyedigu‐tayi mu gwana. 13Hompa ta mu tantere asi: “Ruvharo roge ngaru kara vanayirongo mosirongo peke; ngava ka kara mo vapika, tava va rugana momudona nomvhura mafere gane. 14Nye ame ngani futisa muhoko ogu ngagu yi va rugana eyi, awo ngava pitura emona lyenzi, apa ngava tunda mo mosirongo oso. 15Ano ove ko nyamoge ngo za konyokokuru nombili; ngava ku vhumbika moukurupe wouwa. 16Ngapa pita tanko mapupi gane, ntani dina kutengura nontekurururwa doge oku, yeeyi ame ngani tjida mo Vaamoli, nange una kusika po udinikarunga wawo pokuuvafutisisa.”
17Apa lya tokere ezuva, pa sovaganenene, makura kayiga komundiro kana kututumuka noramba zina kutema, tayi horoka yi pite pokatji komaruha goyo yimuna. 18Mezuva olyo yimo ga pakere Karunga malikwatakano gawo naAbiramu, ta tanta asi: “Ame esi sirongo tani si pe ruvharo roge, kutundilira komukuro gwaEgipite dogoro komukuro gomunene Eufurata, 19rambanga ko noyirongo yoVakeni noVakenisi noVakademoni, 20noVaheti noVaperesi noVarefa, 21noVaamoli noVakanani noVagiregasi noVajebusi.”
Iliyochaguliwa sasa
Genesis 15: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 15
15
Malikwatakano gaKarunga naAbiramu
1Ya pwa oyo, nonkango daKarunga tadi wiza kwaAbiramu memoneko, tadi tanta asi:
“Neisi no tjilira, Abiramu,
yeeyi asi ame nyame silikandwiso
soge, ano mfeto zoge hena nene.”
2Abiramu makura ta pura asi: “Hompa Karunga, yinke ngo pa nge, ame nyame ogu ngani lifira kutupu vana, nogu nga pinga embo lyange ntudi googu sa Mudamasikusi Eliasera?” 3Abiramu ta tanta hena asi: “Ame nyame ogu wa dira kupa ruvharo, ano mukareli gemembo lyange yige sa nye nga kara mupingi gemona lyange.”
4 Hompa makura ta mu tantere hena asi: “Ogu mukareli kapi nga kara mupingi goge, nye ogu nga tunda morutu roge yige nga kara mupingi goge.” 5Hompa ta mu pwagesa, ta mu tantere asi: “Tara keguru o varure nombungururu, nsene no vhura kudivarura. Ano noruvharo roge naro yipo ngaru hura.”
6Abiramu makura ta pura Hompa, ano Hompa ta li mu varwilire kouhungami.
7 Hompa ta mu tantere asi: “Ame nyame Hompa, ogu na ku ninkire o tunde moUru zomoKalidi, morwa asi ni ya ku pe sirongo esi, si kare soge.”
8Abiramu makura ta tanta asi: “Hompa Karunga gwange, omu nani yi diva asi sange ngasi kara, ngapi?”
9 Hompa ta limburura asi: “Retera nge ndema zonomvhura ntatu nosikombo sonomvhura ntatu nekungwe lyonomvhura ntatu lyonzwi nonkutji nomputukuwa.” 10Abiramu makura ta retere nayinye eyi Karunga, ta yi pita‐pita pokatji, ogo maruha ta ga tura monomukweyo ga livyuka-vyuke; yidira yelike yiyo ga dilire kupita pokatji. 11Makuvi makura taga tembere pomarambo, Abiramu ta ga tjida po.
12Ano ezuva eyi lya toka, Abiramu ta ponyoka nompofu donondigu, utjirwe nendema lyedigu‐tayi mu gwana. 13Hompa ta mu tantere asi: “Ruvharo roge ngaru kara vanayirongo mosirongo peke; ngava ka kara mo vapika, tava va rugana momudona nomvhura mafere gane. 14Nye ame ngani futisa muhoko ogu ngagu yi va rugana eyi, awo ngava pitura emona lyenzi, apa ngava tunda mo mosirongo oso. 15Ano ove ko nyamoge ngo za konyokokuru nombili; ngava ku vhumbika moukurupe wouwa. 16Ngapa pita tanko mapupi gane, ntani dina kutengura nontekurururwa doge oku, yeeyi ame ngani tjida mo Vaamoli, nange una kusika po udinikarunga wawo pokuuvafutisisa.”
17Apa lya tokere ezuva, pa sovaganenene, makura kayiga komundiro kana kututumuka noramba zina kutema, tayi horoka yi pite pokatji komaruha goyo yimuna. 18Mezuva olyo yimo ga pakere Karunga malikwatakano gawo naAbiramu, ta tanta asi: “Ame esi sirongo tani si pe ruvharo roge, kutundilira komukuro gwaEgipite dogoro komukuro gomunene Eufurata, 19rambanga ko noyirongo yoVakeni noVakenisi noVakademoni, 20noVaheti noVaperesi noVarefa, 21noVaamoli noVakanani noVagiregasi noVajebusi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003