Genesis 14
14
Abiramu ta parura Roto
1Pouye waAmurafeli, hompa gwaSineara naAreogo, hompa gwaErasara naKedorarawomeli, hompa gwaEramu, naTidali, hompa gwaGoyimu, 2kwa katukilire yita ohompa vatano ava: Bera gwaSodoma, naBeresa gwaGomora, naSina gwaAduma naSemebere gwaSeboyimu nahompa gwaBera ndi Sowara. 3Ohompa ava moutano wawo kwa lipakererere momuramba gwaSidimu, ogu guna kara ntaantani Efuta lyoMungwa (ndi Efuta lyoKufa). 4Awo kwa ruganenene Kedorarawomeli nomvhura murongo nambali, ano mwezi zomurongo‐nantatu tava mu katukire. 5Momumvho gomurongo naune Kedorarawomeli nohompa ava ga kere nawo, tava wiza, makura tava ya toona Varefa moAsiteroto‐Karenayimu noVasusi moHamu noVaemimu mezana lyaKiliyatayimu, 6noVaholi monondundu daSeire dogoro koEli‐Parani, kouhura womburundu. 7Makura tava siguruka va wize koKadesi (ndi Runone rompanguro), makura tava kwata sirongo nasinye soVaamareki, noVaamoli ava va kara moHasasoni‐Tamara.
8Ohompa vaSodoma naGomora naAduma naSeboyimu naBera makura tava pakerere vakwayita vawo momuramba gwaSidimu, va rwise 9Kedorarawomeli gwaEramu naTidali gwaGoyimu naAmurafeli gwaSineara naAreogo gwaErasara, ohompa vatano ava va vyuke vane. 10Ano muramba gwaSidimu kwa zulire manganganga, ano ohompa vaSodoma naGomora, kwa ninkire asi ngano va duke, makura tava gwire mo. Vakwaawo tava tjwayukire konondundu. 11Ohompa owo vane kwa gusire nkenye eyi yomoSodoma naGomora nonondya deedi, makura tava ka za. 12Awo kwa kwatererere hena naRoto, munwaAbiramu nemona lyendi, yeeyi age kwa kere moSodoma.
13Nye mugara ogu ga dukire ko, ta wiza a ya yi tantere Abiramu, Muhebeli. Age kwa kere pepi noyitji yaMamure, Muamoli mukwawo zoEsikoli naAnere; awo kwa likwete ukwawo naAbiramu. 14Ano Abiramu apa ga zuvhire asi munwendi vana mu kwata, makura ta gusa vakwayita ava va yombera mo va vharera membo lyendi, vagara mafere gatatu nomurongo navatano‐navatatu, ta va konko dogoro koDana. 15Age makura ta gaununa vantu vendi monombunga mbali, masiku tava di va sara, tava va fundu. Kwa va tjida dogoro nokoHoba, korwaMuzogo‐zogo gwaDamasikusi. 16Yininke nayinye tava ka yi tengwida ko, namunwendi Roto noyininke yendi, novakadi novantu peke.
Merekisedeki ta tungike Abiramu
17Abiramu apa ga ka tundire kokufunda Kedorarawomeli nohompa vakwawo, makura hompa gwaSodoma ta pwaga a ka gwanekere nendi momuramba gwaSave (kugutumbura hena asi muramba gwaHompa). 18Merekisedeki, hompa gwaSaremu, age hena mupristeli gwaKarunga gekeguru‐guru, ta retere Abiramu mboroto novhinyu, 19ta mu tungikisa kononkango edi asi:
“Karunga gekeguru‐guru,
ogu ga sita eguru nevhu,
ngano ta ku tungike Abiramu.
20Karunga gekeguru‐guru a fumane,
ogu ana ku pe efundo kononkore doge.”
Ano Abiramu nage ta mu pe yiumurongo yanayinye eyi ga ka kwatere.
21Makura hompa gwaSodoma ta tantere Abiramu asi: “Yininke nayinye eyi ono ka kwata yi kare, nye vantu yiwo no pa nge ko.” 22Nye Abiramu ta limburura asi: “Ame kuna gana kwaHompa, Karunga gekeguru‐guru musiti geguru nevhu, 23asi kapi nani gusa yoge, nongodi si noliva si rononkaku rooru, neisi ngo tanta asi: ‘Abiramu nyame na mu tungika.’ 24Ame kapi nani gusa ko yuma. Yokutambura ko ame, ntudi yeeyi va ka ruganesa vantu vange, noruha rovagara ava twa zire nawo, oAnere naEsikoli naMamure, owo yiwo nava gusa ruha rwawo.”
Iliyochaguliwa sasa
Genesis 14: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 14
14
Abiramu ta parura Roto
1Pouye waAmurafeli, hompa gwaSineara naAreogo, hompa gwaErasara naKedorarawomeli, hompa gwaEramu, naTidali, hompa gwaGoyimu, 2kwa katukilire yita ohompa vatano ava: Bera gwaSodoma, naBeresa gwaGomora, naSina gwaAduma naSemebere gwaSeboyimu nahompa gwaBera ndi Sowara. 3Ohompa ava moutano wawo kwa lipakererere momuramba gwaSidimu, ogu guna kara ntaantani Efuta lyoMungwa (ndi Efuta lyoKufa). 4Awo kwa ruganenene Kedorarawomeli nomvhura murongo nambali, ano mwezi zomurongo‐nantatu tava mu katukire. 5Momumvho gomurongo naune Kedorarawomeli nohompa ava ga kere nawo, tava wiza, makura tava ya toona Varefa moAsiteroto‐Karenayimu noVasusi moHamu noVaemimu mezana lyaKiliyatayimu, 6noVaholi monondundu daSeire dogoro koEli‐Parani, kouhura womburundu. 7Makura tava siguruka va wize koKadesi (ndi Runone rompanguro), makura tava kwata sirongo nasinye soVaamareki, noVaamoli ava va kara moHasasoni‐Tamara.
8Ohompa vaSodoma naGomora naAduma naSeboyimu naBera makura tava pakerere vakwayita vawo momuramba gwaSidimu, va rwise 9Kedorarawomeli gwaEramu naTidali gwaGoyimu naAmurafeli gwaSineara naAreogo gwaErasara, ohompa vatano ava va vyuke vane. 10Ano muramba gwaSidimu kwa zulire manganganga, ano ohompa vaSodoma naGomora, kwa ninkire asi ngano va duke, makura tava gwire mo. Vakwaawo tava tjwayukire konondundu. 11Ohompa owo vane kwa gusire nkenye eyi yomoSodoma naGomora nonondya deedi, makura tava ka za. 12Awo kwa kwatererere hena naRoto, munwaAbiramu nemona lyendi, yeeyi age kwa kere moSodoma.
13Nye mugara ogu ga dukire ko, ta wiza a ya yi tantere Abiramu, Muhebeli. Age kwa kere pepi noyitji yaMamure, Muamoli mukwawo zoEsikoli naAnere; awo kwa likwete ukwawo naAbiramu. 14Ano Abiramu apa ga zuvhire asi munwendi vana mu kwata, makura ta gusa vakwayita ava va yombera mo va vharera membo lyendi, vagara mafere gatatu nomurongo navatano‐navatatu, ta va konko dogoro koDana. 15Age makura ta gaununa vantu vendi monombunga mbali, masiku tava di va sara, tava va fundu. Kwa va tjida dogoro nokoHoba, korwaMuzogo‐zogo gwaDamasikusi. 16Yininke nayinye tava ka yi tengwida ko, namunwendi Roto noyininke yendi, novakadi novantu peke.
Merekisedeki ta tungike Abiramu
17Abiramu apa ga ka tundire kokufunda Kedorarawomeli nohompa vakwawo, makura hompa gwaSodoma ta pwaga a ka gwanekere nendi momuramba gwaSave (kugutumbura hena asi muramba gwaHompa). 18Merekisedeki, hompa gwaSaremu, age hena mupristeli gwaKarunga gekeguru‐guru, ta retere Abiramu mboroto novhinyu, 19ta mu tungikisa kononkango edi asi:
“Karunga gekeguru‐guru,
ogu ga sita eguru nevhu,
ngano ta ku tungike Abiramu.
20Karunga gekeguru‐guru a fumane,
ogu ana ku pe efundo kononkore doge.”
Ano Abiramu nage ta mu pe yiumurongo yanayinye eyi ga ka kwatere.
21Makura hompa gwaSodoma ta tantere Abiramu asi: “Yininke nayinye eyi ono ka kwata yi kare, nye vantu yiwo no pa nge ko.” 22Nye Abiramu ta limburura asi: “Ame kuna gana kwaHompa, Karunga gekeguru‐guru musiti geguru nevhu, 23asi kapi nani gusa yoge, nongodi si noliva si rononkaku rooru, neisi ngo tanta asi: ‘Abiramu nyame na mu tungika.’ 24Ame kapi nani gusa ko yuma. Yokutambura ko ame, ntudi yeeyi va ka ruganesa vantu vange, noruha rovagara ava twa zire nawo, oAnere naEsikoli naMamure, owo yiwo nava gusa ruha rwawo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003