Genesis 13
13
Abiramu naRoto tava ligaunuka
1Abiramu yimo ga tundire moEgipite a vyuke kosirongo sokoRwambindakano, kwa zire namukadendi nemona lyendi nalinye, Roto nage kumwe va zire nendi. 2Abiramu kwa kere ngawo zonene zoyimuna nosisiliveli nongorodo. 3Ta heda‐heda ko a tunde mosirongo sokoMbindakano dogoro ta ka sika poBeteli, apa sa kere nare sintanda sendi pokatji kaBeteli naAi, 4pevega eli ga tungire nare sizambero. Abiramu makura ta kugu edina lyaHompa.
5Roto, ogu ga zire naAbiramu, nage nonzwi nonongombe noyikombo nonotenta nayo ga kere. 6Sirongo tasi va limbi kutunga kumwe, morwa emona lyawo enzi lya kere, nokuwapa si va tunge kumwe. 7Nomutangu tadi horoka pokatji kovasita vaAbiramu nava vaRoto. (Vakanani noVaperesi awo hava tungira mosirongo.)
8Abiramu makura ta tantere Roto asi: “Neisi nadi kerera po nomutangu pokatji ketu noge, ndi pokatji kovasita woge nava vange, morwa ose vantu namunwazina. 9Amesi sirongo soso ono kutara sina lizumbu. Tu ligaunuke; nsene o za korumoho, ame tani zi korulyo, ano nsene o za korulyo, ame tani zi korumoho.” 10Roto makura ta zumbu meho gendi omo mwa za mukuro gwaJorodana, ta mono asi mema kwa zura. Age Hompa simpe nokuhanagura si Sodoma naGomora, sirongo oso dogoro koyiha yaSowara ngwendi sikunino saHompa, ngwendi sirongo saEgipite. 11Roto makura ta horowora edamenena lyaJorodana nalinye, makura ta katuka a ze koUpumezuva. Yimo nye va ligawinine ngoso. 12Abiramu ta tungu moomo mosirongo saKanani, Roto age ta ka tunga moyitata yaJorodana, ano notenta dendi ta di dike dogoro koSodoma. 13Vasodoma vadona, awo hena vananzo wovanene va kere kosipara saHompa.
Abiramu ta dirukire koHeburoni
14Roto apa ga sigire Abiramu, Hompa ta tantere Abiramu asi: “Ko zumbu si meho goge o tundilire kutara apa ono sikama, o tare korwaMuzogo‐zogo nokorwaMbindakano, nokoUpumezuva nokoUtokero. 15Yeeyi sirongo nasinye esi ono kutara nyove na ku si pa noruvharo roge dogoro narunye. 16Ruvharo roge ngani ru ninka ru hure pombundu zevhu, nsene pweli gokuvhura kuvarura mbundu zevhu noruvharo roge naro nga vhura kuruvarura. 17Liwapaika o tare sirongo monaure waso nomonompatji daso, morwa nyove na ku si pa.” 18Abiramu makura ta hedesa ko kudika notenta, ta zi ta ka dika pomaunyandi gaMamure ga kara popepi naHeburoni; age makura ta tungire po Hompa sizambero.
Iliyochaguliwa sasa
Genesis 13: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 13
13
Abiramu naRoto tava ligaunuka
1Abiramu yimo ga tundire moEgipite a vyuke kosirongo sokoRwambindakano, kwa zire namukadendi nemona lyendi nalinye, Roto nage kumwe va zire nendi. 2Abiramu kwa kere ngawo zonene zoyimuna nosisiliveli nongorodo. 3Ta heda‐heda ko a tunde mosirongo sokoMbindakano dogoro ta ka sika poBeteli, apa sa kere nare sintanda sendi pokatji kaBeteli naAi, 4pevega eli ga tungire nare sizambero. Abiramu makura ta kugu edina lyaHompa.
5Roto, ogu ga zire naAbiramu, nage nonzwi nonongombe noyikombo nonotenta nayo ga kere. 6Sirongo tasi va limbi kutunga kumwe, morwa emona lyawo enzi lya kere, nokuwapa si va tunge kumwe. 7Nomutangu tadi horoka pokatji kovasita vaAbiramu nava vaRoto. (Vakanani noVaperesi awo hava tungira mosirongo.)
8Abiramu makura ta tantere Roto asi: “Neisi nadi kerera po nomutangu pokatji ketu noge, ndi pokatji kovasita woge nava vange, morwa ose vantu namunwazina. 9Amesi sirongo soso ono kutara sina lizumbu. Tu ligaunuke; nsene o za korumoho, ame tani zi korulyo, ano nsene o za korulyo, ame tani zi korumoho.” 10Roto makura ta zumbu meho gendi omo mwa za mukuro gwaJorodana, ta mono asi mema kwa zura. Age Hompa simpe nokuhanagura si Sodoma naGomora, sirongo oso dogoro koyiha yaSowara ngwendi sikunino saHompa, ngwendi sirongo saEgipite. 11Roto makura ta horowora edamenena lyaJorodana nalinye, makura ta katuka a ze koUpumezuva. Yimo nye va ligawinine ngoso. 12Abiramu ta tungu moomo mosirongo saKanani, Roto age ta ka tunga moyitata yaJorodana, ano notenta dendi ta di dike dogoro koSodoma. 13Vasodoma vadona, awo hena vananzo wovanene va kere kosipara saHompa.
Abiramu ta dirukire koHeburoni
14Roto apa ga sigire Abiramu, Hompa ta tantere Abiramu asi: “Ko zumbu si meho goge o tundilire kutara apa ono sikama, o tare korwaMuzogo‐zogo nokorwaMbindakano, nokoUpumezuva nokoUtokero. 15Yeeyi sirongo nasinye esi ono kutara nyove na ku si pa noruvharo roge dogoro narunye. 16Ruvharo roge ngani ru ninka ru hure pombundu zevhu, nsene pweli gokuvhura kuvarura mbundu zevhu noruvharo roge naro nga vhura kuruvarura. 17Liwapaika o tare sirongo monaure waso nomonompatji daso, morwa nyove na ku si pa.” 18Abiramu makura ta hedesa ko kudika notenta, ta zi ta ka dika pomaunyandi gaMamure ga kara popepi naHeburoni; age makura ta tungire po Hompa sizambero.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003