Genesis 12
12
Karunga ta zigida Abiramu
1 Hompa yiyo ga tanterere Abiramu asi: “Tunda mo mosirongo seni nemekoro lyoge nemembo lyoguho, o ze kosirongo esi ngani ku likida. 2Makura ame ngani ku ninke, ngo kare muhoko gomunene, ngani ku tungike, edina lyoge ngani li fumbure asi ngo ntungipire mo.
3“Ame ngani tungika ava ngava ku tungika,
ame ngani fingilira ava ngava ku fingilira,
ano mumoge yimo ngani
ntungipikira nomuhoko
nadinye domouzuni.”
4Makura Abiramu ta katuka, moomu ga mu tanterere Hompa, ano Roto ta zi kumwe nendi. Abiramu apa ga tundire koHarani, age nomvhura dendi nomurongo ntano‐nambali nantano. 5Abiramu ta gusa mukadendi Sarayi namunwamukurwendi gomugara Roto nemona lyawo nalinye eli va kongere, novapika navenye ava va wekere moHarani. Makura tava katuka va ze kosirongo saKanani. Makura tava ka sika mosirongo saKanani. 6Makura Abiramu ta gendi sirongo nasinye dogoro kousivi waMore, ou wa kere poSikemu. (Posiruwo oso Vakanani yiwo va tungire mosirongo oso.)
7 Hompa makura ta monekere Abiramu, ta tanta asi: “Sirongo esi ruvharo roge ngani si pa.” Makura ta tungire po sizambero Hompa ogu ga mu monekerere. 8Ga tunda opo ta vyuka konondundu edi da kara korwaUpumezuva waBeteli. Makura ta tomaike notenta dendi pokatji, Beteli koUtokero, ano Ai koUpumezuva. Opo yipo ga tungilire Hompa sizambero, a kuge edina lyaHompa. 9Makura Abiramu ta tundu po, a gende a vyuke koyiha yomburundu zokoMbindakano.
Abiramu moEgipite
10Mosirongo erumbu lyedigu lya wizire mo, nondya kutupu, makura Abiramu ta vyuka korwaMbindakano, koEgipite, a ka kare ko tanko. 11Ano pokuninka asi a taguruke mururani asi a ze moEgipite, ta tantere mukadendi Sarayi asi: “Purakena, ove mukadi gomuwa. 12Apa nava ka ku mona Vaegipite, nava ka tanta asi, ‘Mukadi gwaAbiramu,’ makura tava ka dipaga nge va ku kware awo. 13Na kanderere, ka va tantere asi o mpanzange, makura ngani parukire moge, ngava rugane nge momuwa.” 14Tupu ga taguruka mururani a ze moEgipite, Vaegipite nare vana mu mono asi mukadi muwa. 15Marenga gomanene gaFarawo kwa mu mona tupu, taga ka tantera Farawo hompa gwaEgipite asi mukadi muwa, makura taga mu twara kombara zendi. 16Farawo kwa tekwire Abiramu momuwa morwaSarayi, ta mu pe yiunda yononzwi noyikombo nonongombe noyindongili novapika nonongameru.
17 Hompa makura ta tumine Farawo mauvera gomadigu kwamwene nombara zendi mudima morwaSarayi, mukadaAbiramu. 18Farawo makura ta tumine Abiramu, ta ya mu pura asi: “Yinke eyi ono rugana nge ngesi? Yinke yokudira kutantera nge asi Sarayi mukadoge? 19Yinke nye eyi wa tanterere asi ‘mpanzange’, ame ni mu guse ni kware? Mukadoge gogo, damuna o tware!” 20Farawo makura ta tantere vantu vendi asi va mu pwagese mo mosirongo kumwe namukadendi neyi ga weka nayinye.
Iliyochaguliwa sasa
Genesis 12: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 12
12
Karunga ta zigida Abiramu
1 Hompa yiyo ga tanterere Abiramu asi: “Tunda mo mosirongo seni nemekoro lyoge nemembo lyoguho, o ze kosirongo esi ngani ku likida. 2Makura ame ngani ku ninke, ngo kare muhoko gomunene, ngani ku tungike, edina lyoge ngani li fumbure asi ngo ntungipire mo.
3“Ame ngani tungika ava ngava ku tungika,
ame ngani fingilira ava ngava ku fingilira,
ano mumoge yimo ngani
ntungipikira nomuhoko
nadinye domouzuni.”
4Makura Abiramu ta katuka, moomu ga mu tanterere Hompa, ano Roto ta zi kumwe nendi. Abiramu apa ga tundire koHarani, age nomvhura dendi nomurongo ntano‐nambali nantano. 5Abiramu ta gusa mukadendi Sarayi namunwamukurwendi gomugara Roto nemona lyawo nalinye eli va kongere, novapika navenye ava va wekere moHarani. Makura tava katuka va ze kosirongo saKanani. Makura tava ka sika mosirongo saKanani. 6Makura Abiramu ta gendi sirongo nasinye dogoro kousivi waMore, ou wa kere poSikemu. (Posiruwo oso Vakanani yiwo va tungire mosirongo oso.)
7 Hompa makura ta monekere Abiramu, ta tanta asi: “Sirongo esi ruvharo roge ngani si pa.” Makura ta tungire po sizambero Hompa ogu ga mu monekerere. 8Ga tunda opo ta vyuka konondundu edi da kara korwaUpumezuva waBeteli. Makura ta tomaike notenta dendi pokatji, Beteli koUtokero, ano Ai koUpumezuva. Opo yipo ga tungilire Hompa sizambero, a kuge edina lyaHompa. 9Makura Abiramu ta tundu po, a gende a vyuke koyiha yomburundu zokoMbindakano.
Abiramu moEgipite
10Mosirongo erumbu lyedigu lya wizire mo, nondya kutupu, makura Abiramu ta vyuka korwaMbindakano, koEgipite, a ka kare ko tanko. 11Ano pokuninka asi a taguruke mururani asi a ze moEgipite, ta tantere mukadendi Sarayi asi: “Purakena, ove mukadi gomuwa. 12Apa nava ka ku mona Vaegipite, nava ka tanta asi, ‘Mukadi gwaAbiramu,’ makura tava ka dipaga nge va ku kware awo. 13Na kanderere, ka va tantere asi o mpanzange, makura ngani parukire moge, ngava rugane nge momuwa.” 14Tupu ga taguruka mururani a ze moEgipite, Vaegipite nare vana mu mono asi mukadi muwa. 15Marenga gomanene gaFarawo kwa mu mona tupu, taga ka tantera Farawo hompa gwaEgipite asi mukadi muwa, makura taga mu twara kombara zendi. 16Farawo kwa tekwire Abiramu momuwa morwaSarayi, ta mu pe yiunda yononzwi noyikombo nonongombe noyindongili novapika nonongameru.
17 Hompa makura ta tumine Farawo mauvera gomadigu kwamwene nombara zendi mudima morwaSarayi, mukadaAbiramu. 18Farawo makura ta tumine Abiramu, ta ya mu pura asi: “Yinke eyi ono rugana nge ngesi? Yinke yokudira kutantera nge asi Sarayi mukadoge? 19Yinke nye eyi wa tanterere asi ‘mpanzange’, ame ni mu guse ni kware? Mukadoge gogo, damuna o tware!” 20Farawo makura ta tantere vantu vendi asi va mu pwagese mo mosirongo kumwe namukadendi neyi ga weka nayinye.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003