Exodus 19
19
Vaisraeli poNdundu zaSinayi
1Mokwedi kwautatu kutunda koVaisraeli moEgipite, ezuva lyoolyo lyokwedi oko yilyo va ya sika moMburundu zaSinayi. 2Kwa tundililire koRefidimu va wize momburundu zaSinayi, makura tava dike kamba zawo pondundu. 3Nye Mosesa age ta rondo kwaKarunga.
Ano Hompa kwa mu zigidire kooko kondundu asi: “Yimo no tantera ezimo lyaJakopo, o tantere Vaisraeli asi: 4‘Nyamweni mwa mona eyi na rugana Vaegipite nomu na mu simba moomu ali simbire ekangakodi vana valyo pomavava galyo, ni mu rete kwange. 5Nsene nye ngano mu purakena ezwi lyange, mu sikise mo malikwatakano gange, ngano ngomu kara emona lyange monombunga nadinye, yeeyi yirongo nayinye yange. 6One ngomu kara wosirongo soupristeli nombunga zokupongoka.’ Edi yido nonkango no divisa Vaisraeli.” 7Mosesa makura ta wiza, ta zigida masimbi nagenye gombunga, makura ta va tantere nonkango nadinye edi ka mu tantere Hompa. 8Mbunga mudima tazi limburura ngwendi muntu gumwe tupu asi: “Nayinye eyi ana tanta Hompa yiyo ngatu rugana.” Odo nonkango dombunga Mosesa makura ta di twara kwaHompa.
9 Hompa makura ta tantere Mosesa asi: “Tara, ame nani wiza koge meremo lyenene, makura mbunga zi zuvhe eyi nani uyunga noge, ano awo ngava ku huguvare nkenye apa.”
Yeeyi odo nonkango dombunga Mosesa kwa di twere kwaHompa. 10Hompa ta twikire a tantere Mosesa asi: “Zende kombunga, o ka zi pongore naina nomungura, ka va ninke hena va ka kuhwe yikoverero yawo, 11o ka va wapaikire ezuva lyautatu. Yeeyi mezuva lyautatu yimo nga hegumukira Hompa koNdundu zaSinayi, mbunga azo kuna kutara. 12Mbunga to zi tulire po mururani gokukundurukida ndundu, to tanta asi: ‘Takameseni, nokuronda ko si kondundu ndi asi mu kundame ko kedi lyazo. Nkenye ogu ana kukundama ko, va mu dipage nawa‐nawa. 13Nokuwoko si kokumuguma, nye kumudipaga nomamanya nawa‐nawa ndi kumuponya nawa‐nawa; mpili sikorama ndi muntu, nokukara si nomwenyo.’ Mbendo nsene kuna kuzisika siruwo, makura awo kuwapa nye kuronda kondundu.”
14Mosesa makura ta humburuka ko kondundu, a ze kombunga a ka zi pongore. Awo makura tava kuhu yikoverero yawo. 15Age makura ta tantere mbunga asi: “Liwapaikireni ezuva lyautatu, nokukundama si vakadi veni.”
16Ano mezuva lyautatu tupu kuna kusa, kondundu taku kara endundumo nonombadi neremo lyenene, nezwi lyenene‐nene lyombendo, hawe, mbunga nazinye ezi za kere mokamba kuna kumenga. 17Mosesa makura ta gusa mo mbunga mokamba, a zi tware zi ka gwanekere naKarunga. Awo makura tava zi va ka sikame pedi lyondundu. 18Ndundu nazinye zaSinayi musi kasi‐kasi, morwa Hompa kwa hegumukilire ko momundiro. Musi tagu zi peguru ngwendi gwesita, makura ndundu nazinye kuna kukankama unene. 19Ano apa lya korere ezwi lyombendo, Mosesa makura ta uyunga, ano Karunga ta mu limburura nendundumo lyenene. 20Ano Hompa kwa hegumukilire koNdundu zaSinayi, kondungu zazo. Makura Hompa ta zigida Mosesa kondungu zondundu. Mosesa makura ta rondo ko. 21Hompa makura ta tantere Mosesa asi: “Humburuka o ka pukurure mbunga asi va ha taguruka mururani va hede pepi naHompa asi va mu mone, sinzi sawo ngano tava fu. 22Novapristeli ava wokuheda pepi naHompa, nawo va lipongore, ntani a dira kuvazonagura po Hompa.”
23Mosesa makura ta limburura Hompa asi: “Mbunga nokuwapa si kuronda koNdundu zaSinayi, morwa nyamoge ono tu pukurura asi: ‘Tura po mururani gokukundurukida ndundu, o zi pongore.’ ”
24 Hompa makura ta mu tantere asi: “Humburuka mu ka wize kumwe naArona, nye vapristeli nombunga va ha lipepekera asi va ronde kwange, neisi nani va vyuka.” 25Mosesa makura ta humburuka a ze kombunga, makura ta ka yi va tantera.
Iliyochaguliwa sasa
Exodus 19: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 19
19
Vaisraeli poNdundu zaSinayi
1Mokwedi kwautatu kutunda koVaisraeli moEgipite, ezuva lyoolyo lyokwedi oko yilyo va ya sika moMburundu zaSinayi. 2Kwa tundililire koRefidimu va wize momburundu zaSinayi, makura tava dike kamba zawo pondundu. 3Nye Mosesa age ta rondo kwaKarunga.
Ano Hompa kwa mu zigidire kooko kondundu asi: “Yimo no tantera ezimo lyaJakopo, o tantere Vaisraeli asi: 4‘Nyamweni mwa mona eyi na rugana Vaegipite nomu na mu simba moomu ali simbire ekangakodi vana valyo pomavava galyo, ni mu rete kwange. 5Nsene nye ngano mu purakena ezwi lyange, mu sikise mo malikwatakano gange, ngano ngomu kara emona lyange monombunga nadinye, yeeyi yirongo nayinye yange. 6One ngomu kara wosirongo soupristeli nombunga zokupongoka.’ Edi yido nonkango no divisa Vaisraeli.” 7Mosesa makura ta wiza, ta zigida masimbi nagenye gombunga, makura ta va tantere nonkango nadinye edi ka mu tantere Hompa. 8Mbunga mudima tazi limburura ngwendi muntu gumwe tupu asi: “Nayinye eyi ana tanta Hompa yiyo ngatu rugana.” Odo nonkango dombunga Mosesa makura ta di twara kwaHompa.
9 Hompa makura ta tantere Mosesa asi: “Tara, ame nani wiza koge meremo lyenene, makura mbunga zi zuvhe eyi nani uyunga noge, ano awo ngava ku huguvare nkenye apa.”
Yeeyi odo nonkango dombunga Mosesa kwa di twere kwaHompa. 10Hompa ta twikire a tantere Mosesa asi: “Zende kombunga, o ka zi pongore naina nomungura, ka va ninke hena va ka kuhwe yikoverero yawo, 11o ka va wapaikire ezuva lyautatu. Yeeyi mezuva lyautatu yimo nga hegumukira Hompa koNdundu zaSinayi, mbunga azo kuna kutara. 12Mbunga to zi tulire po mururani gokukundurukida ndundu, to tanta asi: ‘Takameseni, nokuronda ko si kondundu ndi asi mu kundame ko kedi lyazo. Nkenye ogu ana kukundama ko, va mu dipage nawa‐nawa. 13Nokuwoko si kokumuguma, nye kumudipaga nomamanya nawa‐nawa ndi kumuponya nawa‐nawa; mpili sikorama ndi muntu, nokukara si nomwenyo.’ Mbendo nsene kuna kuzisika siruwo, makura awo kuwapa nye kuronda kondundu.”
14Mosesa makura ta humburuka ko kondundu, a ze kombunga a ka zi pongore. Awo makura tava kuhu yikoverero yawo. 15Age makura ta tantere mbunga asi: “Liwapaikireni ezuva lyautatu, nokukundama si vakadi veni.”
16Ano mezuva lyautatu tupu kuna kusa, kondundu taku kara endundumo nonombadi neremo lyenene, nezwi lyenene‐nene lyombendo, hawe, mbunga nazinye ezi za kere mokamba kuna kumenga. 17Mosesa makura ta gusa mo mbunga mokamba, a zi tware zi ka gwanekere naKarunga. Awo makura tava zi va ka sikame pedi lyondundu. 18Ndundu nazinye zaSinayi musi kasi‐kasi, morwa Hompa kwa hegumukilire ko momundiro. Musi tagu zi peguru ngwendi gwesita, makura ndundu nazinye kuna kukankama unene. 19Ano apa lya korere ezwi lyombendo, Mosesa makura ta uyunga, ano Karunga ta mu limburura nendundumo lyenene. 20Ano Hompa kwa hegumukilire koNdundu zaSinayi, kondungu zazo. Makura Hompa ta zigida Mosesa kondungu zondundu. Mosesa makura ta rondo ko. 21Hompa makura ta tantere Mosesa asi: “Humburuka o ka pukurure mbunga asi va ha taguruka mururani va hede pepi naHompa asi va mu mone, sinzi sawo ngano tava fu. 22Novapristeli ava wokuheda pepi naHompa, nawo va lipongore, ntani a dira kuvazonagura po Hompa.”
23Mosesa makura ta limburura Hompa asi: “Mbunga nokuwapa si kuronda koNdundu zaSinayi, morwa nyamoge ono tu pukurura asi: ‘Tura po mururani gokukundurukida ndundu, o zi pongore.’ ”
24 Hompa makura ta mu tantere asi: “Humburuka mu ka wize kumwe naArona, nye vapristeli nombunga va ha lipepekera asi va ronde kwange, neisi nani va vyuka.” 25Mosesa makura ta humburuka a ze kombunga, makura ta ka yi va tantera.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003