Exodus 20
20
Yipango murongo yaKarunga
1Karunga makura ta uyunga nonkango nadinye edi asi: 2“Ame nyame Hompa Karunga goge ogu na ku gusa mosirongo saEgipite, omu wa kere moupika.
3“Walye o tongamene vakarunga nawopeke kumwe name.
4“Walye o liruganene mafano gokuhonga ndi nkenye sihwi seyi yekeguru ndi seyi yepevhu, ndi seyi yomomema konhi zevhu. 5Walye o yi nyongamene ndi asi o yi tongamene. Yeeyi ame, Hompa Karunga goge, ni Karunga gesupa ogu ani tondora unzoni wovaguhya kovana vawo koruvharo rwautatu noruvharo rwaune rwava va nyenga nge, 6nye mayovi gava va hara nge oku tava sikisa mo yipango yange, tani va fire nkenda.
7“Walye o tumbagura edina lyaHompa Karunga goge mawoko‐woko, yeeyi Hompa kuhandukira ogu a tumbagura edina lyendi mawoko‐woko.
8“O diworoke kupongora ezuva lyEsabata. 9Mazuva gatano‐nalimwe yigo gokurugana yirugana yoge nayinye, 10nye ezuva lyautano‐nauvali Esabata lyaHompa Karunga goge. Makura nokurugana mo si hena nampili karugana, nyamoge ndi munoge gomugara ndi gomukadi, ndi mukareli goge gomugara ndi gomukadi, ndi simuna soge ndi munayirongo ogu ga kara kumwe noge. 11Yeeyi momazuva gatano‐nalimwe yimo ga ungire Karunga eguru nevhu, nefuta neyi ya kara mo nayinye, ano mezuva lyautano‐nauvali, makura ta pwizumuka. Yiyo nye ga tungikilire Karunga ezuva lyEsabata, ta li pongora.
12“O fumadeke oguhwo nonyoko asi o gwane erago nomwenyo gokupukura mosirongo esi nga ku pa Hompa Karunga goge.
13“Walye o dipaga.
14“Walye o hondere.
15“Walye o vaka.
16“Walye o rundire mukweni.
17“Walye o dovaukire emona lyamukweni. Walye o dovaukire mukadamukweni ndi mukareli gwendi gomugara ndi gomukadi, ndi hove zendi ndi sindongili sendi ndi nayinye eyi ga kara nayo mukweni.”
Woma wombunga
(Deut 5:22-33)
18Ano mbunga nazinye kwa kankamene, tazi sikama ure morwa endundumo nonombadi nezwi lyombendo netutumuko lyondundu. 19Makura tava tantere Mosesa asi: “Ove nyove no uyunga nose, tu purakene, nye Karunga ga ha uyunga nose, neisi natu fa.”
20Mosesa makura ta limburura mbunga asi: “Neisi nagu mu pwagera, yeeyi Karunga kuna wiza a ya mu heteke, utjirwe wokomutjima u kare mweni, omu dire kuzona.” 21Mbunga makura tazi sikama ngorooro ure, nye Mosesa ta heda keremo lyesovagani omu ga kere Karunga.
Noveta dokuhamena koyizambero
22 Hompa makura ta tantere Mosesa asi: “Ka tantere Vaisraeli asi: ‘Muna yi limonene omu nina mu uyungisa ame meguru. 23Nokuhambura si vakarunga wosisiliveli nongorodo mu va tongamene kumwe name. 24Tungireni nge sizambero sevhu, makura yipo nye pokuzamberera nonzambo deswakerero ndi dombili nononzwi nonongombe deni. Nkenye pevega eli ngani horowora asi ngani fumanene po, ngani mu wizira, tani mu tungike. 25Nsene kuna hara kutungira nge sizambero somamanya, nokusitungisa si komamanya gokuhonga. Nsene mu ga tjokora, tomu ga nyateke. 26Nokurondera si koyirondero o ze kosizambero sange, neisi va u mona ugara woge.’
Iliyochaguliwa sasa
Exodus 20: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 20
20
Yipango murongo yaKarunga
1Karunga makura ta uyunga nonkango nadinye edi asi: 2“Ame nyame Hompa Karunga goge ogu na ku gusa mosirongo saEgipite, omu wa kere moupika.
3“Walye o tongamene vakarunga nawopeke kumwe name.
4“Walye o liruganene mafano gokuhonga ndi nkenye sihwi seyi yekeguru ndi seyi yepevhu, ndi seyi yomomema konhi zevhu. 5Walye o yi nyongamene ndi asi o yi tongamene. Yeeyi ame, Hompa Karunga goge, ni Karunga gesupa ogu ani tondora unzoni wovaguhya kovana vawo koruvharo rwautatu noruvharo rwaune rwava va nyenga nge, 6nye mayovi gava va hara nge oku tava sikisa mo yipango yange, tani va fire nkenda.
7“Walye o tumbagura edina lyaHompa Karunga goge mawoko‐woko, yeeyi Hompa kuhandukira ogu a tumbagura edina lyendi mawoko‐woko.
8“O diworoke kupongora ezuva lyEsabata. 9Mazuva gatano‐nalimwe yigo gokurugana yirugana yoge nayinye, 10nye ezuva lyautano‐nauvali Esabata lyaHompa Karunga goge. Makura nokurugana mo si hena nampili karugana, nyamoge ndi munoge gomugara ndi gomukadi, ndi mukareli goge gomugara ndi gomukadi, ndi simuna soge ndi munayirongo ogu ga kara kumwe noge. 11Yeeyi momazuva gatano‐nalimwe yimo ga ungire Karunga eguru nevhu, nefuta neyi ya kara mo nayinye, ano mezuva lyautano‐nauvali, makura ta pwizumuka. Yiyo nye ga tungikilire Karunga ezuva lyEsabata, ta li pongora.
12“O fumadeke oguhwo nonyoko asi o gwane erago nomwenyo gokupukura mosirongo esi nga ku pa Hompa Karunga goge.
13“Walye o dipaga.
14“Walye o hondere.
15“Walye o vaka.
16“Walye o rundire mukweni.
17“Walye o dovaukire emona lyamukweni. Walye o dovaukire mukadamukweni ndi mukareli gwendi gomugara ndi gomukadi, ndi hove zendi ndi sindongili sendi ndi nayinye eyi ga kara nayo mukweni.”
Woma wombunga
(Deut 5:22-33)
18Ano mbunga nazinye kwa kankamene, tazi sikama ure morwa endundumo nonombadi nezwi lyombendo netutumuko lyondundu. 19Makura tava tantere Mosesa asi: “Ove nyove no uyunga nose, tu purakene, nye Karunga ga ha uyunga nose, neisi natu fa.”
20Mosesa makura ta limburura mbunga asi: “Neisi nagu mu pwagera, yeeyi Karunga kuna wiza a ya mu heteke, utjirwe wokomutjima u kare mweni, omu dire kuzona.” 21Mbunga makura tazi sikama ngorooro ure, nye Mosesa ta heda keremo lyesovagani omu ga kere Karunga.
Noveta dokuhamena koyizambero
22 Hompa makura ta tantere Mosesa asi: “Ka tantere Vaisraeli asi: ‘Muna yi limonene omu nina mu uyungisa ame meguru. 23Nokuhambura si vakarunga wosisiliveli nongorodo mu va tongamene kumwe name. 24Tungireni nge sizambero sevhu, makura yipo nye pokuzamberera nonzambo deswakerero ndi dombili nononzwi nonongombe deni. Nkenye pevega eli ngani horowora asi ngani fumanene po, ngani mu wizira, tani mu tungike. 25Nsene kuna hara kutungira nge sizambero somamanya, nokusitungisa si komamanya gokuhonga. Nsene mu ga tjokora, tomu ga nyateke. 26Nokurondera si koyirondero o ze kosizambero sange, neisi va u mona ugara woge.’
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003