Exodus 18
18
Jeturo ta dingura Mosesa
1Jeturo, mupristeli gomoMidiyani, tamweyi zaMosesa, kwa zuvhire nayinye eyi ga ruganenene Hompa Mosesa nombunga zendi zoVaisraeli nomu ga va gusire mo moEgipite. 2Makura Jeturo, tamweyi zaMosesa, ta twara Sipora, mukadaMosesa ogu ga zumbire. 3Jeturo kwa pitwire hena vana wovagara wogo munwendi. Gumwe kwa mu rukire Geresomu, yeeyi Mosesa kwa tente asi: “Ame kwa kere munayirongo mosirongo sa hana asi setu.” 4Ano ogu mukwawo ta mu ruku Eliyasera, yeeyi Mosesa kwa uyungire asi: “Karunga gomama ga kwafa nge, ga yoworora nge korufuro rwaFarawo.” 5Jeturo, tamweyi zaMosesa, ta wiza kumwe namukadaMosesa novana vendi kwaMosesa momburundu omu ga dikire kamba pondundu zaKarunga. 6Jeturo ta tumu eraka kwaMosesa asi: “Nyame, tamweyi zoge Jeturo nina kuwiza kumwe namukadoge novana woge wovagara vavali.” 7Mosesa ta zi a ka gwanekere notamweyi zendi, ta tu nongoro, makura ta mu ncumita. Awo tava lipuragere yokuhamena mupindu gwawo, makura tava tundu po, va ze motenta. 8Mosesa ta sansekere tamweyi zendi nayinye, eyi ga ruganenene Hompa Farawo noVaegipite morwaVaisraeli. Age kwa mu sansekerere maudigu aga ga va gwene monzira nomu ga va yowerere Hompa. 9Jeturo ta hafa unene apa ga zuvhire nayinye eyi ga ruganenene Hompa Vaisraeli pokuvayoworora mo momawoko goVaegipite. 10Jeturo ta tanta asi: “Va mu fumadeke Hompa, ogu ga mu parura momawoko goVaegipite naga gaFarawo. Va mu tange Hompa ogu ga zowora mbunga zendi moupika woVaegipite. 11Ntaantani nina yi diva asi, Hompa munankondo, ga pitakana vakarunga navenye, age kwa yi ruganenene eyi Vaegipite morwakuhepeka kwawo Vaisraeli.” 12Jeturo, tamweyi zaMosesa, makura ta zambere Karunga nonzambo deswakerero. Arona novakurona navenye woVaisraeli tava zi va ka lye nondya kumwe natamweyi zaMosesa kosipara saKarunga.
Eturopo lyovapanguli
(Deut 1:9-18)
13Eyi lina si ko, Mosesa kwa hingilire a tokore nonkango dovantu. Vantu tava sikama pwaMosesa, kutunda ngurangura dogoro ngurova. 14Tamweyi zaMosesa, apa ga mwene nayinye eyi ga ruganene Mosesa mbunga, ta tanta asi: “Yinke nani yene eyi ono kurugana vantu ngesi? Morwasinke ono hingilire nyovelike, azo mbunga mudima zi sikame poge kutunda ngurangura dogoro ngurova?”
15Mosesa ta limburura otamweyi zendi asi: “Vantu kuwiza‐wiza kwange va ya divilise eyi ga hara Karunga. 16Apa ava kara vantu namukwawo nononkango, kwange ava di reta, ame makura tani va vyukisire nonkango dawo. Ame hena tani va tantere nompangera nonoveta daKarunga.”
17Tamweyi zomuntu ta limburura Mosesa asi: “Yininke oyo ono kurugana kapisi yiwa. 18Opo ono kara, tayi ku rorora, ava vantu nawo ngosikwawo. Yeeyi sirugana esi sidigu, wa ha si ligingida nyovelike. Kapi ngayi ku tompoka. 19Purakena nye epukururo lyange, ni ku pe mayere, ntani Karunga a kara noge: Nyamoge ko, kara mupopeli govantu kosipara saKarunga. O tware nonkango donomutangu dawo kosipara saKarunga. 20O va ronge nompangera nonoveta oku to va singwenene omu ngava kara nomu ngava rugana. 21Horowora mo vagara mombunga ava va kara nounongo, awo hena kwa tjira Karunga, awo kwa hara usili yiyo va nyenga yomoufutunkume. Va tura mougendesi wovantu mayovi nomafere nonomurongo ntano nonomurongo. 22Ava tura‐ture nkenye apa yigongi mombunga. Yininke yoyinene tava yi tumu koge, ano eyi yoyinunu tava yi mana po vene. Ngayi ku rerupa nsene ngomu likwatesa nawo mweyi. 23Ano nsene o yi rugana eyi moomu ana kukupangera Karunga, ngo hedesa ko yirugana yoge. Mbunga mudima ngano ngazi ka kavera kouturo wazo.”
24Mosesa ta zuvhu yotamweyi zendi Jeturo, makura ta rugana moomu va mu tanterere. 25Age makura ta horowora moIsraeli vagara wonondunge, ta va tura mougendesi wombunga, kuninka asi vagendesi wovantu mayovi nomafere nonomurongo ntano nonomurongo. 26Awo ngava pangura vantu nkenye apa. Yoyinene mo tava yi twara kwaMosesa, ano eyi yoyisesu mo tava yi tokora vene.
27Mosesa eyi ga lirekera notamweyi zendi va ka ze, makura Jeturo ta tengura kwawo.
Iliyochaguliwa sasa
Exodus 18: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 18
18
Jeturo ta dingura Mosesa
1Jeturo, mupristeli gomoMidiyani, tamweyi zaMosesa, kwa zuvhire nayinye eyi ga ruganenene Hompa Mosesa nombunga zendi zoVaisraeli nomu ga va gusire mo moEgipite. 2Makura Jeturo, tamweyi zaMosesa, ta twara Sipora, mukadaMosesa ogu ga zumbire. 3Jeturo kwa pitwire hena vana wovagara wogo munwendi. Gumwe kwa mu rukire Geresomu, yeeyi Mosesa kwa tente asi: “Ame kwa kere munayirongo mosirongo sa hana asi setu.” 4Ano ogu mukwawo ta mu ruku Eliyasera, yeeyi Mosesa kwa uyungire asi: “Karunga gomama ga kwafa nge, ga yoworora nge korufuro rwaFarawo.” 5Jeturo, tamweyi zaMosesa, ta wiza kumwe namukadaMosesa novana vendi kwaMosesa momburundu omu ga dikire kamba pondundu zaKarunga. 6Jeturo ta tumu eraka kwaMosesa asi: “Nyame, tamweyi zoge Jeturo nina kuwiza kumwe namukadoge novana woge wovagara vavali.” 7Mosesa ta zi a ka gwanekere notamweyi zendi, ta tu nongoro, makura ta mu ncumita. Awo tava lipuragere yokuhamena mupindu gwawo, makura tava tundu po, va ze motenta. 8Mosesa ta sansekere tamweyi zendi nayinye, eyi ga ruganenene Hompa Farawo noVaegipite morwaVaisraeli. Age kwa mu sansekerere maudigu aga ga va gwene monzira nomu ga va yowerere Hompa. 9Jeturo ta hafa unene apa ga zuvhire nayinye eyi ga ruganenene Hompa Vaisraeli pokuvayoworora mo momawoko goVaegipite. 10Jeturo ta tanta asi: “Va mu fumadeke Hompa, ogu ga mu parura momawoko goVaegipite naga gaFarawo. Va mu tange Hompa ogu ga zowora mbunga zendi moupika woVaegipite. 11Ntaantani nina yi diva asi, Hompa munankondo, ga pitakana vakarunga navenye, age kwa yi ruganenene eyi Vaegipite morwakuhepeka kwawo Vaisraeli.” 12Jeturo, tamweyi zaMosesa, makura ta zambere Karunga nonzambo deswakerero. Arona novakurona navenye woVaisraeli tava zi va ka lye nondya kumwe natamweyi zaMosesa kosipara saKarunga.
Eturopo lyovapanguli
(Deut 1:9-18)
13Eyi lina si ko, Mosesa kwa hingilire a tokore nonkango dovantu. Vantu tava sikama pwaMosesa, kutunda ngurangura dogoro ngurova. 14Tamweyi zaMosesa, apa ga mwene nayinye eyi ga ruganene Mosesa mbunga, ta tanta asi: “Yinke nani yene eyi ono kurugana vantu ngesi? Morwasinke ono hingilire nyovelike, azo mbunga mudima zi sikame poge kutunda ngurangura dogoro ngurova?”
15Mosesa ta limburura otamweyi zendi asi: “Vantu kuwiza‐wiza kwange va ya divilise eyi ga hara Karunga. 16Apa ava kara vantu namukwawo nononkango, kwange ava di reta, ame makura tani va vyukisire nonkango dawo. Ame hena tani va tantere nompangera nonoveta daKarunga.”
17Tamweyi zomuntu ta limburura Mosesa asi: “Yininke oyo ono kurugana kapisi yiwa. 18Opo ono kara, tayi ku rorora, ava vantu nawo ngosikwawo. Yeeyi sirugana esi sidigu, wa ha si ligingida nyovelike. Kapi ngayi ku tompoka. 19Purakena nye epukururo lyange, ni ku pe mayere, ntani Karunga a kara noge: Nyamoge ko, kara mupopeli govantu kosipara saKarunga. O tware nonkango donomutangu dawo kosipara saKarunga. 20O va ronge nompangera nonoveta oku to va singwenene omu ngava kara nomu ngava rugana. 21Horowora mo vagara mombunga ava va kara nounongo, awo hena kwa tjira Karunga, awo kwa hara usili yiyo va nyenga yomoufutunkume. Va tura mougendesi wovantu mayovi nomafere nonomurongo ntano nonomurongo. 22Ava tura‐ture nkenye apa yigongi mombunga. Yininke yoyinene tava yi tumu koge, ano eyi yoyinunu tava yi mana po vene. Ngayi ku rerupa nsene ngomu likwatesa nawo mweyi. 23Ano nsene o yi rugana eyi moomu ana kukupangera Karunga, ngo hedesa ko yirugana yoge. Mbunga mudima ngano ngazi ka kavera kouturo wazo.”
24Mosesa ta zuvhu yotamweyi zendi Jeturo, makura ta rugana moomu va mu tanterere. 25Age makura ta horowora moIsraeli vagara wonondunge, ta va tura mougendesi wombunga, kuninka asi vagendesi wovantu mayovi nomafere nonomurongo ntano nonomurongo. 26Awo ngava pangura vantu nkenye apa. Yoyinene mo tava yi twara kwaMosesa, ano eyi yoyisesu mo tava yi tokora vene.
27Mosesa eyi ga lirekera notamweyi zendi va ka ze, makura Jeturo ta tengura kwawo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003