Exodus 17
17
Mema gokutunda memanya
1Mbunga nazinye zoVaisraeli kwa tundire momburundu zaSini, zi ze, za tunda pevega eli, za za pevega eli, moomu ga pangere Hompa. Awo kwa ya dikire kamba poRafidimu, nye kapi pwa kere mema gokunwa vantu. 2Awo kwa tangwisire Mosesa, tava tanta asi: “Tu pa mema tu nwe ose.”
Mosesa ta va limburura asi: “Yinke muna kutangwisira nge? Neyi muna kuhetekera Hompa yinke?”
3Nye vantu kwa va kwete unene enota, makura tava tanguna, va vyuke Mosesa, tava tanta asi: “Yinke wa tu gusira mo moEgipite? Nani kwa yi ninkira asi, ngatu ya fe kenota nyamwetu novana vetu noyimuna yetu?”
4Mosesa ta kanderere unene kwaHompa, ta tanta asi: “Omu nani va rugana ava vantu ngapi? Awo pepi nokuhara kudipaga nge nomamanya vana kerere.”
5 Hompa ta limburura Mosesa asi: “Gusa po vagendesi vamwe Vaisraeli, o ze nawo, mu pite komeho zombunga. Pitura hena mpango zoge ezi wa toonesere pomukuro gwaNili. 6Ame nani ka sikama komeho zeni pena pemanya lyopoNdundu zaSinayi. Nkumwe o ka toone memanya, makura mema ga ka tunde mo, vantu va ka nwe.” Mosesa makura ta yi rugana moyitarameho yovangendesi woVaisraeli.
7Evega olyo tava li ruku Masa naMeliba morwa Vaisraeli kwa tangwine, tava heteke Hompa pokupura asi: “Enye Hompa pweli pwetu ndi patupu?”
Yita noVaamareki
8Vaamareki makura tava wiza, va ya rwe noVaisraeli poRafidimu. 9Mosesa ta tantere Josuwa asi: “Tu horowera mo vagara, mu ze nawo mu ka rwise Vaamareki. Mungura ame ngani ka sikama pomutwe gondundu ame nompango zaHompa mokuwoko kwange.” 10Josuwa nage ta rugana, moomu ga mu tanterere Mosesa, asi a ka rwise Vaamareki. Nye oMosesa naArona naHuru, tava rondo komutwe gondundu. 11Ano Mosesa, nsene ana zerura ngorooro kuwoko kwendi, makura Vaisraeli tava fundu; ano nsene ana gomona kuwoko kwendi, makura Vaamareki tava fundu. 12Nye apa ga rorokere mawoko gaMosesa, makura tava gusa emanya, tava li tura, a hingire ko. Arona naHuru makura tava mu kwaterere komawoko, gumwe koku, mukwawo kokwina. Makura mawoko gendi taga zeruka ngorooro dogoro tali ka gwa mo. 13Josuwa makura ta fundu Vaamareki nuunu.
14 Hompa ta tantere Mosesa asi: “Tjangera oyo mobuke yi kare sidiworokeso, ove hena yi pamperekeda Josuwa asi ame ngani komba po nuunu pevhu madiworoko gokudiworoka Vaamareki.” 15Mosesa makura ta tungire po sizambero, ta ruku po asi: “Hompa yige efundo lyange.” 16Makura ta tanta asi: “Kambekeni mawoko geni kosipundi sosiuhompa saHompa! Hompa nga rwisa ngorooro Vaamareki narunye‐narunye!”
Iliyochaguliwa sasa
Exodus 17: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 17
17
Mema gokutunda memanya
1Mbunga nazinye zoVaisraeli kwa tundire momburundu zaSini, zi ze, za tunda pevega eli, za za pevega eli, moomu ga pangere Hompa. Awo kwa ya dikire kamba poRafidimu, nye kapi pwa kere mema gokunwa vantu. 2Awo kwa tangwisire Mosesa, tava tanta asi: “Tu pa mema tu nwe ose.”
Mosesa ta va limburura asi: “Yinke muna kutangwisira nge? Neyi muna kuhetekera Hompa yinke?”
3Nye vantu kwa va kwete unene enota, makura tava tanguna, va vyuke Mosesa, tava tanta asi: “Yinke wa tu gusira mo moEgipite? Nani kwa yi ninkira asi, ngatu ya fe kenota nyamwetu novana vetu noyimuna yetu?”
4Mosesa ta kanderere unene kwaHompa, ta tanta asi: “Omu nani va rugana ava vantu ngapi? Awo pepi nokuhara kudipaga nge nomamanya vana kerere.”
5 Hompa ta limburura Mosesa asi: “Gusa po vagendesi vamwe Vaisraeli, o ze nawo, mu pite komeho zombunga. Pitura hena mpango zoge ezi wa toonesere pomukuro gwaNili. 6Ame nani ka sikama komeho zeni pena pemanya lyopoNdundu zaSinayi. Nkumwe o ka toone memanya, makura mema ga ka tunde mo, vantu va ka nwe.” Mosesa makura ta yi rugana moyitarameho yovangendesi woVaisraeli.
7Evega olyo tava li ruku Masa naMeliba morwa Vaisraeli kwa tangwine, tava heteke Hompa pokupura asi: “Enye Hompa pweli pwetu ndi patupu?”
Yita noVaamareki
8Vaamareki makura tava wiza, va ya rwe noVaisraeli poRafidimu. 9Mosesa ta tantere Josuwa asi: “Tu horowera mo vagara, mu ze nawo mu ka rwise Vaamareki. Mungura ame ngani ka sikama pomutwe gondundu ame nompango zaHompa mokuwoko kwange.” 10Josuwa nage ta rugana, moomu ga mu tanterere Mosesa, asi a ka rwise Vaamareki. Nye oMosesa naArona naHuru, tava rondo komutwe gondundu. 11Ano Mosesa, nsene ana zerura ngorooro kuwoko kwendi, makura Vaisraeli tava fundu; ano nsene ana gomona kuwoko kwendi, makura Vaamareki tava fundu. 12Nye apa ga rorokere mawoko gaMosesa, makura tava gusa emanya, tava li tura, a hingire ko. Arona naHuru makura tava mu kwaterere komawoko, gumwe koku, mukwawo kokwina. Makura mawoko gendi taga zeruka ngorooro dogoro tali ka gwa mo. 13Josuwa makura ta fundu Vaamareki nuunu.
14 Hompa ta tantere Mosesa asi: “Tjangera oyo mobuke yi kare sidiworokeso, ove hena yi pamperekeda Josuwa asi ame ngani komba po nuunu pevhu madiworoko gokudiworoka Vaamareki.” 15Mosesa makura ta tungire po sizambero, ta ruku po asi: “Hompa yige efundo lyange.” 16Makura ta tanta asi: “Kambekeni mawoko geni kosipundi sosiuhompa saHompa! Hompa nga rwisa ngorooro Vaamareki narunye‐narunye!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003