Exodus 16
16
Matongorokofu nomana
1Eyi va tunda poElimi, mbunga nazinye zoVaisraeli tazi wiza pomburundu zaSini, ezi za kara pokatji kaElimi naSinayi mezuva lyomurongo nagatano lyokwedi kwauvali kutunda kwawo moEgipite. 2Mbunga nazinye zoVaisraeli tazi vhungutire oMosesa naArona momburundu 3asi: “Hompa ngano kwa tu dipagera tupu moEgipite, omu ngatu hingire komayiga gonyama noyisima tatu li tatu kuta, ngano hasa, kapisi kumwe neyi yokutureta momburundu, makura vantu navenye ava va ya vevere mo konzara.”
4Makura Hompa ta tantere Mosesa asi: “Ame ngani va rokesera nondya di tunde meguru, makura vantu ngava pongaike dokulya mezuva, ngani va tarere po nsene asi ngava sikisa mo veta zange ndi kapi ngava zi sikisa mo. 5Mezuva lyautano‐nalimwe, nsene tava tereke eyi vana kupongaika, tayi vhuka ruvali kupitakana pweyi ava pongaike nkenye ezuva.”
6Makura oMosesa naArona tava tantere Vaisraeli navenye asi: “Ngurova yipo nomu diva asi nani Hompa yige ga mu gusa mo moEgipite, 7ano ngurangura ngomu mona uyerere waHompa, yeeyi ga zuvha mavhunguto geni gokumuvyuka. Ose pwasinke apa nomu tu tangwisira?” 8Mosesa ta tanta asi: “Hompa nsene na mu pa nyama ngurova, ano ngurangura mboroto mu lye mu kute, diveni asi Hompa ana mu zuvhu eyi muna kusivana kwendi. Ose hena yinke? Esivano lyeni kapisi lyokukwetu, lyakwaHompa.”
9Mosesa makura ta tantere Arona asi: “Tantera Vaisraeli navenye asi: ‘Wizeni pepi naHompa, yeeyi ga zuvha esivano lyeni.’ ” 10Haga za Arona mokutantera Vaisraeli navenye, va tara korwamburundu, hawe, uyerere waHompa una kumoneka meremo. 11Makura Hompa ta tantere Mosesa asi: 12“Na zuvhu esivano lyoVaisraeli. Va tantera asi: ‘Ngurova tomu li nyama ano ngurangura tomu kuta nomboroto; nkumwe ngomu divire po asi ame nyame ni Hompa Karunga gweni.’ ”
13Ngurova makura taku tundu matongorokofu gomanzi, taga tembere-tembere pontanda nazinye. Ano eyi kuna si, ntanda nazinye zina li kundurukida eme. 14Eme eyi lina kamuka ko, momburundu pevhu tapa kara tundanda totununu‐nunu, to kuvembera ngwendi yiterengenze yina kara pevhu. 15Vaisraeli apa va yi mwene, makura tava lipura‐pura asi: “Yisinke yene eyi no?” Yeeyi awo kapi va yi divire asi yisinke.
Mosesa makura ta va tantere asi: “Ezi yizo mboroto ana mu pe Hompa mu lye. 16Ezi ana mu tantere Hompa asi: ‘Ka zi toreni, nkenye ogu zokuhura ponolita mbali pahepero zendi pasivaro sovantu. Di toreni, di hure posivaro sovantu ava va kara mepata lyomuntu.’ ”
17Vaisraeli tava rugana moomu va va tanterere, vamwe tava tora dononzi, nye vamwe tava tora dononunu tupu. 18Awo eyi va di hetekesa kogomora, kuninka asi nolita mbali; ava va pongaikire dononzi, kapi pwa va hupilire yuma, nye ava va pongaikire dononunu kapi va hepere yuma, nkenye muntu kwa pongaikire pahepero zendi. 19Mosesa ta va tantere asi: “Nagumwesi gokuditulika dogoro mungura.” 20Vamwe kapi va zuvhire daMosesa. Awo yiyo va tulikire dimwe dogoro ngurangura. Lya sa ko, ado kuna kukonyoka maginyo, dina woro. Makura Mosesa ta va handukire. 21Awo ngava di pongaike nkenye ngurangura, nkenye ogu pahepero zendi. Nye ezuva eyi nali hanzuruka, tadi hemuka po nu.
22Mezuva lyautano‐nalimwe tava pongaike nondya dononzi kupita pwedi danare, nkenye ogu nolita ne. Makura vakurona navenye wombunga tava zi kwaMosesa va ka yi mu sansekere. 23Mosesa ta va tantere asi: “Hompa kuna tanta asi: ‘Mungura ezuva lyepwizumuko lyokupongoka lyEsabata lyaHompa. Kangeni one mu tereke eyi muna hara kutereka naina, ano eyi nayi hupa po yina pitilire, yi pungwireni ezuva lyomungura.’ ” 24Awo makura tava di pungura dogoro ngurangura moomu ga va tanterere Mosesa, nye kapi da worere ndi asi maginyo ga di hwilire. 25Ano Mosesa ta va tantere asi: “Di lyeni naina, yeeyi naina Esabata lyaHompa, mosanzara kapi nomu gwana mo yuma. 26Omu pongaike momazuva gatano‐nalimwe, nye ezuva lyautano‐nauvali, kuninka asi lyEsabata, neisi ngayi kara mo.”
27Vamwe po tava zi mezuva lyautano‐nauvali va ka pongaike, nye nayimwe si va ka gwene. 28Hompa ta tantere Mosesa asi: “Dogoro ezuvake ngomu nyoka kusikisa mo noveta nonompangera dange? 29Tareni, Hompa kwa mu pa Esabata, ga mu pa nondya dina yereke mazuva gavali; nkenye muntu a kare pevango lyendi. Pwa ha kara ogu ana kutunda pevango lyendi mezuva lyautano‐nauvali.” 30Kutunda opo, vantu tava pwizumuka mezuva lyautano‐nauvali.
31Vaisraeli makura tava yi ruku mana. Ayo kwa zera ngwendi mbuto zonzera, utovara wayo ngwendi yinsira yousi woononyiki. 32Mosesa ta tanta hena asi: “Hompa kuna kutanta asi: ‘Nolita dokuzura yido kudipungwira mazimo gokomeho, ngaga mone nondya edi nina kumureresa momburundu kutunda apa nina mu gusa moEgipite.’ ” 33Mosesa ta tantere Arona asi: “Gusa kavaza, o pimpire mo mana zonolita mbali, ka tenteka kosipara saHompa va ka pungwire mazimo goge gokomeho oko.” 34Arona ta rugana moomu ga tanterere Hompa Mosesa, ta tenteke kavaza komeho zoupungwiro woyipango ka pungukwe. 35Vaisraeli tava li mana mazuva nomurongo ne, dogoro tava ka sika kosirongo esi va tungire. Awo kwa lire mana dogoro tava ka sika komururani gosirongo saKanani. (36Efa, heteko zazo kwa sika ponolita 20.)
Iliyochaguliwa sasa
Exodus 16: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 16
16
Matongorokofu nomana
1Eyi va tunda poElimi, mbunga nazinye zoVaisraeli tazi wiza pomburundu zaSini, ezi za kara pokatji kaElimi naSinayi mezuva lyomurongo nagatano lyokwedi kwauvali kutunda kwawo moEgipite. 2Mbunga nazinye zoVaisraeli tazi vhungutire oMosesa naArona momburundu 3asi: “Hompa ngano kwa tu dipagera tupu moEgipite, omu ngatu hingire komayiga gonyama noyisima tatu li tatu kuta, ngano hasa, kapisi kumwe neyi yokutureta momburundu, makura vantu navenye ava va ya vevere mo konzara.”
4Makura Hompa ta tantere Mosesa asi: “Ame ngani va rokesera nondya di tunde meguru, makura vantu ngava pongaike dokulya mezuva, ngani va tarere po nsene asi ngava sikisa mo veta zange ndi kapi ngava zi sikisa mo. 5Mezuva lyautano‐nalimwe, nsene tava tereke eyi vana kupongaika, tayi vhuka ruvali kupitakana pweyi ava pongaike nkenye ezuva.”
6Makura oMosesa naArona tava tantere Vaisraeli navenye asi: “Ngurova yipo nomu diva asi nani Hompa yige ga mu gusa mo moEgipite, 7ano ngurangura ngomu mona uyerere waHompa, yeeyi ga zuvha mavhunguto geni gokumuvyuka. Ose pwasinke apa nomu tu tangwisira?” 8Mosesa ta tanta asi: “Hompa nsene na mu pa nyama ngurova, ano ngurangura mboroto mu lye mu kute, diveni asi Hompa ana mu zuvhu eyi muna kusivana kwendi. Ose hena yinke? Esivano lyeni kapisi lyokukwetu, lyakwaHompa.”
9Mosesa makura ta tantere Arona asi: “Tantera Vaisraeli navenye asi: ‘Wizeni pepi naHompa, yeeyi ga zuvha esivano lyeni.’ ” 10Haga za Arona mokutantera Vaisraeli navenye, va tara korwamburundu, hawe, uyerere waHompa una kumoneka meremo. 11Makura Hompa ta tantere Mosesa asi: 12“Na zuvhu esivano lyoVaisraeli. Va tantera asi: ‘Ngurova tomu li nyama ano ngurangura tomu kuta nomboroto; nkumwe ngomu divire po asi ame nyame ni Hompa Karunga gweni.’ ”
13Ngurova makura taku tundu matongorokofu gomanzi, taga tembere-tembere pontanda nazinye. Ano eyi kuna si, ntanda nazinye zina li kundurukida eme. 14Eme eyi lina kamuka ko, momburundu pevhu tapa kara tundanda totununu‐nunu, to kuvembera ngwendi yiterengenze yina kara pevhu. 15Vaisraeli apa va yi mwene, makura tava lipura‐pura asi: “Yisinke yene eyi no?” Yeeyi awo kapi va yi divire asi yisinke.
Mosesa makura ta va tantere asi: “Ezi yizo mboroto ana mu pe Hompa mu lye. 16Ezi ana mu tantere Hompa asi: ‘Ka zi toreni, nkenye ogu zokuhura ponolita mbali pahepero zendi pasivaro sovantu. Di toreni, di hure posivaro sovantu ava va kara mepata lyomuntu.’ ”
17Vaisraeli tava rugana moomu va va tanterere, vamwe tava tora dononzi, nye vamwe tava tora dononunu tupu. 18Awo eyi va di hetekesa kogomora, kuninka asi nolita mbali; ava va pongaikire dononzi, kapi pwa va hupilire yuma, nye ava va pongaikire dononunu kapi va hepere yuma, nkenye muntu kwa pongaikire pahepero zendi. 19Mosesa ta va tantere asi: “Nagumwesi gokuditulika dogoro mungura.” 20Vamwe kapi va zuvhire daMosesa. Awo yiyo va tulikire dimwe dogoro ngurangura. Lya sa ko, ado kuna kukonyoka maginyo, dina woro. Makura Mosesa ta va handukire. 21Awo ngava di pongaike nkenye ngurangura, nkenye ogu pahepero zendi. Nye ezuva eyi nali hanzuruka, tadi hemuka po nu.
22Mezuva lyautano‐nalimwe tava pongaike nondya dononzi kupita pwedi danare, nkenye ogu nolita ne. Makura vakurona navenye wombunga tava zi kwaMosesa va ka yi mu sansekere. 23Mosesa ta va tantere asi: “Hompa kuna tanta asi: ‘Mungura ezuva lyepwizumuko lyokupongoka lyEsabata lyaHompa. Kangeni one mu tereke eyi muna hara kutereka naina, ano eyi nayi hupa po yina pitilire, yi pungwireni ezuva lyomungura.’ ” 24Awo makura tava di pungura dogoro ngurangura moomu ga va tanterere Mosesa, nye kapi da worere ndi asi maginyo ga di hwilire. 25Ano Mosesa ta va tantere asi: “Di lyeni naina, yeeyi naina Esabata lyaHompa, mosanzara kapi nomu gwana mo yuma. 26Omu pongaike momazuva gatano‐nalimwe, nye ezuva lyautano‐nauvali, kuninka asi lyEsabata, neisi ngayi kara mo.”
27Vamwe po tava zi mezuva lyautano‐nauvali va ka pongaike, nye nayimwe si va ka gwene. 28Hompa ta tantere Mosesa asi: “Dogoro ezuvake ngomu nyoka kusikisa mo noveta nonompangera dange? 29Tareni, Hompa kwa mu pa Esabata, ga mu pa nondya dina yereke mazuva gavali; nkenye muntu a kare pevango lyendi. Pwa ha kara ogu ana kutunda pevango lyendi mezuva lyautano‐nauvali.” 30Kutunda opo, vantu tava pwizumuka mezuva lyautano‐nauvali.
31Vaisraeli makura tava yi ruku mana. Ayo kwa zera ngwendi mbuto zonzera, utovara wayo ngwendi yinsira yousi woononyiki. 32Mosesa ta tanta hena asi: “Hompa kuna kutanta asi: ‘Nolita dokuzura yido kudipungwira mazimo gokomeho, ngaga mone nondya edi nina kumureresa momburundu kutunda apa nina mu gusa moEgipite.’ ” 33Mosesa ta tantere Arona asi: “Gusa kavaza, o pimpire mo mana zonolita mbali, ka tenteka kosipara saHompa va ka pungwire mazimo goge gokomeho oko.” 34Arona ta rugana moomu ga tanterere Hompa Mosesa, ta tenteke kavaza komeho zoupungwiro woyipango ka pungukwe. 35Vaisraeli tava li mana mazuva nomurongo ne, dogoro tava ka sika kosirongo esi va tungire. Awo kwa lire mana dogoro tava ka sika komururani gosirongo saKanani. (36Efa, heteko zazo kwa sika ponolita 20.)
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003