Exodus 11
11
Mosesa ta divisa nomfa donombeli
1Ga ninka Hompa ta tantere hena Mosesa asi: “Ehepeko limwe tupu ko, eli nani retera Farawo naEgipite nazinye. Nga tunda opo, ta mu sigi nye mu ze. Nsene nga mu sigilira mu ze, nokutjida nga mu tjida mo omu. 2Ta tantere mbunga zi zuvhe asi, nkenye mugara ndi nkenye mukadi a hehere yipako yosisiliveli neyi yongorodo komumaparambo gwendi.” 3Ano Hompa kwa ninkire mbunga zendi va zi tare Vaegipite nomeho gomawa. Ano mugara Mosesa hena munene ga kere mosirongo saEgipite. Vakareli navenye vaFarawo nombunga zendi ngazi mu tara nomeho gomawa.
4Mosesa makura ta tanta asi: “Hompa ta tanta asi: ‘Poyiha yomasiku ngoso yipo nani ka genda moEgipite nazinye. 5Makura nombeli nadinye domosirongo saEgipite tadi fu, kutamekera kombeli zaFarawo ogu ana hingire kosipundi sendi sepangero, dogoro kombeli zomupika gomukadi goposini, nonombeli doyimuna tadi fu. 6MoEgipite ngamu kara siliro sosinene esi sa dira kukara mo rumwe, aso hena kapi ngasi kara mo hena. 7Nye Vaisraeli nagumwe si ogu ngazi gonena mbwa, kutunda kovantu dogoro nokoyimuna, asi Hompa kuna hangura Vaegipite koVaisraeli.’ ” 8Opo yipo ngava tunda ava vakereli woge, ngava wize kwange, va ya linyongamene kosipara sange oku tava tanta asi: “Zende nombunga nazinye ezi zina kukukwama! Ame makura tani zi.” Mosesa makura ta tundu ko kwaFarawo, age ana u pi.
9Ano Hompa ta tantere Mosesa asi: “Farawo kapi ta mu zuvhu, asi yitetu yange yi vhuke moEgipite.” 10Yitetu nayinye eyi yiyo va ruganene oMosesa naArona kosipara saFarawo. Nye Hompa kwa kukutikire mutjima gwaFarawo, yipo ga dilire kusiga Vaisraeli va tunde mo mosirongo.
Iliyochaguliwa sasa
Exodus 11: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
