Лебийлиле 25
25
Ырахатлыкъ Жыл
1Раббий Муссагъа Синай тауда былай айтханды:
2– Исраил улулагъа сёлешип былай айт:
Мен сизге берген жерге киргенигизде, жер, Раббий ючюн, хар ырахатлыкъ жыл солусун. 3Алты жыл сабанларыгъызгъа урлукъ себигиз, жюзюм бахчаларыгъызда артыкъ сипилени#25:3 Сипи – орус. лоза. кесип, тазалагъыз эм аланы битимлерин жыйыгъыз. 4Жетинчи жыл а жерге, Раббий ючюн, ырахатлыкъ жыл болсун. Сабаныгъызгъа урлукъ сепмегиз, жюзюм бахчаларыгъызны да тазаламагъыз. 5Сабанларыгъызда кеси аллына ёсюп чыкъгъанны жыймагъыз, тазаланмагъан жюзюм сипилени чопалларын да алмагъыз. Ол жыл жерге ырахатлыкъ жыл болсун. 6Жер ырахатлыкъ жыл берген битимле сизни кесигизге, къулларыгъызгъа бла къарауашларыгъызгъа, жалчыларыгъызгъа эм арагъызда жашагъан кёчгюнчюлеге, аш болсун. 7Сизни малыгъызгъа бла жеригизде жашагъан кийик жаныуарлагъа да, алай. Жерни битеу битимлери сизге аш болсун.
Мархамат Жыл
8Жети ырахатлыкъ жыл санагъыз. Жети кере жети жыл болуп, бары бирге къыркъ тогъуз жыл болсун. 9Сора, жетинчи айны онунчу кюнюнде мюйюз быргъыны согъугъуз. Тазалау Кюн битеу жашагъан жерлеригизде мюйюз быргъыны согъугъуз. 10Эллинчи жылны сыйлы этигиз эм битеу жеригизде жашагъанлагъа азатлыкъ беригиз. Ол жыл сизге Мархамат Жыл болсун. Хар биригиз кеси жер юлюшюне бла кеси тукъумуна къайтыгъыз. 11Эллинчи жыл сизге Мархамат Жыл болсун. Урлукъ сепмегиз, кеси аллына ёсгенни ормагъыз, тазаланмагъан жюзюм сипилени жюзюмюн жыймагъыз. 12Бу – Мархамат Жылды. Ол сизге сыйлы болсун. Жаланда сабанда кеси аллына ёсгенни ашагъыз.
13Бу Мархамат Жылда хар биригиз кесигизни жер юлюшюгюзге къайтыгъыз.
14Жерни башха адамгъа сатханда неда артха сатып алгъанда, бир биригизни алдамагъыз. 15Сатып алгъанда, келлик Мархамат Жылгъа къалгъан жылланы санап, алай тёлегиз. Сатхан адам да, къалгъан жылланы санына кёре, сатсын. 16Жылланы саны кёп болса, багъасын кётюрюгюз, аз болса уа – чёкдюрюгюз, нек дегенде, сиз ненча жылны битимин сатханыгыз белгилиди. 17Бир биригизни алдамагъыз; Аллахыгъыздан къоркъугъуз. Мен – Раббийме, сизни Аллахыгъыз.
18Мени жорукъларымы толтуругъуз, Мени хукмуларымы тутугъуз эм аланы толтуругъуз. Алай этсегиз, жеригизде ырахат жашарсыз. 19Жер битим берир, сиз да ашап тоярсыз эм ырахат жашарсыз. 20«Биз жетинчи жыл биз урлукъ сепмесек, битим да жыймасакъ, не ашарыкъбыз?» – деп сорургъа боллукъсуз. 21Алтынчы жыл Мен сизни алай алгъышларма да, жер ючжыллыкъ битим берир. 22Сегизинчи жыл урлукъ себерик заман келгенде, сиз алыкъын алгъыннгы битимни ашап турлукъсуз. Сиз аны, тогъузунчу жылны битими жетгинчи, ашарыкъсыз.
Мюлк иеликни ызына къайтарыу
23Жерни ёмюрлюкге сатаргъа жарамайды. Жер Меникиди, сиз а Мени жеримде тыш адамласыз эмда кёчгюнчюлесиз. 24Жер юлюшню хар сатыу-алыуда, аны артха сатып алыргъа эркинлик беригиз.
25Сени миллетингден болгъан адам, жарлылыкъ сынап, жер юлюшюн сатса, аны жулургъа борчу болгъан къысха жууугъу келип, ол сатханны сатып алсын. 26Жерни сатып алаллыкъ жууугъу жокъ эсе, алай а кеси жетишимли болуп, аны артха сатып алыргъа кереги тенгли ахча тапса, 27сатханындан сора, озгъан жылланы санасын да, къалгъан ахчаны сатхан адамгъа берип, жерни кесине къайтарсын. 28Аны ызына алыр ахча тапмаса уа, ол жер Мархамат Жылгъа дери, аны сатып алгъан адамда къалсын. Мархамат Жылда жер аны сатхан адамгъа къайтсын да, ол биягъы кесини жерине ие болсун.
29Биреу хунасы болгъан шахарны ичинде юйню сатса, бир толу жылны ичинде юйню артха сатып алыргъа эркинлиги барды. Аны бир жылны ичинде артха сатып алыргъа боллукъду. 30Бир толу жылны ичинде хунасы болгъан шахарны ичиндеги юй артха сатылып алынмаса, юй ёмюрге да аны сатып алгъан адамгъа бла аны туудукъларына къалсын. Мархамат Жылда да артха къайтмасын. 31Хунасы болмагъан элледеги юйле уа ачыкъ аулакъгъа тенг саналадыла. Аланы не заманда да артха сатып алыргъа боллукъду. Мархамат Жылда ала алгъыннгы иелерине къайтсынла.
32Лебийлилени шахарларындагъы юйлени уа лебийлиле не заманда да артха сатып алыргъа боллукъдула. 33Лебийлилени мюлклери – аланы шахарларында болгъан юй – артха сатылып алынсын, Мархамат Жылда аны сатханнга къайтсын. Лебийлилени шахарларында болгъан юйле, Исраил улуланы арасында, аланы юлюшлеридиле. 34Аланы шахарларыны тийрелеринде болгъан отлауланы уа сатмагъыз, ала лебийлилени ёмюрлюк мюлклериди.
Къулланы азат этиу
35Сени миллетингден болгъан бир адам жарлы болуп, кесин кечиндиралмай къалса, анга, тыш адамгъа бла кёчгюнчюге болушханча, эс тапдыр, ол мындан ары да биргенге жашасын. 36Андан къозлау алма, не хайыр излеме; Аллахдан къоркъ. Миллетинги адамы мындан ары да биргенге жашасын. 37Анга кюмюш бергенде, къозлау алма; ётмек сатханда да, хайыр излеме. 38Мен – Раббийме, сизни Аллахыгъыз. Мен сизге Кенан жерни берир ючюн, сизни Аллахыгъыз болур ючюн, сизни Мисирден чыгъаргъанма.
39Сени миллетингден болгъан бир адам жарлы болуп кесин санга сатса, аны къулнуча ишлетме. 40Ол сенде жалчы кибик неда кёчгюнчюча болсун. Ол санга Мархамат Жылгъа дери ишлерикди. 41Сора, сабийлери бла бирге сенден кетип, кесини тукъумуна кетсин эмда ата-бабаларыны жер юлюшлерине жангыдан ие болсун. 42Ала – Мени къулларымдыла. Мен аланы Мисирден алып чыгъаргъанма, ол себепден, аланы къулнуча сатаргъа жарамайды. 43Алагъа бийлик этгенингде, къаты болма. Аллахынгдан къоркъ.
44Кесинге къул-къарауаш алыргъа сюйсенг а, аланы тёгерекде жашагъан миллетледен сатып ал. 45Неда, сизни арагъызда жашагъан кёчгюнчюлени санындан, сизни къыралыгъызда туугъан туудукъларын сатып алыгъыз; сиз алагъа ие болурсуз. 46Аланы туудукъларыгъызгъа мюлкге къалдыраллыкъсыз, къул этип тутаргъа эркинсиз. Сизни миллетигизден болгъан Исраил улулагъа уа, бийлик этгенде, азап сынатмагъыз.
47Арагъызда жашагъан тыш адам неда кёчгюнчю байыкъса, сени миллетинги келечиси уа жарлы болуп, арагъызда жашагъан тыш адамгъа неда аны жууугъуна кесин сатса, 48ол кесин алай сатхандан сора, аны артха сатып алыныргъа эркинлиги барды. Аны жууугъу аны артха сатып алыргъа боллукъду. 49Атасыны къарындашы неда аны жашы, неда тукъумундан болгъан бир жууукъ адамы, аны артха сатып алсын; неда къолайы бар эсе, кеси кесин артха сатып алсын. 50Ол аны сатып алгъан адам бла бирге, ол кесин сатхан жылдан башлап, келлик Мархамат Жылгъа дери заманны санасын. Ол кеси ючюн жылланы санына кёре жалчыны хакъы чакълы багъасын берсин. 51Кёп жыл къала эсе, ол азатлыгъы ючюн, аны ючюн тёленнген багъасыны уллу кесегин къайтарсын. 52Мархамат Жылгъа дери аз жыл къала эсе уа, ол аланы санасын да, азатлыгъы ючюн аланы санына кёре тёлесин. 53Битеу бу жыллада кесин сатхан адам жалчылыкъ этсин. Сиз да кёрюп тургъанлай, иеси анга бийлик этгенде, къаты болмасын.
54Ол адам кесин артха сатып алмаса да, Мархамат Жыл сабийлери бла бирге азат болур. 55Исраил улула – Мени къулларымдыла. Мен аланы Мисирден чагъаргъанма. Мен – Раббийме, сизни Аллахыгъыз.
Iliyochaguliwa sasa
Лебийлиле 25: МалкъСК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2020-2024
Лебийлиле 25
25
Ырахатлыкъ Жыл
1Раббий Муссагъа Синай тауда былай айтханды:
2– Исраил улулагъа сёлешип былай айт:
Мен сизге берген жерге киргенигизде, жер, Раббий ючюн, хар ырахатлыкъ жыл солусун. 3Алты жыл сабанларыгъызгъа урлукъ себигиз, жюзюм бахчаларыгъызда артыкъ сипилени#25:3 Сипи – орус. лоза. кесип, тазалагъыз эм аланы битимлерин жыйыгъыз. 4Жетинчи жыл а жерге, Раббий ючюн, ырахатлыкъ жыл болсун. Сабаныгъызгъа урлукъ сепмегиз, жюзюм бахчаларыгъызны да тазаламагъыз. 5Сабанларыгъызда кеси аллына ёсюп чыкъгъанны жыймагъыз, тазаланмагъан жюзюм сипилени чопалларын да алмагъыз. Ол жыл жерге ырахатлыкъ жыл болсун. 6Жер ырахатлыкъ жыл берген битимле сизни кесигизге, къулларыгъызгъа бла къарауашларыгъызгъа, жалчыларыгъызгъа эм арагъызда жашагъан кёчгюнчюлеге, аш болсун. 7Сизни малыгъызгъа бла жеригизде жашагъан кийик жаныуарлагъа да, алай. Жерни битеу битимлери сизге аш болсун.
Мархамат Жыл
8Жети ырахатлыкъ жыл санагъыз. Жети кере жети жыл болуп, бары бирге къыркъ тогъуз жыл болсун. 9Сора, жетинчи айны онунчу кюнюнде мюйюз быргъыны согъугъуз. Тазалау Кюн битеу жашагъан жерлеригизде мюйюз быргъыны согъугъуз. 10Эллинчи жылны сыйлы этигиз эм битеу жеригизде жашагъанлагъа азатлыкъ беригиз. Ол жыл сизге Мархамат Жыл болсун. Хар биригиз кеси жер юлюшюне бла кеси тукъумуна къайтыгъыз. 11Эллинчи жыл сизге Мархамат Жыл болсун. Урлукъ сепмегиз, кеси аллына ёсгенни ормагъыз, тазаланмагъан жюзюм сипилени жюзюмюн жыймагъыз. 12Бу – Мархамат Жылды. Ол сизге сыйлы болсун. Жаланда сабанда кеси аллына ёсгенни ашагъыз.
13Бу Мархамат Жылда хар биригиз кесигизни жер юлюшюгюзге къайтыгъыз.
14Жерни башха адамгъа сатханда неда артха сатып алгъанда, бир биригизни алдамагъыз. 15Сатып алгъанда, келлик Мархамат Жылгъа къалгъан жылланы санап, алай тёлегиз. Сатхан адам да, къалгъан жылланы санына кёре, сатсын. 16Жылланы саны кёп болса, багъасын кётюрюгюз, аз болса уа – чёкдюрюгюз, нек дегенде, сиз ненча жылны битимин сатханыгыз белгилиди. 17Бир биригизни алдамагъыз; Аллахыгъыздан къоркъугъуз. Мен – Раббийме, сизни Аллахыгъыз.
18Мени жорукъларымы толтуругъуз, Мени хукмуларымы тутугъуз эм аланы толтуругъуз. Алай этсегиз, жеригизде ырахат жашарсыз. 19Жер битим берир, сиз да ашап тоярсыз эм ырахат жашарсыз. 20«Биз жетинчи жыл биз урлукъ сепмесек, битим да жыймасакъ, не ашарыкъбыз?» – деп сорургъа боллукъсуз. 21Алтынчы жыл Мен сизни алай алгъышларма да, жер ючжыллыкъ битим берир. 22Сегизинчи жыл урлукъ себерик заман келгенде, сиз алыкъын алгъыннгы битимни ашап турлукъсуз. Сиз аны, тогъузунчу жылны битими жетгинчи, ашарыкъсыз.
Мюлк иеликни ызына къайтарыу
23Жерни ёмюрлюкге сатаргъа жарамайды. Жер Меникиди, сиз а Мени жеримде тыш адамласыз эмда кёчгюнчюлесиз. 24Жер юлюшню хар сатыу-алыуда, аны артха сатып алыргъа эркинлик беригиз.
25Сени миллетингден болгъан адам, жарлылыкъ сынап, жер юлюшюн сатса, аны жулургъа борчу болгъан къысха жууугъу келип, ол сатханны сатып алсын. 26Жерни сатып алаллыкъ жууугъу жокъ эсе, алай а кеси жетишимли болуп, аны артха сатып алыргъа кереги тенгли ахча тапса, 27сатханындан сора, озгъан жылланы санасын да, къалгъан ахчаны сатхан адамгъа берип, жерни кесине къайтарсын. 28Аны ызына алыр ахча тапмаса уа, ол жер Мархамат Жылгъа дери, аны сатып алгъан адамда къалсын. Мархамат Жылда жер аны сатхан адамгъа къайтсын да, ол биягъы кесини жерине ие болсун.
29Биреу хунасы болгъан шахарны ичинде юйню сатса, бир толу жылны ичинде юйню артха сатып алыргъа эркинлиги барды. Аны бир жылны ичинде артха сатып алыргъа боллукъду. 30Бир толу жылны ичинде хунасы болгъан шахарны ичиндеги юй артха сатылып алынмаса, юй ёмюрге да аны сатып алгъан адамгъа бла аны туудукъларына къалсын. Мархамат Жылда да артха къайтмасын. 31Хунасы болмагъан элледеги юйле уа ачыкъ аулакъгъа тенг саналадыла. Аланы не заманда да артха сатып алыргъа боллукъду. Мархамат Жылда ала алгъыннгы иелерине къайтсынла.
32Лебийлилени шахарларындагъы юйлени уа лебийлиле не заманда да артха сатып алыргъа боллукъдула. 33Лебийлилени мюлклери – аланы шахарларында болгъан юй – артха сатылып алынсын, Мархамат Жылда аны сатханнга къайтсын. Лебийлилени шахарларында болгъан юйле, Исраил улуланы арасында, аланы юлюшлеридиле. 34Аланы шахарларыны тийрелеринде болгъан отлауланы уа сатмагъыз, ала лебийлилени ёмюрлюк мюлклериди.
Къулланы азат этиу
35Сени миллетингден болгъан бир адам жарлы болуп, кесин кечиндиралмай къалса, анга, тыш адамгъа бла кёчгюнчюге болушханча, эс тапдыр, ол мындан ары да биргенге жашасын. 36Андан къозлау алма, не хайыр излеме; Аллахдан къоркъ. Миллетинги адамы мындан ары да биргенге жашасын. 37Анга кюмюш бергенде, къозлау алма; ётмек сатханда да, хайыр излеме. 38Мен – Раббийме, сизни Аллахыгъыз. Мен сизге Кенан жерни берир ючюн, сизни Аллахыгъыз болур ючюн, сизни Мисирден чыгъаргъанма.
39Сени миллетингден болгъан бир адам жарлы болуп кесин санга сатса, аны къулнуча ишлетме. 40Ол сенде жалчы кибик неда кёчгюнчюча болсун. Ол санга Мархамат Жылгъа дери ишлерикди. 41Сора, сабийлери бла бирге сенден кетип, кесини тукъумуна кетсин эмда ата-бабаларыны жер юлюшлерине жангыдан ие болсун. 42Ала – Мени къулларымдыла. Мен аланы Мисирден алып чыгъаргъанма, ол себепден, аланы къулнуча сатаргъа жарамайды. 43Алагъа бийлик этгенингде, къаты болма. Аллахынгдан къоркъ.
44Кесинге къул-къарауаш алыргъа сюйсенг а, аланы тёгерекде жашагъан миллетледен сатып ал. 45Неда, сизни арагъызда жашагъан кёчгюнчюлени санындан, сизни къыралыгъызда туугъан туудукъларын сатып алыгъыз; сиз алагъа ие болурсуз. 46Аланы туудукъларыгъызгъа мюлкге къалдыраллыкъсыз, къул этип тутаргъа эркинсиз. Сизни миллетигизден болгъан Исраил улулагъа уа, бийлик этгенде, азап сынатмагъыз.
47Арагъызда жашагъан тыш адам неда кёчгюнчю байыкъса, сени миллетинги келечиси уа жарлы болуп, арагъызда жашагъан тыш адамгъа неда аны жууугъуна кесин сатса, 48ол кесин алай сатхандан сора, аны артха сатып алыныргъа эркинлиги барды. Аны жууугъу аны артха сатып алыргъа боллукъду. 49Атасыны къарындашы неда аны жашы, неда тукъумундан болгъан бир жууукъ адамы, аны артха сатып алсын; неда къолайы бар эсе, кеси кесин артха сатып алсын. 50Ол аны сатып алгъан адам бла бирге, ол кесин сатхан жылдан башлап, келлик Мархамат Жылгъа дери заманны санасын. Ол кеси ючюн жылланы санына кёре жалчыны хакъы чакълы багъасын берсин. 51Кёп жыл къала эсе, ол азатлыгъы ючюн, аны ючюн тёленнген багъасыны уллу кесегин къайтарсын. 52Мархамат Жылгъа дери аз жыл къала эсе уа, ол аланы санасын да, азатлыгъы ючюн аланы санына кёре тёлесин. 53Битеу бу жыллада кесин сатхан адам жалчылыкъ этсин. Сиз да кёрюп тургъанлай, иеси анга бийлик этгенде, къаты болмасын.
54Ол адам кесин артха сатып алмаса да, Мархамат Жыл сабийлери бла бирге азат болур. 55Исраил улула – Мени къулларымдыла. Мен аланы Мисирден чагъаргъанма. Мен – Раббийме, сизни Аллахыгъыз.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2020-2024