Јаков 4
4
Против неслогата
1 #
Рим 7,23; 1 Птр 2,11 Од каде се борбите и расправиите меѓу вас? Зар не од вашите сладострастија, што војуваат во вашите органи? 2Посакувате и немате; убивате и завидувате, и не можете да добиете; се борите и војувате, а немате, бидејќи не барате. 3#1,5А и кога барате, не добивате, зашто лошо барате, за да го трошите на вашите сладострастија. 4#Ос 3,1; Мт 12,39; 16,4; Рим 8,7; 1 Јн 2,15Прељубници и прељубнички, не знаете ли дека пријателството со светот е непријателство со Бога? Оној што сака да му е пријател на светот, Му станува непријател на Бога. 5#1 Мојс 6,3; 2 Мојс 20,5Или, пак, мислите дека Писмото напразно вели: „Тој со ревност го љуби духот што го вселил во нас.“ 6#Изреки 3,34; Мт 23,12; 1 Птр 5,5Но Тој дава поголема благодат; затоа е речено: „Бог се противи на горделивите, а на смирените им дава благодат.“ 7#Ефес 6,12-13; 1 Птр 5,8-9Па затоа, покорете Му се на Бога; а спротивставете му се на ѓаволот, и тој ќе побегне од вас. 8#Ис 1,16; Зах 1,3; Мал 3,7Приближете се кон Бога, и Тој ќе се приближи кон вас; исчистете ги рацете, вие грешните, осветете ги своите срца, вие колебливите! 9Тагувајте, плачете и липајте: вашата смеа нека се претвори во плач, а радоста во тага! 10#Јов 5,11; 1 Птр 5,6Понизете се пред Господ и Тој ќе ве воздигне!
Кој си ти да го судиш ближниот?
11Не клеветете се еден со друг, браќа: зашто, кој го клевети својот брат или го суди, тој го клевети Законот и го суди Законот. А ако, пак, го судиш Законот, тогаш ти не си извршител на Законот, туку судија. 12#Рим 2,1; 14,4Еден е Законодавецот и Судијата, Кој може да спаси и да погуби: а кој си ти да му судиш на другиот?
Лоша самодоверба
13 #
Изреки 27,1; Лк 12,18-20 Слушајте сега вие, кои велите: „Денес или утре ќе одиме во оној град и таму ќе останеме една година, ќе тргуваме и ќе спечалиме“, 14а не знаете што ќе стане утре. Што е вашиот живот? Тој е пареа, која се појавува за кратко време, па исчезнува. 15#Дела 18,21; Рим 1,10; 1 Кор 4,19Место да велите: „Ако Господ сака да бидеме живи, ќе го направиме и ова и тоа.“ 16А сега се фалите со својата надменост. Секоја таква фалба е зла. 17#Лк 12,47И така, ако некој знае да прави добро, а не го прави, тој прави грев.
Iliyochaguliwa sasa
Јаков 4: MAK2023
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Библиско Здружение на Р. Македонија 2023