Marku 9
9
1Iisus sanoi vie: «Toven sanon teile, täs seizojien joukos on erähii, kudamat ei kuolta, kuni ei nähtäne, Jumalan valdukundu on tulluh tävves väis.»
Iisusan muuttumine
(Matf. 17:1-13; Luk. 9:28-36)
2Kuvven päivän mendyy Iisus otti kerale Pedrin, Juakoin da Iivanan i vedi heidy korgiele mäile eriže toizis. Sie Häi muutui heijän silmien ies: 3Hänen sovat roittih moizet valgiet da läpettäjät, ga silmät otti, i niken mual ei voi suaja sobua moizekse valgiekse.
4Sit heile jiävittihes Il՚l՚u da hänenke Moisei, i hyö paistih Iisusanke. 5Pedri sanoi Iisusale: «Ravvi, hyvä on meil täs olla. Myö luajimmo kolme kodua: Sinule, Moiseile da Il՚l՚ale.» 6Pedri, näit, ei tiedänyh, midä sanuo, ku hyö oldih äijäl pöllästyksis.
7Sit tuli pilvi, kudai katoi heidy, i pilvespäi kuului iäni: «Tämä on Minun armas Poigu, kuunnelkua Händy!» 8I ku opastujat kačahtettihes ymbäri, hyö ei nähty jo nikedä, vai Iisus oli heijänke.
9Konzu hyö heityttih mäilpäi, Iisus kieldi heidy sanelemas kelletahto sih niškoi, midä hyö nähtih, kuni Ristikanzan Poigu ei nouze kuollielois. 10Opastujat mustettih Iisusan sanat, no toine toizel kyzeltih, mi se vois olla kuollieloisnouzendu. 11Sit kyzyttih Iisusal: «Mindäh zakonanopastajat sanotah, buite enzimäi pidäy tulla Il՚l՚al?» 12«Il՚l՚u enzimäzenny i tulou», vastai Iisus, «da panou kai omile sijoile. A miksebo sit on kirjutettu Ristikanzan Poigah näh, ku Hänel pidäy äijy tirpua da Händy ruvetah paheksimah? 13Minä sanon teile: Il՚l՚u on jo tulluh! Rahvas luajittih hänele, midä tahtottih, kui häneh näh on kirjutettu.»
Iisus ajau brihačus pahan hengen
(Matf. 17:14-21; Luk. 9:37-43)
14Konzu Iisus da net kolme opastujua tuldih järilleh toizien opastujien luo, hyö nähtih heis ymbäri suuri joukko rahvastu da zakonanopastajua, kudamat kiistettih heijänke. 15Iisusan nähtyy kaikin kerras hälevyttih, kiirehel juostih Hänen luo da luajittih tervehys. 16Iisus kyzyi zakonanopastajil: «Mih niškoi työ kiistättö heijänke?» 17Rahvasjoukospäi yksi mies vastai Hänele: «Opastai, minä toin oman poijan Sinun luo. Häi on kieletöi, hänes on karu. 18Kus se tabuau händy, sie i taikkuau muadu vaste, hänen suus lähtöy vuahti, häi kridžaittau hambahii da jämpistyy. Minä kyzyin, ku Sinun opastujat ajettas karu iäres, no ei heis olluh ajajua.» 19Sit Iisus sanoi heile: «Avoi-voi tädä uskomattomua polvie! Hätkigo minul vie pidänöy olla teijän luo? Hätkigo vie pidänöy tirpua teidy? Tuogua brihačču minun luo.» 20Hyö tuodih brihačču Iisusan luo. Iisusan nähtyy paha hengi kerras vedi brihačun koukkuh, i häi sordui, vierettelih mual, vuahti lähti hänen suus. 21Iisus kyzyi brihačun tuatal: «Hätkengo on olluh tämä vaivu brihačus?» «Pienyöh suate», vastai tuattah. 22«Karu äijän kerdua lykkäi händy tuleh dai vedeh, tahtoi tappua händy. Žiälöiče meidy, avvuta meile, ku voinnet!» 23«Ku voinnet!» vastai Iisus. «Kaiken voibi se, ken uskou.» 24Lapsen tuatto kerras kirgai: «Minä uskon! Avvuta minule, uskomattomale!»
25Ku Iisus nägi, rahvastu ainos vai liženöy, Häi käski paganhengele: «Kieletöi da kuurnis hengi, minä käsken sinule: lähte iäre brihačus, älägo enämbi mene häneh!» 26Karu kirgai, kobristi lujah brihaččuu i lähti hänes. Brihačču rodih ihan ku kuolluh, sendäh äijät sanottih: «Häi kuoli.» 27No Iisus otti händy käis da nosti seizoi, i häi nouzi.
28Konzu Iisus meni pertih da nikedä ei olluh lähäl, opastujat kyzyttih Hänel: «Mindähbo myö emmo voinnuh ajua brihačus pahua hengie?» 29Häi vastai: «Tädä luaduu karuu ei sua ajua iäre muul, ku vai malitul [da pyhitändäl].»
Iisus uvvessah pagizou omah kuolendah näh
(Matf. 17:22-23; Luk. 9:44-45)
30Hyö lähtiettih siepäi i matkattih Galilein muas poikki. Iisus ei tahtonuh, ku kentahto tiedäs, kus hyö ollah, 31Häi, näit, opasti omii opastujii. Häi sanoi heile: «Ristikanzan Poigu annetah rahvahale käzih, i hyö tapetah Händy, no kolmen päivän mendyy Häi nouzou kuollielois.» 32Opastujat ei ellendetty, mih niškoi oldih nämä sanat, a kyzyö Iisusal ei ruohtittu.
Ken on suurin?
(Matf. 18:1-5; Luk. 9:46-48)
33Hyö tuldih Kapernauman linnah. Kodih tulduu Iisus kyzyi opastujil: «Mih näh työ pagizitto matkas olles?» 34Hyö oldih vaikkani, sendäh ku matkal hyö keskenäh paistih sih näh, ken on suurin. 35Iisus istuihes, kučui rinnale kahtutostu opastujua da sanoi heile: «Ken ku tahtonou olla enzimäzenny, olgah jälgimäzenny da kaikkien kazakoiččijannu.» 36Häi otti lapsen da seizatti sen heijän keskele, sebäi da sanoi: 37«Ken ku minun nimes ottanou iččeh luo yhten tämänmoizis lapsis, se ottau minuu. Ken ottanou minuu, se ottau ei vai minuu, a ottau minun Työndäjängi.»
Vieras pahoin hengien ajajannu
(Luk. 9:49-50; Matf. 10:42)
38Iivan sanoi Iisusale: «Opastai, myö näimmö yhten miehen, kudai ajoi karuloi Sinun nimes. Myö kiellimmö händy, ku häi ei kuulu meijän joukkoh.»
39No Iisus sanoi: «Älgiä kielläkkiä händy. Ni yksi, ken minun nimes luadiu suuren ruavon, ei sen tervyöh rubie pagizemah minuh näh pahua. 40Ken ei ole meidy vastah, se on meijän puolel. 41Ken andau teile mal՚l՚an vetty juodavakse sendäh, ku työ oletto Messien, toven sanon teile, se ei jiä palkattah.»
Muanitukset
(Matf. 18:6-9; Luk. 17:1-2; 14:34)
42«No ken muanitannou hos yhten nämis vähävägizis, kudamat uskotah minuh, sille olis parembi, ku hänele kaglah sivottas melliččykivi da lykättäs mereh. 43Ku sinun käzi vedänöy sinuu riähkäh, leikkua se iäre. Onhäi parembi sinule, ku yksikäzizenny libo yksijalgazennu piäzet elaigah, migu mollembien käzienke sinuu lykätäh uaduh, sammumattomah tuleh, [ 44kus ni madoine ei kuole, ni tuli ei sammu.] 45Ku sinun jalgu vedänöy sinuu riähkäh, leikkua se iäre. Parembi on sinule yksijalgazennu piästä elaigah, miku mollembien jalloinke sinuu lykätäh uaduh, [ 46kus ni madoine ei kuole, ni tuli ei sammu.] 47A ku sinun silmy vedänöy sinuu riähkäh, kaiva se iäre. Parembi on sinule yksisilmäzenny mennä Jumalan valdukundah, miku mollembien silmienke sinuu lykätäh uaduh, 48kus ni madoine ei kuole, ni tuli ei sammu.
49Jogahine on tulel suolattavu [da joga žertvu on suolal suolattavu]. 50Suolu on hyvä. No ku suolu menetännöy suolan mavun, mil sen suatto suolazekse? Anna on suolua teis ičes. I eläkkiä sobuh keskenäh.»
Iliyochaguliwa sasa
Marku 9: LIVVI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) Biblienkiännändyinstituuttu, Helsinki 2003
Marku 9
9
1Iisus sanoi vie: «Toven sanon teile, täs seizojien joukos on erähii, kudamat ei kuolta, kuni ei nähtäne, Jumalan valdukundu on tulluh tävves väis.»
Iisusan muuttumine
(Matf. 17:1-13; Luk. 9:28-36)
2Kuvven päivän mendyy Iisus otti kerale Pedrin, Juakoin da Iivanan i vedi heidy korgiele mäile eriže toizis. Sie Häi muutui heijän silmien ies: 3Hänen sovat roittih moizet valgiet da läpettäjät, ga silmät otti, i niken mual ei voi suaja sobua moizekse valgiekse.
4Sit heile jiävittihes Il՚l՚u da hänenke Moisei, i hyö paistih Iisusanke. 5Pedri sanoi Iisusale: «Ravvi, hyvä on meil täs olla. Myö luajimmo kolme kodua: Sinule, Moiseile da Il՚l՚ale.» 6Pedri, näit, ei tiedänyh, midä sanuo, ku hyö oldih äijäl pöllästyksis.
7Sit tuli pilvi, kudai katoi heidy, i pilvespäi kuului iäni: «Tämä on Minun armas Poigu, kuunnelkua Händy!» 8I ku opastujat kačahtettihes ymbäri, hyö ei nähty jo nikedä, vai Iisus oli heijänke.
9Konzu hyö heityttih mäilpäi, Iisus kieldi heidy sanelemas kelletahto sih niškoi, midä hyö nähtih, kuni Ristikanzan Poigu ei nouze kuollielois. 10Opastujat mustettih Iisusan sanat, no toine toizel kyzeltih, mi se vois olla kuollieloisnouzendu. 11Sit kyzyttih Iisusal: «Mindäh zakonanopastajat sanotah, buite enzimäi pidäy tulla Il՚l՚al?» 12«Il՚l՚u enzimäzenny i tulou», vastai Iisus, «da panou kai omile sijoile. A miksebo sit on kirjutettu Ristikanzan Poigah näh, ku Hänel pidäy äijy tirpua da Händy ruvetah paheksimah? 13Minä sanon teile: Il՚l՚u on jo tulluh! Rahvas luajittih hänele, midä tahtottih, kui häneh näh on kirjutettu.»
Iisus ajau brihačus pahan hengen
(Matf. 17:14-21; Luk. 9:37-43)
14Konzu Iisus da net kolme opastujua tuldih järilleh toizien opastujien luo, hyö nähtih heis ymbäri suuri joukko rahvastu da zakonanopastajua, kudamat kiistettih heijänke. 15Iisusan nähtyy kaikin kerras hälevyttih, kiirehel juostih Hänen luo da luajittih tervehys. 16Iisus kyzyi zakonanopastajil: «Mih niškoi työ kiistättö heijänke?» 17Rahvasjoukospäi yksi mies vastai Hänele: «Opastai, minä toin oman poijan Sinun luo. Häi on kieletöi, hänes on karu. 18Kus se tabuau händy, sie i taikkuau muadu vaste, hänen suus lähtöy vuahti, häi kridžaittau hambahii da jämpistyy. Minä kyzyin, ku Sinun opastujat ajettas karu iäres, no ei heis olluh ajajua.» 19Sit Iisus sanoi heile: «Avoi-voi tädä uskomattomua polvie! Hätkigo minul vie pidänöy olla teijän luo? Hätkigo vie pidänöy tirpua teidy? Tuogua brihačču minun luo.» 20Hyö tuodih brihačču Iisusan luo. Iisusan nähtyy paha hengi kerras vedi brihačun koukkuh, i häi sordui, vierettelih mual, vuahti lähti hänen suus. 21Iisus kyzyi brihačun tuatal: «Hätkengo on olluh tämä vaivu brihačus?» «Pienyöh suate», vastai tuattah. 22«Karu äijän kerdua lykkäi händy tuleh dai vedeh, tahtoi tappua händy. Žiälöiče meidy, avvuta meile, ku voinnet!» 23«Ku voinnet!» vastai Iisus. «Kaiken voibi se, ken uskou.» 24Lapsen tuatto kerras kirgai: «Minä uskon! Avvuta minule, uskomattomale!»
25Ku Iisus nägi, rahvastu ainos vai liženöy, Häi käski paganhengele: «Kieletöi da kuurnis hengi, minä käsken sinule: lähte iäre brihačus, älägo enämbi mene häneh!» 26Karu kirgai, kobristi lujah brihaččuu i lähti hänes. Brihačču rodih ihan ku kuolluh, sendäh äijät sanottih: «Häi kuoli.» 27No Iisus otti händy käis da nosti seizoi, i häi nouzi.
28Konzu Iisus meni pertih da nikedä ei olluh lähäl, opastujat kyzyttih Hänel: «Mindähbo myö emmo voinnuh ajua brihačus pahua hengie?» 29Häi vastai: «Tädä luaduu karuu ei sua ajua iäre muul, ku vai malitul [da pyhitändäl].»
Iisus uvvessah pagizou omah kuolendah näh
(Matf. 17:22-23; Luk. 9:44-45)
30Hyö lähtiettih siepäi i matkattih Galilein muas poikki. Iisus ei tahtonuh, ku kentahto tiedäs, kus hyö ollah, 31Häi, näit, opasti omii opastujii. Häi sanoi heile: «Ristikanzan Poigu annetah rahvahale käzih, i hyö tapetah Händy, no kolmen päivän mendyy Häi nouzou kuollielois.» 32Opastujat ei ellendetty, mih niškoi oldih nämä sanat, a kyzyö Iisusal ei ruohtittu.
Ken on suurin?
(Matf. 18:1-5; Luk. 9:46-48)
33Hyö tuldih Kapernauman linnah. Kodih tulduu Iisus kyzyi opastujil: «Mih näh työ pagizitto matkas olles?» 34Hyö oldih vaikkani, sendäh ku matkal hyö keskenäh paistih sih näh, ken on suurin. 35Iisus istuihes, kučui rinnale kahtutostu opastujua da sanoi heile: «Ken ku tahtonou olla enzimäzenny, olgah jälgimäzenny da kaikkien kazakoiččijannu.» 36Häi otti lapsen da seizatti sen heijän keskele, sebäi da sanoi: 37«Ken ku minun nimes ottanou iččeh luo yhten tämänmoizis lapsis, se ottau minuu. Ken ottanou minuu, se ottau ei vai minuu, a ottau minun Työndäjängi.»
Vieras pahoin hengien ajajannu
(Luk. 9:49-50; Matf. 10:42)
38Iivan sanoi Iisusale: «Opastai, myö näimmö yhten miehen, kudai ajoi karuloi Sinun nimes. Myö kiellimmö händy, ku häi ei kuulu meijän joukkoh.»
39No Iisus sanoi: «Älgiä kielläkkiä händy. Ni yksi, ken minun nimes luadiu suuren ruavon, ei sen tervyöh rubie pagizemah minuh näh pahua. 40Ken ei ole meidy vastah, se on meijän puolel. 41Ken andau teile mal՚l՚an vetty juodavakse sendäh, ku työ oletto Messien, toven sanon teile, se ei jiä palkattah.»
Muanitukset
(Matf. 18:6-9; Luk. 17:1-2; 14:34)
42«No ken muanitannou hos yhten nämis vähävägizis, kudamat uskotah minuh, sille olis parembi, ku hänele kaglah sivottas melliččykivi da lykättäs mereh. 43Ku sinun käzi vedänöy sinuu riähkäh, leikkua se iäre. Onhäi parembi sinule, ku yksikäzizenny libo yksijalgazennu piäzet elaigah, migu mollembien käzienke sinuu lykätäh uaduh, sammumattomah tuleh, [ 44kus ni madoine ei kuole, ni tuli ei sammu.] 45Ku sinun jalgu vedänöy sinuu riähkäh, leikkua se iäre. Parembi on sinule yksijalgazennu piästä elaigah, miku mollembien jalloinke sinuu lykätäh uaduh, [ 46kus ni madoine ei kuole, ni tuli ei sammu.] 47A ku sinun silmy vedänöy sinuu riähkäh, kaiva se iäre. Parembi on sinule yksisilmäzenny mennä Jumalan valdukundah, miku mollembien silmienke sinuu lykätäh uaduh, 48kus ni madoine ei kuole, ni tuli ei sammu.
49Jogahine on tulel suolattavu [da joga žertvu on suolal suolattavu]. 50Suolu on hyvä. No ku suolu menetännöy suolan mavun, mil sen suatto suolazekse? Anna on suolua teis ičes. I eläkkiä sobuh keskenäh.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) Biblienkiännändyinstituuttu, Helsinki 2003