Marku 10
10
Voibigo erota akas libo ukos?
(Matf. 19:1-12; Luk. 16:18)
1Iisus lähti siepäi i tuli Juudien muale da Jordanjoven toizele puolele. Tälgi kerdua Hänenke matkai suuri joukko rahvastu, i, kui ainos, Häi opasti heidy.
2Hänen luo tuldih fariseit, kudamat tahtottih oppie Hänen mielii, da kyzyttih Hänel: «Voibigo ukko hyllätä oman akan?» 3Häi vastai heile: «Midä Moisei käski teile?» 4Hyö sanottih: «Moisei andoi luvan hyllätä akan, vai pidäy enzimäi kirjuttua erokirjaine.» 5Iisus sanoi: «Työ oletto kovasydämellizet, sendäh Moisei andoi teile sen käskyn. 6No muailman alguu myöte Jumal luadii ristikanzan miehekse da naizekse. 7Sendäh mies jättäy tuatan da muaman da yhtyy akkah, 8i hyö kahtei roijah yhtekse rungakse. Sit hyö jo ei olla enämbi kaksi, hyö ollah yksi. 9Ga sit, min Jumal on pannuh yhteh, sidä ristikanzu älgäh eroitakkah.»
10Kodih tulduu, opastujat kyzyttih Iisusal sidä dieluo. 11Häi sanoi heile: «Ken hylgiäy oman akan da naibi toizes, se on yksi sama, ku muata vierahan akanke. 12A ku akku hyllännöy oman ukon da mennöy miehele toizele, se on yksi sama, ku muata vierahan miehenke.»
Iisusan luo tuvvah lapsii
(Matf. 19:13-15; Luk. 18:15-17)
13Iisusan luo tuodih lapsii, ku Häi koskettas heidy käil. Opastujat ruvettih ebiämäh tuojii, 14no konzu Iisus nägi sen, Häi suutui da sanoi heile: «Annakkua lapsile tulla minun luo, älgiä kielläkkiä heidy. Heijän moizilehäi kuuluu Jumalan valdukundu. 15Toven minä sanon teile: ken ei ota iččeh Jumalan valdukundua kui lapsi, se sinne ei piäze.» 16Häi sebäi lapsii, pani käit heijän piäle i blahoslovii heidy.
Voibigo bohattu piästä ilmanigäzeh elaigah?
(Matf. 19:16-26; Luk. 18:18-27)
17Konzu Iisus oli lähtemäs matkah, yksi mies juoksi Hänen luo, heityi polvilleh Hänen edeh i kyzyi: «Hyvä opastai, midäbo minul pidäy luadie, ku suazin ilmanigäzen elaijan?» 18Iisus vastai hänele: «Miksebo sanot minuu hyväkse? Niken ei ole hyvä, vai yksi Jumal. 19Käskyt sinä tiijät: älä tapa, älä magua vierahan akanke, älä varrasta, älä kielahal sanal viäritä tostu, älä kiško, pie hyvänny tuattua dai muamua.»
20«Opastai, kaikkie tädä olen noudanuh nuoris päivis algajen», vastai mies. 21Iisus kačahtih mieheh, mieldyi häneh da sanoi: «Yksi sinul on vie ruadamattah. Mene da myö kai, midä sinul on, da anna d՚engat köyhile, sit sinule roih eluo taivahas. Tule sit da astu minule jälles.» 22Mies painoi piän nämien sanoin kuultuu. Pahas mieles häi lähti iäre; hänel, näit, oli äijy eluo.
23Iisus kačoi ymbäri da sanoi opastujile: «Kui jygei on bohatoil piästä Jumalan valdukundah!» 24Opastujat diivuittihes Hänen sanoi, no Iisus jatkoi paginua: «Lapset, kui on jygei piästä Jumalan valdukundah! 25Kebjiembi on verbl՚uudal mennä nieglan peräs läbi, miku bohatal piästä Jumalan valdukundah.» 26Opastujat vie enämbäl diivuittihes da kyzeltih toine toizel: «Kenbo sit voibi piästä?» 27Iisus kačoi heih da sanoi: «Ristikanzu sidä ei voi, no Jumal voibi. Jumal voi kaiken.»
Opastujien tulii palku
(Matf. 19:27-30; Luk. 18:28-30)
28Sit Pedri sanoi Hänele: «A kuibo myö? Myö hylgäimmö kai da lähtimmö noudamah Sinuu.» 29Iisus vastai: «Toven sanon teile: ken minun da jevangelien täh hylgäi oman koin, vellet, sizäret, muaman, tuatan, lapset da pellot, 30se suau täs nygözes aijas sada kerdua enämbän taloidu, vellie, sizärdy, muamua, lastu da pelduo, da vie painanduagi, a tulijas aijas häi suau ilmanigäzen elaijan. 31No äijät enzimäzet roijah jälgimäzikse, a jälgimäzet enzimäzikse.»
Iisus vie kerran pagizou omah kuolendah näh
(Matf. 20:17-19; Luk. 18:31-34)
32Konzu hyö oldih matkal yläh Jerusalimah, Iisus astui muijien iel. Opastujat ei tietty, midä duumaija, a heijän jälles astujat rahvas oldih pöllästyksis. Sit Iisus myös kučui bokkah net kaksitostu opastujua i rubei sanelemah heile, midä rodieu Hänenke: 33«Myö menemmö nygöi Jerusalimah, i Ristikanzan Poigu annetah ylimäzien pappiloin da zakonanopastajien käzih. Hyö suuditah Händy kuolemah da annetah Jumalua tundemattomien käzih, 34i net niäritetäh Händy, sylgietäh Häneh, rozgitetah da tapetah. No kolmen päivän mendyy Häi nouzou kuollielois.»
Iisus da Zevedein poijat
(Matf. 20:20-28)
35Zevedein poijat Juakoi da Iivan tuldih Iisusan luo da sanottih: «Opastai, ruatgo sen, midä myö kyzymmö?» 36«Midäbo tahtozitto, ku minä teile luadizin?» kyzyi Iisus. 37Hyö vastattih: «Konzu Sinä tulet taivahallizes väis da valgies, anna meile istuokseh Sinun rinnale, yhtel – oigiele puolele, toizel – hurale.» 38Iisus sanoi heile: «Työ etto tiijä, midä kyzyttö. Voittogo työ juvva sen mal՚l՚an, kudaman juon minä? Voittogo ristiekseh sil ristindäl, kudamal ristitäh minuu?» 39«Voimmo», vastattih hyö. Sit Iisus sanoi heile: «Sen mal՚l՚an, kudaman minä juon, juotto työgi, sil ristindäl, kudamal minuu ristitäh, ristitäh teidygi. 40No istuokseh minun oigiele libo hurale puolele – se ei ole minun vallas. Se annetah niilöile, kelle se on varustettu.»
41Tämän kuultuu toizet kymmene suututtih Juakoin da Iivanan piäle. 42No Iisus kučui opastujii da sanoi: «Työ tiijättö: net, kudamii sanotah valdumiehikse, ollah rahvahien herroinnu, i ylimäzet pietäh rahvahii omas vallas. 43Anna teijän keskes ei ole muga. Ken ku teijän joukos tahtonou olla vahnembannu, se olgah toizien kazakoiččijannu, 44da ken teijän joukos tahtonou olla enzimäzenny, olgah kaikkien käskyläzenny. 45Eihäi ni Ristikanzan Poigu tulluh sikse, ku Hänele sluužittas. Häi tuli iče sluužimah da andamah oman hengen, ku piästiä äijii välläle.»
Iisus piästäy sogien Bartimein
(Matf. 20:29-34; Luk. 18:35-43)
46Hyö tuldih Jerihonan linnah. Konzu Iisus lähti Jerihonas omien opastujien da suuren rahvasjoukonke, dorogupieles istui sogei pakiččii Timein poigu Bartimei. 47Konzu Bartimei kuuli, täs on Iisus Nazariettalaine, häi rubei kirgumah: «Iisus, Davidan Poigu, žiälöiče minuu!» 48Äijät käskiettih hänele vaikastuo, no häi kirgui vie enämbäl: «Davidan Poigu, žiälöiče minuu!» 49Sit Iisus azetui da sanoi: «Kučukkua händy tänne.» Hyö kučuttih sogiedu, sanottih hänele: «Älä varua. Nouze, Häi kuččuu sinuu.» 50Mies lykkäi piällyssovan, hyppäi pystyi da tuli Iisusan luo. 51«Midäbo sinä tahtot, ku minä luadizin sinule?» kyzyi Iisus. Sogei vastai: «Ravvuni, anna minule silmät.» 52Sit Iisus sanoi hänele: «Mene, sinun usko piästi sinuu.» Mies rubei kerras nägemäh, i lähti dorogua myöte Iisusale jälles.
Iliyochaguliwa sasa
Marku 10: LIVVI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) Biblienkiännändyinstituuttu, Helsinki 2003
Marku 10
10
Voibigo erota akas libo ukos?
(Matf. 19:1-12; Luk. 16:18)
1Iisus lähti siepäi i tuli Juudien muale da Jordanjoven toizele puolele. Tälgi kerdua Hänenke matkai suuri joukko rahvastu, i, kui ainos, Häi opasti heidy.
2Hänen luo tuldih fariseit, kudamat tahtottih oppie Hänen mielii, da kyzyttih Hänel: «Voibigo ukko hyllätä oman akan?» 3Häi vastai heile: «Midä Moisei käski teile?» 4Hyö sanottih: «Moisei andoi luvan hyllätä akan, vai pidäy enzimäi kirjuttua erokirjaine.» 5Iisus sanoi: «Työ oletto kovasydämellizet, sendäh Moisei andoi teile sen käskyn. 6No muailman alguu myöte Jumal luadii ristikanzan miehekse da naizekse. 7Sendäh mies jättäy tuatan da muaman da yhtyy akkah, 8i hyö kahtei roijah yhtekse rungakse. Sit hyö jo ei olla enämbi kaksi, hyö ollah yksi. 9Ga sit, min Jumal on pannuh yhteh, sidä ristikanzu älgäh eroitakkah.»
10Kodih tulduu, opastujat kyzyttih Iisusal sidä dieluo. 11Häi sanoi heile: «Ken hylgiäy oman akan da naibi toizes, se on yksi sama, ku muata vierahan akanke. 12A ku akku hyllännöy oman ukon da mennöy miehele toizele, se on yksi sama, ku muata vierahan miehenke.»
Iisusan luo tuvvah lapsii
(Matf. 19:13-15; Luk. 18:15-17)
13Iisusan luo tuodih lapsii, ku Häi koskettas heidy käil. Opastujat ruvettih ebiämäh tuojii, 14no konzu Iisus nägi sen, Häi suutui da sanoi heile: «Annakkua lapsile tulla minun luo, älgiä kielläkkiä heidy. Heijän moizilehäi kuuluu Jumalan valdukundu. 15Toven minä sanon teile: ken ei ota iččeh Jumalan valdukundua kui lapsi, se sinne ei piäze.» 16Häi sebäi lapsii, pani käit heijän piäle i blahoslovii heidy.
Voibigo bohattu piästä ilmanigäzeh elaigah?
(Matf. 19:16-26; Luk. 18:18-27)
17Konzu Iisus oli lähtemäs matkah, yksi mies juoksi Hänen luo, heityi polvilleh Hänen edeh i kyzyi: «Hyvä opastai, midäbo minul pidäy luadie, ku suazin ilmanigäzen elaijan?» 18Iisus vastai hänele: «Miksebo sanot minuu hyväkse? Niken ei ole hyvä, vai yksi Jumal. 19Käskyt sinä tiijät: älä tapa, älä magua vierahan akanke, älä varrasta, älä kielahal sanal viäritä tostu, älä kiško, pie hyvänny tuattua dai muamua.»
20«Opastai, kaikkie tädä olen noudanuh nuoris päivis algajen», vastai mies. 21Iisus kačahtih mieheh, mieldyi häneh da sanoi: «Yksi sinul on vie ruadamattah. Mene da myö kai, midä sinul on, da anna d՚engat köyhile, sit sinule roih eluo taivahas. Tule sit da astu minule jälles.» 22Mies painoi piän nämien sanoin kuultuu. Pahas mieles häi lähti iäre; hänel, näit, oli äijy eluo.
23Iisus kačoi ymbäri da sanoi opastujile: «Kui jygei on bohatoil piästä Jumalan valdukundah!» 24Opastujat diivuittihes Hänen sanoi, no Iisus jatkoi paginua: «Lapset, kui on jygei piästä Jumalan valdukundah! 25Kebjiembi on verbl՚uudal mennä nieglan peräs läbi, miku bohatal piästä Jumalan valdukundah.» 26Opastujat vie enämbäl diivuittihes da kyzeltih toine toizel: «Kenbo sit voibi piästä?» 27Iisus kačoi heih da sanoi: «Ristikanzu sidä ei voi, no Jumal voibi. Jumal voi kaiken.»
Opastujien tulii palku
(Matf. 19:27-30; Luk. 18:28-30)
28Sit Pedri sanoi Hänele: «A kuibo myö? Myö hylgäimmö kai da lähtimmö noudamah Sinuu.» 29Iisus vastai: «Toven sanon teile: ken minun da jevangelien täh hylgäi oman koin, vellet, sizäret, muaman, tuatan, lapset da pellot, 30se suau täs nygözes aijas sada kerdua enämbän taloidu, vellie, sizärdy, muamua, lastu da pelduo, da vie painanduagi, a tulijas aijas häi suau ilmanigäzen elaijan. 31No äijät enzimäzet roijah jälgimäzikse, a jälgimäzet enzimäzikse.»
Iisus vie kerran pagizou omah kuolendah näh
(Matf. 20:17-19; Luk. 18:31-34)
32Konzu hyö oldih matkal yläh Jerusalimah, Iisus astui muijien iel. Opastujat ei tietty, midä duumaija, a heijän jälles astujat rahvas oldih pöllästyksis. Sit Iisus myös kučui bokkah net kaksitostu opastujua i rubei sanelemah heile, midä rodieu Hänenke: 33«Myö menemmö nygöi Jerusalimah, i Ristikanzan Poigu annetah ylimäzien pappiloin da zakonanopastajien käzih. Hyö suuditah Händy kuolemah da annetah Jumalua tundemattomien käzih, 34i net niäritetäh Händy, sylgietäh Häneh, rozgitetah da tapetah. No kolmen päivän mendyy Häi nouzou kuollielois.»
Iisus da Zevedein poijat
(Matf. 20:20-28)
35Zevedein poijat Juakoi da Iivan tuldih Iisusan luo da sanottih: «Opastai, ruatgo sen, midä myö kyzymmö?» 36«Midäbo tahtozitto, ku minä teile luadizin?» kyzyi Iisus. 37Hyö vastattih: «Konzu Sinä tulet taivahallizes väis da valgies, anna meile istuokseh Sinun rinnale, yhtel – oigiele puolele, toizel – hurale.» 38Iisus sanoi heile: «Työ etto tiijä, midä kyzyttö. Voittogo työ juvva sen mal՚l՚an, kudaman juon minä? Voittogo ristiekseh sil ristindäl, kudamal ristitäh minuu?» 39«Voimmo», vastattih hyö. Sit Iisus sanoi heile: «Sen mal՚l՚an, kudaman minä juon, juotto työgi, sil ristindäl, kudamal minuu ristitäh, ristitäh teidygi. 40No istuokseh minun oigiele libo hurale puolele – se ei ole minun vallas. Se annetah niilöile, kelle se on varustettu.»
41Tämän kuultuu toizet kymmene suututtih Juakoin da Iivanan piäle. 42No Iisus kučui opastujii da sanoi: «Työ tiijättö: net, kudamii sanotah valdumiehikse, ollah rahvahien herroinnu, i ylimäzet pietäh rahvahii omas vallas. 43Anna teijän keskes ei ole muga. Ken ku teijän joukos tahtonou olla vahnembannu, se olgah toizien kazakoiččijannu, 44da ken teijän joukos tahtonou olla enzimäzenny, olgah kaikkien käskyläzenny. 45Eihäi ni Ristikanzan Poigu tulluh sikse, ku Hänele sluužittas. Häi tuli iče sluužimah da andamah oman hengen, ku piästiä äijii välläle.»
Iisus piästäy sogien Bartimein
(Matf. 20:29-34; Luk. 18:35-43)
46Hyö tuldih Jerihonan linnah. Konzu Iisus lähti Jerihonas omien opastujien da suuren rahvasjoukonke, dorogupieles istui sogei pakiččii Timein poigu Bartimei. 47Konzu Bartimei kuuli, täs on Iisus Nazariettalaine, häi rubei kirgumah: «Iisus, Davidan Poigu, žiälöiče minuu!» 48Äijät käskiettih hänele vaikastuo, no häi kirgui vie enämbäl: «Davidan Poigu, žiälöiče minuu!» 49Sit Iisus azetui da sanoi: «Kučukkua händy tänne.» Hyö kučuttih sogiedu, sanottih hänele: «Älä varua. Nouze, Häi kuččuu sinuu.» 50Mies lykkäi piällyssovan, hyppäi pystyi da tuli Iisusan luo. 51«Midäbo sinä tahtot, ku minä luadizin sinule?» kyzyi Iisus. Sogei vastai: «Ravvuni, anna minule silmät.» 52Sit Iisus sanoi hänele: «Mene, sinun usko piästi sinuu.» Mies rubei kerras nägemäh, i lähti dorogua myöte Iisusale jälles.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) Biblienkiännändyinstituuttu, Helsinki 2003