Aposolo 20
20
Polo mo Masedonia Akaya andasu laapo para paisaya ei
1Monde angelenu pakama loaisimiya ei perelisaya dinare Polome mo Kerisona angele pange wenaali raayo nipu para epenaya wi lisaya. Nipumi monde Keriso wenaalinu rambamulame puri ma-palada ara angelenu menda para la alisaya. Go angele loma mo alinu para yarayoae paidapape, loma mo Masedonia andasu nane polame paisaya. 2Polo nipu go paranu pula ara mo Keriso wenaali para puri ma-palada ara angele andapu walisaya. Werepe nane mo Akaya andasu nane opapala paisaya. 3Gupuma nipuri mo Akaya andasu para sumba repopa epa aisaya. Gupuma werepe nane mo Siria andasu nane polame kone wisayapare mo Isaraelimi mandu rangala pae alinumi Polo liiaminya loma yanda rombisimiya ei nipuna ambala kone wisaya. Polome gupisimiya ei pangoma kone sialore, Ni wala Masedonia andasu nane wala perekeya pu kondambala pola, kone wisaya.
4Go eina mo Beria ree anda ali menda Sopadi Pirusi nipuna naki Polo rapu paisipiya pange mo Desalonaika ree anda ali laapo Arisadakusi pange Sekundusi pange Gayusi nipuri Depe ree anda ali Dimodi pange mo Eisia andasu ali laapo Dikikusi pange Ropimusi go alinu nimu raayosi Polo rapu paisimiya. 5Go alinu raayosi ambala ririna puma mo Roasi ree anda para na-pua maisambao-aisimiya. 6Monde Palaware Ma-poyao-ae Danga Na-piri Palawa Nisimiya Koro lombae pinyalomare werepe nane mo Pilipai ree anda minyapalaoma sisimana pirapale pua mo Roasi ree anda para supu naarena opapala puama. Gupuma naare warapu Roasi ree anda pa arima.
Polome mo Roasi ree anda para Yudikasi wala ma-rekaisaya ei
7Monde su mindi naarena rimbale para naare enda mindi mindi pulameya mombea amono, Polome Roasi ree anda Kerisona angele pange wenaali para angele wala. Nipumi yapi deandare pola, kone sumare rimbala rumu rumuna pange angele kama wala. 8Gupuma naana mombeama eiri ora so mandaa anda panda parare paa pi wedambi waru andapu sia. 9Gupuma naki komea Yudikusiri paa epenaya lombo wi pora gape para pira. Gupuma Polome angele kama lala pirinya, mo nakiri u kama palia. Gupuma ora u paliapare anda panda laapo wanduo angulao no suna lopanda pua ma-rekarimapare ora koma. 10Go pamepare Polome kolopinyaoma suna epa ara mo nakina do mandaa andainyo lopoma panda punyaoma kupi muma lalore, Nipuna remo pa piale pururumi na-komalepape, la. 11Gupuma Polore wala so anda panda opasiaoma pumare enda mindi mindi puma nomare nimu para angele waru andapu wala lo piruma yapi kepeanda giala pua. 12Gupuma ande komande naki endoma reka aripandare raname komoma kone suma karu puame.
Polome Roasi ree anda minyapalaoma mo Mailedusi ree anda para paisaya ei
13Gupumare naa raayome mo kawasona pua opasiao piruma pumare mo Asosi ree anda para opapala puama. Naame mo Asosi ree anda nane polame Polo kawasona ma ma-piraoma polame puama. Ambala ririna Polome angele gurupa la siala ara lalore, Niri mo porana pumare mo Asosi ree anda nane opapala pola, la eina pama. 14Go dina Polome naa mo Asosi ree anda para epa mandarima. Gupuma naame nipu kawasona ma ma-piraoma mo Midilini ree anda nane puama. 15Naame mo Midilini ree anda minyapalaoma puama. Naame go para pua paluma yapi landare naame mo Kayosi ree anda repara lelepuma puama. Go para pua paluma yapi landa naame mo Samosi ree anda pua andama. Naame go para paluma yapi landa reka ma-puma mo Mailedusi ree anda para opapala puama.
16Polome ambala nipuna ririna kone wi eiri Epesusi ree anda lombae puma pola, kone wisaya. Polome kone wi eiri naare andapuna Eisia andasu para aluame, kone na-wisaya. Nipuna konemere mo Diurusaleme ree anda para Pendikosi naare wangepu andola polame, kone wisaya.
Polome mo Epesusi ree anda Keriso wenaalinuna kalu alinu para paidapape, lisaya ei
17Gupuma mo Mailedusi ree anda aoma ara Epesusi ree anda nane angele rapaoma mo Keriso wenaalinuna kalu alinuri nipu para epenaya angele rapaisaya. 18Gupuma mo alinuri nipu para ipisimiyandare nipumi nimu para lalore, Niri Eisia andasu nane pena epawa dinare nimi para neme epa pawa einuri andame, lisaya. 19Neme ree lala ara na bi kende na-ma-siae rambuaoma ara Realina pupudengi noae ali mandana ara nipuna au pada ano ande Isaraelimi mandu rangala pae alinumi ni duameya rapala ara kendame komame einuri andame, lisaya. 20Neme gimi na-kome nimi rambameape angele kundiri na-pi ora waloaripu eiri andame, lisaya. Gupuma nimina anda menda menda paranu pange mombea pirame ruparanu pange waloaripu eiri andame, lisaya. 21Gupuma Isaraelimi mandu rangala pae wenaali para pange Isaraelimi na-mandu rangala pae wenaali para pange kingi pula ara nimina koae koae einu minyapalaoma Gode para kone menda perekeyo winyaya Reali Yesuna angele minyayanda waloaripu eiri andame, lisaya. 22-23Gupuma ambiare Epe Yaakopi Sipiridimi ni Diurusaleme ree anda nane rapaliandare nipuna angele ora pangoma pola, lisaya. Gupiliandare go ree anda para ano ni para pula pea auri ni mareapare mo Epe Yaakopi Sipiridimi mo ree anda raayo para mo dipula piri rendaa gula peme ei ni para kingi pula ara la guaya, lisaya. 24Go peapare, na dona auna endoaya ei kone ambe na-wi arare, rombona opapala pumare na Reali Yesumi walea au ambala pereyalua, lisaya. Ande Godena pumi kome ei pange epe ei wenaali para giala ei epe angele la gialo eina lawae, lisaya.
25Gupuma ambiare waru pangalepape. Nimi raayo para pamuala ara Godena Ki Rambuao-aya Ei walala puaripupare ambiare neme kone sialoparere na lee wili wala na-andeleme, lisaya. 26Go eina ambia neme nimi para angele go la gialonda. Nimi rupara wenaali menda kenda pi ei muma alu palimindare gore go eiri nina eina dia, lisaya. Nimina auna komea, lisaya. 27Nemere angele menda na kone para kundiri na-pi Godena au raayo nimi para walawa, lisaya. 28Mo Epe Yaakopi Sipiridimi nimiri andere-ala peme alinu ma-ainya leandare nimina gole andere-ara mo sipisipi menanu raayo pange andere-alepape, lisaya. Gode nipumi nipuna Naki komenaloma ma-maya eimi mea anda repaa wenaaliri nimimi andere-alepape, lisaya. 29Neme nimi minyapaoma pola naarenare monde pake noaeme kapipi yananu mandana Godena epe aunu gipia loaeme repaa wenaali mendame nimi para ipumare sipisipi menanu mandana Godena angele pangoaeme wenaali para pakama rono pangala ara yarame na-kome ora ma-koyalimi, lisaya. 30Gupuma werepe nanere nimi para alinu menda parame rekoma mo Kerisona angele pange wenaali yola muma koyaluame koae aunu pula ara perekele angelenu deme, kone sialoae, lisaya. 31Go eina naare raayo nimimiri waru andere-ao-alepape, lisaya. Gupuma nemere kuni gipa repona nimi rapu ara naarena pange rimbala pange ree lala ara komea komealo angele waloaripu eiri kone sialepape, lisaya.
32Gupuma ambiare neme nimi Godeme pange nipuna epe au puaya angeleme pange andere-ao-ainyaya la gialoae, lisaya. Nipumiri nimi puri ma-palaluame nipumi yarepe muma ainyalea, wenaali rapu nimina andere-ala peme einu anana giapeya, lisaya.
33Nemere ali mendana muni para olemole menda para akanu para pange koneme wee kone suma lee polopeaoma meawe kone na-siawa, lisaya. 34Na go ki laapome pupudengi nala ara ni rapu arimi alinu nana meapeya leenu muaripu eiri, nimimi andame, lisaya.
35Go pawa eiri naame pupudengi waru nala ara puri na-pale ali rambamea minyaya walawa ei, lisaya. Reali Yesumi lea angele kone sialepape, lisaya.
Ali mendame wenaali menda para ale menda
adeandare nimumi raname kome ei engepusi
milimiparere mo ale menda ala moneda ali
nipuna raname komea eiri ora andaai, lea, lisaya.
36Go angele lo pereyomare mo alinu raayo rumu yaruaoma andainyao pirinya Polo nipumi rumu yaruaoma piri yainya pisaya. 37Gupuma raayome ree lala ara Polo kupi muma yarame komoma nunu pisimiya. 38Go eina Polo nipumi lalore, Na lee wili wala na-andeleme, lisayanda yarame waru komisimiya. Gupuma mo pelai kawaso para nipu karu paisimiya.
Iliyochaguliwa sasa
Aposolo 20: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 20
20
Polo mo Masedonia Akaya andasu laapo para paisaya ei
1Monde angelenu pakama loaisimiya ei perelisaya dinare Polome mo Kerisona angele pange wenaali raayo nipu para epenaya wi lisaya. Nipumi monde Keriso wenaalinu rambamulame puri ma-palada ara angelenu menda para la alisaya. Go angele loma mo alinu para yarayoae paidapape, loma mo Masedonia andasu nane polame paisaya. 2Polo nipu go paranu pula ara mo Keriso wenaali para puri ma-palada ara angele andapu walisaya. Werepe nane mo Akaya andasu nane opapala paisaya. 3Gupuma nipuri mo Akaya andasu para sumba repopa epa aisaya. Gupuma werepe nane mo Siria andasu nane polame kone wisayapare mo Isaraelimi mandu rangala pae alinumi Polo liiaminya loma yanda rombisimiya ei nipuna ambala kone wisaya. Polome gupisimiya ei pangoma kone sialore, Ni wala Masedonia andasu nane wala perekeya pu kondambala pola, kone wisaya.
4Go eina mo Beria ree anda ali menda Sopadi Pirusi nipuna naki Polo rapu paisipiya pange mo Desalonaika ree anda ali laapo Arisadakusi pange Sekundusi pange Gayusi nipuri Depe ree anda ali Dimodi pange mo Eisia andasu ali laapo Dikikusi pange Ropimusi go alinu nimu raayosi Polo rapu paisimiya. 5Go alinu raayosi ambala ririna puma mo Roasi ree anda para na-pua maisambao-aisimiya. 6Monde Palaware Ma-poyao-ae Danga Na-piri Palawa Nisimiya Koro lombae pinyalomare werepe nane mo Pilipai ree anda minyapalaoma sisimana pirapale pua mo Roasi ree anda para supu naarena opapala puama. Gupuma naare warapu Roasi ree anda pa arima.
Polome mo Roasi ree anda para Yudikasi wala ma-rekaisaya ei
7Monde su mindi naarena rimbale para naare enda mindi mindi pulameya mombea amono, Polome Roasi ree anda Kerisona angele pange wenaali para angele wala. Nipumi yapi deandare pola, kone sumare rimbala rumu rumuna pange angele kama wala. 8Gupuma naana mombeama eiri ora so mandaa anda panda parare paa pi wedambi waru andapu sia. 9Gupuma naki komea Yudikusiri paa epenaya lombo wi pora gape para pira. Gupuma Polome angele kama lala pirinya, mo nakiri u kama palia. Gupuma ora u paliapare anda panda laapo wanduo angulao no suna lopanda pua ma-rekarimapare ora koma. 10Go pamepare Polome kolopinyaoma suna epa ara mo nakina do mandaa andainyo lopoma panda punyaoma kupi muma lalore, Nipuna remo pa piale pururumi na-komalepape, la. 11Gupuma Polore wala so anda panda opasiaoma pumare enda mindi mindi puma nomare nimu para angele waru andapu wala lo piruma yapi kepeanda giala pua. 12Gupuma ande komande naki endoma reka aripandare raname komoma kone suma karu puame.
Polome Roasi ree anda minyapalaoma mo Mailedusi ree anda para paisaya ei
13Gupumare naa raayome mo kawasona pua opasiao piruma pumare mo Asosi ree anda para opapala puama. Naame mo Asosi ree anda nane polame Polo kawasona ma ma-piraoma polame puama. Ambala ririna Polome angele gurupa la siala ara lalore, Niri mo porana pumare mo Asosi ree anda nane opapala pola, la eina pama. 14Go dina Polome naa mo Asosi ree anda para epa mandarima. Gupuma naame nipu kawasona ma ma-piraoma mo Midilini ree anda nane puama. 15Naame mo Midilini ree anda minyapalaoma puama. Naame go para pua paluma yapi landare naame mo Kayosi ree anda repara lelepuma puama. Go para pua paluma yapi landa naame mo Samosi ree anda pua andama. Naame go para paluma yapi landa reka ma-puma mo Mailedusi ree anda para opapala puama.
16Polome ambala nipuna ririna kone wi eiri Epesusi ree anda lombae puma pola, kone wisaya. Polome kone wi eiri naare andapuna Eisia andasu para aluame, kone na-wisaya. Nipuna konemere mo Diurusaleme ree anda para Pendikosi naare wangepu andola polame, kone wisaya.
Polome mo Epesusi ree anda Keriso wenaalinuna kalu alinu para paidapape, lisaya ei
17Gupuma mo Mailedusi ree anda aoma ara Epesusi ree anda nane angele rapaoma mo Keriso wenaalinuna kalu alinuri nipu para epenaya angele rapaisaya. 18Gupuma mo alinuri nipu para ipisimiyandare nipumi nimu para lalore, Niri Eisia andasu nane pena epawa dinare nimi para neme epa pawa einuri andame, lisaya. 19Neme ree lala ara na bi kende na-ma-siae rambuaoma ara Realina pupudengi noae ali mandana ara nipuna au pada ano ande Isaraelimi mandu rangala pae alinumi ni duameya rapala ara kendame komame einuri andame, lisaya. 20Neme gimi na-kome nimi rambameape angele kundiri na-pi ora waloaripu eiri andame, lisaya. Gupuma nimina anda menda menda paranu pange mombea pirame ruparanu pange waloaripu eiri andame, lisaya. 21Gupuma Isaraelimi mandu rangala pae wenaali para pange Isaraelimi na-mandu rangala pae wenaali para pange kingi pula ara nimina koae koae einu minyapalaoma Gode para kone menda perekeyo winyaya Reali Yesuna angele minyayanda waloaripu eiri andame, lisaya. 22-23Gupuma ambiare Epe Yaakopi Sipiridimi ni Diurusaleme ree anda nane rapaliandare nipuna angele ora pangoma pola, lisaya. Gupiliandare go ree anda para ano ni para pula pea auri ni mareapare mo Epe Yaakopi Sipiridimi mo ree anda raayo para mo dipula piri rendaa gula peme ei ni para kingi pula ara la guaya, lisaya. 24Go peapare, na dona auna endoaya ei kone ambe na-wi arare, rombona opapala pumare na Reali Yesumi walea au ambala pereyalua, lisaya. Ande Godena pumi kome ei pange epe ei wenaali para giala ei epe angele la gialo eina lawae, lisaya.
25Gupuma ambiare waru pangalepape. Nimi raayo para pamuala ara Godena Ki Rambuao-aya Ei walala puaripupare ambiare neme kone sialoparere na lee wili wala na-andeleme, lisaya. 26Go eina ambia neme nimi para angele go la gialonda. Nimi rupara wenaali menda kenda pi ei muma alu palimindare gore go eiri nina eina dia, lisaya. Nimina auna komea, lisaya. 27Nemere angele menda na kone para kundiri na-pi Godena au raayo nimi para walawa, lisaya. 28Mo Epe Yaakopi Sipiridimi nimiri andere-ala peme alinu ma-ainya leandare nimina gole andere-ara mo sipisipi menanu raayo pange andere-alepape, lisaya. Gode nipumi nipuna Naki komenaloma ma-maya eimi mea anda repaa wenaaliri nimimi andere-alepape, lisaya. 29Neme nimi minyapaoma pola naarenare monde pake noaeme kapipi yananu mandana Godena epe aunu gipia loaeme repaa wenaali mendame nimi para ipumare sipisipi menanu mandana Godena angele pangoaeme wenaali para pakama rono pangala ara yarame na-kome ora ma-koyalimi, lisaya. 30Gupuma werepe nanere nimi para alinu menda parame rekoma mo Kerisona angele pange wenaali yola muma koyaluame koae aunu pula ara perekele angelenu deme, kone sialoae, lisaya. 31Go eina naare raayo nimimiri waru andere-ao-alepape, lisaya. Gupuma nemere kuni gipa repona nimi rapu ara naarena pange rimbala pange ree lala ara komea komealo angele waloaripu eiri kone sialepape, lisaya.
32Gupuma ambiare neme nimi Godeme pange nipuna epe au puaya angeleme pange andere-ao-ainyaya la gialoae, lisaya. Nipumiri nimi puri ma-palaluame nipumi yarepe muma ainyalea, wenaali rapu nimina andere-ala peme einu anana giapeya, lisaya.
33Nemere ali mendana muni para olemole menda para akanu para pange koneme wee kone suma lee polopeaoma meawe kone na-siawa, lisaya. 34Na go ki laapome pupudengi nala ara ni rapu arimi alinu nana meapeya leenu muaripu eiri, nimimi andame, lisaya.
35Go pawa eiri naame pupudengi waru nala ara puri na-pale ali rambamea minyaya walawa ei, lisaya. Reali Yesumi lea angele kone sialepape, lisaya.
Ali mendame wenaali menda para ale menda
adeandare nimumi raname kome ei engepusi
milimiparere mo ale menda ala moneda ali
nipuna raname komea eiri ora andaai, lea, lisaya.
36Go angele lo pereyomare mo alinu raayo rumu yaruaoma andainyao pirinya Polo nipumi rumu yaruaoma piri yainya pisaya. 37Gupuma raayome ree lala ara Polo kupi muma yarame komoma nunu pisimiya. 38Go eina Polo nipumi lalore, Na lee wili wala na-andeleme, lisayanda yarame waru komisimiya. Gupuma mo pelai kawaso para nipu karu paisimiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.