Aposolo 21
21
Polo mo kawasona piruma Diurusaleme ree anda nane paisaya ei
1Naame nimu para paida pulupape, loma naa mo kawaso para pua piruma puama. Naame ora rendeposina rungula puma Kosi ree anda para opaparima. Gupuma naare mendana naame mo Rodisi ipa ma-kopalio piri andasu para opapala puma naame Rodisi andasu minyapalaoma mo Padara ree anda puama. 2Go dina naame mo Penisia andasu nane polameya kawaso menda andama. Naame go kawasona pua piruma puama. 3Go dina naame puma mo ipa kopalio piri andasu menda Saiparusi pua andama. Gupuma go anda koaya nane ainya wanduala puma mo Siria andasu nane opapala puama. Naa mo Daya ree anda nane polameyanda mo kawaso para wi alenda alendanu raayosi mu paomare naa raayosi Daya ree anda para wi ipa repaa lena pua paluma arima. 4Naame Kerisona angele pange ame ainyanu pua andasuma go para nimu rapu amono yapi di warapu nimusi go para paluma arima. Epe Yaakopi Sipiridimi nimuna konenu epe rupa ma-siaisayandare Polo nee Diurusaleme ree anda nane na-pope, lisimiya. 5Go lena naana arimande einu pereyoma go andasu gioma andasu menda nane polameya puama. Keriso alinu nimuna wena nongo nakinu rapu nimu raayosimi ree andasu gioma ree anda kama nane karu puame. Gupuma mo ipa repaa lena rumu yaruaoma pua piri yainya pama. 6Gupuma nimumi naa para paidapape lamendare nimu para pange paidapape loma puama. Go eina kou nanere naa kawaso para pua piruma puamandare nimuri nimuna anda nane wala lekeya puame.
Mo Sisaria ree anda Akapasimi Godena angele loma Polo para la alisaya ei
7Go dina naame mo kawasona pua piruma mo Daya ree anda minyapalaoma naa ora mo Rolemisi ree anda opapala puama. Gupuma naame mo Keriso wenaali para ranae angelenu lala ara naare komeana nimu rapu arima. 8Gupuma naare mendana palumuri go para minyapalaoma mo Sisaria ree anda nane opopala ipumare go para ande wenaalimi Gode para epenaya pu lekeya-ao-aya ali Pilipi nipuna anda para pua konda pambaoma paliarima. Pilipi pange su mindipu alinu menda para mo Diurusaleme ree anda Keriso wenaalinumi ambalande Godena epe angele la aloae alinu misimiya aliae. 9Gupuma nipuna nongo malapu nongonu pange Godena poropedi nongonu aisimiya. 10Naare mendane einu Sisaria ree anda para amono Godena poropedi ali komea Akapasiri Diudia andasu nane aoma naa para epa. 11Go ali naa para ipumare Polona ako keda kole mumare nipuna ange kina nipumi rongaoma epa ara lalore, Epe Yaakopi Sipiridimi go angele lea, loma la. Mo Diurusaleme ree anda nane Isaraelimi mandu rangala pae alinumi go ako keda reali gurupa ma-rongaoma, mo Isaraelimi na-mandu rangala pae alinu para nipu ma-karu pelemeae, lea, loma la.
12Go angele pangomare, go para aisimiya wenaali rapu naame Polo para lalore, Diurusaleme ree anda nane na-puainya, loma konge waruyama. 13Gupuma Polome lalore, Nimiri go reere dame eimi na pu koyaluameya damepae, loma la. Ni Reali Yesu para kone rulaoma aya eina Diurusaleme ree anda alinumi ni pa ma-rongao suma dimindare ale menda dia pa komola anda pea, la.
14Gupuma nipuna kone perekeyape diaeyanda naame gioma lalore, Realina kone pe ei nipumi pinya walepa lama.
Mo Diurusaleme ree anda kalu alinu para Polome pi einu la alisaya ei
15Go para amono naare menda para pereyandare naana alenda alenda wamo pu sumare Sisaria ree anda minyapalaoma so Diurusaleme ree anda nane puama.
16Gupuma Sisaria ree anda Kerisona angele pange alinu menda para naa rapu ipumare mo Saiparusi ipa kopaliao piri andasu ali menda Menasoni nipuri ririna ambala Godena angele misaya ali nipuna anda para naa amonoya karu puame.
17Naame Diurusaleme ree anda nane puama dinare Keriso amenumi raname komala ara naa lamu meame. 18Gupuma naare mendana palumu naame Polo rapu pula ara Dieimusi mo Keriso wenaalinuna kalu alinu rapu piramenda Dieimusi andola puama.
19Gupuma Polome ranae angele lama nipumi ambala ririna angele wala eiri pamisimiya dinare Godeme mo Isaraelimi na-mandu rangala pae wenaali para pisaya einu komea komeapu la alala pa.
Polome mo kalu alinuna angele pangoma Gode para alinau puaisimiya andaa anda para paisaya ei
20Mo Keriso amenumi go ei pangomare Godena bi minyasiaoma, angele larimi. Nimumi Polo para lalore, Polo, naana ameo, ande Isaraelimi mandu rangala pae alinu raayosi waru andapumi Godena angele meame eiri andaleae, lame. Raayome ande Mosesimi Rudule Angele pangolame kone waru sialeme, lame. 21Nimumi Polo para lalore, Mendane alinumi nena wale angele wenaali para gurupa dame. Ande Polome mo Isaraelimi na-mandu rangala pae wenaali rapu aeme Isaraelimi mandu rangala pae alinu para Rudule Angele Mosesimi wale eiri gialepape, lae, loma lame. Gupuma nimina nakisinu yongale runguli au na-pape, lae, loma lame. Isaraelimi mandu rangala pae alinumi pimi ei na-palepape, loma waloaya, dameae, lame. 22Mo alinumi nee epele eiri ora pangeleme, lame. Go eina ake paminyayapae, lame. 23Go eiri ora painya loma kone siamae, lame. Naa para aeme malapu alinumi Gode para la siala ara puri pale angele menda la siame, lame.
24Go alinu rapu arare Godena lee wilina ara yaakopi au puma nimuna kalu iri makoleme minyayare nimuna yangi alape, lame. Neeme go au pilindare nimumi kone sialore mo wenaalimi nee para pande eiri payapo aunu pana, kone wilimi, lisaya. Nimumi kone sialore, Neemere Mosesimi Rudule Angelenu wi einu pangoma pele, kone wilimi. 25Go peapare ande Godena angele meame Isaraelimi na-mandu rangala pae wenaalimiri kana waruma wi alenu para luma ademe ei na-ne, mena ari wee pange na-ne, ma-rengepe minyuma komademe ari pange na-ne, do koyada einu pange na-pinyaya angele yokanali pi angelenu la suma loma ramayo wape puma raparima, lame.
26Gupuma Polome monde alinu karu pumare yapi pena kepeala-ainya nimu rapu ara nimumi Godena lee wilina ara yaakopi au pumare mo Gode repara alinau puaisimiya andaa anda rupara konda pamboma paisaya. Polome mo Isaraelimi mandu rangala pae wenaalinuna kalu alinu para monde Godena lee wilina ara yaakopi au pula pea eina naarele pereda pea einu rombo sulameya angele lisaya. Go einu peredeandare nipumi Gode para alinau pape alenu mo alinu para komea komealo muma ma-epola, lisaya.
Mo Isaraelimi mandu rangala pae alinumi Gode repara alinau puaisimiya andaa anda para Polo riminyisimiya ei
27Ande warapu naarele peredoame-ainya mo Eisia andasu nane aoma ipisimiya Isaraelimi mandu rangala pae alinumi Polo monde Gode repara alinau puaisimiya andaa anda rupara aisaya ei andomare wenaali raayome rimbuyoma Polo rengepe minyuma siamba ara angele lisimiya. 28Mo Eisia andasu Isaraelimi mandu rangala pae alinumi wi waru lala ara lalore, Isaraelimi mandu rangala pae alinuo, ipuma naa epa rambamealepa, lisimiya. Naana Isaraelimi mandu rangala pae wenaali para pange monde Mosesimi wape pi Rudule Angelenu para pange, Gode repara alinau puaisimiya andaa anda para pange wenaali raayome koae kone winyaya la eiri pamuaya ali go ei lisimiya. Gupuma pange go Gode repara alinau puaisimiya yainya puae yaakopi anda rupara Isaraelimi na-mandu rangala pae alinu karu ipumare go andare ambala epa koyaripana, loma lisimiya. 29Ririnare Polo monde Epesusi ree anda ali Ropimusi laapo mo ree anda nane pamisipiya ei andomare nimuna konemere Polome go aliri go Gode repara alinau puaisimiya andaa anda rupara karu pula ara pia, kone wisimiya.
30Gupuma mo ree anda wenaali raayosimi yala yala pa muma komea para pua mombea ara Polo pa ripinyuma mo Godena alinau puaisimiya andaa anda kama nane yola ma-paisimiya. Go dinare ali menda parame wangepu mo Gode repara alinau puaisimiya andaa anda pora gapenu poaisimiya. 31Gupuma Polo ora luma komaluameya rapala-ainya ali mendame monde endali ripinyi alinuna kalu ali para pua lalore, Diurusaleme ree anda wenaali raayome mombea ara wi loma angele rendaa pi rupa wi lalolo pula aeme lo pua lisaya. 32Gupuma go ei pangomare goleme ande endali ripinyi alinu pange nimuna kalu alinu pange ali daoseni komea endali ripinyi alinu andere-ae ali rapu no wenaali para wangepu alo paisimiya. Go dina wenaalinumi mo endali ripinyi kalu ali pange nipuna endali ripinyi alinu pange ipisimiya ei andomare Polo liiala aisimiya eiri minyapalaisimiya. 33Gupisimiyanda monde ali daoseni komea endali ripinyi alinu andere-ae alimi Polo para ipuma Polo mumare seinipu laapome rongalepa, lisaya. Gupuma apo aliri apiyapae, lisaya. Ake au papae, loma angaa misaya. 34Mo mombelisimiya alinu menda parame angele menda menda loma wi lala ara poya waru ma-laisimiyandare ande endali ripinyi alimi mo angelenuna ree pangape-na-yanda. Nipumi nipuna endali ripinyi alinu para lalore, Polore nimina dapanda para karu pulupa, lisaya. 35Gupuma mo anda warepa para opapala paisayapare mo mombelisimiya alinumi Polo duame ora rimbu waru lisimiyanda mo endali ripinyi alinumi Polo kimi minyasiaoma opasiaisimiya. 36Gupula ara mo mombelisimiya alinumi raluma pula ara puri paloma wi lala ara lalore, Go ali ora luma komena, wi la lisimiya.
Polo nipuna pisaya einuna ree mo Isaraelimi mandu rangala pae alinu para la alisaya ei
37Polore mo endali ripinyi alinuna dapanda rupara nipu karu polameya-ainya nipumi mo kalu ali para lalore, Nee para na angelesi menda la gianopae, lisaya. Gupuma nipumi lalore, Giriki angele neere pangoma kone wilipae, lisaya. 38Na konemere neere monde Idiapi andasu ali mo gapamani ma-lopaluameya daoseni malapu yanda runguli alinu rimbuyoma mo weambi pia lena karu puaende ali, kone siawa, lisaya.
39Polome lalore, Dia, niri Isaraelimi mandu rangala pae aliae. Mo Silisia andasu nane Dasasi anda ree anda ali ayo pange ni mandi andasu para aoma epawa, lisaya. Wenaali para angele doameya nee para ambala kongeyaloae, lisaya.
40Go einare mo endali ripinyi alimi Epelea, loma lainya lisayanda Polomere mo anda warepa mandaa ara nipuna kimi wenaali para angele na-dapape, loma wenaalimi angele na-le-ainya Polome mo Iburu angele loma nimu para angele lisaya.
Iliyochaguliwa sasa
Aposolo 21: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 21
21
Polo mo kawasona piruma Diurusaleme ree anda nane paisaya ei
1Naame nimu para paida pulupape, loma naa mo kawaso para pua piruma puama. Naame ora rendeposina rungula puma Kosi ree anda para opaparima. Gupuma naare mendana naame mo Rodisi ipa ma-kopalio piri andasu para opapala puma naame Rodisi andasu minyapalaoma mo Padara ree anda puama. 2Go dina naame mo Penisia andasu nane polameya kawaso menda andama. Naame go kawasona pua piruma puama. 3Go dina naame puma mo ipa kopalio piri andasu menda Saiparusi pua andama. Gupuma go anda koaya nane ainya wanduala puma mo Siria andasu nane opapala puama. Naa mo Daya ree anda nane polameyanda mo kawaso para wi alenda alendanu raayosi mu paomare naa raayosi Daya ree anda para wi ipa repaa lena pua paluma arima. 4Naame Kerisona angele pange ame ainyanu pua andasuma go para nimu rapu amono yapi di warapu nimusi go para paluma arima. Epe Yaakopi Sipiridimi nimuna konenu epe rupa ma-siaisayandare Polo nee Diurusaleme ree anda nane na-pope, lisimiya. 5Go lena naana arimande einu pereyoma go andasu gioma andasu menda nane polameya puama. Keriso alinu nimuna wena nongo nakinu rapu nimu raayosimi ree andasu gioma ree anda kama nane karu puame. Gupuma mo ipa repaa lena rumu yaruaoma pua piri yainya pama. 6Gupuma nimumi naa para paidapape lamendare nimu para pange paidapape loma puama. Go eina kou nanere naa kawaso para pua piruma puamandare nimuri nimuna anda nane wala lekeya puame.
Mo Sisaria ree anda Akapasimi Godena angele loma Polo para la alisaya ei
7Go dina naame mo kawasona pua piruma mo Daya ree anda minyapalaoma naa ora mo Rolemisi ree anda opapala puama. Gupuma naame mo Keriso wenaali para ranae angelenu lala ara naare komeana nimu rapu arima. 8Gupuma naare mendana palumuri go para minyapalaoma mo Sisaria ree anda nane opopala ipumare go para ande wenaalimi Gode para epenaya pu lekeya-ao-aya ali Pilipi nipuna anda para pua konda pambaoma paliarima. Pilipi pange su mindipu alinu menda para mo Diurusaleme ree anda Keriso wenaalinumi ambalande Godena epe angele la aloae alinu misimiya aliae. 9Gupuma nipuna nongo malapu nongonu pange Godena poropedi nongonu aisimiya. 10Naare mendane einu Sisaria ree anda para amono Godena poropedi ali komea Akapasiri Diudia andasu nane aoma naa para epa. 11Go ali naa para ipumare Polona ako keda kole mumare nipuna ange kina nipumi rongaoma epa ara lalore, Epe Yaakopi Sipiridimi go angele lea, loma la. Mo Diurusaleme ree anda nane Isaraelimi mandu rangala pae alinumi go ako keda reali gurupa ma-rongaoma, mo Isaraelimi na-mandu rangala pae alinu para nipu ma-karu pelemeae, lea, loma la.
12Go angele pangomare, go para aisimiya wenaali rapu naame Polo para lalore, Diurusaleme ree anda nane na-puainya, loma konge waruyama. 13Gupuma Polome lalore, Nimiri go reere dame eimi na pu koyaluameya damepae, loma la. Ni Reali Yesu para kone rulaoma aya eina Diurusaleme ree anda alinumi ni pa ma-rongao suma dimindare ale menda dia pa komola anda pea, la.
14Gupuma nipuna kone perekeyape diaeyanda naame gioma lalore, Realina kone pe ei nipumi pinya walepa lama.
Mo Diurusaleme ree anda kalu alinu para Polome pi einu la alisaya ei
15Go para amono naare menda para pereyandare naana alenda alenda wamo pu sumare Sisaria ree anda minyapalaoma so Diurusaleme ree anda nane puama.
16Gupuma Sisaria ree anda Kerisona angele pange alinu menda para naa rapu ipumare mo Saiparusi ipa kopaliao piri andasu ali menda Menasoni nipuri ririna ambala Godena angele misaya ali nipuna anda para naa amonoya karu puame.
17Naame Diurusaleme ree anda nane puama dinare Keriso amenumi raname komala ara naa lamu meame. 18Gupuma naare mendana palumu naame Polo rapu pula ara Dieimusi mo Keriso wenaalinuna kalu alinu rapu piramenda Dieimusi andola puama.
19Gupuma Polome ranae angele lama nipumi ambala ririna angele wala eiri pamisimiya dinare Godeme mo Isaraelimi na-mandu rangala pae wenaali para pisaya einu komea komeapu la alala pa.
Polome mo kalu alinuna angele pangoma Gode para alinau puaisimiya andaa anda para paisaya ei
20Mo Keriso amenumi go ei pangomare Godena bi minyasiaoma, angele larimi. Nimumi Polo para lalore, Polo, naana ameo, ande Isaraelimi mandu rangala pae alinu raayosi waru andapumi Godena angele meame eiri andaleae, lame. Raayome ande Mosesimi Rudule Angele pangolame kone waru sialeme, lame. 21Nimumi Polo para lalore, Mendane alinumi nena wale angele wenaali para gurupa dame. Ande Polome mo Isaraelimi na-mandu rangala pae wenaali rapu aeme Isaraelimi mandu rangala pae alinu para Rudule Angele Mosesimi wale eiri gialepape, lae, loma lame. Gupuma nimina nakisinu yongale runguli au na-pape, lae, loma lame. Isaraelimi mandu rangala pae alinumi pimi ei na-palepape, loma waloaya, dameae, lame. 22Mo alinumi nee epele eiri ora pangeleme, lame. Go eina ake paminyayapae, lame. 23Go eiri ora painya loma kone siamae, lame. Naa para aeme malapu alinumi Gode para la siala ara puri pale angele menda la siame, lame.
24Go alinu rapu arare Godena lee wilina ara yaakopi au puma nimuna kalu iri makoleme minyayare nimuna yangi alape, lame. Neeme go au pilindare nimumi kone sialore mo wenaalimi nee para pande eiri payapo aunu pana, kone wilimi, lisaya. Nimumi kone sialore, Neemere Mosesimi Rudule Angelenu wi einu pangoma pele, kone wilimi. 25Go peapare ande Godena angele meame Isaraelimi na-mandu rangala pae wenaalimiri kana waruma wi alenu para luma ademe ei na-ne, mena ari wee pange na-ne, ma-rengepe minyuma komademe ari pange na-ne, do koyada einu pange na-pinyaya angele yokanali pi angelenu la suma loma ramayo wape puma raparima, lame.
26Gupuma Polome monde alinu karu pumare yapi pena kepeala-ainya nimu rapu ara nimumi Godena lee wilina ara yaakopi au pumare mo Gode repara alinau puaisimiya andaa anda rupara konda pamboma paisaya. Polome mo Isaraelimi mandu rangala pae wenaalinuna kalu alinu para monde Godena lee wilina ara yaakopi au pula pea eina naarele pereda pea einu rombo sulameya angele lisaya. Go einu peredeandare nipumi Gode para alinau pape alenu mo alinu para komea komealo muma ma-epola, lisaya.
Mo Isaraelimi mandu rangala pae alinumi Gode repara alinau puaisimiya andaa anda para Polo riminyisimiya ei
27Ande warapu naarele peredoame-ainya mo Eisia andasu nane aoma ipisimiya Isaraelimi mandu rangala pae alinumi Polo monde Gode repara alinau puaisimiya andaa anda rupara aisaya ei andomare wenaali raayome rimbuyoma Polo rengepe minyuma siamba ara angele lisimiya. 28Mo Eisia andasu Isaraelimi mandu rangala pae alinumi wi waru lala ara lalore, Isaraelimi mandu rangala pae alinuo, ipuma naa epa rambamealepa, lisimiya. Naana Isaraelimi mandu rangala pae wenaali para pange monde Mosesimi wape pi Rudule Angelenu para pange, Gode repara alinau puaisimiya andaa anda para pange wenaali raayome koae kone winyaya la eiri pamuaya ali go ei lisimiya. Gupuma pange go Gode repara alinau puaisimiya yainya puae yaakopi anda rupara Isaraelimi na-mandu rangala pae alinu karu ipumare go andare ambala epa koyaripana, loma lisimiya. 29Ririnare Polo monde Epesusi ree anda ali Ropimusi laapo mo ree anda nane pamisipiya ei andomare nimuna konemere Polome go aliri go Gode repara alinau puaisimiya andaa anda rupara karu pula ara pia, kone wisimiya.
30Gupuma mo ree anda wenaali raayosimi yala yala pa muma komea para pua mombea ara Polo pa ripinyuma mo Godena alinau puaisimiya andaa anda kama nane yola ma-paisimiya. Go dinare ali menda parame wangepu mo Gode repara alinau puaisimiya andaa anda pora gapenu poaisimiya. 31Gupuma Polo ora luma komaluameya rapala-ainya ali mendame monde endali ripinyi alinuna kalu ali para pua lalore, Diurusaleme ree anda wenaali raayome mombea ara wi loma angele rendaa pi rupa wi lalolo pula aeme lo pua lisaya. 32Gupuma go ei pangomare goleme ande endali ripinyi alinu pange nimuna kalu alinu pange ali daoseni komea endali ripinyi alinu andere-ae ali rapu no wenaali para wangepu alo paisimiya. Go dina wenaalinumi mo endali ripinyi kalu ali pange nipuna endali ripinyi alinu pange ipisimiya ei andomare Polo liiala aisimiya eiri minyapalaisimiya. 33Gupisimiyanda monde ali daoseni komea endali ripinyi alinu andere-ae alimi Polo para ipuma Polo mumare seinipu laapome rongalepa, lisaya. Gupuma apo aliri apiyapae, lisaya. Ake au papae, loma angaa misaya. 34Mo mombelisimiya alinu menda parame angele menda menda loma wi lala ara poya waru ma-laisimiyandare ande endali ripinyi alimi mo angelenuna ree pangape-na-yanda. Nipumi nipuna endali ripinyi alinu para lalore, Polore nimina dapanda para karu pulupa, lisaya. 35Gupuma mo anda warepa para opapala paisayapare mo mombelisimiya alinumi Polo duame ora rimbu waru lisimiyanda mo endali ripinyi alinumi Polo kimi minyasiaoma opasiaisimiya. 36Gupula ara mo mombelisimiya alinumi raluma pula ara puri paloma wi lala ara lalore, Go ali ora luma komena, wi la lisimiya.
Polo nipuna pisaya einuna ree mo Isaraelimi mandu rangala pae alinu para la alisaya ei
37Polore mo endali ripinyi alinuna dapanda rupara nipu karu polameya-ainya nipumi mo kalu ali para lalore, Nee para na angelesi menda la gianopae, lisaya. Gupuma nipumi lalore, Giriki angele neere pangoma kone wilipae, lisaya. 38Na konemere neere monde Idiapi andasu ali mo gapamani ma-lopaluameya daoseni malapu yanda runguli alinu rimbuyoma mo weambi pia lena karu puaende ali, kone siawa, lisaya.
39Polome lalore, Dia, niri Isaraelimi mandu rangala pae aliae. Mo Silisia andasu nane Dasasi anda ree anda ali ayo pange ni mandi andasu para aoma epawa, lisaya. Wenaali para angele doameya nee para ambala kongeyaloae, lisaya.
40Go einare mo endali ripinyi alimi Epelea, loma lainya lisayanda Polomere mo anda warepa mandaa ara nipuna kimi wenaali para angele na-dapape, loma wenaalimi angele na-le-ainya Polome mo Iburu angele loma nimu para angele lisaya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.