Aposolo 19
19
Polome mo Epesusi anda para pupudengi nisaya ei
1Apolosi mo Korindi ree anda para ainyaloma Polo nipuri andasu menda minyapalaoma andasu menda nane sia paisaya pora nani puma mo Epesusi ree anda para opa paisaya. Go anda para Yesuna angele pangisimiya alinu menda para andisaya. 2Polo nipumi nimu para lalore, Ambalande angele meala arare Epe Yaakopi Sipiridi meamepae, lisaya. Gupuma mo alinu nimumi lalore, Diae, lisimiya. Mo Epe Yaakopi Sipiridi aya eiri koro mendame na-pangama, lisimiya.
3Gupuma Polome angele angaa meala ara lalore, Apina baparaisi au pamepae, lisaya. Nimumi angele yango liada ara lalore, Dioni baparaisi au paya eina pama, lisimiya.
4Go eina Polome lalore, Dionimiri wenaalina koae aunu gioma kone menda perekeyo siala-ainya baparaisi pao-aripapare Isaraelimi mandu rangala pae wenaali para lalore, Na kou nane epelea alina angele mealepape, loma lea, lisaya. Go aliri Yesu para lea, lisaya.
5Go angele pangomare Reali Yesuna bina baparaisi pisimiya. 6Go dina Polome nipuna ki laapo nimuna kaluna wisayandare mo Epe Yaakopi Sipiridi nimu para ipisaya. Gupumare angele rando rando lomare Godena angelenu laisimiya. 7Mo alinu raayore gurupa ki laapo pereyoma angena laapopu alinu aisimiya.
8Gupuma mo Epesusi ree anda aeme Isaraelimi mandu rangala pae alinuna Godena angele kuruaeme anda para Polome pumare sumba repona ara Godena Ki Rambuao-aya Eina paalame na-kome puri paloma ara angele yokanali pala puma kongeyala ara angele lala pisaya. 9Gupisayapare alinu menda parame nimuna pu kana yaruma angele na-pange giaisimiya. Go eina wenaali lee rona ara Reali para puae pora rungulala ara koae angele lisimiya. Go dinare Polore mo Kerisona angele pange alinu rapu monde alinu gioma pumare Dairanusi nipumi sukulu puape anda pisaya para ara naare raayo angele yokanali pala puaisaya. 10Go au pula-ainya kuni gipa laapo perelisaya. Go eina mo Eisia andasu nane aeme wenaali raayome pange Isaraelimi na-mandu rangala pae wenaali pange Isaraelimi mandu rangala pae wenaali raayome pange Realina angelenu pangisimiya.
Mo Sikipana nakinuna angele wia ei
11Godeme Polo para puri ma-palada ara wenaalimi na-ando-aeme puri pale einu pala pisaya. 12Go eina wenaali mendame Polona onge aka rungulisinumi ande einu pange ako mandaana ma-kopalioma yame akanu pange yainya aisimiya wenaali para ma-paisimiyandare yainya randalisaya pange koae remonu opalumba puala pisimiya. 13Gupuma Isaraelimi mandu rangala pae alinu menda para pamuaisimiya alinumiri remonu ralu luaisimiya. Monde alinumiri wenaalina lo para pirisimiya koae remonu ralu duameya Reali Yesuna bi loma lalore, Polome monde wada ali Yesuna bina nee para damale, opalumba pupu, lisimiya. 14Gupuma alinau puaisimiya ei andere-aisimiya alinuna kalu ali menda Sikipa nipuna nakinu warapumi go ei pisimiya.
15Go au pisimiyapare mo koae remome nimu para lalore, Yesu ande, Polo pange andepare nimiri apirapoyapae, lisaya.
16Gupuma mo koae remo pirisaya alimi puri waru paloma ara mo alinu para puma pua pongoloma lu rambua rambua puma, ma-bembolaisaya. Go eina mo koae remo piri alimi nimuna akanu indipi rumbuma do kama ma-aisayanda ora koyoma mo anda gioma pongola paisimiya. 17Go au pi ei mo Epesusi ree anda para Isaraelimi na-mandu rangala pae wenaali pange Isaraelimi mandu rangala pae wenaali raayome pangomare paalame komisimiya. Gupuma Reali Yesuna bi ma-minyasioma bi andaai wisaya. 18Gupuma angele misimiya wenaali andapumi ipumare nimuna puaisimiya kundiri einu na-pi Reali para kone siala ara wenaali para epa kepelisimiya. 19Gupuma monde romo yupima suna wenaali komademe einuna ree kone waru wi wenaalinu menda parame nimuna go alenuna romo yupima ree wape pi bukanu komea lena ma-ipuma wenaali raayome andala-ainya repanana kirisimiya. Gupuma mo buka raayona muniri yarepema andisimiyapare ali ria laapo pereyoma mendana ki laapo daoseni mandana wisaya. 20Go eina Realina angelenu wenaalimi puri paloma pangala ara ma-andayaoma nimumi andala ara bi andaai ma-pamuaisimiya.
Epesusi wenaalimi Polo para koae au pisimiya ei
21Gupuma ande angele misimiya einu perelisayandare Polome Diurusaleme ree anda nane polameya Masedonia Akaya andasu laapo nane lombae pa polameya kone suma lalore, Gurupa puma mo Romo ree anda nane pange werepe andola polame, rana pea, lisaya. 22Gupuma Polo nipu rambamuaisipiya ali laapo Dimodi Erasidusi laapo mo Masedonia andasu nane rapaomare nipuri mo Eisia andasu nane naare engesinda andapu pa aisaya.
23Gupuma go dinare Epesusi ree anda para ande Reali para pope pora arere puma rono pangoma yanda li ei rekisaya. 24Ali menda nipuna bi Dimidiriusi aisaya. Nipumiri silipame olemole waru andapu waruma pange mo Ademisi (nipuna bi menda Diana) kepeda wena mandana pirapale mo kepeda andasinu raayo warisaya einu wenaali andapumi kambena lisaya. Go muniri mo kepeda wena rando rando para pupudengi noaisimiya alinu para muni andapupe misimiya. 25Go eina Dimidiriusi nipumi puaisaya pupudengi ne nono pi alinu pange monde mendane pupudengi noaisimiya alinu menda para pange wi lama mombema piri nipumi lalore, Alinuo nimi kone wimi go epe pupudengi noaema eina epe yanginu muaema eiri kone wimi, lisaya. 26Nimimi go kone na-wi ali Polome wenaali andapuna koneme perekeyoma yola muaya ei pange puaya einu pangoma puaya einu andoaeme, lisaya. Go Epesusi anda nane komea diayapare mo Eisia andasu nane raayo para pange Polome wenaali menda para lalore, Kimi waruma wia kana repana godenuri ora ei dia, loaya, lisaya. 27Pa marea go Polona angelemere naana bi wia pupudengi andaai pema eiri naa ma-koyapeya, lisaya. Go nipuna angelemere werepena wenaali raayome mo naana andaa kepeda wena Ademisi pema kepeda anda pange ora ei dia, loma pa leenu mandana kone wilimi, lisaya. Ambala ririna pange ambia pange mo Eisia andasu nane aeme pange su raayo para wenaali raayome mo kepeda wena para yainya puarimipare Polona angelemere mo andaa bi wia kepeda wena ma-bembolaluame dapa lea, lisaya.
28Go dina wenaali raayome go angele pangomare rono waru pangala ara wi lala ara lalore, Epesusi wenaalina Ademisiri kepeda wenare ora andaaiye loma wi waru lala pisimiya. 29Go eina mo ree anda wenaali para poya andaai ma-laisimiya. Go poya ma-la ari alo puma mo wenaali mombeaisimiya para paisimiya. Gupuma Masedonia ali laapo Gayusi pange Arisadakusi laapore Polo rapu pamuaisipiya ali laapo yola muma mo wenaali mombea lena paisimiya. 30Polome nipuna konemere mo wenaali para pola kone wisayapare mo Kerisona angele pange alinumi rudu lisimiya.
31Gupuma Polona yangonu menda parame Eisia andasu gapamani kalesoro alinu ara nipu para angele rapada ara lalore, Mo mombeaeme lena na-pope, loma konge lisimiya. 32Go dina mo mombelisimiya wenaalimi kone andapu siala ara mendane alinumi wi menda lala mendane alinumi wi menda lala pisimiya. Go eina wenaali raayore kone waru na-wi pa mombelisimiya.
33Alinu menda paramere mo Isaraelimi mandu rangala pae alinumi ma-ainya lisimiya ali Alekasanda para pua la loma lisimiyanda nipumi mo wenaali para angele doameya, nipuna ki rindapeaoma wangeaisaya. 34Go pisayapare nipuri Isaraelimi mandu rangala pae ali, loma andala ara wenaali raayome nipuna angele na-pangisimiyandare naarele aowa laapo rupa komea angele wala wi lala ara lalore, Epesusi ree anda wenaalina Ademisiri kepeda wena andaaiye, loma wi waru loaisimiya.
35Gupuma mo ree anda para ramayo wape puma pupudengi noae alimi mo wenaali raayo ma-kuma paoma lalore, Epesusi alinuo, ande yaa nane lopea kana pange monde andaa Ademisi kepeda wena nipuna anda andaai Epesusi ree anda wenaalinumi andere-ao-aeme eiri ali apimi na-pangeapae, lisaya. 36Go einuri giape-nae-yandare nimiri pa aunu na-pi paowa ao-alepape, lisaya. 37Go karu epame ali laapomere naana kepeda wenana anda para wia alenu menda pake na-meape pange kepeda wena para koae angele na-lape, lisaya. 38Go eina Dimidiriusi nipuna pupudengi menda para pimi alinu menda parare koae au wia kone wilimindare gore mo angele yokanali puaeme andanu aemendare mo la wimi naarelena angele yokanali papeya, lisaya. Gupuma mo angele yokanali pi ei andere-aeme alinu ao-aemendare go para pua piri angele loma angele yokanali pia lena ma-alepape, lisaya. 39Gupuma angele menda pange doameya kone wilimindare monde wenaali raayo mombea aema lena epa dapape, lisaya. 40Ambia go naarena naame ma-rekoma yanda pilimandare gore naame koae ei milima, lisaya. Go einare ree menda na-wia, lisaya. Ambia go mombea pima para angele menda angaa milimindare gore naame da pema angele menda lape-na-ya, lisaya.
41Mo ramayo wape puae alimi go angele lomare mo wenaali penaya rapa rapa pisaya.
Iliyochaguliwa sasa
Aposolo 19: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 19
19
Polome mo Epesusi anda para pupudengi nisaya ei
1Apolosi mo Korindi ree anda para ainyaloma Polo nipuri andasu menda minyapalaoma andasu menda nane sia paisaya pora nani puma mo Epesusi ree anda para opa paisaya. Go anda para Yesuna angele pangisimiya alinu menda para andisaya. 2Polo nipumi nimu para lalore, Ambalande angele meala arare Epe Yaakopi Sipiridi meamepae, lisaya. Gupuma mo alinu nimumi lalore, Diae, lisimiya. Mo Epe Yaakopi Sipiridi aya eiri koro mendame na-pangama, lisimiya.
3Gupuma Polome angele angaa meala ara lalore, Apina baparaisi au pamepae, lisaya. Nimumi angele yango liada ara lalore, Dioni baparaisi au paya eina pama, lisimiya.
4Go eina Polome lalore, Dionimiri wenaalina koae aunu gioma kone menda perekeyo siala-ainya baparaisi pao-aripapare Isaraelimi mandu rangala pae wenaali para lalore, Na kou nane epelea alina angele mealepape, loma lea, lisaya. Go aliri Yesu para lea, lisaya.
5Go angele pangomare Reali Yesuna bina baparaisi pisimiya. 6Go dina Polome nipuna ki laapo nimuna kaluna wisayandare mo Epe Yaakopi Sipiridi nimu para ipisaya. Gupumare angele rando rando lomare Godena angelenu laisimiya. 7Mo alinu raayore gurupa ki laapo pereyoma angena laapopu alinu aisimiya.
8Gupuma mo Epesusi ree anda aeme Isaraelimi mandu rangala pae alinuna Godena angele kuruaeme anda para Polome pumare sumba repona ara Godena Ki Rambuao-aya Eina paalame na-kome puri paloma ara angele yokanali pala puma kongeyala ara angele lala pisaya. 9Gupisayapare alinu menda parame nimuna pu kana yaruma angele na-pange giaisimiya. Go eina wenaali lee rona ara Reali para puae pora rungulala ara koae angele lisimiya. Go dinare Polore mo Kerisona angele pange alinu rapu monde alinu gioma pumare Dairanusi nipumi sukulu puape anda pisaya para ara naare raayo angele yokanali pala puaisaya. 10Go au pula-ainya kuni gipa laapo perelisaya. Go eina mo Eisia andasu nane aeme wenaali raayome pange Isaraelimi na-mandu rangala pae wenaali pange Isaraelimi mandu rangala pae wenaali raayome pange Realina angelenu pangisimiya.
Mo Sikipana nakinuna angele wia ei
11Godeme Polo para puri ma-palada ara wenaalimi na-ando-aeme puri pale einu pala pisaya. 12Go eina wenaali mendame Polona onge aka rungulisinumi ande einu pange ako mandaana ma-kopalioma yame akanu pange yainya aisimiya wenaali para ma-paisimiyandare yainya randalisaya pange koae remonu opalumba puala pisimiya. 13Gupuma Isaraelimi mandu rangala pae alinu menda para pamuaisimiya alinumiri remonu ralu luaisimiya. Monde alinumiri wenaalina lo para pirisimiya koae remonu ralu duameya Reali Yesuna bi loma lalore, Polome monde wada ali Yesuna bina nee para damale, opalumba pupu, lisimiya. 14Gupuma alinau puaisimiya ei andere-aisimiya alinuna kalu ali menda Sikipa nipuna nakinu warapumi go ei pisimiya.
15Go au pisimiyapare mo koae remome nimu para lalore, Yesu ande, Polo pange andepare nimiri apirapoyapae, lisaya.
16Gupuma mo koae remo pirisaya alimi puri waru paloma ara mo alinu para puma pua pongoloma lu rambua rambua puma, ma-bembolaisaya. Go eina mo koae remo piri alimi nimuna akanu indipi rumbuma do kama ma-aisayanda ora koyoma mo anda gioma pongola paisimiya. 17Go au pi ei mo Epesusi ree anda para Isaraelimi na-mandu rangala pae wenaali pange Isaraelimi mandu rangala pae wenaali raayome pangomare paalame komisimiya. Gupuma Reali Yesuna bi ma-minyasioma bi andaai wisaya. 18Gupuma angele misimiya wenaali andapumi ipumare nimuna puaisimiya kundiri einu na-pi Reali para kone siala ara wenaali para epa kepelisimiya. 19Gupuma monde romo yupima suna wenaali komademe einuna ree kone waru wi wenaalinu menda parame nimuna go alenuna romo yupima ree wape pi bukanu komea lena ma-ipuma wenaali raayome andala-ainya repanana kirisimiya. Gupuma mo buka raayona muniri yarepema andisimiyapare ali ria laapo pereyoma mendana ki laapo daoseni mandana wisaya. 20Go eina Realina angelenu wenaalimi puri paloma pangala ara ma-andayaoma nimumi andala ara bi andaai ma-pamuaisimiya.
Epesusi wenaalimi Polo para koae au pisimiya ei
21Gupuma ande angele misimiya einu perelisayandare Polome Diurusaleme ree anda nane polameya Masedonia Akaya andasu laapo nane lombae pa polameya kone suma lalore, Gurupa puma mo Romo ree anda nane pange werepe andola polame, rana pea, lisaya. 22Gupuma Polo nipu rambamuaisipiya ali laapo Dimodi Erasidusi laapo mo Masedonia andasu nane rapaomare nipuri mo Eisia andasu nane naare engesinda andapu pa aisaya.
23Gupuma go dinare Epesusi ree anda para ande Reali para pope pora arere puma rono pangoma yanda li ei rekisaya. 24Ali menda nipuna bi Dimidiriusi aisaya. Nipumiri silipame olemole waru andapu waruma pange mo Ademisi (nipuna bi menda Diana) kepeda wena mandana pirapale mo kepeda andasinu raayo warisaya einu wenaali andapumi kambena lisaya. Go muniri mo kepeda wena rando rando para pupudengi noaisimiya alinu para muni andapupe misimiya. 25Go eina Dimidiriusi nipumi puaisaya pupudengi ne nono pi alinu pange monde mendane pupudengi noaisimiya alinu menda para pange wi lama mombema piri nipumi lalore, Alinuo nimi kone wimi go epe pupudengi noaema eina epe yanginu muaema eiri kone wimi, lisaya. 26Nimimi go kone na-wi ali Polome wenaali andapuna koneme perekeyoma yola muaya ei pange puaya einu pangoma puaya einu andoaeme, lisaya. Go Epesusi anda nane komea diayapare mo Eisia andasu nane raayo para pange Polome wenaali menda para lalore, Kimi waruma wia kana repana godenuri ora ei dia, loaya, lisaya. 27Pa marea go Polona angelemere naana bi wia pupudengi andaai pema eiri naa ma-koyapeya, lisaya. Go nipuna angelemere werepena wenaali raayome mo naana andaa kepeda wena Ademisi pema kepeda anda pange ora ei dia, loma pa leenu mandana kone wilimi, lisaya. Ambala ririna pange ambia pange mo Eisia andasu nane aeme pange su raayo para wenaali raayome mo kepeda wena para yainya puarimipare Polona angelemere mo andaa bi wia kepeda wena ma-bembolaluame dapa lea, lisaya.
28Go dina wenaali raayome go angele pangomare rono waru pangala ara wi lala ara lalore, Epesusi wenaalina Ademisiri kepeda wenare ora andaaiye loma wi waru lala pisimiya. 29Go eina mo ree anda wenaali para poya andaai ma-laisimiya. Go poya ma-la ari alo puma mo wenaali mombeaisimiya para paisimiya. Gupuma Masedonia ali laapo Gayusi pange Arisadakusi laapore Polo rapu pamuaisipiya ali laapo yola muma mo wenaali mombea lena paisimiya. 30Polome nipuna konemere mo wenaali para pola kone wisayapare mo Kerisona angele pange alinumi rudu lisimiya.
31Gupuma Polona yangonu menda parame Eisia andasu gapamani kalesoro alinu ara nipu para angele rapada ara lalore, Mo mombeaeme lena na-pope, loma konge lisimiya. 32Go dina mo mombelisimiya wenaalimi kone andapu siala ara mendane alinumi wi menda lala mendane alinumi wi menda lala pisimiya. Go eina wenaali raayore kone waru na-wi pa mombelisimiya.
33Alinu menda paramere mo Isaraelimi mandu rangala pae alinumi ma-ainya lisimiya ali Alekasanda para pua la loma lisimiyanda nipumi mo wenaali para angele doameya, nipuna ki rindapeaoma wangeaisaya. 34Go pisayapare nipuri Isaraelimi mandu rangala pae ali, loma andala ara wenaali raayome nipuna angele na-pangisimiyandare naarele aowa laapo rupa komea angele wala wi lala ara lalore, Epesusi ree anda wenaalina Ademisiri kepeda wena andaaiye, loma wi waru loaisimiya.
35Gupuma mo ree anda para ramayo wape puma pupudengi noae alimi mo wenaali raayo ma-kuma paoma lalore, Epesusi alinuo, ande yaa nane lopea kana pange monde andaa Ademisi kepeda wena nipuna anda andaai Epesusi ree anda wenaalinumi andere-ao-aeme eiri ali apimi na-pangeapae, lisaya. 36Go einuri giape-nae-yandare nimiri pa aunu na-pi paowa ao-alepape, lisaya. 37Go karu epame ali laapomere naana kepeda wenana anda para wia alenu menda pake na-meape pange kepeda wena para koae angele na-lape, lisaya. 38Go eina Dimidiriusi nipuna pupudengi menda para pimi alinu menda parare koae au wia kone wilimindare gore mo angele yokanali puaeme andanu aemendare mo la wimi naarelena angele yokanali papeya, lisaya. Gupuma mo angele yokanali pi ei andere-aeme alinu ao-aemendare go para pua piri angele loma angele yokanali pia lena ma-alepape, lisaya. 39Gupuma angele menda pange doameya kone wilimindare monde wenaali raayo mombea aema lena epa dapape, lisaya. 40Ambia go naarena naame ma-rekoma yanda pilimandare gore naame koae ei milima, lisaya. Go einare ree menda na-wia, lisaya. Ambia go mombea pima para angele menda angaa milimindare gore naame da pema angele menda lape-na-ya, lisaya.
41Mo ramayo wape puae alimi go angele lomare mo wenaali penaya rapa rapa pisaya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.