Aposolo 16
16
Polome rana laapopao wala popisaya ei
1Go dina Polo mo Depe Lisida ree anda laapo para opapala ipisaya. Go parare Kerisona angele pange ali komea Dimodi aisaya. Nipuna amare Isaraelimi mandu rangala pae wena arare Yesuna angele pange wena aisaya. Nipuna apare Giriki ali aisaya. 2Mo Lisida Aikoniame ree anda laapo Keriso para kone rulaisimiya amenumi lalore, Dimodi nipuri ora epe aliae, loma angele lao-aisimiya. 3Polo nipuna konemere, Dimodi nipuna karu polameya yongale runguli au paisaya. Mo anda naini aisimiya Isaraelimi mandu rangala pae alinumiri Dimodina apare Giriki ali aya loma andisimiyanda paisaya. 4Mo ree anda nini pamuala ara mo Diurusaleme ree anda Yesumi angele ma-puao-aeme alinumi pange Keriso wenaalinuna kalu alinumi pange lisimiya mana angelenu Keriso wenaalimi pangala ara kone suma pinyaya la alala pisimiya. 5Go eina monde Keriso anda repaa wenaalimi ande epe angelena puri paloma naare raayo ma-andayaisimiya.
Polome mo Masedonia andasu ali menda andisaya ei
6Go dina mo Epe Yaakopi Sipiridimi lalore, Mo Eisia andasu nane Godena angele na-wadapape lisayanda Polo nipuna amenu rapu mo Pirisia Galaesia andasu laapo wanduala puma paisimiya. 7Gupuma Misia andasu rombona ipisimiyapare Bidinia andasu nane polameya pu andisimiyapare Yesuna Sipiridimi sese pisaya. 8Go dina Misia andasu nane wanduala pumare Roasi ree anda nane kolopinyaisimiya.
9Rimbala upame pi nono pi rupa Polome Masedonia andasu ali menda andisaya. Masedonia andasu ali komeame nipu para kongeyala ara lalore, Masedonia andasu nane naa rambamula epape lee ei pangisaya. 10Gupuma ande upame pi nono pi ei andomare Godeme ande epe angele go Masedonia andasu wenaali para walomonoya lee ei kone siala ara mo Masedonia andasu nane polameya goleme pora aisa pama.
Lidiame Keriso au pisaya ei
11Go dina mo Roasi ree anda minyapalaoma kawasona piruma mo Samodasi andasu nane rendepona opapala pumare naare mendana mo Neapolisi ree anda nane opapala puama. 12Go pamapare go para aoma giala mo Masedonia andasu nane ree anda andaai Pilipai ree anda nane opapala puama. Go anda para pange Romo alinu waru arimiya. Go ree anda para naare reponda pirama. 13Gupuma Isaraelimi mandu rangala pae wenaalina koro piri naarena mo ree andana pora gape andaai para lombae pupa puma ipa popea ree nane puama. Naana konemere go lenare Isaraelimi mandu rangala pae wenaalina yainya puaya lena, kone siama. Gupuma go para pua piruma mombea aisimiya wenanu para angele angele lama. 14Go para wena komeare Lidiame mo Dayadaira ree anda nane wena ipuma ora epe busupi akanu yangi andaaimi kambala pinya lala pisaya wename Gode para panda punyaomare nana angele panga. Polome wala angele pangenaya Realimi mo wenana pu perekeyaripa.
15Gupuma nipuna anda ruru wenaali rapu baparaisi puma ara naa para kongeyala ara lalore, Nimimiri niri angele na-runguli Reali para epe rupa ayo, kone wilimindare gore na anda para epa ao-alepape, laya. Gupuma waru kongeyanda puama.
Polo para Sailasi laapo mo Pilipai ree anda para dipula ma-lopaisimiya ei
16Naare mendana ande yainya puaya lena puamapare porana nongo mendare ali mendame kamboma pakama pupudengi naisaya nongo mandarima. Mo nongo nipuna pu para piri koae remonumiri werepe pa pe einu wenaalinu para la alala puaisaya. Go eina alinu menda para komea komealo mo nongo nipu para epala pisimiyandare nimu para werepe nee go au pilia loma la alala pisayandare nipu kambisimiya alinumi muni yangi waru meala puaisimiya. 17Go dina Polona kou nane raluma ipula ara wi lala pula ara lalore, Go alinuri ora so Mandaa Olemole Raayo Rambu-ao-aya Godena pupudengi nademe alinu ara monde rambamuma endoaya pora nimi para wadame, la. 18Gupuma naare raayo go au puaisayapare Polome nipuna pumi kendame komala ara perekeyo andoma mo remo para lalore, Yesu Kerisona bina nee para lawale, mo nongo minyapalaoma opolumba pupu la. Gupuma go gole mo koae remo opolumba popa.
19Go papare mo nipu muma andere-aisimiya alinumiri naana muni muarima eiri ambiare pereya, lisimiya. Go kone sumare Polo Sailasi laapo pa ripinyuma mo wenaali raayosi komea lena mombema piri angele lala puaisimiya lena andere-aisimiya kalu alinu para angele yokanali pulame yola ma-paisimiya. 20Gupuma mo angele yokanali pinyaya Romo wenaalinuna andere-aisimiya kalesoro alinu para karu puma lalore, Gore Isaraelimi mandu rangala pae alinumi naana anda ree koyadepe, lisimiya. 21Na Romo alinuri niipu laapona aunu wadape einuri naana Romo alinuna rudule angele wi ei rungudapendare niipu laapome wadape einuri naame ora pangoma pape-na-ya, lisimiya. 22Gupuma monde mombea pirisimiya wenaalimi pange Polo Sailasi laapo para rono pangisimiya. Gupuma mo angele yokanali pala pinyaya andere-aisimiya kalesoro alinumi Polo Sailasina akanu rono pangoma singi pima laisu rumbisimiya. Go puma raki duame angele angele loma aisimiya. 23Gupuma niipu laapo waru raki lu rumbumare endali ripinyi alinumi dipula anda para ma-lopomare mo dipula andere-aisaya ali para waru andere-ape, loma angele la alisimiya.
24Go angele pangomare ora no dipula anda rupara anda panda su kopali-ainyaloma rupara wi panda para ma-lopaoma niipu laapona ange laapo mumare repanana raminyekepaoma andima ma-piraisimiya.
25-26Gupisayapare rimbala u rumu rumuna Polo Sailasi laapome Gode para yainya pala pumare yaisanu lala pisipiya. Gupuma mo dipula anda para pirisimiya alinumi pangala-ainya goleme su sumisumi andaai waru pisaya. Go eina mo dipula anda pinginu lewa lewa pumare wangepu monde anda pora gapenu raayo lombapape pisayandare dipula alinu raayona seinipu kope raayosi kepepape pu lopisaya. 27Mo dipula anda andere-aisaya alimi u palu ma-rekomare mo dipula anda poranu lombapape pu wi einu andomare mo dipula alinu ambala pongola puamenae, kone wisaya. Go kone sumare nipunale kepere andalu ei yola muma nipu awolame pisaya. 28Gupisayapare Polome wi andapu lala ara lalore, Nenale na-liiape. Naa raayore go pambo pimandae, lisaya.
29Gupuma wedambi ma ipuae, loma mo alimi dipula anda rupara nipu alo pua konda pambomare pururumi komala ara paala peanda Polo Sailasi laapo para pua panda pisaya. 30Mo dipula andere-aisaya alimi Polo Sailasi laapo kama nane karu puma lalore, Ali laapo o, neme Godeme ni rambaminyayare ake au punuyapae, lisaya. Niipumi lalore, Reali Yesuna angele milindare rambamuma endoaya ei miliae, lisipiya.
31Nee pange nena wena nongo nakinu pange gurupa milimiae, lisipiya. 32Gupuma Polo Sailasi laapome nipu para pange nipuna anda para pirisimiya wenaali para pange monde Realina angelenu walisipiya.
33Gupuma golemele nipumi niipu laapo karu pumare niipu laapona do liia lena ipame randepemare goleme nipuna wena nongo nakinu rapu aperaoma baparaisi pisimiya. 34Gupisimiyandare nipuna anda para mo ali laapo karu ipuma enda alisaya. Go dina nipuna kone para raname kome ei rumbiaisayanda wena nongo naki rapu ara Gode para kone rulaoma raname waru komisimiya.
35Go au puma naare mendana yapi kepelisayandare mo Romo angele yokanali pi ei andere-aisimiya alinumi endali ripinyi alinu rapaisimiyanda ipuma epa lalore, Neeme go ali laapo pena rapa, lisimiya.
36Go dina mo dipula andere-aisaya alimi Polo para la eiri pula ara lalore, Mo angele yokanali pi ei andere pimi alinumi angele la moyada ara lalore, Niipi pena rapalepa, lame lisaya. Go eina niipimi dipula anda minyapaloma pula ara Godeme niipi para kuma pi ei ginya, pualepape, lisaya.
37Go eina Polome mo endali ripinyi alinu para lalore, Saare mo Romo ali laapoyapare saa na-mi alenu mariaoma go eina pima lo pange angele yokanali pia lena na-mariminde, pange saa pakama wenaali lee rona saa podeyarimende, lisipiya. Go pamendepare saa laapo dipula anda para pa ma-pirariminde, lisipiya. Go einare wala ambiare saa laapo kundiripu rapaluameya dameparere manda dia pange ora ana na-pea, lisipiya. Nimumi saa laapo go einare mo Romo kalesoro alinu nimunale epa muma rapainyae, lisipiya. #16:37 Romo wenaalina Rudule Angeleme lalore Romo wenaali nimuna gole nimu liialore manda na-pea lisimiya.
38Go einare mo endali ripinyi alinumi Polome lisaya angele mo Romo angele yokanali pi ei andere pirisimiya alinu para la eiri paisimiya. Go eina monde alinumi Polo Sailasi laapore Romo ali laapo para pamena lisimiya ei pangoma paalame waru komisimiya.
39Go eina mo angele yokanali pi ei pangoaisimiya alinumi puma Polo Sailasi laapo para pua yarame komoma angele loma kama nane pua ma-rapaisimiya. Gupuma nimumi mo ali laapo para lalore, Niipimi go ree anda giaoma pulupape, lisimiya. 40Go eina niipu laapome mo dipula anda minyapaloma puma wena menda Lidiana anda para paisipiya. Niipu laapome mo Keriso wenaali andoma nimuna pu para puri ma-palada angelenu menda para la lomare niipu paisipiya.
Iliyochaguliwa sasa
Aposolo 16: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 16
16
Polome rana laapopao wala popisaya ei
1Go dina Polo mo Depe Lisida ree anda laapo para opapala ipisaya. Go parare Kerisona angele pange ali komea Dimodi aisaya. Nipuna amare Isaraelimi mandu rangala pae wena arare Yesuna angele pange wena aisaya. Nipuna apare Giriki ali aisaya. 2Mo Lisida Aikoniame ree anda laapo Keriso para kone rulaisimiya amenumi lalore, Dimodi nipuri ora epe aliae, loma angele lao-aisimiya. 3Polo nipuna konemere, Dimodi nipuna karu polameya yongale runguli au paisaya. Mo anda naini aisimiya Isaraelimi mandu rangala pae alinumiri Dimodina apare Giriki ali aya loma andisimiyanda paisaya. 4Mo ree anda nini pamuala ara mo Diurusaleme ree anda Yesumi angele ma-puao-aeme alinumi pange Keriso wenaalinuna kalu alinumi pange lisimiya mana angelenu Keriso wenaalimi pangala ara kone suma pinyaya la alala pisimiya. 5Go eina monde Keriso anda repaa wenaalimi ande epe angelena puri paloma naare raayo ma-andayaisimiya.
Polome mo Masedonia andasu ali menda andisaya ei
6Go dina mo Epe Yaakopi Sipiridimi lalore, Mo Eisia andasu nane Godena angele na-wadapape lisayanda Polo nipuna amenu rapu mo Pirisia Galaesia andasu laapo wanduala puma paisimiya. 7Gupuma Misia andasu rombona ipisimiyapare Bidinia andasu nane polameya pu andisimiyapare Yesuna Sipiridimi sese pisaya. 8Go dina Misia andasu nane wanduala pumare Roasi ree anda nane kolopinyaisimiya.
9Rimbala upame pi nono pi rupa Polome Masedonia andasu ali menda andisaya. Masedonia andasu ali komeame nipu para kongeyala ara lalore, Masedonia andasu nane naa rambamula epape lee ei pangisaya. 10Gupuma ande upame pi nono pi ei andomare Godeme ande epe angele go Masedonia andasu wenaali para walomonoya lee ei kone siala ara mo Masedonia andasu nane polameya goleme pora aisa pama.
Lidiame Keriso au pisaya ei
11Go dina mo Roasi ree anda minyapalaoma kawasona piruma mo Samodasi andasu nane rendepona opapala pumare naare mendana mo Neapolisi ree anda nane opapala puama. 12Go pamapare go para aoma giala mo Masedonia andasu nane ree anda andaai Pilipai ree anda nane opapala puama. Go anda para pange Romo alinu waru arimiya. Go ree anda para naare reponda pirama. 13Gupuma Isaraelimi mandu rangala pae wenaalina koro piri naarena mo ree andana pora gape andaai para lombae pupa puma ipa popea ree nane puama. Naana konemere go lenare Isaraelimi mandu rangala pae wenaalina yainya puaya lena, kone siama. Gupuma go para pua piruma mombea aisimiya wenanu para angele angele lama. 14Go para wena komeare Lidiame mo Dayadaira ree anda nane wena ipuma ora epe busupi akanu yangi andaaimi kambala pinya lala pisaya wename Gode para panda punyaomare nana angele panga. Polome wala angele pangenaya Realimi mo wenana pu perekeyaripa.
15Gupuma nipuna anda ruru wenaali rapu baparaisi puma ara naa para kongeyala ara lalore, Nimimiri niri angele na-runguli Reali para epe rupa ayo, kone wilimindare gore na anda para epa ao-alepape, laya. Gupuma waru kongeyanda puama.
Polo para Sailasi laapo mo Pilipai ree anda para dipula ma-lopaisimiya ei
16Naare mendana ande yainya puaya lena puamapare porana nongo mendare ali mendame kamboma pakama pupudengi naisaya nongo mandarima. Mo nongo nipuna pu para piri koae remonumiri werepe pa pe einu wenaalinu para la alala puaisaya. Go eina alinu menda para komea komealo mo nongo nipu para epala pisimiyandare nimu para werepe nee go au pilia loma la alala pisayandare nipu kambisimiya alinumi muni yangi waru meala puaisimiya. 17Go dina Polona kou nane raluma ipula ara wi lala pula ara lalore, Go alinuri ora so Mandaa Olemole Raayo Rambu-ao-aya Godena pupudengi nademe alinu ara monde rambamuma endoaya pora nimi para wadame, la. 18Gupuma naare raayo go au puaisayapare Polome nipuna pumi kendame komala ara perekeyo andoma mo remo para lalore, Yesu Kerisona bina nee para lawale, mo nongo minyapalaoma opolumba pupu la. Gupuma go gole mo koae remo opolumba popa.
19Go papare mo nipu muma andere-aisimiya alinumiri naana muni muarima eiri ambiare pereya, lisimiya. Go kone sumare Polo Sailasi laapo pa ripinyuma mo wenaali raayosi komea lena mombema piri angele lala puaisimiya lena andere-aisimiya kalu alinu para angele yokanali pulame yola ma-paisimiya. 20Gupuma mo angele yokanali pinyaya Romo wenaalinuna andere-aisimiya kalesoro alinu para karu puma lalore, Gore Isaraelimi mandu rangala pae alinumi naana anda ree koyadepe, lisimiya. 21Na Romo alinuri niipu laapona aunu wadape einuri naana Romo alinuna rudule angele wi ei rungudapendare niipu laapome wadape einuri naame ora pangoma pape-na-ya, lisimiya. 22Gupuma monde mombea pirisimiya wenaalimi pange Polo Sailasi laapo para rono pangisimiya. Gupuma mo angele yokanali pala pinyaya andere-aisimiya kalesoro alinumi Polo Sailasina akanu rono pangoma singi pima laisu rumbisimiya. Go puma raki duame angele angele loma aisimiya. 23Gupuma niipu laapo waru raki lu rumbumare endali ripinyi alinumi dipula anda para ma-lopomare mo dipula andere-aisaya ali para waru andere-ape, loma angele la alisimiya.
24Go angele pangomare ora no dipula anda rupara anda panda su kopali-ainyaloma rupara wi panda para ma-lopaoma niipu laapona ange laapo mumare repanana raminyekepaoma andima ma-piraisimiya.
25-26Gupisayapare rimbala u rumu rumuna Polo Sailasi laapome Gode para yainya pala pumare yaisanu lala pisipiya. Gupuma mo dipula anda para pirisimiya alinumi pangala-ainya goleme su sumisumi andaai waru pisaya. Go eina mo dipula anda pinginu lewa lewa pumare wangepu monde anda pora gapenu raayo lombapape pisayandare dipula alinu raayona seinipu kope raayosi kepepape pu lopisaya. 27Mo dipula anda andere-aisaya alimi u palu ma-rekomare mo dipula anda poranu lombapape pu wi einu andomare mo dipula alinu ambala pongola puamenae, kone wisaya. Go kone sumare nipunale kepere andalu ei yola muma nipu awolame pisaya. 28Gupisayapare Polome wi andapu lala ara lalore, Nenale na-liiape. Naa raayore go pambo pimandae, lisaya.
29Gupuma wedambi ma ipuae, loma mo alimi dipula anda rupara nipu alo pua konda pambomare pururumi komala ara paala peanda Polo Sailasi laapo para pua panda pisaya. 30Mo dipula andere-aisaya alimi Polo Sailasi laapo kama nane karu puma lalore, Ali laapo o, neme Godeme ni rambaminyayare ake au punuyapae, lisaya. Niipumi lalore, Reali Yesuna angele milindare rambamuma endoaya ei miliae, lisipiya.
31Nee pange nena wena nongo nakinu pange gurupa milimiae, lisipiya. 32Gupuma Polo Sailasi laapome nipu para pange nipuna anda para pirisimiya wenaali para pange monde Realina angelenu walisipiya.
33Gupuma golemele nipumi niipu laapo karu pumare niipu laapona do liia lena ipame randepemare goleme nipuna wena nongo nakinu rapu aperaoma baparaisi pisimiya. 34Gupisimiyandare nipuna anda para mo ali laapo karu ipuma enda alisaya. Go dina nipuna kone para raname kome ei rumbiaisayanda wena nongo naki rapu ara Gode para kone rulaoma raname waru komisimiya.
35Go au puma naare mendana yapi kepelisayandare mo Romo angele yokanali pi ei andere-aisimiya alinumi endali ripinyi alinu rapaisimiyanda ipuma epa lalore, Neeme go ali laapo pena rapa, lisimiya.
36Go dina mo dipula andere-aisaya alimi Polo para la eiri pula ara lalore, Mo angele yokanali pi ei andere pimi alinumi angele la moyada ara lalore, Niipi pena rapalepa, lame lisaya. Go eina niipimi dipula anda minyapaloma pula ara Godeme niipi para kuma pi ei ginya, pualepape, lisaya.
37Go eina Polome mo endali ripinyi alinu para lalore, Saare mo Romo ali laapoyapare saa na-mi alenu mariaoma go eina pima lo pange angele yokanali pia lena na-mariminde, pange saa pakama wenaali lee rona saa podeyarimende, lisipiya. Go pamendepare saa laapo dipula anda para pa ma-pirariminde, lisipiya. Go einare wala ambiare saa laapo kundiripu rapaluameya dameparere manda dia pange ora ana na-pea, lisipiya. Nimumi saa laapo go einare mo Romo kalesoro alinu nimunale epa muma rapainyae, lisipiya. #16:37 Romo wenaalina Rudule Angeleme lalore Romo wenaali nimuna gole nimu liialore manda na-pea lisimiya.
38Go einare mo endali ripinyi alinumi Polome lisaya angele mo Romo angele yokanali pi ei andere pirisimiya alinu para la eiri paisimiya. Go eina monde alinumi Polo Sailasi laapore Romo ali laapo para pamena lisimiya ei pangoma paalame waru komisimiya.
39Go eina mo angele yokanali pi ei pangoaisimiya alinumi puma Polo Sailasi laapo para pua yarame komoma angele loma kama nane pua ma-rapaisimiya. Gupuma nimumi mo ali laapo para lalore, Niipimi go ree anda giaoma pulupape, lisimiya. 40Go eina niipu laapome mo dipula anda minyapaloma puma wena menda Lidiana anda para paisipiya. Niipu laapome mo Keriso wenaali andoma nimuna pu para puri ma-palada angelenu menda para la lomare niipu paisipiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.