Aposolo 17
17
Mo Desalonaika ree anda wenaalimi Polo Sailasi laapo duame rapisimiya ei
1Gupuma Ambipolisi Apolonia ree anda laapo nane lombae pupa pumare mo Isaraelimi mandu rangala pae alinuna Godena angele kuruaeme anda komea aisaya anda Desalonaika ree anda nane opapala paisipiya. 2-3Go dina Polome ande puaisaya einu pulame mo Isaraelimi mandu rangala pae alinuna Godena angele kuruaeme anda rupara koro piri naare repona paisaya. Nipumi mo Godena angele wia buka andoma angele rendaa puma mo wenaali rapu angele yokanali pula ara lalore, Go Godena angele wia bukana go wape peanda naana Kerisore rendaa pi ei ambala mumare ora komelea, lea. Gupumare nipu wala rekelea, lea loma walisaya. Gupuma nipumi lalore, Gonde neme nimi para la giawande Yesuri ora Kerisoae, lisaya. 4Gupuma mendane alinumi kone perekeyo sumare Polo Sailasi rapu raminyeke puma aisimiya. Gupuma Gode para yainya puaisimiya Giriki angele loaisimiya bi wi andaa wenaalimi pange kalu ae wenanu menda parame pange mendaa dina go au pisimiya.
5Gupisimiyapare mo Isaraelimi mandu rangala pae alinumi kundipa kone sumare koae alinu pamba na-pi au puaisimiya alinu menda para mumare alinu mombelenaloma mo ree anda alinu raayo la ale ale puma Dieisonina anda ma-koyaluame pumare wala mo ali laapo alinu para karu polameya pisimiya.
6Gupuma mo ali laapo na-andawisimiyandare Dieisoni pange Keriso alinu menda para pange yola ma-puma mo ree anda kalesoro alinu para waloma wi lala ara lalore, Ande su raayo ma-perekeminyambalepe ali laapore ambia go para pange go epa aependa, lisimiya.
7Gupuma go Dieisonimi niipu laapo nipuna anda para lamu mea, lisimiya. Gupuma Sisame rudule angele wi einu rungulala ara kini ali menda aya, nipuri Yesuae, loaepe, lisimiya. 8Go lisimiya ei pangoma mo ree anda rupara aisimiya wenaalinu pange mo gapamani alinu raayosimi mo einu pangape gimi komoma angele menda menda waru lisimiya. 9Go einare mo ree anda andere-aisimiya alinumi Dieisoni pange nipu rapu aisimiya alinu penayanda munimi kambomare nimu rapaisimiya.
Polo Sailasi laapo mo Beria ree anda para paisipiya ei
10Go dinare, mo Keriso alinumi Polo Sailasi laapo Beria ree anda para rimbala penaya rapaisimiya. Gupuma mo anda para opapala pumare Isaraelimi mandu rangala pae alinuna Godena angele kuruaeme anda para paisipiya. 11Mo anda para Isaraelimi mandu rangala pae alinumi Desalonaika ree anda Isaraelimi mandu rangala pae alinumi pisimiya au na-pi pa epe rupa kuma puma ara Polo nipuna angele pangomare ora eiyapae, lama andolameya, mo Godena angele wia buka para yarepema naare raayo aisa pala pisimiya. 12Go eina wenaali andapumi angele pangoma misimiya. Gupuma mendane Giriki angele loaeme bi wi andaa wenanu pange Giriki angele loaeme alinu menda para andapumi pange angele pena pangoma misimiya. 13Gupisimiyapare mo Desalonaika ree anda Isaraelimi mandu rangala pae alinumi Polome mo Beria ree anda para pange Godena angele wada ei angele pangomare go para ipumare pa wenaali menda para rimbuyomare rono pangoma rekisimiya. 14Gupuma mo Keriso alinumi Polore no ipa ree nane rapaisimiyapare Sailasi Dimodi laapo go Beria anda para pa aisipiya.
15Ande Polo karu puaisimiya alinuri mo Adenisi ree anda nane nipu karu pumare Polome Sailasi Dimodi laapo go para ambe wangepu epena da pulupa, lisaya ei pangomare wala perekeya paisimiya.
Polome mo Adenisi ree anda para angele walisaya ei
16Gupuma Polore Adenisi ree anda para mo Sailasi Dimodi laapo epenaya maisamba ara mo ree anda para kana repana waruma wia lenumi pereke pereke au puaisimiya ei andala ara nipuna pumi kendame waru komisaya. 17Go eina Polome mo Isaraelimi mandu rangala pae alinuna Godena angele kuruaeme anda para mo Isaraelimi mandu rangala pae alinu pange mo Gode para kone waru wisimiya andasu menda menda alinu rapu, mo dapanda polome andea lena aisimiya alinu rapu pange, naare raayo angele yokanali pala pisimiya. 18Gupuma mo Epikuriani pange Sidoiki nimuna aunu waloaisimiya alinumiri Polo andoma ape lisimiya. Mendane alinumi lalore, Gonde pamba na-pi pakama angele loaya alimiri ake deapae, lisimiya. Mendane alinumi lalore, Ande pa godenuna au wada aliyanae, lisimiya. Polome Yesumi pisaya einu pange komoma wala rekisaya ei pange walisayandare go angele lisimiya. 19Gupuma Polo lamu muma monde kalesoro alinu mombelisimiya para karu kana rumu menda nipuna bi Ariopakusi para karu puma lalore, Neeme gonde pena walae angele naa para wala la giae, lisimiya. 20Neeme ambalande rando menda pi angele naa para walaende eimiri naana kone konenu sialore pena angelenu kone suma ambia naame go angele ree pangolame raname komelema, lisimiya. 21Mo Adenisi ree anda alinumi pange kimisu ipuma epa pirisimiya alinumi pange go para ara nimuna rana pi eiri naare raayo nimuna andasu rando rando para pi einuna ree mongeada ara angele menda para la alala menda para la alala pula ara rimba ma-yala naarele ma-pereyala puaisimiya.
22Go eina Polome rekoma ara mo alinu raayo para lalore, Adenisi alinuo, nimina waruma ma-aeme kana repana gode para yainya pula ara kone waru suaeme eiri andalo, lisaya. 23Ririnare ni nimina ree anda para pula ara andawapare nimina panda punyaoma yainya puaeme alenu andawa, lisaya. Nimimi kana rapulumana wape peme ei andawa eiri gurupa,
Go bi wape pi kana rapuluma godere naa kone na-wima gode wape peme lisimiya, lisaya.
Nimimi go pakama gode para yainya puaeme eiri ambiare nimina go peme eina angelere mandana go la gialonda, lisaya. 24Go su yaa laapo rupara aeme einu raayo pange alenda alenda waruma ainyalea, Gode su yaa laapo Reali ara alinumi puma yainya puaeme anda ruparanu Gode na-ao-aya, lisaya. 25Gode nipumiri wenaali raayo para endoaya einu pange alenda alenda raayo aloayale naame nipu para pupudenginu nelemandare naame nipu para alape alenu mendana kone na-wia, lisaya. 26Godeme ali komea warumare go warisaya alimiri anda ruru ruru ape wenaalinu mandu rangala paisaya. Go au pumare su raayo para ruru rando rando su menda menda para ao-paliala pinyaya rapa rapa pea, lisaya. Gupuma Godeme ambala ririnare nimuna naarenu pange nimuna su rombonu pange siaisaya. 27Gode nipuna rana pi eiri wenaali raayosimi nipu pamu aisa pinya kone wisaya. Go au pa puma nimuna kone ora epedeandare ni ora aisa pa pua werepe nane ni ora andawilimi, lea, lisaya. Gupisaya eimi Gode nipuri papare na-ae naa repara ao-aya, lisaya. 28Ali mendame wape puma lisaya rupa,
Nipu para endoma ara lewa puma pamuala ara
ao-aema, lea.
Gurupa nimina kone suaeme alinu mendame gurupa loaeme,
Naa pange nipuna naki nongonu ora ara pima,
loaeme, lisaya.
29Go eina Gode nipuna nongo nakinu aemandare Gode para naame kone sialore, Godere golo o silipa kaname warea aleme andea, kone na-siaminya, lisaya. Naame Godere ali mendana kimi pange koneme pange wari ale, kone na-siaminya. 30Ririna alinumi Gode nipu kone waru na-wisimiya dinare Godeme nimuna pisimiya einu para angele menda na-lisayapare ambiare Godeme su wenaali raayo para mana angele lala ara lalore, Nimina pimi koae koae einu raayosi gialepape, lisaya. 31Nipumi naare rombo ambala siaisayanda, lea, lisaya. Go naarena Gode nipumi ma ma-alia ali komeame su wenaali raayo koae ei epe einu raayosi komea lena ma-aoma angele yokanali waru rendepona epa pinyadea, lea, lisaya. Gupuma pula pea eiri wenaali raayome pangomare ora ei kone winyayanda monde aliri komoma wala ma-rekaripa, lisaya.
32Gupuma monde komoma wala ma-rekaya angele pangomare mendane alinumi ero lada ara giri laisimiyapare mendane alinumi lalore, Go lale einare naare mendana nena angele pangelema, lisimiya. 33Go dina Polo kama opalumboma mo alinu minyapaloma paisaya. 34Mendane alinumi nipu para ralomare angele pangisimiya. Mo Ariopakusi kalesoro andaa ali komea Dionisiusi pange wena menda Damarisi pange wenaalinu menda para aperaoma angele misimiya.
Iliyochaguliwa sasa
Aposolo 17: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 17
17
Mo Desalonaika ree anda wenaalimi Polo Sailasi laapo duame rapisimiya ei
1Gupuma Ambipolisi Apolonia ree anda laapo nane lombae pupa pumare mo Isaraelimi mandu rangala pae alinuna Godena angele kuruaeme anda komea aisaya anda Desalonaika ree anda nane opapala paisipiya. 2-3Go dina Polome ande puaisaya einu pulame mo Isaraelimi mandu rangala pae alinuna Godena angele kuruaeme anda rupara koro piri naare repona paisaya. Nipumi mo Godena angele wia buka andoma angele rendaa puma mo wenaali rapu angele yokanali pula ara lalore, Go Godena angele wia bukana go wape peanda naana Kerisore rendaa pi ei ambala mumare ora komelea, lea. Gupumare nipu wala rekelea, lea loma walisaya. Gupuma nipumi lalore, Gonde neme nimi para la giawande Yesuri ora Kerisoae, lisaya. 4Gupuma mendane alinumi kone perekeyo sumare Polo Sailasi rapu raminyeke puma aisimiya. Gupuma Gode para yainya puaisimiya Giriki angele loaisimiya bi wi andaa wenaalimi pange kalu ae wenanu menda parame pange mendaa dina go au pisimiya.
5Gupisimiyapare mo Isaraelimi mandu rangala pae alinumi kundipa kone sumare koae alinu pamba na-pi au puaisimiya alinu menda para mumare alinu mombelenaloma mo ree anda alinu raayo la ale ale puma Dieisonina anda ma-koyaluame pumare wala mo ali laapo alinu para karu polameya pisimiya.
6Gupuma mo ali laapo na-andawisimiyandare Dieisoni pange Keriso alinu menda para pange yola ma-puma mo ree anda kalesoro alinu para waloma wi lala ara lalore, Ande su raayo ma-perekeminyambalepe ali laapore ambia go para pange go epa aependa, lisimiya.
7Gupuma go Dieisonimi niipu laapo nipuna anda para lamu mea, lisimiya. Gupuma Sisame rudule angele wi einu rungulala ara kini ali menda aya, nipuri Yesuae, loaepe, lisimiya. 8Go lisimiya ei pangoma mo ree anda rupara aisimiya wenaalinu pange mo gapamani alinu raayosimi mo einu pangape gimi komoma angele menda menda waru lisimiya. 9Go einare mo ree anda andere-aisimiya alinumi Dieisoni pange nipu rapu aisimiya alinu penayanda munimi kambomare nimu rapaisimiya.
Polo Sailasi laapo mo Beria ree anda para paisipiya ei
10Go dinare, mo Keriso alinumi Polo Sailasi laapo Beria ree anda para rimbala penaya rapaisimiya. Gupuma mo anda para opapala pumare Isaraelimi mandu rangala pae alinuna Godena angele kuruaeme anda para paisipiya. 11Mo anda para Isaraelimi mandu rangala pae alinumi Desalonaika ree anda Isaraelimi mandu rangala pae alinumi pisimiya au na-pi pa epe rupa kuma puma ara Polo nipuna angele pangomare ora eiyapae, lama andolameya, mo Godena angele wia buka para yarepema naare raayo aisa pala pisimiya. 12Go eina wenaali andapumi angele pangoma misimiya. Gupuma mendane Giriki angele loaeme bi wi andaa wenanu pange Giriki angele loaeme alinu menda para andapumi pange angele pena pangoma misimiya. 13Gupisimiyapare mo Desalonaika ree anda Isaraelimi mandu rangala pae alinumi Polome mo Beria ree anda para pange Godena angele wada ei angele pangomare go para ipumare pa wenaali menda para rimbuyomare rono pangoma rekisimiya. 14Gupuma mo Keriso alinumi Polore no ipa ree nane rapaisimiyapare Sailasi Dimodi laapo go Beria anda para pa aisipiya.
15Ande Polo karu puaisimiya alinuri mo Adenisi ree anda nane nipu karu pumare Polome Sailasi Dimodi laapo go para ambe wangepu epena da pulupa, lisaya ei pangomare wala perekeya paisimiya.
Polome mo Adenisi ree anda para angele walisaya ei
16Gupuma Polore Adenisi ree anda para mo Sailasi Dimodi laapo epenaya maisamba ara mo ree anda para kana repana waruma wia lenumi pereke pereke au puaisimiya ei andala ara nipuna pumi kendame waru komisaya. 17Go eina Polome mo Isaraelimi mandu rangala pae alinuna Godena angele kuruaeme anda para mo Isaraelimi mandu rangala pae alinu pange mo Gode para kone waru wisimiya andasu menda menda alinu rapu, mo dapanda polome andea lena aisimiya alinu rapu pange, naare raayo angele yokanali pala pisimiya. 18Gupuma mo Epikuriani pange Sidoiki nimuna aunu waloaisimiya alinumiri Polo andoma ape lisimiya. Mendane alinumi lalore, Gonde pamba na-pi pakama angele loaya alimiri ake deapae, lisimiya. Mendane alinumi lalore, Ande pa godenuna au wada aliyanae, lisimiya. Polome Yesumi pisaya einu pange komoma wala rekisaya ei pange walisayandare go angele lisimiya. 19Gupuma Polo lamu muma monde kalesoro alinu mombelisimiya para karu kana rumu menda nipuna bi Ariopakusi para karu puma lalore, Neeme gonde pena walae angele naa para wala la giae, lisimiya. 20Neeme ambalande rando menda pi angele naa para walaende eimiri naana kone konenu sialore pena angelenu kone suma ambia naame go angele ree pangolame raname komelema, lisimiya. 21Mo Adenisi ree anda alinumi pange kimisu ipuma epa pirisimiya alinumi pange go para ara nimuna rana pi eiri naare raayo nimuna andasu rando rando para pi einuna ree mongeada ara angele menda para la alala menda para la alala pula ara rimba ma-yala naarele ma-pereyala puaisimiya.
22Go eina Polome rekoma ara mo alinu raayo para lalore, Adenisi alinuo, nimina waruma ma-aeme kana repana gode para yainya pula ara kone waru suaeme eiri andalo, lisaya. 23Ririnare ni nimina ree anda para pula ara andawapare nimina panda punyaoma yainya puaeme alenu andawa, lisaya. Nimimi kana rapulumana wape peme ei andawa eiri gurupa,
Go bi wape pi kana rapuluma godere naa kone na-wima gode wape peme lisimiya, lisaya.
Nimimi go pakama gode para yainya puaeme eiri ambiare nimina go peme eina angelere mandana go la gialonda, lisaya. 24Go su yaa laapo rupara aeme einu raayo pange alenda alenda waruma ainyalea, Gode su yaa laapo Reali ara alinumi puma yainya puaeme anda ruparanu Gode na-ao-aya, lisaya. 25Gode nipumiri wenaali raayo para endoaya einu pange alenda alenda raayo aloayale naame nipu para pupudenginu nelemandare naame nipu para alape alenu mendana kone na-wia, lisaya. 26Godeme ali komea warumare go warisaya alimiri anda ruru ruru ape wenaalinu mandu rangala paisaya. Go au pumare su raayo para ruru rando rando su menda menda para ao-paliala pinyaya rapa rapa pea, lisaya. Gupuma Godeme ambala ririnare nimuna naarenu pange nimuna su rombonu pange siaisaya. 27Gode nipuna rana pi eiri wenaali raayosimi nipu pamu aisa pinya kone wisaya. Go au pa puma nimuna kone ora epedeandare ni ora aisa pa pua werepe nane ni ora andawilimi, lea, lisaya. Gupisaya eimi Gode nipuri papare na-ae naa repara ao-aya, lisaya. 28Ali mendame wape puma lisaya rupa,
Nipu para endoma ara lewa puma pamuala ara
ao-aema, lea.
Gurupa nimina kone suaeme alinu mendame gurupa loaeme,
Naa pange nipuna naki nongonu ora ara pima,
loaeme, lisaya.
29Go eina Gode nipuna nongo nakinu aemandare Gode para naame kone sialore, Godere golo o silipa kaname warea aleme andea, kone na-siaminya, lisaya. Naame Godere ali mendana kimi pange koneme pange wari ale, kone na-siaminya. 30Ririna alinumi Gode nipu kone waru na-wisimiya dinare Godeme nimuna pisimiya einu para angele menda na-lisayapare ambiare Godeme su wenaali raayo para mana angele lala ara lalore, Nimina pimi koae koae einu raayosi gialepape, lisaya. 31Nipumi naare rombo ambala siaisayanda, lea, lisaya. Go naarena Gode nipumi ma ma-alia ali komeame su wenaali raayo koae ei epe einu raayosi komea lena ma-aoma angele yokanali waru rendepona epa pinyadea, lea, lisaya. Gupuma pula pea eiri wenaali raayome pangomare ora ei kone winyayanda monde aliri komoma wala ma-rekaripa, lisaya.
32Gupuma monde komoma wala ma-rekaya angele pangomare mendane alinumi ero lada ara giri laisimiyapare mendane alinumi lalore, Go lale einare naare mendana nena angele pangelema, lisimiya. 33Go dina Polo kama opalumboma mo alinu minyapaloma paisaya. 34Mendane alinumi nipu para ralomare angele pangisimiya. Mo Ariopakusi kalesoro andaa ali komea Dionisiusi pange wena menda Damarisi pange wenaalinu menda para aperaoma angele misimiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.