Aposolo 15
15
Mo Diurusaleme ree anda para Keriso wenaali raayo mombelisimiya ei
1Rana menda Diudia andasu nane aisimiya alinu mendapare go para aoma Andioko ree anda para ipisimiya. Ipuma epa mo Keriso wenaali para angele walala ara lalore, Monde Mosesimi Rudule yongale runguli au na-pilimindare nimimi Godeme rambamuma nipuna endoaya ei na-milimi, lisimiya.
2Gupuma Polo Banabasi laapome mo alinu para puri paloma kenda pi angele andaai lisipiya. Go eina ande Andioko Keriso wenaalimi Polo Banabasi laapo pange Andioko alinu menda para mo Diurusaleme ree anda nane penaya misimiya. Nimumi go ree anda nane aisimiya Yesuna angele ma-puao-aeme alinu para pange mo Keriso wenaalinuna kalu alinu para pange ande walisimiya angele kurula penaya misimiya.
3Go eina mo Keriso anda rurumi rapaisimiyandare puma mo Penisia andasu nane pange Sameria andasu nane pange kondambala puma lalore, Isaraelimi na-mandu rangala pae wenaali mendame Godeme nimuna pu perekeyaisaya ei pua la lisipiya. Keriso amenu raayome go angele pangoma raname komisimiya.
4Gupuma Diurusaleme ree anda para wala opapala pumare, mo Yesuna angele ma-puao-aeme alinumi pange mo Keriso wenaalinuna kalu alinumi pange mo Keriso wenaalimi pange raname komala ara nimu lamu misimiya. Ipumare mo pa pirisimiya alinu para niipu laapome Godena purimi wenaali menda parana rupara Godeme pi einu raayo walisipiya. 5Walisipiyanda Keriso alinu menda parame mo Parisi anda repaa alinu rekoma lalore, Mo Isaraelimi na-mandu rangala pae wenaali mendanuri yongale runguli au pinya la dapape, lisimiya. Mosesimi wale Rudule Angele wi einu pange pangena lademendare ana pea, lisimiya.
6Go eina mo Yesuna angele ma-puao-aeme alinu pange mo kalu alinu pange komea para mombea piri go angele epealuame kone wisimiya. 7Angele yokanali pu piruma werepe nane Pidame rekoma ara angele gurupa lisaya. Na amenuo, ambalande ririna Godeme Isaraelimi na-mandu rangala pae wenaali menda para nimumi Godena epe angele pangoma kone rulainyayanda Godena epe angele walanoya nimi rupara ni meande, lisaya. 8Gupuma Godeme wenaali raayona kone wi einu andoayandare nipumi mo Isaraelimi na-mandu rangala pae wenaali menda para epe kone wi ei wadoame naa para giande rupa nipuna Epe Yaakopi Sipiridi nimu para pange ala, lisaya. 9Gode nipumi naa Isaraelimi mandu rangala pae wenaalinu pange Isaraelimi na-mandu rangala pae wenaali mendanu naa raayo mendaa pea, loma walea, lisaya. Isaraelimi na-mandu rangala pae wenaali mendanumi Yesu para kone rulaisimiyandare nimuna koae koae einu pisimiya einuri randepearipa, lisaya. 10Akepeanda nimina rana pi eiri Gode para rono ma-pangaluame mo Kerisona angele pange wenaali para kenda pi einu adamepae, lisaya. Naana aya kasuanumi pange naa pange go kenda pi einu riape rupa pomome komamande, lisaya. Go eiri kolea, lisaya. 11Gode nipumi naa pange Isaraelimi na-mandu rangala pae wenaalinu pange Reali Yesu nipuna pakama yarame komea eimi naa endoma aema, lisaya.
12Polo Banabasi laapome monde epa mombelisimiya wenaali raayosi para wenaalimi na-ande pena aunu pisaya einu pange lee opoma andape aunu Godena purimi Banabasi Polo laapome mo Isaraelimi na-mandu rangala pae wenaalinu menda para pisipiya ei lisipiyanda angele na-le pawa pambo piri pangisimiya. 13Banabasi Polo laapome angele lo pereyaisipiya dina Dieimusi nipumi lalore, Na amenuo, na angele pangalepa, lisaya. 14Saimono nipumi nimi para ririna Godeme Isaraelimi na-mandu rangala pae wenaali menda para nipuna wenaali ma-aluame misaya ei lande eiri pangamende, lisaya. Go au puma misaya eimi Godeme nimu para epe rupa andere-aripande eiri naa para walande eiri andamende, lisaya. 15Go eiri Godena poropedi alimi ora pilia, loma la wi ei pia. Akepeandare Godena angele wia bukame gurupa lea.
16Realimi lalore, Go ambaisenande Deipidina
ki rambuao-aya ei perelisaya eiri werepe
ni wala lekeya epola dinare gonde
ki rambuao-aya ei wala epa pula, loma lea.
Mo ki rambuao-aya eina puri perelisayapare
werepe nane neme puri ma-paloma
wala epa pula, loma lea.
17Go einare su kuni kuni para ao-paluaeme
wenaali raayome werepe ni waru pamu
aisa pilimi, loma lea.
Go Isaraelimi na-mandu rangala pae wenaali
raayore neme ambala yarepe meawa wenaaliri
naiyandare ni para epeleme, loma lea.
18Ambala ririna Realimi angele gurupa la loma
walisaya, lea.
Go eiri ambia pange nipumi gurupa lea.
19Go eina Dieimusi nipumi angele pa lala lala ara lalore, Na kone pe ei gurupa, lisaya. Isaraelimi na-mandu rangala pae wenaali mendanumi Gode para kone rulaoma ipulumindare nimu para kenda na-alaminya kone sialoae, lisaya. 20Go au na-piri nimu para naame ramayo wape paminya, lisaya. Kana repana waruma wi pa pereke pereke gode para ale koae kodo pi maku raliala pi enda arinu gupi enda na-nalepape loma wape paminya lisaya. Alimi wena pake ne ei o wename ali pake ne ei go einu na-pipape, loma wape paminya, lisaya. Ma-rengepe minyuma wee rumbili ari pange ari wee na-nalepape, loma wape paminya, lisaya.
21Gurupare akepeanda wape paminyayapae. Isaraelimi mandu rangala pae wenaalinuna koro piruaeme naare raayona alinu mendame Mosesina Rudule Angele wi ei yarepema waloaisimiya. Isaraelimi mandu rangala pae wenaalinuna Godeme angele kuruaeme anda para ree anda raayo para walala-ainya kuni gipa andapu waru popea, lisaya.
Isaraelimi na-mandu rangala pae Keriso para kone rulaisimiya wenaali para wape rapaisimiya ei
22Go eina mo Yesuna angele ma-puao-aeme alinu pange mo Keriso para kone rulaisimiya wenaalinuna kalu alinu pange Keriso wenaali raayome pange rana pi ei angele komea loma nimuna ali mendanu Andioko ree anda nane penaya Polo Banabasi laapo rapu rapaluame misimiya. Mo rapaluameya misimiya ali mendana bi Diudasi nipuna bi menda Basapasi pange Sailasi pange rapaisimiya. Niipu laapore Keriso wenaali rupara kone suma angele yapipi loae ali laapo. 23Mo alinuna ki para ma-paisimiya ramayo wapena ruparare go angele wape pisimiya. Naare nimina amenu Yesuna angele ma-puao-aeme alinumi pange Keriso wenaalinuna kalu alinumi pange so Andioko Siria Silisia nane aeme Isaraelimi na-mandu rangala pae amenu raayo para yarae angele wape puma moyarima. 24Naana repaa repaa amenu mendanumi puma nimi para angele walala ara nimi para kenda pademe eiri pangama. Naame nimu para mana angele la alala ara gurupa go angele pua dapape, lo, naame na-lalama, lisimiya. 25Go eina naame komea para mombema ara angele angele loma alinu menda meaminya, lama. Go eina naame naana ame laapo Polo Banabasi laapo rapu alinu menda para pange nimi para rapalimandare epedea, lama. 26Go eina ande ali laapomere naana Reali Yesu Keriso para nipuna pupudengi nada ara niipu lu komape ei kone na-wisipiya. 27Go einare Diudasi Sailasi laapore naame nimi para raparima. Go eina niipu epelependare niipumi angaame ande wape pi angelere nimi para depe, lisimiya. 28Mo Epe Yaakopi Sipiridina koneme pange naana koneme pange kendame ma-komape angele na-damapare go wape pi angelere ora epe kone suma ape eina angele dama. 29Kana repana waruma wiale para alinau pimi enda ari na-nalepape pange ari wee piri ei na-nalepape pange ma-rengepe minyuma siamba ara komaya ei pange na-nalepape pange alimi wena pake ne ei o wename ali pake ne ei go einu na-pipape. Go aunu raayo gioma na-pilimindare epe rupa alimiae, lisimiya. Yarayoae, paidapape, loma lisimiya.
30Gupuma mo alinu rapaisimiyanda mo Andioko ree anda nane pumare Keriso wenaali epa mombea pirinyaloma ande ramayo yarepema andenaya alisimiya. 31Gupuma mo wenaalimi yarepemare ande epe angele lisimiya ei pangomare raname waru komisimiya. 32Gupuma Diudasi Sailasi laapore Godena poropedi ali laapo arare mo Keriso wenaali rapu ara angele waru walala pula ara puri ma-palaisipiya.
33-34Gupuma go para ongesinda ao-andere pumare mo Keriso alinumi ande ririna ambalande rapaisimiya alinu para epe rupa ara wala rapaisimiyapare [go dina Sailasi nipuna kone wi eiri, Niri go anda para ongesinda pa alua, kone suma pa aisaya.]
35Gupisimiyapare Polo Banabasi laapo Andioko ree anda nane ongesinda ao-andere pumare alinu raayo rapu menda para ara Realina angele walala puma la alala puaisipiya.
Polo Banabasi laapome kone menda menda suma kapuminyala paisipiya ei
36Gupuma werepe nane naare mendana Polome Banabasi para lalore, Banae, ambalande Realina angele walapande anda raayo naini saana amenu ake pemepae mareale andapana banae, lisaya. 37Gupuma Banabasi nipuna rana pisaya eiri Dioni Maka karu polameya kone wisaya. 38Gurupa kone wisayapare ambalande ande Pambilia andasu nane ara nimumi angele wada paisimiya dina Dioni Makame niipu laapo minyapaloma paisayanda Polome lalore, Gipia, lisaya.
39Gupuma niipu laapona angele rando rando loma kendame komisipiyanda pora rali puma paisipiya. Banabasi pange Dioni Maka niipu laapo kawasona piruma Saiparusi ipa piru kopaliao su nane paisipiya.
40Gupisipiyapare Polome Sailasi karu muma polame pisipiyandare mo Keriso amenumi lalore, Niipi laapore Realimi andere-aliale pulapae, lisimiya. 41Gupuma pumare Siria Silisia andasu laapo nane Keriso wenaali kongapu ma-palada ara pamuaisipiya.
Iliyochaguliwa sasa
Aposolo 15: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 15
15
Mo Diurusaleme ree anda para Keriso wenaali raayo mombelisimiya ei
1Rana menda Diudia andasu nane aisimiya alinu mendapare go para aoma Andioko ree anda para ipisimiya. Ipuma epa mo Keriso wenaali para angele walala ara lalore, Monde Mosesimi Rudule yongale runguli au na-pilimindare nimimi Godeme rambamuma nipuna endoaya ei na-milimi, lisimiya.
2Gupuma Polo Banabasi laapome mo alinu para puri paloma kenda pi angele andaai lisipiya. Go eina ande Andioko Keriso wenaalimi Polo Banabasi laapo pange Andioko alinu menda para mo Diurusaleme ree anda nane penaya misimiya. Nimumi go ree anda nane aisimiya Yesuna angele ma-puao-aeme alinu para pange mo Keriso wenaalinuna kalu alinu para pange ande walisimiya angele kurula penaya misimiya.
3Go eina mo Keriso anda rurumi rapaisimiyandare puma mo Penisia andasu nane pange Sameria andasu nane pange kondambala puma lalore, Isaraelimi na-mandu rangala pae wenaali mendame Godeme nimuna pu perekeyaisaya ei pua la lisipiya. Keriso amenu raayome go angele pangoma raname komisimiya.
4Gupuma Diurusaleme ree anda para wala opapala pumare, mo Yesuna angele ma-puao-aeme alinumi pange mo Keriso wenaalinuna kalu alinumi pange mo Keriso wenaalimi pange raname komala ara nimu lamu misimiya. Ipumare mo pa pirisimiya alinu para niipu laapome Godena purimi wenaali menda parana rupara Godeme pi einu raayo walisipiya. 5Walisipiyanda Keriso alinu menda parame mo Parisi anda repaa alinu rekoma lalore, Mo Isaraelimi na-mandu rangala pae wenaali mendanuri yongale runguli au pinya la dapape, lisimiya. Mosesimi wale Rudule Angele wi einu pange pangena lademendare ana pea, lisimiya.
6Go eina mo Yesuna angele ma-puao-aeme alinu pange mo kalu alinu pange komea para mombea piri go angele epealuame kone wisimiya. 7Angele yokanali pu piruma werepe nane Pidame rekoma ara angele gurupa lisaya. Na amenuo, ambalande ririna Godeme Isaraelimi na-mandu rangala pae wenaali menda para nimumi Godena epe angele pangoma kone rulainyayanda Godena epe angele walanoya nimi rupara ni meande, lisaya. 8Gupuma Godeme wenaali raayona kone wi einu andoayandare nipumi mo Isaraelimi na-mandu rangala pae wenaali menda para epe kone wi ei wadoame naa para giande rupa nipuna Epe Yaakopi Sipiridi nimu para pange ala, lisaya. 9Gode nipumi naa Isaraelimi mandu rangala pae wenaalinu pange Isaraelimi na-mandu rangala pae wenaali mendanu naa raayo mendaa pea, loma walea, lisaya. Isaraelimi na-mandu rangala pae wenaali mendanumi Yesu para kone rulaisimiyandare nimuna koae koae einu pisimiya einuri randepearipa, lisaya. 10Akepeanda nimina rana pi eiri Gode para rono ma-pangaluame mo Kerisona angele pange wenaali para kenda pi einu adamepae, lisaya. Naana aya kasuanumi pange naa pange go kenda pi einu riape rupa pomome komamande, lisaya. Go eiri kolea, lisaya. 11Gode nipumi naa pange Isaraelimi na-mandu rangala pae wenaalinu pange Reali Yesu nipuna pakama yarame komea eimi naa endoma aema, lisaya.
12Polo Banabasi laapome monde epa mombelisimiya wenaali raayosi para wenaalimi na-ande pena aunu pisaya einu pange lee opoma andape aunu Godena purimi Banabasi Polo laapome mo Isaraelimi na-mandu rangala pae wenaalinu menda para pisipiya ei lisipiyanda angele na-le pawa pambo piri pangisimiya. 13Banabasi Polo laapome angele lo pereyaisipiya dina Dieimusi nipumi lalore, Na amenuo, na angele pangalepa, lisaya. 14Saimono nipumi nimi para ririna Godeme Isaraelimi na-mandu rangala pae wenaali menda para nipuna wenaali ma-aluame misaya ei lande eiri pangamende, lisaya. Go au puma misaya eimi Godeme nimu para epe rupa andere-aripande eiri naa para walande eiri andamende, lisaya. 15Go eiri Godena poropedi alimi ora pilia, loma la wi ei pia. Akepeandare Godena angele wia bukame gurupa lea.
16Realimi lalore, Go ambaisenande Deipidina
ki rambuao-aya ei perelisaya eiri werepe
ni wala lekeya epola dinare gonde
ki rambuao-aya ei wala epa pula, loma lea.
Mo ki rambuao-aya eina puri perelisayapare
werepe nane neme puri ma-paloma
wala epa pula, loma lea.
17Go einare su kuni kuni para ao-paluaeme
wenaali raayome werepe ni waru pamu
aisa pilimi, loma lea.
Go Isaraelimi na-mandu rangala pae wenaali
raayore neme ambala yarepe meawa wenaaliri
naiyandare ni para epeleme, loma lea.
18Ambala ririna Realimi angele gurupa la loma
walisaya, lea.
Go eiri ambia pange nipumi gurupa lea.
19Go eina Dieimusi nipumi angele pa lala lala ara lalore, Na kone pe ei gurupa, lisaya. Isaraelimi na-mandu rangala pae wenaali mendanumi Gode para kone rulaoma ipulumindare nimu para kenda na-alaminya kone sialoae, lisaya. 20Go au na-piri nimu para naame ramayo wape paminya, lisaya. Kana repana waruma wi pa pereke pereke gode para ale koae kodo pi maku raliala pi enda arinu gupi enda na-nalepape loma wape paminya lisaya. Alimi wena pake ne ei o wename ali pake ne ei go einu na-pipape, loma wape paminya, lisaya. Ma-rengepe minyuma wee rumbili ari pange ari wee na-nalepape, loma wape paminya, lisaya.
21Gurupare akepeanda wape paminyayapae. Isaraelimi mandu rangala pae wenaalinuna koro piruaeme naare raayona alinu mendame Mosesina Rudule Angele wi ei yarepema waloaisimiya. Isaraelimi mandu rangala pae wenaalinuna Godeme angele kuruaeme anda para ree anda raayo para walala-ainya kuni gipa andapu waru popea, lisaya.
Isaraelimi na-mandu rangala pae Keriso para kone rulaisimiya wenaali para wape rapaisimiya ei
22Go eina mo Yesuna angele ma-puao-aeme alinu pange mo Keriso para kone rulaisimiya wenaalinuna kalu alinu pange Keriso wenaali raayome pange rana pi ei angele komea loma nimuna ali mendanu Andioko ree anda nane penaya Polo Banabasi laapo rapu rapaluame misimiya. Mo rapaluameya misimiya ali mendana bi Diudasi nipuna bi menda Basapasi pange Sailasi pange rapaisimiya. Niipu laapore Keriso wenaali rupara kone suma angele yapipi loae ali laapo. 23Mo alinuna ki para ma-paisimiya ramayo wapena ruparare go angele wape pisimiya. Naare nimina amenu Yesuna angele ma-puao-aeme alinumi pange Keriso wenaalinuna kalu alinumi pange so Andioko Siria Silisia nane aeme Isaraelimi na-mandu rangala pae amenu raayo para yarae angele wape puma moyarima. 24Naana repaa repaa amenu mendanumi puma nimi para angele walala ara nimi para kenda pademe eiri pangama. Naame nimu para mana angele la alala ara gurupa go angele pua dapape, lo, naame na-lalama, lisimiya. 25Go eina naame komea para mombema ara angele angele loma alinu menda meaminya, lama. Go eina naame naana ame laapo Polo Banabasi laapo rapu alinu menda para pange nimi para rapalimandare epedea, lama. 26Go eina ande ali laapomere naana Reali Yesu Keriso para nipuna pupudengi nada ara niipu lu komape ei kone na-wisipiya. 27Go einare Diudasi Sailasi laapore naame nimi para raparima. Go eina niipu epelependare niipumi angaame ande wape pi angelere nimi para depe, lisimiya. 28Mo Epe Yaakopi Sipiridina koneme pange naana koneme pange kendame ma-komape angele na-damapare go wape pi angelere ora epe kone suma ape eina angele dama. 29Kana repana waruma wiale para alinau pimi enda ari na-nalepape pange ari wee piri ei na-nalepape pange ma-rengepe minyuma siamba ara komaya ei pange na-nalepape pange alimi wena pake ne ei o wename ali pake ne ei go einu na-pipape. Go aunu raayo gioma na-pilimindare epe rupa alimiae, lisimiya. Yarayoae, paidapape, loma lisimiya.
30Gupuma mo alinu rapaisimiyanda mo Andioko ree anda nane pumare Keriso wenaali epa mombea pirinyaloma ande ramayo yarepema andenaya alisimiya. 31Gupuma mo wenaalimi yarepemare ande epe angele lisimiya ei pangomare raname waru komisimiya. 32Gupuma Diudasi Sailasi laapore Godena poropedi ali laapo arare mo Keriso wenaali rapu ara angele waru walala pula ara puri ma-palaisipiya.
33-34Gupuma go para ongesinda ao-andere pumare mo Keriso alinumi ande ririna ambalande rapaisimiya alinu para epe rupa ara wala rapaisimiyapare [go dina Sailasi nipuna kone wi eiri, Niri go anda para ongesinda pa alua, kone suma pa aisaya.]
35Gupisimiyapare Polo Banabasi laapo Andioko ree anda nane ongesinda ao-andere pumare alinu raayo rapu menda para ara Realina angele walala puma la alala puaisipiya.
Polo Banabasi laapome kone menda menda suma kapuminyala paisipiya ei
36Gupuma werepe nane naare mendana Polome Banabasi para lalore, Banae, ambalande Realina angele walapande anda raayo naini saana amenu ake pemepae mareale andapana banae, lisaya. 37Gupuma Banabasi nipuna rana pisaya eiri Dioni Maka karu polameya kone wisaya. 38Gurupa kone wisayapare ambalande ande Pambilia andasu nane ara nimumi angele wada paisimiya dina Dioni Makame niipu laapo minyapaloma paisayanda Polome lalore, Gipia, lisaya.
39Gupuma niipu laapona angele rando rando loma kendame komisipiyanda pora rali puma paisipiya. Banabasi pange Dioni Maka niipu laapo kawasona piruma Saiparusi ipa piru kopaliao su nane paisipiya.
40Gupisipiyapare Polome Sailasi karu muma polame pisipiyandare mo Keriso amenumi lalore, Niipi laapore Realimi andere-aliale pulapae, lisimiya. 41Gupuma pumare Siria Silisia andasu laapo nane Keriso wenaali kongapu ma-palada ara pamuaisipiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.