Aposolo 14
14
Polo Banabasi laapo Aikoniame ree anda nane aisipiya ei
1Polo Banabasi laapo mo Aikoniame ree anda para paisipiyanda pange mendaa au wala pisaya. Niipu laapo mo Isaraelimi mandu rangala pae alinuna Godena angele kuruaeme anda para konda pamboma angele walisipiyandare Isaraelimi mandu rangala pae wenaali andapumi pange Isaraelimi na-mandu rangala pae wenaali menda para andapumi pange Realina angele pangoma kone rulaisimiya.
2Gupisimiyapare angele na-pange Isaraelimi mandu rangala pae alinumi mo Isaraelimi na-mandu rangala pae wenaalinu menda para rimbuyoma Keriso wenaali para koae konenu ma-sialepa loma rimbu lisimiya. 3Go lisimiyapare Polo Banabasi laapome naarele andapu go para ao ara paalame na-kome puri paloma ara Realina angele walala pisipiya. Gupuma mo ali laapo Godena puri pale eimi wenaali para na-ande einu pange au menda menda penameyao walisipiya. Go einuri mo wenaalinu para walisaya go einare mo nipuna pakama aloaya epe angelere ora ei lisipiya. 4Gupisayapare mo ree anda wenaaliri rikirana purupi lapaoma mendane wenaali Yesuna angele ma-puao-aepe ali laapo para ralala pisimiya. Mendane wenaaliri Isaraelimi mandu rangala pae alinu para ralala pisimiya.
5Gupuma mo Isaraelimi mandu rangala pae alinumi pange Isaraelimi na-mandu rangala pae alinu menda rapu nimuna kalu alinu menda parame epelea lala-ainya Polo Banabasi laapo kaname ora koae rupa lu komaluameya yanda rombisimiya. 6Go lisimiya ei mo ali laapome pangomare mo Laikonia andasu nane aisipiya Lisida Depe ree anda laapo para pange mo enge andasinu para pange pongola pamulopisipiya. 7Go para pua ara monde epe angele walala pisipiya.
Mo ali laapo Lisida ree anda para aisipiya ei
8Mo Lisida ree anda para ange kole ali menda pirisaya. Nipuri angimi mandisaya dina ange koyapale mandisaya eimiyalo naare raayo angeme porana na-puaisaya.
9-10Go dina Polome angele pua walisayanda go angelenu piri pangambo piruaisaya. Gupuma Polome lee puri paleme andala ara kone sialore, Mo ange kole ali nipumi Gode para kone rulayandare nipuna ange mandana ma-epeapeya, kone wisaya. Nipumi mo ali waru andoma angele andapu loma lalore, Rekoma, nena ange rindapeaoma rendepona reka ae, lisaya. Gupuma monde aliri go gole ange rindapeaoma wange wangepu rekoma pamulopisaya. 11Wenaali raayome Polome pisaya ei andomare Laikonia anda angele loma wi lala ara lalore, Naanande kananumi wari godenumi ora ali au loma naa para kolopenyoma ipuma pamenae, lisimiya. 12Banabasi nipuna bi menda Siusi lisimiya pange Polo nipuri ririna angele walea ali aisayanda nipuna bi mendare Emesi lisimiya. #14:12 Giriki wenaali nimuna kone rulaisimiya ei mendare gore go su yaa laapo rupara one mone gode andapu aeme kone wisimiya. Go gode raayona kalu aliri Siusi lisimiya. Gupuma Emesi nipu pange gode lisimiya. Nipuna pupudengiri angele ma-pamuao-ae gode lisimiya. 13Gupuma mo ree anda kama nane payapo gode nipuna bi Siusi nipuna kaname wari andaa rimbu anda aisaya. Go Siusi nipuna rimbu mandi alinumi gawa ru menanu pange epe au lee repana kilisinu pora gape para ma-ipisimiya. Ma-ipumare go rimbu mandi alimi pange wenaali raayome pange monde Yesuna angele ma-puao-aepe ali laapo para monde alenda alenda ma-ipuma alinau pulame pisimiya.
14-15Gupisimiyapare Polo Banabasi laapome mo wenaalinumi niipu laapo para alinau pilima, lisimiya ei pangomare niipu laapome wenaalinu para go au gipia kone suma walalipinyayanda mo wenaali angalapuna nipuna aka rekele puma alo pula ara wi lala ara lalore, Alinuo, akepeanda go au pulame damepae, lisipiya. Saa pange nimi mandana ande su ali laapo ae, lisipiya. Go pimi einuri pa ei pimi, lisipiya. Nimimiri go alu pape koae alenu gialiminyaya saare epe angele ma-ipuma papa, lisipiya. Go au giomare go su yaa pange ipa olemole raayo waruma ainyalea endoma ao-ape Gode para perekeyaoma epaliminyaya ipuma papa, lisipiya.
16Ambaisena aisimiya wenaalinuri Godeme nimuna rana pi eina ainyaya angele menda na-lisaya. 17Gode nipuna aya ei epe au pi einumi wadoame gurupa penameyaripa, lisipiya. Epe au pula ara yaa naneyame yai epena lala puma kuni gipanare nimina nape endanu ma-opoma anana guaya, lisipiya. Gode nipumi nimi raname ma-komala puaya, lisipiya. 18Mo wenaalimi kongapu aoma ande menanu luma alinau ora pa pulameya rapisimiyapare mo ali laapome Go au na-pipape, loma angele lisipiyandare mo wenaali para sese pisipiya.
19Gupuma Andioko ree anda Pisidia andasu rupara Isaraelimi mandu rangala pae alinu pange Aikoniame ree anda Isaraelimi mandu rangala pae alinu pange ipumare mo wenaali para rimbuyoma Polo kaname lumare ora komea kone suma lu yola mo ree anda kama para paisimiya. 20Gupisimiyapare mo Kerisona angele pange alinu nipu wisaya lena mombea-ainya Polore rekoma mo ree anda rupara wala lekeya paisaya. Gupuma yapi lisayandare Banabasi niipu laapo mo Depe ree anda nane paisipiya.
Polo Banabasi laapo Andioko ree anda Siria andasu para wala lekeya paisipiya ei
21Gupuma Polo Banabasi laapome go Depe anda para monde epe angele walisipiyandare wenaali andapumi Yesuna kou nane raluaisimiya wenaalinu aisimiya. Werepe nanere niipu laapo Lisida Aikoniame ree anda laapo para wala lekeya puma Andioko ree anda Pisidia andasu para pange wala perekeya paisipiya. 22Niipu laapome Kerisona angele pange wenaali puri ma-palada ara angele walala ara lalore, Godena angele waru pangoma ripinya ao-alepape, lisipiya. Naare kendame kome ei andapu mumare Godena Ki Rambuao-aya Eina konda pambelema, loma walisipiya. 23Gupuma mo ali laapome ande andasu menda menda para pamulopala ara Yesu para kone rulaisimiya wenaalinu komea para mombeala pisimiya para rondopao piri ali mendanu muma Keriso wenaalinu andere-ainyaya ma ma-ala pisipiya. Go dinare enda ambe na-ne yainya pula ara niipu laapome nimuna Reali para kone rularimi wenaali Realimi andere-ainyalomare muma ma-alisipiya.
24Werepe nane Pisidia andasu nane kini pu konda pambala pumare Pambilia andasu nane opapala paisipiya. 25Gupuma Peka anda para angele walomare Adelia anda nane punyaisipiya. 26Gupuma go para aoma kawasona piruma ande Andioko anda nane wala lekeya paisipiya. Ambalande go para Keriso alinumi Godeme mo ali laapo andere-ainyaya Gode para la alala pisimiyandare Godena angele walala penaya rapala pisimiyapare angele waloma perelisayandare wala perekeya ipisipiya.
27Gupuma ipumare Keriso repaa wenaali mombelenalomare Godeme Isaraelimi na-mandu rangala pae wenaali mendame endoaya ei minyaya pora lombaripande loma la alisipiya. 28Gupuma mo Kerisona angele pange wenaali rapu naare andapu aisipiya.
Iliyochaguliwa sasa
Aposolo 14: POLENT23
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Aposolo 14
14
Polo Banabasi laapo Aikoniame ree anda nane aisipiya ei
1Polo Banabasi laapo mo Aikoniame ree anda para paisipiyanda pange mendaa au wala pisaya. Niipu laapo mo Isaraelimi mandu rangala pae alinuna Godena angele kuruaeme anda para konda pamboma angele walisipiyandare Isaraelimi mandu rangala pae wenaali andapumi pange Isaraelimi na-mandu rangala pae wenaali menda para andapumi pange Realina angele pangoma kone rulaisimiya.
2Gupisimiyapare angele na-pange Isaraelimi mandu rangala pae alinumi mo Isaraelimi na-mandu rangala pae wenaalinu menda para rimbuyoma Keriso wenaali para koae konenu ma-sialepa loma rimbu lisimiya. 3Go lisimiyapare Polo Banabasi laapome naarele andapu go para ao ara paalame na-kome puri paloma ara Realina angele walala pisipiya. Gupuma mo ali laapo Godena puri pale eimi wenaali para na-ande einu pange au menda menda penameyao walisipiya. Go einuri mo wenaalinu para walisaya go einare mo nipuna pakama aloaya epe angelere ora ei lisipiya. 4Gupisayapare mo ree anda wenaaliri rikirana purupi lapaoma mendane wenaali Yesuna angele ma-puao-aepe ali laapo para ralala pisimiya. Mendane wenaaliri Isaraelimi mandu rangala pae alinu para ralala pisimiya.
5Gupuma mo Isaraelimi mandu rangala pae alinumi pange Isaraelimi na-mandu rangala pae alinu menda rapu nimuna kalu alinu menda parame epelea lala-ainya Polo Banabasi laapo kaname ora koae rupa lu komaluameya yanda rombisimiya. 6Go lisimiya ei mo ali laapome pangomare mo Laikonia andasu nane aisipiya Lisida Depe ree anda laapo para pange mo enge andasinu para pange pongola pamulopisipiya. 7Go para pua ara monde epe angele walala pisipiya.
Mo ali laapo Lisida ree anda para aisipiya ei
8Mo Lisida ree anda para ange kole ali menda pirisaya. Nipuri angimi mandisaya dina ange koyapale mandisaya eimiyalo naare raayo angeme porana na-puaisaya.
9-10Go dina Polome angele pua walisayanda go angelenu piri pangambo piruaisaya. Gupuma Polome lee puri paleme andala ara kone sialore, Mo ange kole ali nipumi Gode para kone rulayandare nipuna ange mandana ma-epeapeya, kone wisaya. Nipumi mo ali waru andoma angele andapu loma lalore, Rekoma, nena ange rindapeaoma rendepona reka ae, lisaya. Gupuma monde aliri go gole ange rindapeaoma wange wangepu rekoma pamulopisaya. 11Wenaali raayome Polome pisaya ei andomare Laikonia anda angele loma wi lala ara lalore, Naanande kananumi wari godenumi ora ali au loma naa para kolopenyoma ipuma pamenae, lisimiya. 12Banabasi nipuna bi menda Siusi lisimiya pange Polo nipuri ririna angele walea ali aisayanda nipuna bi mendare Emesi lisimiya. #14:12 Giriki wenaali nimuna kone rulaisimiya ei mendare gore go su yaa laapo rupara one mone gode andapu aeme kone wisimiya. Go gode raayona kalu aliri Siusi lisimiya. Gupuma Emesi nipu pange gode lisimiya. Nipuna pupudengiri angele ma-pamuao-ae gode lisimiya. 13Gupuma mo ree anda kama nane payapo gode nipuna bi Siusi nipuna kaname wari andaa rimbu anda aisaya. Go Siusi nipuna rimbu mandi alinumi gawa ru menanu pange epe au lee repana kilisinu pora gape para ma-ipisimiya. Ma-ipumare go rimbu mandi alimi pange wenaali raayome pange monde Yesuna angele ma-puao-aepe ali laapo para monde alenda alenda ma-ipuma alinau pulame pisimiya.
14-15Gupisimiyapare Polo Banabasi laapome mo wenaalinumi niipu laapo para alinau pilima, lisimiya ei pangomare niipu laapome wenaalinu para go au gipia kone suma walalipinyayanda mo wenaali angalapuna nipuna aka rekele puma alo pula ara wi lala ara lalore, Alinuo, akepeanda go au pulame damepae, lisipiya. Saa pange nimi mandana ande su ali laapo ae, lisipiya. Go pimi einuri pa ei pimi, lisipiya. Nimimiri go alu pape koae alenu gialiminyaya saare epe angele ma-ipuma papa, lisipiya. Go au giomare go su yaa pange ipa olemole raayo waruma ainyalea endoma ao-ape Gode para perekeyaoma epaliminyaya ipuma papa, lisipiya.
16Ambaisena aisimiya wenaalinuri Godeme nimuna rana pi eina ainyaya angele menda na-lisaya. 17Gode nipuna aya ei epe au pi einumi wadoame gurupa penameyaripa, lisipiya. Epe au pula ara yaa naneyame yai epena lala puma kuni gipanare nimina nape endanu ma-opoma anana guaya, lisipiya. Gode nipumi nimi raname ma-komala puaya, lisipiya. 18Mo wenaalimi kongapu aoma ande menanu luma alinau ora pa pulameya rapisimiyapare mo ali laapome Go au na-pipape, loma angele lisipiyandare mo wenaali para sese pisipiya.
19Gupuma Andioko ree anda Pisidia andasu rupara Isaraelimi mandu rangala pae alinu pange Aikoniame ree anda Isaraelimi mandu rangala pae alinu pange ipumare mo wenaali para rimbuyoma Polo kaname lumare ora komea kone suma lu yola mo ree anda kama para paisimiya. 20Gupisimiyapare mo Kerisona angele pange alinu nipu wisaya lena mombea-ainya Polore rekoma mo ree anda rupara wala lekeya paisaya. Gupuma yapi lisayandare Banabasi niipu laapo mo Depe ree anda nane paisipiya.
Polo Banabasi laapo Andioko ree anda Siria andasu para wala lekeya paisipiya ei
21Gupuma Polo Banabasi laapome go Depe anda para monde epe angele walisipiyandare wenaali andapumi Yesuna kou nane raluaisimiya wenaalinu aisimiya. Werepe nanere niipu laapo Lisida Aikoniame ree anda laapo para wala lekeya puma Andioko ree anda Pisidia andasu para pange wala perekeya paisipiya. 22Niipu laapome Kerisona angele pange wenaali puri ma-palada ara angele walala ara lalore, Godena angele waru pangoma ripinya ao-alepape, lisipiya. Naare kendame kome ei andapu mumare Godena Ki Rambuao-aya Eina konda pambelema, loma walisipiya. 23Gupuma mo ali laapome ande andasu menda menda para pamulopala ara Yesu para kone rulaisimiya wenaalinu komea para mombeala pisimiya para rondopao piri ali mendanu muma Keriso wenaalinu andere-ainyaya ma ma-ala pisipiya. Go dinare enda ambe na-ne yainya pula ara niipu laapome nimuna Reali para kone rularimi wenaali Realimi andere-ainyalomare muma ma-alisipiya.
24Werepe nane Pisidia andasu nane kini pu konda pambala pumare Pambilia andasu nane opapala paisipiya. 25Gupuma Peka anda para angele walomare Adelia anda nane punyaisipiya. 26Gupuma go para aoma kawasona piruma ande Andioko anda nane wala lekeya paisipiya. Ambalande go para Keriso alinumi Godeme mo ali laapo andere-ainyaya Gode para la alala pisimiyandare Godena angele walala penaya rapala pisimiyapare angele waloma perelisayandare wala perekeya ipisipiya.
27Gupuma ipumare Keriso repaa wenaali mombelenalomare Godeme Isaraelimi na-mandu rangala pae wenaali mendame endoaya ei minyaya pora lombaripande loma la alisipiya. 28Gupuma mo Kerisona angele pange wenaali rapu naare andapu aisipiya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.