MARKU 9
9
1Iye wambile kuli ayo ngwenyi, Pundu ngunambe kuli yenu ngwami, Kwali amwe anamana kuno, kechi kufwa nichimwe ndo mamona wanangana wa Zambi hiweza ni tachi.
2Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo; 3mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa. 4Kwasolokele kuli ayo Eliya hamwe ni Mose: no ahanjikile ni Yesu. 5Petulu yakumbulula kuli Yesu ngwenyi, Longeshi, chinawaha hali yetu kupwa kuno: tutungenu yisakila yitatu; chimwe hali yena, ni chikwo hali Mose, ni chikwo hali Eliya. 6Mumu kanyingikine chize mamba, mumu evwile woma wunji. 7Lelwa liejile nikwazulamina Chizulie; ni liji Watuhukile mu lelwa ngwo, Yono mwe Mwanami ngunamuzange chikolo; mwivwenu. 8Susumuku, ha kukengesa, kamwene nawa niumwe, shina Yesu wika hamwe no.
9Shimbu machipalumuka ku mulundu, waahele koki ngwenyi, Kanda nukaambulwila niumwe chize nwamona shina muze mwe Mwana Mutu hahinduka mukachi ka afu. 10O afungile liji lino, nikulihula hakachi ko chize kuhinduka mukachi ka afu muchipwa. 11O amuhulile ngwo, Kuchi te akwa kusonyeka akwamba ngwo, Chatamba Eliya kulianga kwiza? 12Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko? 13Ahoze ngunambe kuli yenu ngwami, Eliya haneza, o hanalingi kuli iye cheswacho azangile, ngwe chinasonewa hali iye.
14Muze ahetele kuli tumbaji, amwene mbunga yinene ha kwajingilika, ni akwa kusonyeka analihangujola no. 15Haze hene mbunga yeswe, muze amumwene, akomokene chikolo, o nikuzomboka kuli iye, amumenekene. 16Iye waahulile ngwenyi, Kuchi nunalihangujola no? 17Mba umwe wa ku mbunga wamukumbulwile ngwenyi, Longeshi, nanehanga kuli yena mwanami wa lunga, Spiritu ya kamama akwete; 18kweswako mamukwata, mamulimbula: iye matutumuna fulufulu, malikopola ku mazo, mapokieka: nahanjikanga kuli tumbaji twe, hanga amutuhwise; alioze kahashileko. 19Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami. 20Amunehene kuli iye: muze amumwene, haze hene Spiritu wamutunyishine chikolo; iye walimbukile hashi, walangumukine nikututumuna fulufulu. 21Iye wahulile tato ngwenyi, Miaka yingahi anatwama chocho? Iye wambile ngwenyi, Chize ku wanuke wenyi. 22Ni kanji hanamulimbwola mu kahia ni mu meya, hanga amwonwone: alioze kachi muhasa kulinga chuma chimwe, tuvwile kama keke, utukwase kama. 23Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela. 24Haze hene tato ya mwana, watetele, wambile ni masoji ngwenyi, Mwene, ngunafuliela; kwasa kama chize ngunahono ha Ufulielo wami. 25Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye. 26Iye muze te hakololoka, nikumutunyisa chikolo, watuhukile muli iye: iye wapwile ngwe mufu; chocho anji ambile ngwo, Hafwa. 27Alioze Yesu wamukwachile ku kwoko, wamukatwishile; iye wakatukile. 28Muze te hanjila mu zuwo, tumbaji twenyi amuhulile ukawo ngwo, Kuchi te yetu kutwahashile kumutuhwisa? 29Iye wambile kuli ayo ngwenyi, Mulali uno kuushi kutuhuka shina ha kulemba ni ha kulitwamina kulia.
30O akatukile kuze, apalike ndusu mu Ngalileya; alioze kazangile niumwe kuchinyingika. 31Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka. 32Alioze kanyingikine liji lino, evwile woma kumuhula.
33O ahetele ku Kafwanaume: ni muze apwile mu zuwo, waahulile ngwenyi, Yika nwapwanga nikulihangujola hakachi kenu mu jila? 34Alioze aholele kulungunga kwo; mumu mu jila apwile nikulihangujola hakachi ko yoze mapwa munene wahiana eswe. 35Iye watwamine, watambikile kumi ni aali; iye yamba kuli ayo ngwenyi, Kachi umwe mazanga kupwa mutangu, akapwe kasulasongo ka eswe, ni kavumbi ka eswe. 36Iye wanjile mwana mukepe, wamutumbikile mukachi ko: wamusele mu kondo, wambile kuli ayo ngwenyi, 37Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.
38Yoano wambile kuli iye ngwenyi, Longeshi, twamwene umwe kanatuhwisa andemoniu mu jina lie, twamukanjishile, mumu keshi kutukaula yetu. 39Alioze Yesu wambile ngwenyi, Kanda nukamukanjisa: mumu kukushi mutu yoze mahasa kulinga chipupu mu jina liami, mba mahasa nikawashi nawa kuhanjika yipi hali yami, niumwe. 40Mumu yoze keshi kulimika ni yetu, hamwe ni yetu ali. 41Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.
42Mweswawo matalingisa umwe wa kuli ana akepe waze akungufuliela yami, Shinaho kachi majichika liwe linene lia kutwa nalio ha kota yenyi, akamumbile mu kalunga-lwiji. 43Nyi kachi kwoko lie mulikutalingisa, liteteko: Shinaho unjile mu mwono kahundu, kuchina nikupwa ni moko aali ukaye ku Ngehena, ku kahia kaze kukeshi kuhasa kujima. 44Muze vuno lio keshi kufwamo, ni kahia kukeshi kujimamo. 45Nyi kachi kulu lie mulikutalingisa, liteteko: Shinaho unjile mu mwono chilema, kuchina nikupwa ni molu aali akakumbile mu Ngehena, mu kahia kaze kukeshi kuhasa kujima, 46muze vuno lio keshi kufwamo, ni kahia kukeshi kujimamo. 47Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia. 48Muze vuno lio keshi kufwamo, ni kahia keshi kujimamo. 49Mumu kumakavunjila mweswe ni kahia, kumakavunjila yitapo yeswe ni mungwa. 50Mungwa unawaha; alioze kachi mungwa unasamuka, neka mauyemesa? Pwenu ni mungwa muli yenwene, pwenu ni sambukila umwe ni mukwo ni mukwo.
Iliyochaguliwa sasa
MARKU 9: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 9
9
1Iye wambile kuli ayo ngwenyi, Pundu ngunambe kuli yenu ngwami, Kwali amwe anamana kuno, kechi kufwa nichimwe ndo mamona wanangana wa Zambi hiweza ni tachi.
2Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo; 3mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa. 4Kwasolokele kuli ayo Eliya hamwe ni Mose: no ahanjikile ni Yesu. 5Petulu yakumbulula kuli Yesu ngwenyi, Longeshi, chinawaha hali yetu kupwa kuno: tutungenu yisakila yitatu; chimwe hali yena, ni chikwo hali Mose, ni chikwo hali Eliya. 6Mumu kanyingikine chize mamba, mumu evwile woma wunji. 7Lelwa liejile nikwazulamina Chizulie; ni liji Watuhukile mu lelwa ngwo, Yono mwe Mwanami ngunamuzange chikolo; mwivwenu. 8Susumuku, ha kukengesa, kamwene nawa niumwe, shina Yesu wika hamwe no.
9Shimbu machipalumuka ku mulundu, waahele koki ngwenyi, Kanda nukaambulwila niumwe chize nwamona shina muze mwe Mwana Mutu hahinduka mukachi ka afu. 10O afungile liji lino, nikulihula hakachi ko chize kuhinduka mukachi ka afu muchipwa. 11O amuhulile ngwo, Kuchi te akwa kusonyeka akwamba ngwo, Chatamba Eliya kulianga kwiza? 12Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko? 13Ahoze ngunambe kuli yenu ngwami, Eliya haneza, o hanalingi kuli iye cheswacho azangile, ngwe chinasonewa hali iye.
14Muze ahetele kuli tumbaji, amwene mbunga yinene ha kwajingilika, ni akwa kusonyeka analihangujola no. 15Haze hene mbunga yeswe, muze amumwene, akomokene chikolo, o nikuzomboka kuli iye, amumenekene. 16Iye waahulile ngwenyi, Kuchi nunalihangujola no? 17Mba umwe wa ku mbunga wamukumbulwile ngwenyi, Longeshi, nanehanga kuli yena mwanami wa lunga, Spiritu ya kamama akwete; 18kweswako mamukwata, mamulimbula: iye matutumuna fulufulu, malikopola ku mazo, mapokieka: nahanjikanga kuli tumbaji twe, hanga amutuhwise; alioze kahashileko. 19Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami. 20Amunehene kuli iye: muze amumwene, haze hene Spiritu wamutunyishine chikolo; iye walimbukile hashi, walangumukine nikututumuna fulufulu. 21Iye wahulile tato ngwenyi, Miaka yingahi anatwama chocho? Iye wambile ngwenyi, Chize ku wanuke wenyi. 22Ni kanji hanamulimbwola mu kahia ni mu meya, hanga amwonwone: alioze kachi muhasa kulinga chuma chimwe, tuvwile kama keke, utukwase kama. 23Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela. 24Haze hene tato ya mwana, watetele, wambile ni masoji ngwenyi, Mwene, ngunafuliela; kwasa kama chize ngunahono ha Ufulielo wami. 25Muze Yesu amwene mbunga azombokele nikulikungulula, Wámbilile Spiritu ya luchisa ngwenyi, Yena spiritu ya kamama kanda ya kafwamatwi, ngunakwambe ngwami, Tuhuka muli iye, kanda ukanjila nawa muli iye. 26Iye muze te hakololoka, nikumutunyisa chikolo, watuhukile muli iye: iye wapwile ngwe mufu; chocho anji ambile ngwo, Hafwa. 27Alioze Yesu wamukwachile ku kwoko, wamukatwishile; iye wakatukile. 28Muze te hanjila mu zuwo, tumbaji twenyi amuhulile ukawo ngwo, Kuchi te yetu kutwahashile kumutuhwisa? 29Iye wambile kuli ayo ngwenyi, Mulali uno kuushi kutuhuka shina ha kulemba ni ha kulitwamina kulia.
30O akatukile kuze, apalike ndusu mu Ngalileya; alioze kazangile niumwe kuchinyingika. 31Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka. 32Alioze kanyingikine liji lino, evwile woma kumuhula.
33O ahetele ku Kafwanaume: ni muze apwile mu zuwo, waahulile ngwenyi, Yika nwapwanga nikulihangujola hakachi kenu mu jila? 34Alioze aholele kulungunga kwo; mumu mu jila apwile nikulihangujola hakachi ko yoze mapwa munene wahiana eswe. 35Iye watwamine, watambikile kumi ni aali; iye yamba kuli ayo ngwenyi, Kachi umwe mazanga kupwa mutangu, akapwe kasulasongo ka eswe, ni kavumbi ka eswe. 36Iye wanjile mwana mukepe, wamutumbikile mukachi ko: wamusele mu kondo, wambile kuli ayo ngwenyi, 37Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.
38Yoano wambile kuli iye ngwenyi, Longeshi, twamwene umwe kanatuhwisa andemoniu mu jina lie, twamukanjishile, mumu keshi kutukaula yetu. 39Alioze Yesu wambile ngwenyi, Kanda nukamukanjisa: mumu kukushi mutu yoze mahasa kulinga chipupu mu jina liami, mba mahasa nikawashi nawa kuhanjika yipi hali yami, niumwe. 40Mumu yoze keshi kulimika ni yetu, hamwe ni yetu ali. 41Mumu mweswawo manwaha musenge wa meya a kunwa, mumu nuli a Kristu, pundu ngunambe kuli yenu ngwami, Yoze kechi katokesa kwononona chenyi nichimwe.
42Mweswawo matalingisa umwe wa kuli ana akepe waze akungufuliela yami, Shinaho kachi majichika liwe linene lia kutwa nalio ha kota yenyi, akamumbile mu kalunga-lwiji. 43Nyi kachi kwoko lie mulikutalingisa, liteteko: Shinaho unjile mu mwono kahundu, kuchina nikupwa ni moko aali ukaye ku Ngehena, ku kahia kaze kukeshi kuhasa kujima. 44Muze vuno lio keshi kufwamo, ni kahia kukeshi kujimamo. 45Nyi kachi kulu lie mulikutalingisa, liteteko: Shinaho unjile mu mwono chilema, kuchina nikupwa ni molu aali akakumbile mu Ngehena, mu kahia kaze kukeshi kuhasa kujima, 46muze vuno lio keshi kufwamo, ni kahia kukeshi kujimamo. 47Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia. 48Muze vuno lio keshi kufwamo, ni kahia keshi kujimamo. 49Mumu kumakavunjila mweswe ni kahia, kumakavunjila yitapo yeswe ni mungwa. 50Mungwa unawaha; alioze kachi mungwa unasamuka, neka mauyemesa? Pwenu ni mungwa muli yenwene, pwenu ni sambukila umwe ni mukwo ni mukwo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.