MARKU 8
8
1Ha matangwa aze muze kwapwile cheka nawa mbunga yinene, se kapwile nacho nichimwe cha kulia, watambikile tumbaji twenyi kuli iye, yamba kuli ayo ngwenyi, 2Mbunga yino, ngunaavwila keke, mumu kanashimbula hamwe ni yami matangwa atatu kulu, keshi nichimwe cha kulia: 3kachi mungushika no, aye ku mahio ni zala, kumalezumuka mu jila; mumu amwe a kuli ayo anakatuka kusuku. 4Tumbaji twenyi amukumbulwile ngwo, Kulihi umwe mahasa kukuchisa wano ni mbolo muno mu puya? 5Iye waahulile ngwenyi, Mbolo jingahi nuli najo? O ambile ngwo, Shimbiali. 6Iye wambile mbunga atwame hashi: wanjile mbolo shimbiali, ni muze te hasakwila, wajipalwile, wajihanyine kuli tumbaji twenyi, hanga ajitumbike kumeso jo; no ajitumbikile kumeso ja mbunga. 7O apwile ni tuyishi tumwe tukehe, muze te hatuwahisa, wambile atutumbike nawa kumeso jo. 8O alile, akuchile, mba anjile yipalupalu yize yasalile, yiseke shimbiali. 9Waze alile, apwile ngwe tununu awana; iye waashikile aye.
10Haze hene wanjilile mu ulungu hamwe ni tumbaji twenyi, wahetele ku yihanda ya ku Ndalumanuta. 11A-Fwariseu atuhukile, aputukile kumuhula, kanafupu kuli iye chilayi cha mwilu, akamweseke. 12Iye watwile chikolo mikuma mu Spiritu yenyi, yamba ngwenyi, Kuchi te chisemuko chino muchifupa chilayi? Pundu ngunambe kuli yenu ngwami, Kechi kahana chilayi ku chisemuko chino. 13Iye waahichikile, ni cheka nawa ha kunjila mu ulungu, wakatukile akaye mu sali.
14O avulamine kumbata mbolo; kambachile mu ulungu shina mbolo yimuwika. 15Iye waakanyamishine ngwenyi, Kanyamenu, keyelenu futunwiso ya A-Fwariseu, ni futunwiso ya A-Heronde. 16O anyongene hakachi ko ngwo, Mbolo kutushi nayo. 17Yesu se kachinyingika, yamba kuli ayo ngwenyi, Kuchi te nunanyongo, mumu mbolo kunushi nayo? Hindu kanda nuchinyonga, nyi? Hanji kuchanulumbunukine, nyi? Mbunge jenu hijanukala, nyi? 18Meso nuli no, kunushi kumona, nyi? Matwi nuli no, kunushi kwivwa, nyi? Kunushi kwiwuluka, nyi? 19Muze napalwile mbolo jitano hakachi ka tununu atano, yipakili yingahi ya tò ya yipalupalu nwanjile? O yamba kuli iye ngwo, Kumi ni yiali. 20Ni shimbiali hakachi ka tununu awana, yiseke yingahi ya tò ya yipalupalu nwanjile? No yamba kuli iye ngwo, Shimbiali. 21Iye wambile kuli ayo ngwenyi, Hindu kuchanulumbunukine, nyi?
22Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe. 23Iye wakwachile kapuputa ku kwoko, wamutwalile haze lia chihunda; ni muze te hafwila mate ha meso jenyi, hamusayika moko, wamuhulile ngwenyi, Unamono chimwe, nyi? 24Iye wahetwile meso, wambile ngwenyi, Ngunamono malunga; ngwe mitondo yinende. 25Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala. 26Iye wamutumine ku zuwo lienyi, ngwenyi, Chipwe kanda ukanjila mu chihunda, chipwe kanda ukaambulwila niumwe mu chihunda.
27Yesu wakatukile kuze, hamwe ni tumbaji twenyi, akaye ku yihunda ya ku Sesarea Fwilipu; mba mu jila wahulile tumbaji twenyi, ngwenyi, Kuchi atu akunguvuluka? 28Amwambulwilile ngwo, Yoano Chipapachisa; akwo ngwo, Eliya; alioze akwo ngwo, Umwe wa kuli aprofeta. 29Iye waahulile ngwenyi, Alioze ni yenu, kuchi nwakunguvuluka? Petulu yamukumbulula, ngwenyi, Mwe Kristu yena. 30Iye waahele koki ngwenyi, Kanda nukaambulwila niumwe ha kutwala kuli yami.
31Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke. 32Iye wahanjikile mwazu liji lino, mba Petulu wamutwalile ku tenga, waputukile kumwambila. 33Alioze iye, ha kutewuluka, yamona tumbaji twenyi, Wámbilile Petulu ngwenyi, Sosoloka kunyima yami, Satana, mumu kushi kunyonga yuma ya Zambi, alioze yuma ya atu.
34Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule. 35Mumu mweswawo mazanga kulamwina mwono wenyi kumakautokesa; mweswawo matokesa mwono wenyi mumu hali yami ni ha sango lipema, kumakaulamwina. 36Mumu kuchi mutu mafumbuka, kachi malipichisa hashi heswe, alioze matokesa mwono wenyi? 37Hanji kuchi mutu mahana cha kusumbakenya mwono wenyi? 38Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.
Iliyochaguliwa sasa
MARKU 8: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 8
8
1Ha matangwa aze muze kwapwile cheka nawa mbunga yinene, se kapwile nacho nichimwe cha kulia, watambikile tumbaji twenyi kuli iye, yamba kuli ayo ngwenyi, 2Mbunga yino, ngunaavwila keke, mumu kanashimbula hamwe ni yami matangwa atatu kulu, keshi nichimwe cha kulia: 3kachi mungushika no, aye ku mahio ni zala, kumalezumuka mu jila; mumu amwe a kuli ayo anakatuka kusuku. 4Tumbaji twenyi amukumbulwile ngwo, Kulihi umwe mahasa kukuchisa wano ni mbolo muno mu puya? 5Iye waahulile ngwenyi, Mbolo jingahi nuli najo? O ambile ngwo, Shimbiali. 6Iye wambile mbunga atwame hashi: wanjile mbolo shimbiali, ni muze te hasakwila, wajipalwile, wajihanyine kuli tumbaji twenyi, hanga ajitumbike kumeso jo; no ajitumbikile kumeso ja mbunga. 7O apwile ni tuyishi tumwe tukehe, muze te hatuwahisa, wambile atutumbike nawa kumeso jo. 8O alile, akuchile, mba anjile yipalupalu yize yasalile, yiseke shimbiali. 9Waze alile, apwile ngwe tununu awana; iye waashikile aye.
10Haze hene wanjilile mu ulungu hamwe ni tumbaji twenyi, wahetele ku yihanda ya ku Ndalumanuta. 11A-Fwariseu atuhukile, aputukile kumuhula, kanafupu kuli iye chilayi cha mwilu, akamweseke. 12Iye watwile chikolo mikuma mu Spiritu yenyi, yamba ngwenyi, Kuchi te chisemuko chino muchifupa chilayi? Pundu ngunambe kuli yenu ngwami, Kechi kahana chilayi ku chisemuko chino. 13Iye waahichikile, ni cheka nawa ha kunjila mu ulungu, wakatukile akaye mu sali.
14O avulamine kumbata mbolo; kambachile mu ulungu shina mbolo yimuwika. 15Iye waakanyamishine ngwenyi, Kanyamenu, keyelenu futunwiso ya A-Fwariseu, ni futunwiso ya A-Heronde. 16O anyongene hakachi ko ngwo, Mbolo kutushi nayo. 17Yesu se kachinyingika, yamba kuli ayo ngwenyi, Kuchi te nunanyongo, mumu mbolo kunushi nayo? Hindu kanda nuchinyonga, nyi? Hanji kuchanulumbunukine, nyi? Mbunge jenu hijanukala, nyi? 18Meso nuli no, kunushi kumona, nyi? Matwi nuli no, kunushi kwivwa, nyi? Kunushi kwiwuluka, nyi? 19Muze napalwile mbolo jitano hakachi ka tununu atano, yipakili yingahi ya tò ya yipalupalu nwanjile? O yamba kuli iye ngwo, Kumi ni yiali. 20Ni shimbiali hakachi ka tununu awana, yiseke yingahi ya tò ya yipalupalu nwanjile? No yamba kuli iye ngwo, Shimbiali. 21Iye wambile kuli ayo ngwenyi, Hindu kuchanulumbunukine, nyi?
22Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe. 23Iye wakwachile kapuputa ku kwoko, wamutwalile haze lia chihunda; ni muze te hafwila mate ha meso jenyi, hamusayika moko, wamuhulile ngwenyi, Unamono chimwe, nyi? 24Iye wahetwile meso, wambile ngwenyi, Ngunamono malunga; ngwe mitondo yinende. 25Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala. 26Iye wamutumine ku zuwo lienyi, ngwenyi, Chipwe kanda ukanjila mu chihunda, chipwe kanda ukaambulwila niumwe mu chihunda.
27Yesu wakatukile kuze, hamwe ni tumbaji twenyi, akaye ku yihunda ya ku Sesarea Fwilipu; mba mu jila wahulile tumbaji twenyi, ngwenyi, Kuchi atu akunguvuluka? 28Amwambulwilile ngwo, Yoano Chipapachisa; akwo ngwo, Eliya; alioze akwo ngwo, Umwe wa kuli aprofeta. 29Iye waahulile ngwenyi, Alioze ni yenu, kuchi nwakunguvuluka? Petulu yamukumbulula, ngwenyi, Mwe Kristu yena. 30Iye waahele koki ngwenyi, Kanda nukaambulwila niumwe ha kutwala kuli yami.
31Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke. 32Iye wahanjikile mwazu liji lino, mba Petulu wamutwalile ku tenga, waputukile kumwambila. 33Alioze iye, ha kutewuluka, yamona tumbaji twenyi, Wámbilile Petulu ngwenyi, Sosoloka kunyima yami, Satana, mumu kushi kunyonga yuma ya Zambi, alioze yuma ya atu.
34Watambikile kuli iye mbunga hamwe ni tumbaji twenyi, wambile kuli ayo ngwenyi, Kachi umwe mazanga kungukaula, akalikale liakulu iye mwene, akazundule kulusu yenyi, akangukaule. 35Mumu mweswawo mazanga kulamwina mwono wenyi kumakautokesa; mweswawo matokesa mwono wenyi mumu hali yami ni ha sango lipema, kumakaulamwina. 36Mumu kuchi mutu mafumbuka, kachi malipichisa hashi heswe, alioze matokesa mwono wenyi? 37Hanji kuchi mutu mahana cha kusumbakenya mwono wenyi? 38Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.