MARKU 10
10
1Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.
2A-Fwariseu ejile kuli iye, amuhulile, nikumweseka ngwo, Muchilita ni shimbi hali lunga kulakula mukwo-pwo, nyi? 3Iye wakumbulwile ngwenyi, shimbi yika anuhele Mose? 4O ambile ngwo, Mose watayijile kusoneka mukanda wa kulakula, akamutwale. 5Alioze Yesu wambile kuli ayo ngwenyi, Ha kukala cha mbunge jenu wanusonekenene liji lino lia shimbi. 6Alioze chize ku uputukilo wa kutanga cha Zambi, Zambi waatangile lunga ni pwo. 7Mumu ha mukunda uno mutu akahichike tato ni naye, akalinunge ni mukwo-pwo; 8ni e aali kumakapwa musunya umuwika: chocho hi aali nawa ko, alioze musunya umuwika. 9Chize kashika hananungu Zambi, atu kanda akachihandununa.
10Mu zuwo tumbaji twenyi amuhulile cheka nawa ha kutwala ku chikuma chino. 11Iye yamba kuli ayo ngwenyi, Mweswawo malakula mukwo-pwo akambate weka, mavulumuna pwo lienyi mutonga wa utanji: 12nyi kachi pwo malakula mukwo-lunga, akaye uto weka, malinga utanji.
13O anehene kuli iye ana akepe, hanga akaasayike moko: ni tumbaji aakanjishile. 14Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene. 15Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe. 16Iye waasele mu kondo, waawahishile, nikusayika moko jenyi hali ayo.
17Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo? 18Alioze Yesu wambile kuli iye ngwenyi, Kuchi te unanguvuluka ngwe, Mupema? Mupema wakuhi niumwe shina umuwika, iye Zambi. 19Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko. 20Wambile kuli iye ngwenyi, Longeshi, yino yuma yeswe hingunayifungp chize ku ukweze wami. 21Yesu, ha kumutala wamuzangile, wambile kuli iye ngwenyi, Chuma chimuwika unahono: yako, ulanjise yeswayo uli nayo, uhane kuli yiswale, mba Kumukapwa ni upite mwilu: wize, Ungukalile. 22Alioze wavutukile ku meso ha liji lino, wakatukile ni chinyengo: mumu wapwile ni upite wunji.
23Mba Yesu wakengesele, wambile kuli tumbaji twenyi ngwenyi, Chikalu Chichize hali waze akwete upite kunjila mu wanangana wa Zambi. 24Tumbaji akomokene ha maliji jenyi. Alioze Yesu yakumbulula cheka nawa ngwenyi, Ana jami, chikalu Chichize hali waze akukolela ha upite, kunjila mu wanangana wa Zambi! 25Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi. 26O alishimwokene kuhiana, nikuliamba hakachi ko ngwo, Iya kevwe mahasa kulilamwina? 27Yesu nikwatala yamba ngwenyi, Kuli atu kenu machisa, alioze hi kuli Zambi ko: mumu yuma yeswe yinahase kupwa kuli Zambi. 28Petulu waputukile kwamba kuli iye ngwenyi, Tala, yetu hitunahichika yeswe, hitunakukaula. 29Yesu wambile ngwenyi, Pundu ngunambe kuli yenu ngwami, Mweswe mahichika zuwo, hanji ayayo, hanji ana-akwo, hanji mapangi, hanji tato, hanji naye, hanji ana, hanji minda, mumu hali yami, ni ha sango lipema; 30kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo. 31Atangu anji kumakapwa akwa kusula; ni akwa kusula kumakapwa atangu.
32Apwile mu jila ya kukanduka ku Yerusaleme; ni Yesu waatetekelele: o akomokene; ni waze akawile, evwile woma. Iye watwalile cheka nawa kumi ni aali hamwe nenyi, waputukile kwaambulwila yuma yize muyimuwana. 33Ngwenyi, tunakanduka ku Yerusaleme; kumakakunjika mwe Mwana Mutu kuli asasendote akwa lutwe ni akwa kusonyeka; o kumakamuhisa akafwe, kumakamukunjika kuli akwa mavungu: 34o kumakamukekuna, makamulamba ni shikote, makamufwila mate, makamushiha; mba kulutwe lia matangwa atatu, kumakahinduka.
35Ana ja Zembendeu, Tiangu ni Yoano, yakundama kuli iye, ngwo, Longeshi, tunazange, cheswacho mutukwitacho ukatulingile. 36Iye wambile kuli ayo ngwenyi, Kuchi nunazange ngukanulingile? 37O ambile kuli iye ngwo, Tutayize kama, tukatwame, umwe ku chindume che, ni mukwo ku chimeso che mu uhenya we. 38Yesu wambile kuli ayo ngwenyi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? 39O ambile kuli iye ngwo, Mutuhasa. Yesu wambile kuli ayo ngwenyi, Yenu, chamwenemwene, kumunukanwa musenge uze mungunwa yami; kumakanupapachisa ni upapachiso uze mangupapachisa nawo: 40alioze kutwama ku chindume chami hanji ku chimeso chami, hi nichami ko kuhana; alioze chili hali waze hanaalulikilacho. 41Muze kumi achivwile, aputukile kwivwa kupiha hali Tiangu ni Yoano. 42Yesu waatambikile kuli iye, yamba kuli ayo ngwenyi, Nunanyingika ngwe waze maalemesa kuyula helu lia akwa mavungu kakupwa ni wene hali ayo. Anene jo kakupwa ni chiyulo hali ayo. 43Alioze hi chocho ko hakachi kenu: mweswawo mazanga kupwa munene hakachi kenu, akapwe kavumbi kenu; 44mweswawo mazanga kupwa mutangu, akapwe ndungo ya eswe. 45Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.
46Yaheta ku Yeriku: mba shimbu atuhukile mu Yeriku, hamwe ni tumbaji twenyi ni mbunga yinene, Mbatimeu, mwana Timeu, kapuputa, kanatwama ku sesa lia jila nikuunjila. 47Muze evwile ngwo, Yesu Ka-Nazare, waputukile kuteta, ngwenyi, Yesu, yena mwana David, nguvwile kama keke. 48Anji amukanjishile akahole kulungunga kwenyi, alioze watetele kuhiana chikolo ngwenyi, Yena, mwana David, nguvwile kama keke. 49Yesu wamanyine, wambile ngwenyi, Mutambikenu. No yatambika kapuputa, ngwo, Hamuka: katuka, kanakutambika. 50Iye nikumbila hina lienyi, wanyangumukine, wakundamine kuli Yesu. 51Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso. 52Yesu wambile kuli iye ngwenyi, Yako kwe; Ufulielo we hiwakupwisa mungunu. Haze hene walawile ku meso, wamukawile mu jila.
Iliyochaguliwa sasa
MARKU 10: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 10
10
1Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.
2A-Fwariseu ejile kuli iye, amuhulile, nikumweseka ngwo, Muchilita ni shimbi hali lunga kulakula mukwo-pwo, nyi? 3Iye wakumbulwile ngwenyi, shimbi yika anuhele Mose? 4O ambile ngwo, Mose watayijile kusoneka mukanda wa kulakula, akamutwale. 5Alioze Yesu wambile kuli ayo ngwenyi, Ha kukala cha mbunge jenu wanusonekenene liji lino lia shimbi. 6Alioze chize ku uputukilo wa kutanga cha Zambi, Zambi waatangile lunga ni pwo. 7Mumu ha mukunda uno mutu akahichike tato ni naye, akalinunge ni mukwo-pwo; 8ni e aali kumakapwa musunya umuwika: chocho hi aali nawa ko, alioze musunya umuwika. 9Chize kashika hananungu Zambi, atu kanda akachihandununa.
10Mu zuwo tumbaji twenyi amuhulile cheka nawa ha kutwala ku chikuma chino. 11Iye yamba kuli ayo ngwenyi, Mweswawo malakula mukwo-pwo akambate weka, mavulumuna pwo lienyi mutonga wa utanji: 12nyi kachi pwo malakula mukwo-lunga, akaye uto weka, malinga utanji.
13O anehene kuli iye ana akepe, hanga akaasayike moko: ni tumbaji aakanjishile. 14Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene. 15Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe. 16Iye waasele mu kondo, waawahishile, nikusayika moko jenyi hali ayo.
17Shimbu machituhuka mukuya mu jila, umwe wazombokele kuli iye, waliendelele kuli iye, nikumuhula ngwenyi, Longeshi mupema, kuchi mungulinga, hanga ngukahinge mwono wa mutolo? 18Alioze Yesu wambile kuli iye ngwenyi, Kuchi te unanguvuluka ngwe, Mupema? Mupema wakuhi niumwe shina umuwika, iye Zambi. 19Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko. 20Wambile kuli iye ngwenyi, Longeshi, yino yuma yeswe hingunayifungp chize ku ukweze wami. 21Yesu, ha kumutala wamuzangile, wambile kuli iye ngwenyi, Chuma chimuwika unahono: yako, ulanjise yeswayo uli nayo, uhane kuli yiswale, mba Kumukapwa ni upite mwilu: wize, Ungukalile. 22Alioze wavutukile ku meso ha liji lino, wakatukile ni chinyengo: mumu wapwile ni upite wunji.
23Mba Yesu wakengesele, wambile kuli tumbaji twenyi ngwenyi, Chikalu Chichize hali waze akwete upite kunjila mu wanangana wa Zambi. 24Tumbaji akomokene ha maliji jenyi. Alioze Yesu yakumbulula cheka nawa ngwenyi, Ana jami, chikalu Chichize hali waze akukolela ha upite, kunjila mu wanangana wa Zambi! 25Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi. 26O alishimwokene kuhiana, nikuliamba hakachi ko ngwo, Iya kevwe mahasa kulilamwina? 27Yesu nikwatala yamba ngwenyi, Kuli atu kenu machisa, alioze hi kuli Zambi ko: mumu yuma yeswe yinahase kupwa kuli Zambi. 28Petulu waputukile kwamba kuli iye ngwenyi, Tala, yetu hitunahichika yeswe, hitunakukaula. 29Yesu wambile ngwenyi, Pundu ngunambe kuli yenu ngwami, Mweswe mahichika zuwo, hanji ayayo, hanji ana-akwo, hanji mapangi, hanji tato, hanji naye, hanji ana, hanji minda, mumu hali yami, ni ha sango lipema; 30kumakatambula kulakaji lia yisuho haliapwila ha mwaka uno, mazuwo, hanji ayayo, ni ana-akwo, ni mapangi, ni anaye, ni ana, ni minda, hamwe ni yihungumiona; ni ha mwaka uze muwizaho mwono wa mutolo. 31Atangu anji kumakapwa akwa kusula; ni akwa kusula kumakapwa atangu.
32Apwile mu jila ya kukanduka ku Yerusaleme; ni Yesu waatetekelele: o akomokene; ni waze akawile, evwile woma. Iye watwalile cheka nawa kumi ni aali hamwe nenyi, waputukile kwaambulwila yuma yize muyimuwana. 33Ngwenyi, tunakanduka ku Yerusaleme; kumakakunjika mwe Mwana Mutu kuli asasendote akwa lutwe ni akwa kusonyeka; o kumakamuhisa akafwe, kumakamukunjika kuli akwa mavungu: 34o kumakamukekuna, makamulamba ni shikote, makamufwila mate, makamushiha; mba kulutwe lia matangwa atatu, kumakahinduka.
35Ana ja Zembendeu, Tiangu ni Yoano, yakundama kuli iye, ngwo, Longeshi, tunazange, cheswacho mutukwitacho ukatulingile. 36Iye wambile kuli ayo ngwenyi, Kuchi nunazange ngukanulingile? 37O ambile kuli iye ngwo, Tutayize kama, tukatwame, umwe ku chindume che, ni mukwo ku chimeso che mu uhenya we. 38Yesu wambile kuli ayo ngwenyi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? 39O ambile kuli iye ngwo, Mutuhasa. Yesu wambile kuli ayo ngwenyi, Yenu, chamwenemwene, kumunukanwa musenge uze mungunwa yami; kumakanupapachisa ni upapachiso uze mangupapachisa nawo: 40alioze kutwama ku chindume chami hanji ku chimeso chami, hi nichami ko kuhana; alioze chili hali waze hanaalulikilacho. 41Muze kumi achivwile, aputukile kwivwa kupiha hali Tiangu ni Yoano. 42Yesu waatambikile kuli iye, yamba kuli ayo ngwenyi, Nunanyingika ngwe waze maalemesa kuyula helu lia akwa mavungu kakupwa ni wene hali ayo. Anene jo kakupwa ni chiyulo hali ayo. 43Alioze hi chocho ko hakachi kenu: mweswawo mazanga kupwa munene hakachi kenu, akapwe kavumbi kenu; 44mweswawo mazanga kupwa mutangu, akapwe ndungo ya eswe. 45Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.
46Yaheta ku Yeriku: mba shimbu atuhukile mu Yeriku, hamwe ni tumbaji twenyi ni mbunga yinene, Mbatimeu, mwana Timeu, kapuputa, kanatwama ku sesa lia jila nikuunjila. 47Muze evwile ngwo, Yesu Ka-Nazare, waputukile kuteta, ngwenyi, Yesu, yena mwana David, nguvwile kama keke. 48Anji amukanjishile akahole kulungunga kwenyi, alioze watetele kuhiana chikolo ngwenyi, Yena, mwana David, nguvwile kama keke. 49Yesu wamanyine, wambile ngwenyi, Mutambikenu. No yatambika kapuputa, ngwo, Hamuka: katuka, kanakutambika. 50Iye nikumbila hina lienyi, wanyangumukine, wakundamine kuli Yesu. 51Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso. 52Yesu wambile kuli iye ngwenyi, Yako kwe; Ufulielo we hiwakupwisa mungunu. Haze hene walawile ku meso, wamukawile mu jila.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.