MARKU 12
12
1Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo. 2Ha mwaka wa kuhela, watumine ndungo kuli njimi, hanga akatambule kuli njimi mihuko yimwe ya munda. 3O yamukwata, yamulamba, yamukatwisa mokomoko. 4Cheka nawa watumine kuli ayo ndungo mukwo, no amutwile mbandu ha mutwe, nikumusaula. 5Iye watumine mukwo; o amushihile: ni anji akwo; nikulamba amwe, nikushiha akwo. 6Mba achili ni mukwo umuwika, mwanenyi yoze amuzangile; wamutumine ha kusula kuli ayo ngwenyi, Makalemesa mwanami. 7Alioze waze njimi aliambile hakachi ko ngwo, Yono mwe swana; tatuyenu, tumushihe, ni chihinga muchikapwa nichetu. 8Mba amukwachile, amushihile, amumbilile haze lia munda. 9Kashika mwenya munda kuchi malinga? Kumakeza akonwone njimi, makahana munda kuli akwo. 10Kunwatangile chipwe chisoneko chino ngwo,
Liwe lize alitunyine tangi,
Kuliapwa liwe lia helu lia mbango;
11Chino chuma cha kuli Mwene,
chikomokeso kumeso jetu.
12O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.
13O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi. 14O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka? 15Shina mutuhana, nyi? Shina kutuchi kuhana? Alioze iye se kananyingika ulembekese wo, wambile kuli ayo ngwenyi, Kuchi te nunangweseka? Ngunehene lumbongo, ngumutale. 16O amuneheneneye. Mba yamba kuli ayo ngwenyi, Chizulie chino ni chisoneko chino chaya? O yamba kuli iye ngwo, Cha Sesare. 17Yesu wambile kuli ayo ngwenyi, Hanenu kuli Sesare yuma ya Sesare, ni kuli Zambi yuma ya Zambi. O amukomokene chikolo.
18Ni A-Satuseu yeza kuli iye, waze akwamba ngwo, Uhindukilo wakuhi niumwe; o amuhulile ngwo, 19Longeshi, Mose wasonekene kuli yetu ngwenyi, Kachi yayo ya umwe mafwa nikuhichika mukwo-pwo, nyi keshi kuhichika mwana, mwanakwo akambate mukwo-pwo, akasangule ana kuli yayo. 20Achi, kwapwile asongo-ni-atu shimbiali: mutangu wambachile pwo, iye ha kufwa kahichikile mwana. 21Ni wamuchiali wamumbachile, neye wafwile, kahichikile mwana; ni wamuchitatu chizechene: 22ni shimbiali eswe amumbachile, kahichikile mwana. Ha kusula pwo nawa wafwile. 23Kashika ha uhindukilo, pwo liaya makapwa hakachi ko? Mumu e shimbiali apwile nenyi ngwe mukwo-pwo.
24Yesu wambile kuli ayo ngwenyi, Kunwapiangukile ha chikuma chino, nyi? Te kunwanyingikine yisoneko, chipwe tachi ja Zambi. 25Mumu muze mahinduka hakachi ka afu, keshi kumbata, chipwe keshi kuhangisa malo, alioze kanapu ngwe angelo mwilu. 26Alioze ha kutwala kuli afu ha uhindukilo wo, kunwatangile mu mukanda wa Mose, nyi? Mu chihanda cha kutwala ku chiputa, ngwe chize Zambi ahanjikile kuli iye ngwenyi, Yami nguli Zambi ya Apalahama, ni Zambi ya Izake, ni Zambi ya Yakomba? 27Iye hi Zambi ya afu ko, alioze ya a mwono; yenu kashika nunapianguka chikolo.
28Mba umwe wa kuli akwa kusonyeka wejile; waavwile shimbu alihulile, iye ha kunyingika ngwe waakumbulwile kanawa, wamuhulile ngwenyi, Liji litangu lia shimbi lika? 29Yesu wamukumbulwile ngwenyi, Lie liji litangu ngwo, Ivwenu, yenu A-Izalele; Mwene Zambi yetu iye umuwika: 30ukazange Mwene Zambi ye ni mbunge ye yeswe, ni mwono we weswe, ni kunyonga che cheswe, ni ngolo je jeswe. Lino lie liji litangu lia shimbi. 31Ni liamuchiali kuliakulifwa nalio ngwo, Ukazange mwenyembo we ngwe yena mwene. Liji likwo lia shimbi liahiana wano liakuhi, nilimwe. 32Mukwa kusonyeka wambile kuli iye ngwenyi, Chamwenemwene, Longeshi, hiwamba kanawa ngwe iye umuwika, ni mukwo wakuhi, niumwe shina iye. 33Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe. 34Muze Yesu amwene ngwe wakumbulwile ni mana, wambile kuli iye ngwenyi, Yena kushi kusuku ni wanangana wa Zambi. Ni kulutwe lia chize niumwe wahunukine kumuhula nawa nichimwe.
35Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David? 36Mumu David mwene wambile muli Spiritu Musandu ngwenyi,
Mwene wambile kuli Mwene wami ngwenyi,
Twama ku kwoko liami lia chindume
ndo mungusa akwa kole je chitwamo cha yiliato ye.
37David mwene kanamuvuluka ngwenyi, Mwene; ngwe kuchi mapwa mwanenyi? Mbunga ya atu amuvwile ni chiseke.
38Iye wambile kuli ayo mu longeso lienyi ngwenyi, Kanyamenu hali akwa kusonyeka waze akuzanga kwenda ni mahina a mukambo, akaameneke mu yitanda, 39kakuzanga yitwamo ya lutwe mu masunangonga, ni mihela ya lutwe ku yiteleka. 40Wano kakuumbula mazuwo ja twamishi a mapwo, ni ha ulembekese kakulemba shimbu linene: wano kumakatambula upatwilo Wahiana.
41Yesu Watwamine hatalanganyi ni chikasa cha milambu, wamwene ngwe chize mbunga ambilile mbongo mu chikasa cha milambu, ni pichi anji ambililemo. 42Ni twamishi wa pwo chiswale wejile, wambililemo tumbongo tukepe twaali twenatwo hamuwika twapwa sentavo. 43Watambikile kuli iye tumbaji twenyi, wambile kuli ayo ngwenyi, Pundu ngunambe kuli yenu ngwami, Yono twamishi chiswale kambilamo kuhiana waze eswe anambila mu chikasa cha milambu. 44Mumu o eswe kambilamo cha ku kulumbama cho; alioze iye cha ku kuhona chenyi kambilamo cheswe ali nacho, te yikumba yenyi yeswe.
Iliyochaguliwa sasa
MARKU 12: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 12
12
1Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo. 2Ha mwaka wa kuhela, watumine ndungo kuli njimi, hanga akatambule kuli njimi mihuko yimwe ya munda. 3O yamukwata, yamulamba, yamukatwisa mokomoko. 4Cheka nawa watumine kuli ayo ndungo mukwo, no amutwile mbandu ha mutwe, nikumusaula. 5Iye watumine mukwo; o amushihile: ni anji akwo; nikulamba amwe, nikushiha akwo. 6Mba achili ni mukwo umuwika, mwanenyi yoze amuzangile; wamutumine ha kusula kuli ayo ngwenyi, Makalemesa mwanami. 7Alioze waze njimi aliambile hakachi ko ngwo, Yono mwe swana; tatuyenu, tumushihe, ni chihinga muchikapwa nichetu. 8Mba amukwachile, amushihile, amumbilile haze lia munda. 9Kashika mwenya munda kuchi malinga? Kumakeza akonwone njimi, makahana munda kuli akwo. 10Kunwatangile chipwe chisoneko chino ngwo,
Liwe lize alitunyine tangi,
Kuliapwa liwe lia helu lia mbango;
11Chino chuma cha kuli Mwene,
chikomokeso kumeso jetu.
12O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.
13O atumine kuli iye amwe a kuli A-Fwariseu ni a kuli A-Heronde, hanga akamutete ha kuhanjika chenyi. 14O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka? 15Shina mutuhana, nyi? Shina kutuchi kuhana? Alioze iye se kananyingika ulembekese wo, wambile kuli ayo ngwenyi, Kuchi te nunangweseka? Ngunehene lumbongo, ngumutale. 16O amuneheneneye. Mba yamba kuli ayo ngwenyi, Chizulie chino ni chisoneko chino chaya? O yamba kuli iye ngwo, Cha Sesare. 17Yesu wambile kuli ayo ngwenyi, Hanenu kuli Sesare yuma ya Sesare, ni kuli Zambi yuma ya Zambi. O amukomokene chikolo.
18Ni A-Satuseu yeza kuli iye, waze akwamba ngwo, Uhindukilo wakuhi niumwe; o amuhulile ngwo, 19Longeshi, Mose wasonekene kuli yetu ngwenyi, Kachi yayo ya umwe mafwa nikuhichika mukwo-pwo, nyi keshi kuhichika mwana, mwanakwo akambate mukwo-pwo, akasangule ana kuli yayo. 20Achi, kwapwile asongo-ni-atu shimbiali: mutangu wambachile pwo, iye ha kufwa kahichikile mwana. 21Ni wamuchiali wamumbachile, neye wafwile, kahichikile mwana; ni wamuchitatu chizechene: 22ni shimbiali eswe amumbachile, kahichikile mwana. Ha kusula pwo nawa wafwile. 23Kashika ha uhindukilo, pwo liaya makapwa hakachi ko? Mumu e shimbiali apwile nenyi ngwe mukwo-pwo.
24Yesu wambile kuli ayo ngwenyi, Kunwapiangukile ha chikuma chino, nyi? Te kunwanyingikine yisoneko, chipwe tachi ja Zambi. 25Mumu muze mahinduka hakachi ka afu, keshi kumbata, chipwe keshi kuhangisa malo, alioze kanapu ngwe angelo mwilu. 26Alioze ha kutwala kuli afu ha uhindukilo wo, kunwatangile mu mukanda wa Mose, nyi? Mu chihanda cha kutwala ku chiputa, ngwe chize Zambi ahanjikile kuli iye ngwenyi, Yami nguli Zambi ya Apalahama, ni Zambi ya Izake, ni Zambi ya Yakomba? 27Iye hi Zambi ya afu ko, alioze ya a mwono; yenu kashika nunapianguka chikolo.
28Mba umwe wa kuli akwa kusonyeka wejile; waavwile shimbu alihulile, iye ha kunyingika ngwe waakumbulwile kanawa, wamuhulile ngwenyi, Liji litangu lia shimbi lika? 29Yesu wamukumbulwile ngwenyi, Lie liji litangu ngwo, Ivwenu, yenu A-Izalele; Mwene Zambi yetu iye umuwika: 30ukazange Mwene Zambi ye ni mbunge ye yeswe, ni mwono we weswe, ni kunyonga che cheswe, ni ngolo je jeswe. Lino lie liji litangu lia shimbi. 31Ni liamuchiali kuliakulifwa nalio ngwo, Ukazange mwenyembo we ngwe yena mwene. Liji likwo lia shimbi liahiana wano liakuhi, nilimwe. 32Mukwa kusonyeka wambile kuli iye ngwenyi, Chamwenemwene, Longeshi, hiwamba kanawa ngwe iye umuwika, ni mukwo wakuhi, niumwe shina iye. 33Mba kumuzanga ni mbunge yeswe, ni malinjekela eswe ni mwono weswe, ni ngolo jeswe, ni kuzanga mwenyembo wenyi ngwe iye mwene kuchahiana milambu yeswe ya kulumba ni yitapo yeswe. 34Muze Yesu amwene ngwe wakumbulwile ni mana, wambile kuli iye ngwenyi, Yena kushi kusuku ni wanangana wa Zambi. Ni kulutwe lia chize niumwe wahunukine kumuhula nawa nichimwe.
35Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David? 36Mumu David mwene wambile muli Spiritu Musandu ngwenyi,
Mwene wambile kuli Mwene wami ngwenyi,
Twama ku kwoko liami lia chindume
ndo mungusa akwa kole je chitwamo cha yiliato ye.
37David mwene kanamuvuluka ngwenyi, Mwene; ngwe kuchi mapwa mwanenyi? Mbunga ya atu amuvwile ni chiseke.
38Iye wambile kuli ayo mu longeso lienyi ngwenyi, Kanyamenu hali akwa kusonyeka waze akuzanga kwenda ni mahina a mukambo, akaameneke mu yitanda, 39kakuzanga yitwamo ya lutwe mu masunangonga, ni mihela ya lutwe ku yiteleka. 40Wano kakuumbula mazuwo ja twamishi a mapwo, ni ha ulembekese kakulemba shimbu linene: wano kumakatambula upatwilo Wahiana.
41Yesu Watwamine hatalanganyi ni chikasa cha milambu, wamwene ngwe chize mbunga ambilile mbongo mu chikasa cha milambu, ni pichi anji ambililemo. 42Ni twamishi wa pwo chiswale wejile, wambililemo tumbongo tukepe twaali twenatwo hamuwika twapwa sentavo. 43Watambikile kuli iye tumbaji twenyi, wambile kuli ayo ngwenyi, Pundu ngunambe kuli yenu ngwami, Yono twamishi chiswale kambilamo kuhiana waze eswe anambila mu chikasa cha milambu. 44Mumu o eswe kambilamo cha ku kulumbama cho; alioze iye cha ku kuhona chenyi kambilamo cheswe ali nacho, te yikumba yenyi yeswe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.